Tag: बधाई

काठमाडौं । सर्वोच्च अदालतको परमादेशबाट प्रधानमन्त्री नियुक्तिको पर्खाइमा रहेका शेरबहादुर देउवालाई बधाई दिन कांग्रेसका नेता-कार्यकर्ता बूढानीलकण्ठस्थित उनको निवासमा भीड लागेका छन् । आज सपथग्रहणको तयारीमा रहेका देउवालाई बिहानैदेखि निवासमा बधाई थाप्न भ्याइनभ्याइ छ ।

पार्टीका केन्द्रीय सदस्य, केही सांसदहरू तथा अन्य कार्यकर्ता देउवा निवासमा आएका छन् । उनीहरूले खादासहित देउवालाई बधाई दिएका थिए । कोभिडका कारण देउवाले खादा गलामा लगाएनन् । प्रफुल्लित मुद्रामा उनले नमस्कार गर्दै सबैलाई धन्यवाद दिइरहेका छन् ।

देउवा मन्त्रिपरिषद् विस्तारका सम्वन्धमा केही नेताहरूसँग छलफल पनि गरिरहेका छन् । देउवा निवासमा अहिले बालकृष्ण खाँड, मिनेन्द्र रिजाललगायतका नेताको उपस्थिति छ ।

काठमाडौं । गण्डकी प्रदेशका मुख्यमन्त्री पृथ्वीसुब्बा गुरुङले नयाँ मुख्यमन्त्री कृष्णचन्द्र नेपाली पोखरेललाई बधाई दिएका छन् । प्रदेश प्रमुखले पोखरेललाई मुख्यमन्त्री नियुक्त गरेपछि गुरुङले फोनमार्फत बधाइ दिएका हुन् ।

यसअघि गुरुङले आफू फेरी मुख्यमन्त्री बन्न प्रयास गरेका थिए । उनले जसपा र जनमोर्चाको समर्थन आफूलाई रहेको भन्दै प्रदेश प्रमुखसमक्ष दाबी पेश गरेपछि प्रदेश प्रमूखले त्यसलाई मान्यता दिइनन् ।