काठमाडौं । सामाजिक संस्था मैनादेवी फाउन्डेसन र युएनडीपीको साझेदारीमा राजधानीको बानेश्वर क्षेत्रमा शनिबार सरसफाइ अभियान संचालन भएको छ । आलोकनगर क्षेत्रबाट सुरु भएको अभियानमा सडकमा फ्याँकिएका मास्क, सिरिन्ज, ग्लोब्स र अन्य फोहोर संकलन गरिएको थियो । गायक प्रकाश सपुत पनि सरसफाइमा स्वयंसेवक सँगै जुटे ।
फाउन्डेसनले ‘प्रोजेक्ट सचेतना : हाम्रो स्वास्थ्य, हाम्रो उत्तरदायित्व’ संचालन गरिरहेको छ । ७७ जिल्लामै संचालन भएको प्रोजेक्ट अन्तर्गत ३०० जना स्वयंसेवक ३०० वटा स्थानीय तहमा सक्रिय भएका छन् ।
‘जथाभावी फ्याँकिएका मास्कबाट समुदायमा कोभिड–१९ संक्रमण फैलिन सक्ने भएकाले हामी त्यसो नगर्न आग्रह गर्छौ’ फाउन्डेसन अध्यक्ष केपी खनालले भने ।
