Tag: वेल्स

काठमाडौं । अन्तिम-१६ अन्तर्गत शनिबार भएको नक आउटको पहिलो खेलमा वेल्सलाई ४-० गोलको फराकिलो नतिजामा पराजित गर्दै डेनमार्क युरो २०२० को क्वार्टरफाइनलमा पुगेको छ ।

नेदरल्यान्ड्सको आम्सटरम्याममा भएको खेलमा गत संस्करणको सेमिफाइनलिस्ट वेल्समाथि हाबी बनेको डेनिस टोलीका लागि कास्पर डोलबर्गले दुई तथा जोकिम मेहेले र मार्टिन ब्रेथवेटले एक/एक गोल गरे ।

वेल्समाथि हाबी बनेको डेनमार्कले प्रतियोगितामा पहिलो पटक सुरुआती ११ मा स्थान बनाएका डोलबर्गले २७औं मिनेटमा गरेको गोलसँगै पहिलो हाफमा १-० को अग्रता लिएको थियो ।

दोस्रो हाफमा थप आक्रामक बनेको डेनमार्कका लागि ४८औं मिनेटमा डोलबर्गले व्यक्तिगत दोस्रो गोल गरेका थिए । आक्रामक शैलीमा प्रस्तुत भएको डेनमार्कका लागि ८८औं मिनेटमा मेहेले गोल गरे ।

निर्धारित ९० मिनेटसम्म हाबी बनेको डेनमार्कले इन्जुरी समयमा ब्रेथवेटले गरेको गोलसँगै ४-० को जित सुनिश्चित गर्‍यो ।

शानदार जितसँगै डेनमार्क २००४ युरोपछि पहिलो पटक क्वार्टरफाइनलमा पुगेको हो । पोर्चुगलमा भएको युरो २००४ पछि २००८ मा छनोट हुन नसकेको डेनमार्क २०१२ को समूह चरणबाटै बाहिरिएको थियो ।

सन् १९९२ मा एक पटक युरो च्याम्पियन बनेको डेनमार्क समूह बीको तेस्रो स्थानमा रहँदै नकआउटमा आइपुगेको हो । सेमिफाइनल प्रवेशका लागि डेनमार्कले अब नेदरल्यान्ड्स र चेक रिपब्लिकको विजेतासँग खेल्ने छ ।

काठमाडौं । वेल्सका डिफेन्डर कोनर रोबर्ट्सले ‘९९प्रतिशत विश्व’ले युरो २०२० को नकआउट चरणको पहिलो खेलमा डेनमार्कलाई समर्थन गर्ने बताएका छन् । क्रिस्टियन एरिकसन कार्डिक एरेस्टको शिकार भएर मैदानमा ढलेपछि उनैप्रति समर्पित डेनिस टोलीले जितका लागि कुनै कसर बाँकी नराख्ने निश्चित छ ।

रुसविरुद्धको खेलमा ४-१ को धमाकेदार जित निकाल्दै डेनमार्क अन्तिम १६ मा पुग्दा सबै खेलाडीले त्यो जित एरिकसनका लागि डेडिकेट गरेका थिए । तर, अर्कातिर वेल्स प्रतियोगितामा ‘मार्जिनल अन्डरडग्स’ टोली हो र डिफेन्डर रोबर्ट्स सबै न्युट्रल समर्थकले डेनमार्कलाई साथ दिन बताए ।

‘यो एकदमै कठिन हुनेछ, आशा गरौं हामी जित्न सक्छौं,’ रोबर्ट्सले भने, ‘मलाई लाग्छ, ९९ प्रतिशत विश्वले हामीविरुद्ध डेनमार्कलाई समर्थन गर्नेछ ।’

‘यो खेल एकदमै कठिन हुनेछ । तर, हाम्रो टोली राम्रो छ, हामीसँग राम्रा खेलाडी छन्, हामीले केही हदसम्म मोमेन्टम पनि पाएका छौं,’ उनले भने, ‘उनीहरू पनि एकदमै राम्रो टिम हुन् । उनीहरूले धेरै समर्थन पाउनेछन् । तर, जब हामी त्यो सेतो धर्का पार गर्नेछौं, हामील‍े आफ्नो सबैथोक त्यो खेलमा लगाउनेछौं ।’

एरिकसन मैदानमा ढलेपछि केही बेर रोकिएको पहिलो खेलमा फिनल्यान्डसँग पराजित भएको डेनमार्कले अन्तिम खेलमा रुसविरुद्ध इमोसनल जित हासिल गर्दै अन्तिम १६ मा स्थान बनाएको हो । त्यस्तै वेल्सले भने समूह एको उपविजेताको रूपमा प्रि-क्वार्टरफाइनलमा स्थान सुरक्षित गरेको हो ।

‘हामीले समूह चरणबाटै बाहिरिने सोचेका थिएनौं र त्यो भरोसालाई कायम राख्न सफल भएका छौं,’ रोबर्ट्सले भने, ‘हामी सधैं कम आँकिएका छौं । हाम्रो टोलीमा हेर्नुस्, हामीसँग फिल्डमा राम्रा खेलाडी छन् ।’

समूह एमा इटालीबाहेक सबैको सम्भावना ५०-५० रहेको र तीन राम्रा टोलीमध्ये उत्कृष्ट नतिजा निकाले पनि आफूहरूलाई ‘अन्डरस्टिमेटे’ गरिएको रोबर्ट्स बताउँछन् ।

‘तर, हामीले यो प्रतियोगितामा राम्रो खेलिरहेका छौं,’ उनले भने ।

वेल्सले क्वार्टफाइनल प्रवेशका लागि डेनमार्कसँग कोपनहेगनमा भोलि शनिबार राति ९:४५ बजे खेल्ने छ ।

यी दुई टोलीका पछिल्ला १० खेलमा बराबरी भएको छैन । तीमध्ये डेनमार्कले ६ तथा वेल्सले ४ खेल जितेको छ । सन् २०१८ को नोभेम्बरमा नेसन्स लिगमा डेनमार्कले २-१ गोलको नतिजामा वेल्सलाई पराजित गरेको थियो । त्यो नै यी दुई टोलीको अन्तिम भेट हो ।

यद्यपि, डेनमार्कले वेल्सविरुद्ध १९९९ यताका सबै (३) प्रतिस्पर्धात्मक खेलमा जित निकालेको छ ।

काठमाडौं । लगातार ३० खेलमा अपराजित इटालीसँग युरो २०२० को समूह एको अन्तिम खेलमा १-० ले पराजित भए पनि वेल्स समूह उपविजेता बन्दै नकआउट चरणमा पुगेको छ ।

आइतबार रोममा भएको खेलको ३९औं मिनेटमा माटेओ पेस्सिनाले गोल गर्दै इटालीलाई अग्रता दिलाएका थिए । पहिलो हाफमा १-० ले पछि परेको वेल्स ५६औं मिनेटमा १० जना खेलाडीमा सीमित भएको थियो ।

इटालीका फेडेरिको बर्नार्देस्चीमाथि खराब फाउल गरेका वेल्स डिफेन्डर रातो कार्डको सामना गर्दै मैदानबाट बाहिरिएपछि भ्रमणकारी टोली १० जनामा सीमित भएको थियो ।

बाँकी समयमा १० जना खेलेर पनि गोल खानबाट बचेको वेल्सले बराबरी गोल फर्काउन सकेन । जितसँगै ३० खेलमा अपराजित रहेको इटाली समूह विजेता बन्दै अन्तिम १६ मा पुगेको छ ।

यस्तै एक जित, एक हार र एक बराबरी खेलेको वेल्स ४ अंकसहित उपविजेता बन्दै नकआउटमा पुगेको छ । ४ अंकसहित चौथो स्थानमा रहेको स्वीटजरल्यान्डको पनि नकआउटमा पुग्ने सम्भावना बाँकी छ ।

काठमाडौं । आरोन रामसे र कोनर रोबर्ट्सको एक/एक गोलप्रेरित वेल्सले युरो २०२० को समूह ‘ए’ अन्तर्गत बुधबार भएको खेलमा टर्कीलाई २-० को नतिजामा पराजित गरेको छ ।

अजरबैजानको बाकुमा भएको प्रतिस्पर्धात्मक खेलको पहिलो हाफ सकिन दुई मिनेट बाँकी रहँदा रामसेले गरेको गोलमार्फत् वेल्सले अग्रता लिएको थियो ।

सुरुआतदेखि नै प्रतिस्पर्धात्मक बनेको खेलको छैठौं मिनेटमा रामसेले गरेको प्रहारमा टर्कीका गोलकिपर युगुरकान साकिरले असफल बनाएका थिए ।

यस्तै १७औं मिनेटमा वेल्सका कप्तान ग्यारेथ बेलले हेडरमार्फत गरेको प्रहार फ्रेममा परेको थिएन । टर्कीका फरवार्ड बुरक यिलिमाजले ३७औं मिनेटमा गरेको प्रहार क्रसबार माथिबाट बाहिरिएको थियो ।

प्रतिस्पर्धात्मक खेलको इन्जुरी समयमा रोबर्ट्सले ६ यार्ड बक्स भित्रबाट गोल गर्दै टर्कीको जित सुनिश्चित गरे । खेलको ६१ औं मिनेटमा पेनाल्टीमार्फत गोल गर्ने अवसर गुमाएका कप्तान बेलले नै दुवै गोलका लागि मौका सिर्जना गरेका थिए ।

काठमाडौं। आरोन रामसेको एक गोलप्रेरित वेल्सले युरो २०२० को समूह ‘ए’ अन्तर्गत आफ्नो दोस्रो खेलको पहिलो हाफमा टर्कीविरुद्ध १-० को अग्रता लिएको छ । अजरबैजानको बाकुमा जारी खेलको ४३‍औं मिनेटमा रामसेले गोल गर्दै वेल्सलाई अग्रता दिलाएका हुन् ।

उनले कप्तान ग्यारेथ बेलको पासमा सुन्दर गोल गरेका थिए ।

पहिलो खेलमा स्वीटजरल्यान्डसँग १-१ गोलको बराबरीमा रोकिएको वेल्स पहिलो जितको खोजीमा छ । त्यस्तै पहिलो खेलमा इटालीसँग ३-० ले पराजित भएको टर्की पनि पहिलो जितको खोजीमा छ ।

काठमाडौं । युरो २०२० को समूह ‘ए’अन्तर्गत बुधबार राति ठूला प्रतियोगितामा पहिलो पटक वेल्स र टर्की आमनेसामने हुँदैछन् । अजरबैजानको बाकुमा नेपाली समयअनुसार राति ९:४५ बजे सुरु हुने खेलमा २०१६ को सेमिफाइनलिस्ट वेल्स पहिलो जितको खोजीमा हुनेछ ।

शुक्रबार राति रोममा भएको युरो २०२० को पहिलो खेलमा इटालीसँग ३-० को पराजय बेहोरेको टर्की पनि समूह चरण पारगर्न आजको खेल जित्नै पर्ने दबाबमा छ । त्यस्तै, पहिलो खेलमा स्वीटजरल्यान्डसँग १-१ गोलको बराबरीमा रोकिएको वेल्स पनि समूह चरणको अन्तिम खेलमा इटालीको सामना गर्नुपर्ने भएकाले आजको खेलमा तीन अंक बटुल्न चाहन्छ ।

अन्तिम पटक यी दुई टोलीको १९९७ मा विश्वकप छनोटका दौरान इस्तानबुलमा भेट भएको थियो । उक्त खेलमा घरेलु टोली टर्कीले वेल्समाथि ६-४ को रोमाञ्चक जित हासिल गरेको थियो । वेल्सले ४० वर्षयता टर्कीलाई हराउन सकेको छैन ।

१९८१ मा मा भएकव विश्वकप छनोटमा वेल्सले अन्तिम पटक टर्कीलाई १-० ले पराजित गरेको थियो ।

काठमाडौं । निर्धारित ९० मिनेटको खेलसकिन १६ मिनेट बाँकी रहँदा किफर मुरेले गरेको गोलसँगै युइएफ युरो २०२० अन्तर्गत स्वीटजरल्यान्डविरुद्धको खेलमा वेल्स हारबाट जोगिएको छ ।

अजरबैजानको बाकुमा भएको समूह ‘ए’को दोस्रो खेलको पहिलो हाफ गोलरहित बराबरीमा सकिएको थियो । थप आक्रमक शैलीमा दोस्रो हाफमा उत्रिएको स्वीटजरल्यान्डले सुरुआतमै अग्रता लिन सफल भएको थियो ।

खेलको ४९औं मिनेटमा शेर्डन शकिरीले कर्नरमार्फत गरेको क्रसमा ब्रिल इम्बोलोले हेडरमार्फत् गोल गर्दै स्वीटजरल्यान्डलाई अग्रता दिलाएका थिए ।

बल पोसेसन र आक्रमणमा सुरुआतदेखि नै वेल्समाथि दबाब बनाएको स्वीटजरल्यान्डले सोही अग्रता बचाउन नसक्दा बराबरीमा चित्त बुझाउनु पर्‍यो ।

स्वीटजरल्यान्डसामु संघर्षरत वेल्सका लागि मुरेले जो मोरेलको  क्रसमा हेडरमार्फत सुन्दर गोल गर्दै टोलीलाई बराबरीमा ल्याएका थिए । निर्धारित समयको खेल सकिन ४ मिनेट बाँकी रहँदा मारियो गाभ्रानोभिचले गरेको गोल भिडियो असिस्टेन्ट रेफ्रीले अफसाइडका कारण रद्द गरिदिएका थिए ।

बराबरीसँगै गत संस्करणको सेमिफाइनलिस्ट वेल्स यो सिजनको पहिलो खेलमै बराबरीमा रोकिएको छ ।

काठमाडौं । युइएफए युरो २०२० को समूह ‘ए’ अन्तर्गत अजरबैजानको बाकुमा जारी खेलको पहिलो हाफमा स्वीटजरल्यान्ड र वेल्सले गोलरहित बराबरी खेलेका छन् ।

खेलमा दुवैतर्फबाट गोलका लागि केही मौका सिर्जना भए पनि फिनिसिङमा चुक्दा दुवै टोली अग्रता लिन असफल रहे ।

स्वीटजरल्यान्डका रिकार्डो रोड्रिग्वेजले छैठौं मिनेटमा बायाँतर्फ गरेको प्रहार फ्रेममा परेको थिएन । त्यस्तै, १५औं मिनेटमा वेल्सका ड्यानियल जेम्सको क्रसमा किफर मुरेले हेडरमार्फत गरेको प्रहारमा स्वीटजरल्यान्डका गोलकिपर यान सोमर बाधक बने ।

२०औं मिनेटमा स्वीटजरल्यान्डका शेर्डन शकिरीले कर्नरमार्फत गरेको क्रसमा फ्याबियन क्रसले सुन्दर फ्लिक प्रहार गरेका थिए । तर, वेल्सका गोलकिपर ड्यानी वार्डले उक्तृष्ट बचाउ गरे ।

गत संस्करणको सेमिफाइनलमा पुगेर पोर्चुगलसँग पराजित भएको वेल्सलाई आजको खेलमा स्वीटजरल्यान्डले दबाबमा राखेको छ ।