Tag: सुनिलबहादुर थापा

काठमाडौं । धनकुटाका सबै घरमा फुसको छानो हटाउन पूर्वमन्त्री तथा सांसदहरूले अभियान थालेका छन् ।

पूर्व वाणिज्य तथा आपूर्ति मन्त्री तथा कांग्रेस नेता सुनिलबहादुर थापाको नेतृत्वमा एक प्रतिनिधिमण्डलले विहीबार शहरी विकास मन्त्री रामकुमारी झाँक्रीलाई भेटेर धनकुटामा सुरक्षित नागरिक आवासको कार्य अघि बढाइदिन आग्रह गरेका छन् ।

सरकारमा रहेका पाँच दलीय गठबन्धनका तर्फबाट धनकुटाका नेताहरू पूर्वमन्त्री रकम चेम्जोङ, संविधानसभा सदस्य मनोहर नारायण श्रेष्ठ, सांसद कुसुम श्रेष्ठ, मदन घिमिरे, ऐन कुँवरलगायतले मन्त्री झाँक्रीलाई ज्ञापनपत्र बुझाएका थिए ।

मन्त्री झाँक्रीले अभियानमा सक्दो सहयोग गर्ने बताइन् । उनले भनिन्, ‘अलिकति प्रयास गर्‍यो भने यो अभियान सफल हुन्छ । कम्तीमा फुसको छाना विस्थापित मन्त्रालयको लक्ष्य धनकुटामा होस् भन्नेमा म पनि छु । कति सकिन्छ म यो अभियानमा सहयोग गर्ने छु ।’

मन्त्री झाँक्रीले धनकुटाका पूर्वमन्त्री, सांसद र नेताहरूको प्रतिनिधिमण्डललाई धन्यवाद दिँदै अभियान सफलताको कामना गरिन् ।

धनकुटाका सातवटै पालिकामा फुसको छानो हटाउने अभियानमा आफूहरू लागेको पूर्वमन्त्री थापाले नेपाल प्रेसलाई बताए । उनले भने, ‘विपन्न, दलित र पिछडिएकाहरूको घर फुसको र त्यो पनि अति असुरक्षित छ । सबै पालिकामा ६३ सय घर परिवारलाई लाभान्वित हुने गरी जस्तापाता व्यवस्था गरिदिन मन्त्री ज्यू सँग हामीले आग्रह गरेका छौं ।’

फुसको छाना हटाइ जस्तापाताको व्यवस्था भए नागरिकको ज्यानको सुरक्षा मात्र नभइ जीवनस्तरमा सहज हुने थापाले बताए ।

तस्बिर/भिडियो: उमेश कार्की

काठमाडौं । नेपाली कांग्रेसका सह-महामन्त्री तथा पूर्वमन्त्री सुनिलबहादुर थापाले अबको चुनावमा आफ्नो प्रतिद्वन्द्वी एमाले भएको दावी गरेका छन् ।

धनकुटाको पाख्रिवास नगरपालिका-८ मुगाको वडा अधिवेशनलाई सम्बोधन गर्दै नेता थापाले कांग्रेस अधिवेशनलाई सहमति, सहकार्य र एकताको अधिवेशन भएको बताए । उनले भने, ‘आज तपाईंहरू एक-अर्कामा लडेर केही फाइदा छैन । के म तपाईंहरूको प्रतिद्वन्द्वी हो र ? यहाँ रामको प्रतिद्वन्द्वी श्याम हो र ? अबको चुनावमा हाम्रो प्रतिद्वन्द्वी भनेको त एमाले हो । एमालेसँग लड्नुपर्छ । तपाईं-हामी लडेर केही फाइदा छैन ।’

थापाले अधिवेशनलाई तहसनहस र असफल बनाउन तँ पनि-उठ तँ पनि उठ भनेर कहिँ कतै उचाल्ने गरेको पाइएपनि धनकुटामा त्यस्तो नहुने बताए ।

‘एक-अर्कामा झगडा नगर्नुस् । एक व्यक्ति एक पदमा जानुस् । तपाईंहरू आँफै निर्णय गर्नुस् । वडामा बस्ने साथी वडा, गाउँमै बस्नुस् । जिल्ला/नगरमा जाने साथीहरू त्यसैअनुसार तयार रहनुस्’, थापाले भने, ‘म यहाँ आएर यसलाई बना त्यासलाई बना भनेर भन्दिन । तपाईंहरू सबै मेरो लागि प्रिय मित्र हुनुहुन्छ ।’

आज बनेको समितिले आउने निर्वाचनमा जाने बाटो तयार गर्ने र यसले एमालेसँग चुनावमा लड्न बल पुग्ने थापाको जिकिर थियो ।

थापाले भने, ‘हामीले स्थानिय निकायमा हार्दा के दशा देखियो । आज एकापरिवारका एमाले पनि १० फिटको दूरिमा फाटेर हिँडेका छन् । तर, हामी सत्तामा आउँदा एमाले, कांग्रेस वा माओवादी भन्दैनौं । समान दृष्टिकोणले सबैको विचार हेर्न चाहन्छौं । यही हो प्रजातन्त्र भनेको ।’

काठमाडौं । नेपाली कांग्रेसका सह-महामन्त्री सुनिलबहादुर थापाले धनकुटामा आफूले स्वास्थ्य सामग्री वितरण गर्ने क्रममा सांसद राजेन्द्र राईसहितको टोलीले अवरोध गरेको आरोप लगाएका छन् ।

आफ्नो व्यक्तिगत खर्चमा लगेका ती सामग्रीहरु राईको टोलीले कब्जा गर्न खोजेको उनको भनाइ छ ।

थापाले कोभिड-१९ सँग सम्वन्धित स्वास्थ्य सामग्री सुर्यबहादुर थापा प्रतिष्ठानमार्फत वितरण गर्न धनकुटा पुर्याएका थिए । तर, ती स्वास्थ्य सामाग्री सरकारबाट ल्याएर सुर्यबहादुर थापा प्रतिष्ठानका नाममा वितरण गर्न खोजिएको भन्दै धनकुटाकै सांसद राईले अवरोध गरेको उनले नेपाल प्रेसलाई बताए ।

धनकुटाको प्यासिफिक होटलमा राखिएका स्वास्थ्य सामग्री वितरण गर्ने तयारी हुँदै गर्दा राई लगायतका कार्यकर्ता त्यहाँ गुगेका थिए । उनीहरुले स्वास्थ्य सामग्री कब्जा गर्न खोजेको थापाले बताए ।

उनले भने- ‘यो नितान्त मेरो ब्यक्तिगत खर्चमा लगेको हुँ । मन्त्रालयसँग मैले छलफल गरेको छु । सरकारले दिने स्वास्थ्य सामग्री केही दिनपछि धनकुटा जान्छ ।’

काठमाडौं । राप्रपा महामन्त्री छाडेर नेपाली कांग्रेसमा प्रवेश गरेका पूर्वमन्त्री सुनिलबहादुर थापाको समूहले कांग्रेसको १४ औं महाधिवेशनका लागि ५५ जना महासमिति सदस्य पाएको छ ।

कांग्रेस केन्द्रीय कार्यालयले सहमहामन्त्री सुनिलबहादुर थापासहित राप्रपाबाट कांग्रेसमा प्रवेश गरेका केन्द्र र जिल्ला तहका नेताहरुलाई महासमिति सदस्यमा समायोजना गरेको हो ।

महासमिति सदस्यमा समायोजना हुनेमा रामकृष्ण भट्टराई,विष्णुबिक्रम थापा, बाबुराम बस्नेत, किरण गिरीसहितका विभिन्न तहका नेता छन् । अधिकांश मोरङका छन् भने अन्यमा धनकुटा, सिन्धुपाल्चोक, भोजपुर, बारा, काठमाडौं, ललितपुर, झापा, कपिलवस्तु, रामेछापलगायतका जिल्लाका नेता छन् ।