मुम्बइ । अक्षयकुमार स्टारर फिल्म ‘सूर्यवंशी’ औपचारिकरुपमा पोस्टपोन्ड भएको छ । मुम्बइमा सोमबारदेखि कर्फ्यु र लकडाउन सुरु भएसँगै उक्त फिल्म अप्रिल ३० मा प्रदर्शन नहुने निश्चित भएको हो ।
लकडाउन लागुु गर्नुपूर्व मुख्यमन्त्री उद्धव ठाकेरले फिल्म निर्देशक रोहित सेठ्ठी र मल्टिप्लेक्स चेन पीभीआरका प्रमुख लगायतसँग छलफल गरेका छन् । फिल्म पोस्टपोन्ड गर्ने साहसिक निर्णय गरेबापत मुख्यमन्त्री ठाकरेले सेठ्ठीलाई धन्यवाद समेत दिए ।
महाराष्ट्र सरकारले अप्रिल ३० सम्म सिनेमा घरसहित भीडभाड हुने सबै व्यवसाय बन्द गर्ने निर्णय गरेको छ । आइतबार मुख्यमन्त्री ठाकरले लकडाउनबाट सबैभन्दा बढी प्रभावित फिल्म क्षेत्र भएपनि अहिले आफ्ना लागि जनताको जिउ जोगाउनु प्राथमिकता हुने जनाएका छन् ।
पीभीआर सीइओ कमल जियानचाँदनीले कोभिड रोकथामका लागि सरकारले गरेको प्रतिबन्धका नियमलाई फिल्म क्षेत्रको समर्थन रहेको जनाएका थिए । भर्चुअल छलफलमा मुम्बइका फिल्म उद्योगीले मुख्यमन्त्रीसँग कोभिडको दोस्रो लहरपछि के फिल्म हल शतप्रतिशत चल्छन् त भन्ने प्रश्न गरेका थिए ।
संक्रमण दर वृद्धि हुँदै जाँदा सलमान खानको आगामी फिल्म ‘राधे’ पनि पोस्टपोन्ड हुने तयारीमा छ ।
