Tag: सलमान खान

मुम्बई । सलमान खान अभिनित ‘राधे : योर मस्ट वान्टेड भाइ’ ओटीटी र फिल्म हलमा गतसाता प्रदर्शन भयो । नेपालमा म्याक्ससहितका ओटीटी र भारतमा जि च्यानलका डिजिटल प्लेटफर्ममा फिल्म रिलिज भयो ।

फिल्मले समीक्षकबाट कमजोर समीक्षा प्राप्त गर्‍यो भने सलमान खानका हार्डकोर फ्यानलाई भने यसले मनोरञ्जन दियो ।

भारत र नेपालजस्ता लकडाउन भएका ठाउँमा दर्शकले यसलाई डिजिटल प्लेटफर्ममा हेरे भने अन्य मुलुकमा भने फिल्म हलमै रिलिज भयो । ओटीटीले निश्चित रकम तोकेरै वानटाइम पासवर्ड उपलब्ध गराएका थिए । अहिलेको सवाल के हो भने, हाइव्रिड रिलिज भएको राधे व्यवसायिकरुपमा सफल वा असफल के भयो भन्ने हो ।

भारतमा जी-८ को ओटीटी प्लेटफर्म जी प्लेक्समा रिलिज भएको राधेले सफलता हासिल गर्‍यो । फिल्म निर्माताले जि-फाइभ आकर्षक मूल्यमा फिल्मको राइट विक्री गरेका थिए ।

९० करोड लगानीमा निर्माण भएको राधेबाट सलमान खानले भने व्यक्तिगतरुपमा १०० करोड रुपैयाँ नाफा कमाएका छन् । सुरुमा राधेको डिजिटल राइट २३० करोड भारुमा तय गरिएको थियो । तर, पछिल्लोपटक त्यसलाई घटाएर १३० करोड भारु निश्चित गरियो ।

अहिले पे-पर-भ्यू मोडेल अनुसार सबैलाई लाग्छ कि राधेले कति कमायो रु यदि राधेको कमाइ आकर्षक छ भने यसले हाइव्रिड मोडेल अन्तर्गत हुने कमाइमा एउटा मानक खडा गर्नेछ ।

मुम्बई । अहिलेसम्मकै सर्वाधिक महंगो मूल्यमा बलिउड फिल्मको डिजिटल अधिकार विक्री भएको छ । सलमान खान स्टारर ‘राधे : योर मस्ट वान्टेड भाइ’ १९० करोड भारुमा जी कम्पनीले खरिद गरेको हो ।

कोरोनाभाइरस महामारीको कारण यो फिल्म अब पर-भ्यूज आधारमा जी कम्पनीको ओटीटी प्लेटफर्ममा रिलिज हुनेछ । यसअघि हाइव्रिड मोडल (हल र डिजिटल प्लेटफर्म)मा रिलिज हुने गरि फिल्मलाई जीले २३० करोड भारुमा किनेको थियो ।

कोभिडको दोस्रो लहरको कारण हल रिलिज सम्भव नभएपछि फिल्मलाई डिजिटल रिलिज गर्न लागिएको हो । यसअघि अक्षय कुमार स्टारर फिल्म लक्ष्मी सर्वाधिक मूल्यमा विक्री भएको थियो ।

जी कम्पनी र सलमान खान फिल्म्सले प्राप्त कमाइको निश्चित प्रतिशतले कोभिड बिरामीको उपचारमा खर्चने घोषणा गरिसकेका छन् । धेरै प्लेटफर्मबाट एकसाथ रिलिज हुँदा लगानी उठ्ने आशा दुबै निर्माताले गरेका छन् ।

आगामी विहीबार नेपालसहित ४० भन्दा बढी देशमा फिल्म रिलिज हुने जनाइएको छ । मुस्लिम धर्मावलम्वीको पर्व इदको अवसरमा ४ दिन पारेर फिल्म प्रदर्शन हुन लागेको हो ।

काठमाडौं । सलमान खान अभिनित ‘राधे’ ट्रेलर विहिबार इन्टरनेट रिलिज भएको छ । आगामी बैशाख ३० गते इद पर्वको अवसरमा प्रदर्शन हुने फिल्मले पोस्टर र ट्रेलर लन्च गरेको हो ।

सलमानसहित फिल्ममा दिशा पटानी, प्रभु देवा, रणदीप हुडा लगायतको मुख्य भूमिका छ । इदमा जी नेटवर्कको ओटीटी प्लेटफर्म र फिल्म हलहरुमा फिल्म प्रदर्शन हुने सलमान खान फिल्म्सले जानकारी दिएको छ ।

ट्रेलरमा सलमान र रणदीपको एक्सन दृश्यहरु समावेश गरिएको छ । कोरोनाभाइरस महामारी रोक्न मुम्बईमा लगाइएको लकडाउनको अवधी लम्बिए राधे हलमा रिलिज हुने कुरामा भने शंका छ ।

भाइरस महामारीले थलिएको फिल्म उद्योगलाई लयमा ल्याउन हलमा रिलिज गर्न लागेको सलमानले जनाएका छन् । यो फिल्मलाई ओटीटीमा चाहिँ दर्शकले निश्चित रकम तिरेर हेर्न पाउने भएका छन् ।

काठमाडौं । सलमान खान स्टारर बलिउड फिल्म ‘राधे’ बैशाख ३० गते हाइव्रिड मोडेलमा रिलिज हुने भएको छ । बुधबार सलमान खान फिल्मसले विज्ञप्ती जारी गर्दै उक्त मितिमा फिल्म हल र ओटीटी प्लेटफर्ममा फिल्म प्रदर्शन हुने जानकारी गराएको हो ।

कोरोनाभाइरस महामारीको कारण फिल्म पोस्टपोन्ड हुने अपेक्षा गरिएको थियो । तर, हाइव्रिड मोडेलमा फिल्म प्रदर्शन हुने निश्चित भएको हो । जी नेटवर्क र डीटीएच अप्रेटरका ओटीटी प्लेटफर्ममा शुल्क तिरेर दर्शकले फिल्म हेर्न पाउने भएका छन् ।

भारतको महाराष्ट्रमा अप्रिल अन्त्यसम्म लकडाउन लागु गरिएको छ । यदि लकडाउन लम्बियो भने फिल्मको हल रिलिज प्रभावित हुन सक्ने ठानिएको छ । फिल्मले विहिबार अफिसियल ट्रेलर रिलिज गर्ने भएको छ ।

काठमाडौं । कोरोनाभाइरसको दोस्रो लहरको कारण एकपछि अर्को गरि बलिउडका ठूला फिल्मको रिलिज पोस्टपोन्ड हुने क्रम बढेको छ ।

अक्षयकुमार स्टारर ‘सूर्यवंशी’ अनिश्चितकालका लागि पोस्टपोन्ड हुने निधो भएको दुई दिनमै सलमान खानको ‘राधे’ पनि पोस्टपोन्ड हुने टुंगो लागेको छ । यसको औपचारिक घोषणा केही दिनमै हुने भारतीय संचारमाध्यमले जनाएका छन् ।

भाइरसबाट प्रभावित बलिउड राजधानी मुम्बईमा आगामी सोमबारदेखि सिनेमा घरहरु बन्द गरिने जनाइएको छ । मुम्बइमा आगामी सातादेखि रात्रीकालिन कर्फ्युदेखि सार्वजनिक स्थानमा भेला हुन रोक लगाइने सम्मका नियमहरु लागु हुनेछन् ।

हलमै रिलिज हुने भनिएको सलमानको राधे पोस्टपोन्ड हुने निश्चित भएपछि ओटीटीमा जाने वा नजानेबारे बहस सुरु भएको छ । तर, सलमानले चाहिँ कोरोनाले थलिएको बलिउडलाई लयमा ल्याउन हलमै रिलिज गर्ने बताएका थिए ।

आउँदो इदमा रिलिज हुने भनिएको राधेको रिलिज सर्ने निश्चित भएपछि त्यस पछाडिका अन्य फिल्मको सम्भावित रिलिजलाई लिएर टाउको दुखाइ सुरु भएको छ । बलिउड ट्रेड एनालिस्ट सुमित कँडेलले अन्य फिल्महरु पनि रिलिज नहुने जनाएका छन् ।

किनभने ठूलो फिल्मको ब्यापक बजारीकरण गर्न कम्तीमा एक महिना लाग्छ । यसका लागि आगामी १५ दिनभित्र भाइरस नियन्त्रणमा आइसकेको हुनुपर्छ । भाइरस संक्रमणको तथ्यांक हेर्दा यति दिनभित्र नियन्त्रण हुने सम्भावना छैन । यसको सीधा असर बलिउडलाई पर्ने देखिएको छ । अहिले भारतबाट कोरोनाको दोस्रो लहर सुरु भएको छ र दैनिक संक्रमण संख्या नै ७२ हजारभन्दा माथि पुगेको छ ।

काठमाडौं- सलमान खान स्टारर ‘राधे’ र जोन अब्राहमको ‘सत्यमवे जयते २’ बीच बक्सअफिस भीडन्त निश्चित भएको छ ।

‘सत्यमेव जयते २’ को पोस्टरमा नयाँ प्रदर्शन मिति घोषणा गरिएको छ जहाँ जोनलाई एक्सन चरित्रमा प्रस्तुत गरिएको छ । अब यी दुई फिल्म आगामी इदमा प्रदर्शन हुनेछन् ।

यी दुई एक्सन फिल्म दर्शकमाझ बहुप्रतीक्षित छन् । सत्यमवे जयते २ मा जोनको तीनवटा भूमिका हुने जनाइएको छ । जोन स्टारर यो फिल्मले थप पोस्टर लन्च गर्ने तयारी गरेको छ ।

यसअघिका इद बिदामा सलमानका फिल्महरु मात्र एक्लो प्रदर्शनमा आउँथे । यसपटकको इद बिदामा भारतमा ४ दिनको बिदा तय भएको छ जसले गर्दा बक्सअफिसमा कमाइ राम्रो हुने अपेक्षा गरिएको छ ।

काठमाडौं- सलमान खान स्टारर प्रतीक्षित बलिउड फिल्म ‘राधे : योर मस्ट वान्टेड भाइ’ बैशाख ३० गते रिलिज हुने भएको छ ।

सलमानले सामाजिक संजालमा फिल्मको नयाँ पोस्टर रिलिज गर्दै प्रदर्शन मितिबारे जानकारी दिएका हुन् । मुस्लिम धर्मावलम्वीको पर्व इदको अवसरमा विहिबार रिलिज हुने फिल्मले भारतमा ४ दिनको बिदा प्राप्त गर्नेछ ।

सलमानसहित दिशा पटानी, रणदीप हुडा र ज्याकी श्रोफको प्रमुख भूमिका रहेको छ । पोस्टरमा सलमानलाई एक्सन अवतारमा देख्न सकिन्छ । सलमान खान फिल्मस र जी स्टुडियोले मिलेर निर्माण गरेका हुन् ।

काठमाडौं । लकडाउनपछि बलिउडमा दुई ठूला फिल्मको भीडन्त निश्चित भएको छ । आगामी इदमा सलमान खानको राधे र जोन अब्राहमको ‘सत्यमेव जयते २’ प्रदर्शन हुने भएका हुन् ।

लकडाउन खुलेपछिको यो पहिलो ठूलो भीडन्त मानिएको छ । गतसाता सलमानले कोरोनाले थलिएको फिल्म व्यापारलाई उकास्न फिल्म रिलिज गर्न लागेको घोषणा गरेका थिए ।

बक्सअफिस भीडन्तको सम्भावित हिसाबले दुबैको प्रदर्शनलाई महत्वपूर्ण मानिएको छ । भारतीय गणतन्त्रको दिवसमा जोन अब्राहमले आगामी सन् २०२१ को इदमा फिल्म लगाउने घोषणा गरेका हुन् ।

काठमाडौं । अन्ततः बलिउड अभिनेता सलमान खानले आफ्नो बहुप्रतीक्षित फिल्म ‘राधे’लाई हलमै रिलिज गर्ने भएका छन् । सामाजिक संजालमा एक वक्तव्य जारी गर्दै उनले सन् २०२१ को इदमा फिल्म प्रदर्शन गर्ने निर्णय गरेका हुन् ।

सलमान लेख्छन –यो कठिन समयमा यस्तो निर्णय लिनु ठूलो कुरा हो । मलाई अहिले प्रदर्शक र वितरक कसरी आर्थिक संकटसँग जुधिरहेका छन् भन्ने कुराको ज्ञान छ र यही कारण फिल्मलाई हलमा रिलिज गर्ने निधो गरेको हुँ ।’

राधे हेर्न हल पुग्ने दर्शकको सुरक्षा सुनिश्चित गर्न पनि सलमानले प्रदर्शकलाई आग्रह गरेका छन् । यसै महिनाको सुरुआतमा भारतीय फिल्म निर्माताले राधेलाई हलमा रिलिज गर्न आग्रह गरेका थिए । राधे रिलिज गर्दा कोरोनाले थलिएको फिल्म उद्योग उकासिने अनुमान गरिएको छ ।

नेपाली निर्माता पनि राधेलाई हलमै रिलिज गर्नुपर्छ भन्ने पक्षमा थिए । कतिपय निर्माता हलमै रिलिज गर्दा यसले नेपाली फिल्म हल पनि लयमा फर्किने विश्वासमा छन् ।

बलिउड अभिनेता एवं निर्माता सलमान खानले होम प्रोडक्सन फिल्म ‘कागज’लाई नेपालमा ओभर दी टप (ओटीटी) प्लेटफर्ममा रिलिज गर्ने भएका छन् । नेपालको वितरण कम्पनी गोपिकृष्ण मूभिजले यो फिल्मलाई डीसहोम, नेटटिभी लगायतका ओटीटीमा प्रदर्शन गर्ने भएको हो । गतसाता ज्याकी च्याङको ‘भ्यानगड’ पनि नेपाली प्लेटफर्ममा रिलिज भैसकेको छ ।

सतिश कौसिकले निर्देशन गरेको यो फिल्मले कागजले मान्छेको जीवनमा कसरी शासन गर्न सक्छ भन्ने कथावस्तु बुनेको छ । यो फिल्ममा सलमानको केमियो र भ्वाइस समावेश हुने जनाइएको छ । ‘फिल्मको सुरु र अन्त्यमा सलमानको आवाजलाई समावेश गर्नेछौं’ निर्देशक कौशिकले भने । पछिल्लो समय बलिउडका भाइजानले कन्टेन्ट लक्षित फिल्महरुमा लगानी गर्न थालेका छन् ।

नेपालले पुस १० गतेदेखि वितरण र प्रदर्शनमा हाइव्रिड प्रणाली आत्मसात गरेको छ । भन्नुको अर्थ –एकैसाथ फिल्म हल र ओटीटी प्लेटफर्ममा फिल्म रिलिज हुनेछन् । अग्रणी वितरण कम्पनी गोपिकृष्णले फिल्म बजार सामान्य नभएसम्म फिल्मलाई हलमा रिलिज नगर्ने निधो गरेको छ । तर, एप्पल इन्टरटेनमेन्टले चाहिँ थिएट्रिकल प्रदर्शनलाई प्राथमिकता दिँदै विहिबार हलिउड फिल्म ‘मन्स्टर हन्टर’ रिलिज गरेको छ ।

गतसाता भारतीय फिल्म हल संचालकले सलमानलाई पत्र लेख्दै उनको बहुप्रतीक्षित फिल्म ‘राधे’लाई आगामी इदमा हलमै रिलिज गर्न सुझाएका छन् । उद्योगको उत्थानका लागि पनि सलमानले यस्तो कदम चाल्नुपर्ने प्रदर्शकको माग छ ।

सलमान खानमाथि बलिउड निर्माता ठूलै आशा राख्छन् । किनभने उनका सबै फिल्मले १ सय करोडको बक्सअफिस आँकडा पार गर्छन् । उनको यही इतिहासलाई ख्याल गर्दै भारतीय फिल्म निर्माता संघले सलमानलाई पत्र लेखेको छ ।

सलमानसामु निर्माताको माग चाहिँ –उनको बहुप्रतीक्षित फिल्म ‘राधे’ आउँदो इदमा सिनेमा घरमा रिलिज हुनुपर्छ भन्ने हो । यसो गर्दा कोरोनाबाट थलिएको बलिउडले राहतको श्वास फेरोस् भन्ने हो । राधेले दर्शकलाई हलसम्म ल्याउन मद्दत गर्नेछ र निर्माताले सुखद कमब्याक गर्न सक्नेछन् भन्ने आशा उक्त पत्राचारबाट देखिन्छ ।

पत्रमा लेखिएको छ –‘तपाइँलाई अवगत नै छ कि सन् २०२० मा करोडौं भारतीय नागरिकसहित हामी निर्माताहरु पनि प्रभावित भयौं । पछिल्लो १० महिनामा सयौ सिंगल स्क्रिन र स्वतन्त्र फिल्म हल बन्द भैसकेका छन् । यसले गर्दा लाखौंको रोजिरोटी गुमेको छ जो प्रत्यक्ष वा अप्रत्यक्षरुपमा फिल्म उद्योगकै कर्मचारी थिए । दर्शक बिना शतप्रतिशत रुपमा हल चल्न असम्भव जस्तै छ । एक दशकदेखि फिल्मले दर्शकलाई हलसम्म लैजान महत्वपूर्ण भूमिका खेलेका छन् ।’

पत्रमा राधेले मात्र थलिएको बलिउड उद्योगलाई ब्युँताउन सक्ने लेखिएको छ । यस फिल्मलाई ठूलै स्केलमा रिलिज गर्ने हो भने हल, कर्मचारी र समग्र उद्योगलाई नै राहत पुग्ने भनिएको छ । सन् २०२१ को इद छेकोमा फिल्मलाई हलमा रिलिज गर्न भनिएको छ । ‘प्रदर्शकसहित तपाइँका करोडौं प्रशंसक अहिले पनि हलमा फिल्म लाग्ने अपेक्षा गरिरहेका छन्’ उल्लेख छ, ‘यो भन्दा राम्रो आइडिया अरु केही हुनैसक्दैन ।’

आजदेखि बलिउड भाइजान सलमान खान ५५ वर्ष लागे । नेपालसहित संसारभरका फ्यानहरुले आफ्ना प्रिय अभिनेताको जन्मदिन मनाए । मुम्बइमा एक सन्देश जारी गर्दै उनले कोभिड प्रोटोकल पालना गर्न र भीड नगर्न अपिल गरे ।

नेपालमा सलमानको फ्यान फलोइङ उच्च छ । उनलाई पछ्याउने र आदर्श मान्नेमा सबै उमेर समूहका नेपाली छन् । नेपालमा सर्वाधिक कमाउने फिल्मको सूचिमा भाइजानका फिल्म प्रशस्तै छन् । तर, स्वयम सलमान खान नेपालबारे के सोच्छन् ? यो निकै महत्वपूर्ण हुनेछ ।

सलमानसँग ‘भारत’ फिल्ममा सँगै काम गरेका नेपाली फिजियो डा. पुरन तिरवासँग नेपाल प्रेसले कुरा गरेको छ । उक्त फिल्मको छायांकन सेटमा तिरवाले सलमानसँग निकट रहेर काम गरे । ‘उहाँले मसँग नेपाल निकै सुन्दर लाग्ने र घुम्ने इच्छा व्यक्त गर्नुभएको थियो’ तिरवाले भने, ‘नेपालमा मेरा फ्यान प्रशस्तै छन् र मलाई माया गरिएका सन्देश पठाउनुहुन्छ । नेपालीहरु वास्तवमै मलाई प्रिय लाग्छ ।’

जीवनमा नेपालको पर्यटकीय थलो घुम्ने आफ्नो ठूलो इच्छा रहेको कुरा आफूलाई बताएको तिरवाले स्मरण गरे । नेपाली राष्ट्रिय क्रिकेट टोलीका पूर्व फिजियो समेत रहेका डा. तिरवाले आमिर खान स्टारर ‘ठग्स अफ हिन्दोस्तान’ र रणवीर–आलिया स्टारर ‘ब्रम्हाष्त्र’मा समेत काम गरेका छन् । ‘ब्रम्हाष्त्र’ रिलिज तयारीमा छ ।

कोभिड संक्रमणको जोखिमका कारण सलमान अहिले मुम्बइस्थित घरमै बसेर जन्मदिन मनाइरहेका छन् । यसपटक पहिलेजस्तो फ्यानको ग्यादरिङ र स्पेसल कार्यक्रम भने भाइजानको तर्फबाट छैन । नेपालस्थित सलमान खानका फ्यानले दरबारमार्गस्थित बेइङ ह्युमनको आउटलेटमा जन्मदिन केक भने काटेका छन् ।

बलिउड अभिनेता सलमान खान आइतबारदेखि ५५ वर्ष लाग्दैछन् । तर, यसपटकको बर्थडे सेलिव्रेसनको योजना चाहिँ छैन । उनी परिवारसहित मुम्बइको पानभेल फार्महाउसमा रहनेछन् ।

उनले परिवारसँगै जन्मदिन मनाउने बलिउडहंगामाले जनाएको छ । उनी अंग्रेजी नयाँवर्षदेखि अन्तिम टाइटलको फिल्म छायांकनमा व्यस्त हुनेछन् । महेश मंजिरकारले निर्देशन गर्ने उक्त फिल्मको सेटमै सलमानको बर्थडे सेलिव्रेसन योजना भैरहेको छ ।

‘मैन प्यार किया’ अभिनेता कुनैबेला बलिउडमा ‘ब्याड ब्वाइ’ विशेषणले चिनिन्थे । तर, पछिल्लो समय उनी प्रशंसकबाट भाइजान नामले परिचित छन् । उनी सामाजिक संस्था बेइङ ह्युमनबाट समेत समाजसेवामा सक्रिय छन् ।

भारतमा चलेको कोरोना लकडाउनको समयमा अभिनेताले २५ हजार फिल्म मजदुरलाई आर्थिक सहयोग गरेका थिए । सलमानको बर्थडे अवसरमा शनिबार बेलुका नेपाली फ्यानहरुले बर्थडे सेलिव्रेसन तयारी गरेका छन् ।