काठमाडौं । सशस्त्र प्रहरी बल (एपीएफ) को जवान भर्नाका लागि लिइएको लिखित परीक्षामा सहभागी दुई नक्कली परीक्षार्थीलाई पक्राउ गरिएको छ ।
शनिबार संचालन भएको परीक्षामा बागलुङको ढोरपाटन-६ का १८ वर्षीय निलकुमार अदै र धनकुटाको शहीदभूमी गाउँपालिका-५ का २७ वर्षीय सौहार्द राई नक्कली परिक्षार्थीलाई पक्राउ गरिएको हो ।
अदैले सुनिल पुन मगर र राईले योगेन्द्र राईको नाममा परीक्षा दिएको सशस्त्र प्रहरी बलले जनाएको छ । एपीएफका अनुसार थम्ब रिडर बायोमेट्रिक डिभाइसबाट नक्कली परिक्षार्थीको पहिचान गरिएको हो ।
विराटनगर । भारतको पञ्जाव पुलिसलाई १–० गोलअन्तरले पराजित गरी छैटौं विराट गोल्डकपको उपाधि विभागीय टोली एपीएफले जितेको छ । जितसँगै एपीएफले १५ लाख १५ हजार रुपैयाँ पुरस्कार पायो ।
विराटनगरस्थित सहिद मैदानमा शनिबार सम्पन्न फाइनलमा खेलको पहिलो हाफमा चुस्त देखिएको एपीएफका प्रदिप लामा नायक बने । उनले खेलको ११ औं मिनेटमा गरेको गोल नै एपीएफको उपाधि लक्ष्यमा निर्णायक बन्यो ।
खेलको सुरूवातदेखि आक्रमक देखिएको एपीएफका बुद्धीमान राईले खेलको दोस्रो मिनेटमा पाएको सुन्दर गोल गर्ने अवसर खेर फाले । बिकु तामाङले निकालेको पासमा बुद्धिमानकोे वान भर्सेस वानको प्रहार बाहिरयो ।
खेलको चौथो ं मिनेटमा एपीएफका कप्तान सुदीप सिखाकारको डिबक्स नजिकदेखिको प्रहार बाहिरिँदा थप गोल गर्ने अवसर खेर गयो ।
खेलको ३८ औं मिनेटमा एपीएफका आशिष लामाले ३० यार्डदेखि गरेको प्रहार पञ्जावका गोलरक्षक सतवीर सिंहले पञ्च गरी उत्कृष्ट बचाउ गरिदिए । नियमित कप्तानको अनुस्थितिमा पञ्जाव पुलिस केहि लड्खडाएको थियो । उनले सेमिफाइनलमा रातो कार्ड पाएका गिए ।
दोस्रो हाफमा आक्रामक देखिए पनि पञ्जावले बारम्बार गोल गर्ने अवसर चुकाउँदा उपबिजेतामा सीमित भयो । उसले ७ लाख ५१ हजार रुपैयाँ पुरस्कार पाएको छ । खेलेको ५१ औं मिनेटमा राजवीर सिंहले गरेको प्रहार बाहिरिदा खेल बारबारीमा ल्याउनबाट चुक्यो । ७० औं मिनेटमा प्रमजीत सिंहको वान भर्सेस वानको स्थितिमा गरेको प्रहारमा पोष्टमाथिबाट बाहिरियो ।
एपीएफका लागि यो सिजनको दोस्रो उपाधि हो । यसअघि चौथो गोलबजार गोल्डकपको उपाधि पनि एपीएफले जितेको थियो ।
एपीएफका आशिष लामा प्रतियोगिताको सर्वोत्कृष्ट खेलाडी बने । उनले मोटरसाइकल पुरस्कार पाए । विधागततर्फ पनि एपीएफकै बर्चश्व रह्यो । उत्कृष्ट गोलरक्षक राजु नगरकोटी, डिफेण्डर सनिश श्रेष्ठ, मिडफिल्डर मणि लामा र प्रशिक्षक सुमित श्रेष्ठ एपीएफकै हुन् । उत्कृष्ट गोलरक्षक संकटाका फोडे फोफाना र सर्बाधिक गोलकर्ता विराटनगर–११ का प्रकाश बुढाथोकीसहित सबैले जनही २५ हजार रुपैयाँ पुरस्कार पाए । आयोजक विराटनगर–११ अनुशासित टिम चुनियो ।
विराटनगर । बिभागीय टोली एपीएफले घरेलु टिम विराटनगर–११ माथि अतिरिक्त समयमा ३–२ को जित निकाल्दै छैटौं विराट गोल्डकपको फाइनलमा प्रवेश गरेको छ ।
फाइनलमा एपीएफले संकटा र भारतको पञ्जाव पुलिसबीचको विजेतासँग खेल्नेछ । दोस्रो सेमिफाइनल खेल आज हुनेछ । फाइनल शनिबार हुनेछ ।
शहीद रंगशालामा एपीएफको जितमा सनिश श्रेष्ठ, रबि थिङ र मणि लामाले गोल गरेका थिए । खेलको सुरूवातमा दुवै टिम आक्रमक देखिएपनि पहिलो हाफको २६औं मिनेटमा एपीएफका शनिस श्रेष्ठले गोल गरी टिमलाई अग्रता दिलाए । श्याम नेपालीले दिएको क्रस पासलाई शनिसले पेलान्टी एरियाबाट वान टचमा गोल गरेका हुन् ।
पहिलो गोल खाएपछि दबाबमा परेको विराटनगरले पहिलो हाफमा खेल बराबारीमा ल्याउन निकै संघर्ष ग¥यो । तर सफल हुन सकेन ।
खेलको ५३ औं मिनेटमा विराटनगरका विदेशी खेलाडी स्टेपर समिरले डिबक्स एरिया नजिक बललाई होल्ड गरि गरेको प्रहार गोलमा परिणत भयो ।
एपीएफका रबि थिङले ६७ मिनेटमा गोल गरी टिमलाई पुनः अग्रता दिलाए । श्याम नेपालीले दिएको पासलाई रविले उपयोग गरेका हुन् ।
एपीएफले अग्रता लिएको दुई मिनेट वित्न नपाउँदै राष्ट्रिय टोलीको बन्द प्रशिक्षणमा बोलाइएका प्रकाश बुढाथोकीले विराटनगरका लागि पुनः बराबरी गोल फर्काए ।
घरेलु दर्शकको साथ र समर्थन पाएको विराटनगरले खेलको ८० र ८३ औं मिनेटमा विराटनगरका प्रकाश बुढाथोकीले डिबक्स एरियादेखि गरेको प्रहार बाहिरदा थप गोल्ने गर्ने अवसर गुमायो ।
९०औं मिनेटको निर्धारित समयसम्म २/२ गोलको बराबारी भएपछि ३० मिनेटको अतिरिक्त समय थप गरिएको थियो । थप गरिएको समयको २७ औं मिनेटमा एपीएफका मणि लामाले डिबक्स बाहिरदेखि गरेको प्रहार गोलमा परिणत भएको थियो । उनले गरेको गोल टिमको जितको लागि सुनिश्चित भयो । खेलको म्यान अफ द म्याचसमेत चुनिएका लामाले नगद १० हजार रुपैयाँ पाए ।
विराटनगर । विभागीय प्रतिद्वन्द्वी नेपाल पुलिसलाई २–० गोलअन्तरले पराजित गरी एपीएफ छैटौं विराट गोल्टकपको सेमिफाइनलमा पुगेको छ ।
विराटनगरको शहीद रंगशालामा जारी प्रतियोगिताको सोमबार भएको तेस्रो क्वाटरफाइनलमा पुलिसलाई हराउन मणि लामा र सुमन लामाले गोल गरेका हुन् । दुवै गोल दोस्रो हाफमा भएको थियो । मणिले दोस्रो हाफको सुरुमा र सुमनले अन्तिम मिनेटमा गोल गरेका थिए ।
जितसँगै एपीएफ वैशाख १ गते हुने पहिलो सेमिफाइनल खेलमा घरेलु टिम विराटनगर ११ सँग प्रतिस्पर्धा गर्नेछ । विराटनगरले पहिलो खेलमा भारतको सिक्किम युनाइटेड र क्वाटरफाइनलमा भारतकै वेष्ट बंगाललाई हराएर सेमिफाइनलमा पुगेको हो ।
२०७४ सालको विजेता नेपाल पुलिस भने पहिलो खेलमै हार ब्यहोर्दै प्रतियोगिताबाट बाहिरियो । खेल प्रतिस्पर्धात्मक रहे पनि प्रहरीको रक्षापंक्तिमा देखिएको कमजोरीको फाइदा उठाउँदै एपीएफले जित हासिल गरेको हो । मणिले रिबाउण्ड बलमा गोल गरेका थिए भने सुमनले पुलिसका गोलरक्षक रामेशन खड्काको कमजोरी उपयोग गरी वान भर्सेस वान प्रहारमा गोल गरेका थिए ।
खेलको म्यान अफ द म्याच चुनिएका एपीएफका मणि लामाले नगद १० हजार रुपैयाँ पुरस्कार पाए ।
एपीएफका प्रशिक्षक सुदीप श्रेष्ठलेराम्रो तयारी र खेलाडीहरुको मिहिनेतका कारणले जित हासिल भएको प्रतिक्रिया दिए । पुलिसका प्रशिक्षक अनन्तराज थापाले रक्षात्मक कमजोरी स्वीकारे ।
मंगलबार हुने अन्तिम क्वाटरफाइनलमा १९ औं संस्करणको आहा रारा गोल्डकपको बिजेता टिम संकटा र अफ्रिकन रुट्सबीच प्रतिस्पर्धा हुनेछ ।
काठमाडौं । काठमाडौं मेयर कपमा नेपाल पुलिस क्बलविरुद्ध २५९ रनको लक्ष्य पछ्याइरहेको नेपाल एपीएफ क्लबका लागि ओपनर सुवाष खकुरेलले अर्ध शतक बनाएका छन् ।
त्रिवि क्रिकेट मैदानमा टस जितेर ब्याटिङ रोजेको पुलिसले दिपेन्द्रिसंह ऐरीको शतकीय मद्दतमा २५८ रनको योगफल तयार गरेको थियो । जवाफी ब्याटिङमा उत्रिएको एपीएफका लागि ओपनिङमा आएका सुवाषले ७६ बलमा ५० रन पूरा गरेका हुन् ।
२९.२ ओभरको समाप्तिमा एपीएफले ३ विकेट गुमाएर १३७ रन बनाएको छ । एपीएफलाई जितका लागि २०.४ ओभरमा १२२ रन आवश्यक छ ।