काठमाडौं । निर्वाचन आयोगले आगामी जेठ ६ गते बागमती प्रदेशमा हुन लागेको राष्ट्रिय सभा सदस्य उपनिर्वाचनका लागि आचार सहिता जारी गरेको छ । आयोगले बिहिबार एक विज्ञप्ती जारी गर्दै आचार संहिता जारी गरिएको जनाएको हो ।
उपनिर्वाचनलाई स्वच्छ, निष्पक्ष, पारदर्शि तथा भयमुक्त वातावरणमा सम्पन्न गर्नका लागि वागमती प्रदेशभर विभिन्न व्यक्ति, निकाय तथा अधिकारीलाई बैशाख २९ गतेदेखि निर्वाचन सम्पन्न नभएसम्म निर्वाचन आचारसंहिता, २०७२ लागू गरिएको आयोगका प्रवक्ता समेत रहेका सहसचिव राजकुमार श्रेष्ठले जारी गरेको विज्ञप्तीमा उल्लेख गरिएको छ ।
उनका अनुसार निर्वाचन आयोग ऐन, २०७३ को दफा २२ ले दिएको अधिकार प्रयोग गरेर आचार संहिता जारी गरिएको हो । आचार संहिताको पूर्ण रुपमा पालना गरी स्वच्छ, निष्पक्ष, स्वतन्त्र र भयरहित वातावरणमा उपनिर्वाचन सम्पन्न गर्न पनि आयोगले अनुरोध पनि गरेको छ ।
