काठमाडौं । संघीय मामिला तथा सामान्य प्रशासन मन्त्रालयले ५७ जना उपसचिवको एकैपटक सरुवा गरेको छ । सचिवस्तरीय निर्णयबाट मन्त्रालयले उनीहरूको आइतबार सरुवा गरेको हो ।
मन्त्रालय मातहतका निकाय, प्रदेश सरकारको विभिन्न मन्त्रालय तथा त्यस मातहतका निकायदेखि स्थानीय तहसम्ममा उपसचिवहरू सरुवा सूचीमा परेका छन् । कतिपय बढुवापछि पदस्थापन भएका पनि छन् ।
काठमाडौं । परराष्ट्र सेवाका पाँचजना उपसचिव ज्येष्ठता र कार्यक्षमताका आधारमा सहसचिव बढुवा भएका छन् । गत पुसअघि नै बढुवा हुनुपर्नेमा मुद्दा मामिलाका कारण ढिला भएको थियो ।
लोकसेवा आयोगले ज्येष्ठता र कार्य सम्पादन मूल्यांकनका आधारमा तेजबहादुर क्षेत्री, घनश्याम लम्साल र सुधीर भट्टराईलाई सहसचिवमा बढुवा गरेको हो । उनीहरू दुई वर्षदेखिनै बढुवाको प्रतीक्षामा थिए ।
त्यस्तै कार्य क्षमता र कार्य सम्पादनका आधारमा उपसचिवहरू कृष्णचन्द्र अर्याल र धनबहादुर ओली पनि बढुवामा परेका छन् । सहसचिव बढुवामा परेका उपसचिवहरू २०५४ सालमा एकैपटक परराष्ट्र सेवामा प्रवेश गरेका थिए ।
बढुवा भएकामध्ये तेजवहादुर क्षेत्री,कृष्णचन्द्र अर्याल र धनवहादुर ओली मन्त्रालयमा कार्यरत छन् भने घनश्याम लम्साल दक्षिण अफ्रिका र सुधीर भट्टराई ब्रसेल्स नियोगमा कार्यरत छन् ।
काठमाडौं । कोरोना कहर चलिरहेको र मुलुकका अधिकांश जिल्लामा निषेधाज्ञा जारी भएको बेला सरकारले ८८ जना उपसचिव र ३४ जना शाखा अधिकृतको एकै पटक सरुवा गरेको छ ।
संघीय मामिला तथा सामान्य प्रशासन मन्त्रालयले नेपाल प्रशासन सेवा सामान्य प्रशासन समूह राजपत्रांकित द्वितीय श्रेणी सरहका ८८ जना उपसचिव र नेपाल प्रशासन सेवा सामान्य प्रशासन समूहकै राजपत्रांकित तृतीय श्रेणी सरहका ३४ जना शाखा अधिकृतको एकै पटक सरुवा गरेको हो ।
मन्त्रालयले उनिहरुमध्ये कसैलाई सरुवा, कसैलाई काज र कसैलाई कामकाजमा खटाइएको जनाएको छ ।
सरुवा भएका उपसचिवको नामावली
सरुवा भएका शाखा अधिकृतको नामावली
काठमाडौं । लोक सेवा आयोगले २२ उपसचिवलाई सहसचिवमा बढुवाका लागि सिफारिस गरेको छ । आयोगका सदस्यको संयोजकत्वमा बढुवा समितिले संघीय मामिला तथा सामान्य प्रशासन मन्त्रालयलाई बढुवाका लागि सिफारिस गरेको हो ।
समितिले बिहीबार सिफारिस गरेपछि मन्त्रालयले शुक्रबार बढुवामा चित्त नबुझेकाले ३५ दिन भित्र उजुरी दिन सूचना गरेको छ । कसैले उजुरी नगरे २२ जनाकै नाम ३५ दिनपछि मन्त्रिपरिषद्मा पेश हुनेछ । मन्त्रिपरिषदबाट पारित भएपछि बढुवा हुने मन्त्रालयले जनाएको छ । उजुरी परेमा समितिले छानविन गर्नेछ ।
लोक सेवा आयोगका अध्यक्षले तोकेको सदस्यको संयोजकत्वमा ५ सदस्यीय बढुवा समिति बनेको छ । समितिमा आयोगका अर्का एक सदस्य, मुख्यसचिव र एक जना विज्ञ सदस्य रहने व्यवस्था छ । मन्त्रालयका सचिव समितिका सदस्य सचिव हुने प्रावधान छ ।
एक वर्षअघि ७४ जना उप–सचिवको पनि सहसचिवमा बढुवा भएको थियो । हरेक वर्ष जेष्ठता र कार्यसम्पादन मुल्यांकनका आधारमा उपसचिवबाट सहसचिवमा बढुवा हुने गरेको छ । उपसचिवबाट सहसचिव बढुवा गर्दा कम्तिमा पनि उपसचिव भएर ५ वर्ष निजामती सेवामा सेवा गरेको हुनुपर्छ । अहिले बढुवा हुने उपसचिव ५ वर्षदेखि १० वर्षसम्म सेवा गरेका संघीय मामिला तथा सामान्य प्रशासन मन्त्रालयले जनाएको छ ।
कम्तिमा पनि ५ वर्ष उपसचिव भएर सेवा गरेका १ सय ३ जनाले सहसचिव बढुवाका लागि दरखास्त दिएका थिए । जसमा २२ जनाको नाम मात्र अन्तिम बढुवा सूचीमा परेको छ ।
