Tag: शव

जनकपुरधाम । जनकपुरधामको ऐतिहासिक धनुष सागर पोखरीमा शुक्रबारदेखि बेपत्ता एक युवकको शव आज बिहान फेला परेको छ ।

जनकपुरधामकै कटैया चौरी घर भएका अन्दाजी ३५ वर्षीय सन्तोष सहनीको शव फेला परेको हो । पोखरीमा नुहाउने क्रममा उनी बेपत्ता भएका थिए ।

यूवक बेपत्ता भएको कुरा जानकारी पाएलगत्तै सुरक्षाकर्मीले पोखरीमा डुंगाको सहायताले खोजतलास गरेको थियो । आज बिहान पोखरीमा तैरिरहेको अवस्थामा उनको शव फेला परेको प्रहरीले जनाएको छ ।

उनको शव पोष्टमार्टमका लागि प्रादेशिक अस्पताल पठाइएको छ ।

काठमाडौं । राष्ट्रिय ध्वजावाहक नेपाल वायुसेवा निगम (नेपाल एयरलाइन्स) को वाइडबडी ए ३३० जहाजले मलेसियाको राजधानी क्वालालम्पुरबाट हरेक महिनाको एक उडानबाट नेपाली नागरिकको शव ल्याइरहेको छ ।

वैदेशिक रोजगारीका सिलसिलामा विभिन्न कारणले मलेशियामा ज्यान गुमाएका नेपालीको शव ल्याउन त्यहाँस्थित राजदूतावासको आग्रहमा महिनामा निगमको एक उडान प्रयोग हुँदै आएको हो । त्यसका लागि कार्गो उडान जटिल र संवेदनशील हुने भएकाले निजी क्षेत्रका अन्तरर्राष्ट्रिय वायुसेवा कम्पनीले शव ल्याउन आनाकानी गर्ने गर्छन् । राष्ट्रिय ध्वजाबाहक भएकाले सामाजिक उत्तरदायित्वअन्तर्गत यसअघि पनि मलेसियालगायत अन्य गन्तव्य मुलुकबाट निगमले नेपालीको शव ल्याएकोे थियो ।

निगमका एक उच्च अधिकारीका अनुसार हरेक महिनाको कम्तीमा एक उडानबाट शव ल्याउन त्यहाँस्थित नेपाली दूतावासले पत्राचार गर्दै आएको छ । निगमले सबैभन्दा बढी मलेसियाबाट र अन्य खाडी मुलुकबाट पनि शव ल्याएको थियो । वैदेशिक रोजगारीका लागि आकर्षक गन्तव्य मानिएको मलेसियामा हाल साढे तीन लाख नेपाली श्रमिक रहेको बताइन्छ ।

निगमको जहाजले गत शनिबार एकै उडानमार्फत २४ शव र तीन अस्तु नेपाल ल्याएको थियो भने गत २०७७ माघ १० मा एकैपटक १८ शव ल्याइएको थियो । कोभिड–१९ महामारी नियन्त्रणका लागि नेपालमा जारी निषेधाज्ञाका बेला निगमले हरेक महिना शव ल्याइरहेको छ । वैदेशिक रोजगारीको सिलसिलामा मलेशियामा रहेका नेपालीको मृत्यु भएपछि त्यहाँ शव अलपत्र अवस्थामा थियो ।

निगमको क्वालालम्पुरमा न्यारोबडी जहाजले नियमित उडान गर्दै आएकामा नेपाली कामदारको शव लिनाकै लागि वाइडबडी जहाज प्रयोग गर्ने गरिएको हो । निगमले दुई थान न्यारोबडी जहाज ए ३२० र दुई थान वाइडबडी ए ३३० जहाजमार्फत भारतका तीनसहित सात देशका नौ गन्तव्यमा अन्तरर्राष्ट्रिय उडान भर्दै आएको छ । रासस

काठमाडौं । मेलम्चीमा आएको बाढीपछि सम्पर्कविहीन बनेका ८ कामदारमध्ये दुईजनाको शव फेला परेको छ । उनीहरु दुवै चिनियाँ हुन् ।

बाढीले बगाएर ल्याएको अवस्थामा ४७ वर्षीय यु ची झु र २२ वर्षीय गोगव तियाङ सियाओको शव फेला पारेको प्रमुख जिल्ला अधिकारी अरुण  पाेखरेलले नेपालप्रेसलाई बताए ।

उनीहरुमध्ये यु ची झुको शव आज बिहान सिन्धुलीको खोलामा भेटिएको र गोगको मेलम्ची दोभानभन्दा केही तल फेला परेको उनले जानकारी दिए ।

उनीहरु दुवै चिनियाँ कम्पनी सिनो हाइड्रोका कामदार रहेको पुष्टी भएको छ । उनीहरुको साथमा भटिएको परिचयपत्रको आधारमा पहिचान खुलेको हो ।

सीडीओ नेपालका अनुसार आयोजनाका ७८ कामदारलाई उद्धार गरिएको छ भने अझै ६ जना कामदार सम्पर्कविहीन छन् ।
उनले भने, ‘अझै पनि केही कामदार बेपत्ता भएको खबर आएकाले खोजी कार्य तीव्र पारिएको छ ।’

हेलम्बु गाउँपालिका- १ आम्बाथानमा रहेको मेलम्ची खानेपानी आयोजनाको हेर्डवक्समा खटिएका ३ चिनियाँ, ३ भारतीय र २ नेपाली सम्पर्कविहीन भएका थिए । बाढीमा अलपत्र परेका कामदारहरुलाई हेलिकम्पटरबाट उद्धार गरी धुलिखेल र काठमाडौं अस्पतालमा राखिएकोे मेलम्ची खानेपानी विकास समितिका प्रवक्ता राजेन्द्रप्रसाद पन्तले बताए ।

मंगलबार परेको अविरल वर्षाका कारण हेलम्बुको आयोजनाभन्दा माथि पहिरो गएको थियो । पहिरोले नदी थुनिँदा आयोजनाको संरचनामा क्षति पुगेको छ ।

आयोजना नजिकैको मुहानमा रहेको क्याम्प बाढीले बगाएको थियो भने आयोजनामै कार्यरत कामदारहरु बाढीमा फसेका थिए । बाढीका कारण मेलम्ची बजारको दुईसय भन्दा बढी घरहरु डुबानमा पर्नुको साथै ७ जनाले ज्यान गुमाइसकेका छन् ।

सोलुखुम्बु । सगरमाथा क्षेत्रमा दुई वर्षअघि मृत्यु भएका अमेरिकीको शव भेटिएको छ । विसं २०७६ जेठ १३ गते आरोहण सकेर फर्कने क्रममा मृत्यु भएका क्रिस्टोफर जोन कुलिशको शव शनिबार भेटिएको प्रहरीले जनाएको छ ।

मृत्यु भएका समयमा उनको उद्धारका लागि मौसम अनुकूल नहुदा सोही स्थानमा छाडिएको थियो । वसन्त याममा आरोहण सकेर फर्कने आरोहीको समूहले उद्धार गरी उक्त शव क्याम्प २ मा ल्याएर राखेको जिल्ला प्रहरी कार्यालयका प्रहरी नायब उपरीक्षक कवित कटवालले जानकारी दिए । अहिले त्यहाँबाट हेलिकोप्टरमार्फत उद्धारको प्रयास भइरहेको बताइएको छ ।

राहदानी नं ५०९६५१०६२ भएका ६१ वर्षीय कुलिशको क्याम्प ४ मा हृदयाघातका कारण मृत्यु भएको प्रहरीले जनाएको छ । उनी ट्याग नेपाल ट्रेकिङ कम्पनीमार्फत १४ जनाको समूहमा सगरमाथा आरोहणमा गएका थिए ।
-रासस

चितवन । देशैभर कोरोना संक्रमण बढिरहेको बेला पवित्र तीर्थस्थल देवघाटधाममा अन्तिम संस्कारका लागि ल्यााउने शवको सङ्ख्या दोब्बरभन्दा बढी भएको छ । संक्रमितको शव बागेश्वरीमा र अन्यको देवघाटमा अन्तिम संस्कार गरिँदै आएको छ ।

देवघाट क्षेत्र विकास समितिका कार्यकारी निर्देशक धिरणबाबु घिमिरेका अनुसार दैनिक ७/८ वटा शव दाहसंस्कारका लागि आउने गरेकामा अहिले यो सङ्ख्या बढेर एकै दिन १९ सम्म पुगेको छ । यसअघि धेरै शव आएका दिन १० वटासम्म हुने गरेको भन्दै उनले एकाएक शव बढेपछि दाउराको व्यवस्थापन जटिल बन्ने बताए ।

कोरोनाबाट मृत्यु भएकाहरुको नेपाली सेनाको सहयोगमा बागेश्वरीस्थित नारायणी नदी किनारमा अन्तिम संस्कार गरिन्छ । कतिपयलाई जलाइन्छ भने कतिपयको धार्मिक विधिअनुसार पुर्ने गरिन्छ । जलाउनका लागि देवघाटबाटै दाउरा लैजाने गरिन्छ ।

घिमिरेको भनाइमा विगतका तुलनामा दोब्बरभन्दा बढी शव आउन थालेपछि थप दाउरा व्यवस्थापनको तयारी थालिएको छ । शवको व्यवस्थापनमा सहयोग गर्दै आएको कालीबहादुर गण भरतपुरका प्रमुख सेनानी विज्ञानराज खनालका अनुसार संक्रमण भएका दैनिक तीन÷चारवटा शव सेनाले व्यवस्थापनमा सहयोग गर्दै आएको छ । अन्य शव देवघाटमा अन्त्येष्टि गरिन्छ ।

गत वर्ष यही समयमा पहिलो पटक लकडाउन हुँदा देवघाटमा शवको सङ्ख्या पनि घटेको थियो । उक्त समयमा दैनिक ५/६ वटा मात्रै शव आउने गरेको बताइन्छ । तर यस पटक शवको सङ्ख्या बढ्नुलाई सङ्क्रमणको कारण होम आइसोलेशनमा मृत्यु भएको हुन सक्ने अनुमान गरिएको छ । होम आइसोलेशनमा मृत्यु भएकाहरुको शव आफन्तले नै अन्त्येष्टि गर्ने गरेको हुन सक्ने देवघाट क्षेत्र विकास समितिका पूर्वअध्यक्ष टङ्कनाथ पौडेलले बताए ।

सामान्य अवस्थामा टाढाटाढाबाट समेत शव ल्याइने भए पनि लकडाउनका कारण अहिले अन्यत्रबाट शव देवघाट ल्याइँदैन । स्थानीय खोला नदीहरुमा नै अन्त्येष्टि गरिँदै आएको छ । देवघाट क्षेत्रमा वृद्धवृद्धाहरुको बसोबास धेरै भएकाले समितिले थोरै सङ्ख्यामा मात्रै मलामी आइदिन र अन्त्येष्टिस्थलबाट सोझै फर्किन आग्रह गर्दै आएको छ ।

चितवनका दुई अस्पतालमा १८ घण्टामा आठ जनाको मृत्यु

चितवनका दुईवटा अस्पतालमा १८ घण्टामा आठजना कोरोना सङ्क्रमितको मृत्यु भएको छ । मङ्गलबार मध्याह्न ३ः३० देखि बुधबार बिहान ९ः२६ बजेसम्म आठ जनाको मृत्यु भएको हो । मृत्यु भएकामध्ये पाँचजना ४० देखि ४५ वर्ष उमेर समूहका रहेका छन् ।

चितवन मेडिकल कलेजमा चार र भरतपुर अस्पतालमा चार जनाको मृत्यु भएको छ । मृत्यु हुने अधिकांश ५० वर्ष मुनिका रहेका छन् । चितवन मेडिकल कलेजका सूचना अधिकारी डा. किशोर अधिकारीका अनुसार रुपन्देहीको बुटवल उपमहानगरपालिकाका ४२ वर्षीय पुरुष, रुपन्देहीकै शुद्धोधन नगरपालिकाका ४२ वर्षीय पुरुष, नवलपपरासीको गैँडाकोट नगरपालिकाका ५८ वर्षीय पुरुष र रुपन्देहीको तिलोत्तमा नगरपालिकाका ५८ वर्षीय पुरुषको आज बिहान मृत्यु भएको हो । मृत्यु भएकाहरुमा कोभिडबाहेक अन्य जटिल समस्या नरहेको अधिकारीले जानकारी दिए ।

यस्तै भरतपुर अस्पतालका मेडिकल रेकर्डर नारायण रिजालका अनुसार भरतपुर-४ का ६२ वर्षीय पुरुष र बुटवलका ४० वर्षीय पुरुषको मङ्गलबार दिउँसो, साँझ मकवानपुरको हेटौँडा नगरपालिकाका ४३ वर्षीय पुरुषको र आज बिहान भरतपुर महानगरपालिकाका ४५ वर्षीय पुरुषको मृत्यु भएको छ ।

काठमाडौं । पशुपतिको राममन्दिरनजिकै पञ्चदेवलमा आइतबार बिहान आगो लागेको खबर गौशाला प्रहरीमा पुग्यो । प्रहरी टोली बिहानै पञ्चदेवलमा पुग्दा प्रहरीले आगो लागेको ठाउँ शंकास्पद देखेपछि प्रहरीले खोजी गर्न थाल्यो ।

आगो लागेको भनिएको ठाउँमा मानिसको शव जल्दै गरेको फेला पर्‍याे । गौशाला प्रहरी वृतका अनुसार आगो लागेको स्थानमा ३५ वर्षीया बबितादेवी चौधरीको शव पूरै जलेको अवस्थामा फेला परेको छ ।

मृतक बबितादेबी र उनका श्रीमान रवि चौधरी राममन्दिर नजिकैको पञ्चदेवलमा बस्दै आएका थिए । बबिताले चार दिन अगाडी अनु थापाको मोवाइल चोरेकी थिइन् ।

मोवाइल चोरेपछि अनु थापा र उसको साथीहरु मिलेर बबितादेबीलाई मरणाशन्‍न हुने गरी कुटे । उनीहरुको कुटपिटबाट बबिताको टाउको र आँखामा चोट लागेको थियो ।

सोही चोटको कारण उनी उठ्न सकिनन् । उनी दुईतीन दिनदेखि त्यही सुतिरहेकी थिइन् । कुटपिटपछि घाइते भएकी उनलाई रविले अस्पताल लैजानुको साटो बेवास्ता गरे ।

सुतिरहेकै ठाउँमा रविले खाना ल्याइदिएका थिए । ‘त यस्तो चोरी गर्ने म त सँग बस्दिन ’ भनेर उसलाई छोडेर रवि छुट्टै सुत्ने गरेका थिए । शनिवार दिउँसो अनु थापा र रविले श्रीमती लरखराउदै ढलेको देखे ।

बबिता ढलेको देखेपछि प्राण त्यागेकोे अनु र रविले चाल पाए । उनको मृत्यु भएपछि अब के गर्ने भनेर आत्तिएर डराए । बरु पशुपतिमा ल्याउ जलाइदिउँ भनेर अनुले भनिन् ।

रविले ‘होइन कसैलाई खबरै नगरी यसलाई एउटा खाल्डो खनेर गाडिदिनुपर्छ’ भने । मृतक अघिल्लो दिन ढलेकै ठाउँबाट उठाएर भित्र लगे । त्यहाँ राखेर ब्ल्याङकेट ओडाएर छोपेर राखे ।

बेलुका ५ बजे रविले बबितालाई गाड्नका लागि नजिकै खाल्डो खन्ने प्रयास गरे । बेल्चाले खाल्डो खन्न सम्भव नभएपछि उनले ७ बजे आगो लगाइदिए ।

घटना भएको भोलिपल्ट बिहान आइतबार प्रहरी पुग्दा आगो लगाएको अवस्थामा शव फेला परेको हो । घटनामा संलग्न भएको आरोपमा गौशला प्रहरी वृतले रवि चौधरी र अनु थापालाई पक्राउ गरेको छ ।

गौशाला प्रहरी वृतका प्रहरी निरिक्षक जनक ढुंगानाले नेपालप्रेससँग भने,‘शरीर पूरै जलेर शव नचिनिने अवस्थामा फेला परेको हो । बायाँपट्टीको खुट्टा र घुँडा अलिकति भाग फेला परेको हो ।’

प्रहरीले फरेन्सिक ल्याबमा अनुसन्धानसँगै शवलाई पोष्टमार्टम गर्न टिचिङ अस्पतालमा लगिएको छ । उनका अनुसार सुतेकै ठाउँमा शवमा आगो लगाएको थियो । त्यहीबाट शव बरामद गरेको हो ।

मृतकका श्रीमानले शुरूमा आफूले आगो लागेको मात्रै देखेको बयान दिए तर बुझ्दै जाँदा पछि उनले खाल्डो खनेर गाड्ने योजना बनाएका थिए । तर, सफल हुन नुसकेपछि उनले शव भएकै ठाउँमा आगो लगाइदिए ।

उनले भने,‘प्रहरीको प्रारम्भिक अनुसन्धानबाट मोवाइल चोरेको कारणले गर्दा अनु थापाको कुटपिटबाट घाइते भएकी बबिता चोटपटकको कारण उनको मृत्यु भएको खुल्न आएको छ । यिनिहरुले लाश लुकाउनका लागि शव जलाए ।’