काठमाडौं । काठमाडौंको मीनभवनमा रहेको निजामती कर्मचारी अस्पतालमा शुक्रबारदेखि सबै सेवाहरु नियमित सञ्चालन गरिने भएको छ ।
कोभिड १९ का महामारीको कारण आंशिक रुपमा सञ्चालन हुँदै आएका सेवाहरु आगामी शुक्रबारदेखि नियमित रुपमा सञ्चालन हुने अस्पतालले जनाएको छ ।
यसअघि कोभिडको कारण आंशिक रुपमा मात्रै अस्पतालले सेवा दिदै आएको थियो । अस्पतालले कोभिड महामारीको बीचमा बाग्मति प्रदेशको सहयोगमा १५० बेड थप गरी कोरोना अस्पतालको रुपमा सञ्चालन गरेको थियो ।
काठमाडौं । कोरोना संक्रमितको उपचारका लागि सिभिल अस्पतालमा भोलिदेखि १५० शय्या थप हुने भएको छ ।
वाग्मती प्रदेश सरकारको सहयोगमा सिभिल अस्पताल बानेश्वरमा थप १५० शय्या थप गर्ने सम्झौता भएको हो ।
सिभिल अस्पतालमा कोभिड-१९ संक्रमित विरामीहरुको उपचार गर्न सामाजिक विकास मन्त्रालयका बरिष्ठ स्वास्थ्य प्रशासक डा. अर्जुन प्रसाद सापकोटा र सिभिल अस्पतालको तर्फबाट कार्यकारी निर्देशक डा. बिधानानिधि पौडेलले सम्झौतामा हस्ताक्षर गरेका छन ।
सम्झौतामा वागमती प्रदेश सरकारले अस्पताललाई २ करोड २४ लाख ५० हजार अनुदान सहयोग उपलब्ध गराउने उल्लेख छ ।
सिभिल अस्पतालले तोकिएका ढाँचामा उपचाररत कोभिड-१९ बिरामीहरुको अनलाइन प्रतिवेदन दैनिकरुपमा स्वास्थ्य कार्यालय काठमाडौंलाई पठाउने पर्ने छ भने अस्पतालले औषधि, उपकरण, फर्निचर, भवन, जनशक्ति लगायतको गर्नु पर्ने बरिष्ठ स्वास्थ्य प्रशासक डा. अर्जुन प्रसाद सापकोटाले जानकारी दिए ।
सामाजिक विकास राज्यमन्त्री रामकुमार अधिकारी, मुख्य सचेतक दिपक निरौला, प्रदेश सदस्य गणेश प्रसाद दुलालको उपस्थिती थियो ।
काठमाडौं । नयाँ भेरियन्टसहितको कोभिड-१९ विश्वव्यापी महामारीको दोस्रो वेभले अहिले विश्वलाई आक्रान्त पारेको छ ।
नेपालमा संक्रमितको संख्या दिनानुदिन उच्च गतिले बढिरहेको छ । अस्पतालमा संक्रमितको चाप छ भने लक्षण देखिएपछि पीसीआर परीक्षण गराउनेको पनि भीड लागेको छ ।
हिजोमात्रै सात हजार २११ संक्रमित थपिएका छन् । त्यस्तै २४ घण्टामा २७ जनाको मृत्यु भएको छ । १६ हजार १४७ पीसीआर र ६२३ एन्टीजेन नमूना परीक्षण गर्दा ती संक्रमित फेला परेका हुन् । काठमाडौंमा मात्र ३ हजार ५९५ जनालाई संक्रमण पुष्टि भएको छ ।
निषेधाज्ञाका बीच सिभिल अस्पतालमा कोरोना परीक्षणको लागि स्वाब नमूना दिन आएकाहरूको भीड हेर्नुस् तस्बिरमा
