Tag: स्थायी कमिटी सदस्य

काठमाडौं । नेकपा एमालेका वरिष्ठ नेता माधवकुमार नेपाल पक्षधर स्थायी कमिटी सदस्यको बैठक शुरू भएको छ ।

भोलि बोलाइएको एमाले केन्द्रीय कमिटी बैठकमा सहभागी हुने/नहुने निर्क्यौल गर्न माधव पक्षधरका नेता हिजोदेखि छलफलमा जुटेका छन् । विशेषगरी जेठ २ अघिको एमालेको मात्र बैठक बस्नुपर्ने भन्दै नेपाल पक्षमा भोलिको बैठकमा जान नहुने मत धेरैको छ ।

बुद्धनगरस्थित क्वालिटी बैंक्वेटमा नेता नेपालसहित भीम रावल भीम रावल, अष्टलक्ष्मी शाक्य र घनश्याम भुसाल, गोकर्ण विष्ट, योगेश भट्टराई, सुरेन्द्र पाण्डे, रघुजी पन्तलगायतका नेता सहभागी छन् ।

केन्द्रीय कमिटी बैठकमा माधव नेपाल पक्षलाई पनि सहभागी गराउन दुवै पक्षका नेताहरू हिजोदेखि छलफलमा जुटेका छन् । वार्तामा सहभागी नेताहरुमार्फत भोलिको बैठक पर सार्न माधव नेपाल पक्षको आग्रह छ ।

बुधबार महाधिवेशन आयोजक कमिटी भंग गरी एमालेले २०७५ जेठ २ अघिकै पदाधिकारीका हैसियतमा माधव नेपाल पक्षसहितको बैठक बोलाएको छ । सो बैठकलाई एमाले एकताको ‘डेडलाइन’ भनिएको छ ।

स्थायी कमिटी तथा आफ्नोपक्षीय केन्द्रीय सदस्यहरूसँगको छलफलको निष्कर्षपछि मात्र माधव पक्षले केन्द्रीय बैठकमा सहभागी हुने वा नहुने नेताहरूले बताएका छन् ।

काठमाडौं । नेकपा एमालेले पूर्वमाओवादी पृष्ठभूमिका नेताहरूसहित ८ जनालाई पार्टीको स्थायी कमिटीमा समाहित गरेको छ । पार्टीको महाधिवेशन आयोजक समिति भंग गर्ने निर्णयसँगै पूर्वमाओवादी नेताहरूको अवस्था के हुन्छ भन्ने कौतुहल थियो ।

आज बसेको महाधिवेशन आयोजक समितिको अन्तिम बैठकले नेकपा विभाजनका क्रममा एमालेमै बसेका पूर्वमाओवादी नेताहरूलाई स्थायी समिति सदस्य मनोनीत गरेको हो । जसअनुसार रामबहादुर थापा बादल, टोपबहादुर रायमाझी, लेखराज भट्ट र मणि थापा पार्टीको स्थायी मिति सदस्य बनेका छन् । उनीहरू केन्द्रीय सदस्य भने रहने छैनन् ।

यसैगरी माओवादीसँगको एकता प्रक्रियामा एमालेबाट स्थायी कमिटीमा थपिएका रघुवीर महासेठ, विष्णु रिमाल, बेदुराम भुसाल र रघुजी पन्त पनि फेरि स्थायी कमिटी सदस्य बनेका छन् । उनीहरूमध्ये रघुवीर र विष्णु रिमाल संस्थापन समूहका हुन् भने बेदुराम र रघुजी पन्त माधव नेपाल समूहका हुन् । बेदुरामले हालैमात्र आफूलाई स्वतन्त्र सांसदका रूपमा व्यवहार गर्न संसद सचिवालयमा आग्रह गरेका थिए ।

काठमाडौं। नेकपा एमालेको माधव नेपाल पक्षले आकस्मिक बैठक बोलाएको छ।

कलंकीको मेघा पार्टी प्यालेसमा नेपाल स्थायी कमिटी सदस्यहरुको बैठक बोलाइएको एक नेताले जानकारी दिए।

माधव नेपाल र झलनाथ खनाल पुगेपछि बैठक शुरू हुनेछ।

भोलिदेखि उपत्यकामा निषेधाज्ञा लागू हुने भएकाले त्यसअघि नै समसामयिक विषयमा छलफल गर्न बैठक बोलाइएको हो।

नेपाली कांग्रेस र माओवादी केन्द्रले सरकारविरूद्ध ल्याउने भनिएको अविश्वास प्रस्ताव दर्ता भइहाले आफूहरूको पोजिसन के हुने भन्नेबारेमा पनि नेपाल पक्षले छलफल गर्ने छ ।

काठमाडौं । नेकपा एमालेको माधव नेपाल पक्षका ११ स्थायी कमिटी सदस्यहरुले पार्टी अध्यक्ष केपी शर्मा ओलीविरुद्ध संयुक्त वक्तव्य जारी गरेका छन् ।

केन्द्रीय कमिटीको विशेष वैठक भनी बालुवाटारमा गरिएको भेला अवैध रहेको विज्ञप्तिमा उल्लेख छ ।

‘नेकपा एमालेलाई एकतावद्ध र सुसंगतरुपमा अगाडि बढाउनका लागि केपी ओलीबाट गत फागुन २८ गते गुटको भेलाबाट भए–-गरिएका पार्टी विधानविपरीतका सबै काम-कारबाही रद्द गरी विधान, पद्धति र विधि अनुरुप स्थायी कमिटी र केन्द्रीय कमिटीका वैठक हुनुपर्ने स्वयं स्पष्ट छ,’ विज्ञप्तिमा भनिएको छ ।

वक्तव्यमा प्रधानमन्त्री ओलीमाथि दक्षिणपन्थी र विर्सजनवादीको आरोप लगाइएको छ ।