Tag: परीक्षण

ल्हासा । चीनले आज तिब्बतको राजधानी ल्हासादेखि पूर्वी सहर निङ्चीसम्म सबैभन्दा उचाइमा द्रुत गतिको रेलको परीक्षण गरेको छ ।

४.८ बिलियन अमेरिकी डलरको लागतमा उक्त रेल सेवा निर्माण भएको थियो । यो रेल तिब्बतमा पहिलो विद्युतीय रेल र तिब्बतकै द्रुत गतिको भएको जनाइएको छ ।

जुलाई पहिलो तारिखमा मनाइने चिनियाँ कम्युनिष्ट पार्टीको वार्षित्कोसव अवसरमा यो रेल उपहार भएको अधिकारीहरुले जनाएका छन् । यसलाई चीनको ‘प्रोजेक्ट अफ सेन्चुरी’ भनिएको छ ।

तिब्बतको यो रेल मार्गलाई कठिन इन्जिनियरिङ परियोजना मानिएको थियो ।

🚄Here we go!
Final trials of China’s 4.8 billion US dollars worth of Lhasa-Nyingchi high-altitude high-speed railway in Tibet Autonomous Region. pic.twitter.com/OTJRUEcxpq

— Shen Shiwei沈诗伟 (@shen_shiwei) June 12, 2021

काठमाडौं । भियतनाममा कोरोनाभाइरसको नयाँ भेरिएन्ट देखिएपछि हो चि मिन्ह शहरका पुरै स्थानिय बासिन्दाहरुको परीक्षण गरिने भएको छ ।

नयाँ स्वरुपको कोरोनाभाइरस हावामार्फत तीव्र रुपमा फैलिन सक्ने भएकाले यहाँ १५ दिनका लागि सामाजिक दूरी कायम गर्ने मापदण्ड लागू गर्ने अधिकारीहरुले बताएका छन् ।

भारतमा र बेलायतमा देखिएको कोरोनाभाइरसका प्रजातिको नयाँ भेरिएन्ट मिश्रितरुपमा आफ्नो देशमा देखिएको भियतनामको स्वास्थ्यमन्त्रीले बताएका छन् ।

भियतनामको हो चि मिन्ह शहरमा धार्मिक गतिविधि बढेपछि कोरोनाभाइरस संक्रमण वृद्धी भएको अधिकारीहरुले बताएका छन् । त्यहाँ एउटै धार्मिक स्थलमा सहभागी १२५ जनामा संक्रमण पुष्टि भएको हो ।

दैनिक १ लाख जनाको परीक्षण गरिने त्यहाँका अधिकारीले बताएका छन् । त्यहाँ १० जनाभन्दा बढी भेला हुन रोक लगाइएको छ, पसल र रेष्टुरेष्टहरु बन्द गरिएको बीबीसीले जनाएको छ ।

सन् २०२० को सुरुवातमा भियतनाममा कोरोना संक्रमण देखिएलगतै स्वदेश फर्किने आफ्नो नागरिकबाहेक सबैलाई प्रवेशमा रोक लगाइएको थियो र विदेशबाट फर्कने सबैलाई अनिवार्य क्वारेन्टाइन र परीक्षणको व्यवस्था गरिएको थियो ।

भियतनाममा कोरोनाभाइरस संक्रमण अहिलेसम्म ७ हजार १ सय ७ जनामा पुष्टि भएको छ भने ४७ जनाको मृत्यु भएको छ ।