Tag: फणिन्द्र नेपाल

काठमाडौं । ग्रेटर नेपाल राष्ट्रवादी मार्चाका अध्यक्ष फणिन्द्र नेपालले संयुक्त राष्ट्रसंघको एउटा भर्चुअल सेमिनारमा ग्रेटर नेपालको मुद्दा उठाएका छन् ।

स्विट्जरल्यान्डको जेनेभास्थित राष्ट्रसंघीय मानवअधिकार परिषदको ४७ औं सत्रको समानान्तर कार्यक्रममा उनले सम्वोधन गरेका थिए ।

‘इन्डियन हेजेमोनी एन्ड इन्टरफेयरेन्स इन नेपाल’ विषयको सेमिनार स्विट्जरल्यान्डको जुरिचबाट सञ्चालन गरिएको थियो । फ्रान्सको युनिभर्सिटी अफ सभोइ मोन्ट ब्ल्यांकले मोडरेट गरेको सेमिनारमा ग्रेटर नेपालका फणिन्द्रलाई मुख्य प्रस्तोता बनाइएको थियो भने श्रीलंकाका प्राज्ञ डा. एम शरीफ असिस र नेपालका डा. पियारत्न महर्जनले पनि नेपालमा भारतीय हस्तक्षेपका बारेमा बोलेका थिए ।

भारतले करिब ६० हजार वर्गकिलोमिटर नेपाली भूमिमा सात दशकभन्दा बढी समयदेखि उपनिवेश कायम गर्दै आइरहेको नेपालले बताए । उनलेउ भारतलाई दवाव दिन अन्तर्राष्ट्रिय जगतसँग आह्वान गरे ।

यसैगरि, लिम्पियाधुरा-कालापानी-लिपुलेकलाई भारतले आफ्नो राजनीतिक नक्सामै राखेर त्यहाँ अवैध संरचना निर्माण गरेको विषय पनि नेपालले ध्यानाकर्षण गराएका थिए ।

भारतले सयौं वर्षअघिदेखि त्यहाँ बसिरहेका नेपालीभाषीलई आफ्नै देशमा शरणार्थी बनाई मानवअधिकार हनन गरेको उनले बताएका छन् ।

काठमाडौं । ग्रेटर नेपाल अभियानका अगुवा फणिन्द्र नेपालले भारतीय सेनामा अहिले आएर नेपाली महिलाको खोजी हुनु दुराशयपूर्ण रहेको बताएका छन् । नेपाली महिलालाई समेत लक्षित गरेर खुलाइएको भर्ती नेपाल बेलायत र भारतबीच भएको त्रिपक्षीय सन्धीविपरीत रहेको समेत उनले उल्लेख गरे ।

‘नेपाली युवतीहरूलाई समावेश गर्न खोज्नु राम्रो नियतले हुँदै होइन,’ नेपालले भने, ‘यौन शोषण र मनोरञ्जनका लागि मात्र हो ।’

उनले गोर्खा भर्ती सम्बन्धमा नेपाल भारत र बेलायतबीच भएको त्रिपक्षीय सम्झौतामा ‘गोर्खा जवान’ भनेर पुरुषलाई मात्रै ईंगित गरिएको बताए । अहिले नेपालसँग कुनै सल्लाह नगरी महिलाका लागि भर्ती खुलाउनु गम्भीर विषय रहेको उनको टिप्पणी छ ।

नेपालले भने, ‘नेपाली पुरुषजस्तो महिलाहरुले विश्वयुद्ध लडेर वीरङ्गनाका रुपमा कहलिएको अवस्था पनि होइन । त्यसैले यौनशोषणबाहेक अरु उद्देश्य हुनै सक्दैन ।’

भारतीय दूतावासबाट जारी भनिएको सूचनाबारे सरकारले कूटनीतिक च्यानलमार्फत बुझेर रोक लगाउनुपर्ने उनको भनाइ छ ।

‘हामी एउटा सार्वभौम देश भएको नाताले आफ्ना देशका नागरिक अर्को देशको सेनाका लागि लड्न पठाउनु नै गलत छ,’ उनी भन्छन्, ‘झन् महिलाको विषय झन् संवेदनशील हो । उनीहरू धेरैखाले जोखिममा हुन्छन् ।’