Tag: विश्वकप छनाेट

काठमाडौं । आईसीसी टी-२० विश्वकपको एसियाली छनोटमा आज नेपाली राष्ट्रिय महिला टोलीले मलेसियासँग खेल्दै छ । नेपाली समयअनुसार ११:१५ बजे आईसीसी एकेडेमी दुबईमा सुरु हुने खेलमा नेपाल लगातार तेस्रो जित निकाल्ने लक्ष्यसहित मैदानमा उत्रिने छ ।

नेपाल पहिलो खेलमा हङ्कङसँग ६ विकेटले पराजित भएको थियो । दोस्रो खेलमा भुटानलाई ८ विकेटले हराएको थियो । तेस्रो खेलमा कुवेतलाई पराजित गरेको नेपालले ग्लोबल छनोटको सम्भावना कायमै राखेको छ ।

नेपालले ग्लोबल छनोटमा स्थान बनाउँन बाँकी दुवै खेल जित्नु पर्नेछ । नेपालले मलेसियापछि आइतबार युएईसँग खेल्नेछ । एसियाली छनोटबा शीर्ष टोलीले ग्लोबल क्वालिफायरमा स्थान बनाउने छ ।

एजेन्सी । कतारमा अर्को वर्ष हुने फिफा विश्वकप फुटबलमा छनोट हुने ब्राजिल दक्षिण अमेरिकाको पहिलो देश बनेको छ ।

विश्वकप दक्षिण अमेरिकी छनोट अन्तर्गत आज विहान भएको खेलमा कोलम्बियामाथि १–० को जितका साथ ब्राजिलले ६ खेल अगावै कतार विश्वकप निश्चित गरेको हो ।

विश्वकपको दक्षिण अमेरिकी छनोटमा १० टोली सहभागी छन् । राउण्ड रोविन प्रणालीमा होम एण्ड अवे प्रतिस्पर्धाअन्तर्गत सबैले १८ खेल खेल्नेछन् । छनोटमा अपराजित ब्राजिल १२ खेलबाट ३४ अंकका साथ छनोट भएको हो ।

दक्षिण अमेरिकाबाट ४ टोलीले सिधै विश्वकप खेल्नेछन् भने पाँचौं स्थानमा रहनेले अन्तरमहादेशीय प्लेअफ खेल्नेछ ।

छनोट प्रतियोगितामा लगातार चौथो खेलसम्म जित निकाल्न असफल कोलम्बियामाथिको जितमा ब्राजिलका लुकास पाक्वेटाले निर्णायक गोल गरेका थिए । ७२औं मिनेटमा उनले नेइमारको पासमा गोल गरेका थिए ।

काठमाडौं । विश्वकप तथा एसियन कप छनोट अन्तर्गत दोस्रो चरणको आफ्नो अन्तिम खेलमा आज नेपालले एसियाली पावरहाउस अस्ट्रेलियाको सामना गर्दैछ ।

पाँचपल्ट विश्वकप खेलिरहेको अस्ट्रेलियाका लागि आजको खेल जितेसँगै समूहको शीर्ष स्थानमा रहेर विश्वकप छनोटको तेस्रो चरणमा स्थान सुरक्षित हुनेछ ।

फिफा वरियतामा ४१ नम्बरमा रहेको अस्ट्रेलिया नै नेपालले अहिलेसम्म सामना गरेको बरियताका आधारमा सबैभन्दा ठूलो टोली हो । यसअघि २०१९ को अक्टोबर १० मा खेलिएको पहिलो लेगमा नेपाल ५–० ले पराजित रहेको थियो ।

कुवेतको जावेर अल हमाद अनतर्राष्ट्रिय रंगशालामा यो खेल नेपाली समयअनुसार राती पौने १० बजेदेखि सुरु हुनेछ ।

दुई सातादेखि मध्यपूर्वमा रहेको नेपालले इराकसँग मैत्रीपूर्ण खेल खेलेको थियो भने विश्वकप छनोट अन्तर्गत नै चाइनिज ताइपेईसँग र जोर्डनसँग खेलिसकेको छ । सबैकुरा सामान्य भइदिएको भए यी तीनै खेल नेपालले आफ्नै मैदानमा खेल्न पाउने थियो ।

खेलअघिको पत्रकार सम्मेलनमा नेपाली प्रशिक्षक अब्दुल्लाह अल्मुताइरीले नेपालले आफ्नो खेल्ने शैली परिवर्तन गरेको र यसले समर्थकलाई खुसी दिएको बताएका थिए । ‘म अस्ट्रेलियासँग नेपाल टिमको अर्को एउटा सकारात्मक प्रदर्शनको आशा गर्छु । हाम्रो खेल्ने शैली सुधारिएको छ र यसले हाम्रा समर्थकलाई खुसी दिएको छ,’ उनले भने।

कुवेतका प्रो लाइसेन्सधारी प्रशिक्षक अल्मुताइरीले आफ्नो टिममा रहेका डेब्यू गर्न बाँकी युवा खेलाडीलाई अस्ट्रेलियासँगको खेलमा अवसर दिने संकेतसमेत गरेका छन् । ‘मलाई थाहा छ अस्ट्रेलियासँगको खेल कठिन हुनेछ तर उनीहरुले खेल्न पाउनु पनि त्यत्तिकै महत्वपूर्ण रहनेछ,’ अल्मुताइरीले भने । नेपाली टोलीमा परेर कुवेत उडेका गोलरक्षकबाहेक सुरज ज्यू ठकुरी, आयुश घलान र कमल थापाले डेब्यू गर्न बाँकी छ ।

अस्ट्रेलियाका मुख्य प्रशिक्षक ग्राहम आर्नोल्डले नेपाली टोली मिहिनेती भएको र उनीहरुसँग खेल्न उत्साहित रहेको प्रतिक्रिया दिए । ‘उनीहरु फरक शैलीमा खेल्छन् । उनीहरुका प्रशिक्षकले राम्रो काम गरिरहेका छन् । हामी नेपाली टिमको सम्मान गर्छौं, उनीहरु मिहिनेती छन्,’ आर्नोल्डले पत्रकार सम्मेलनमा भने ।

काठमाडौं । पहिलो लेगकै नतिजालाई कायम राखि विश्वकप तथा एसिया कप छनोटमा नेपालले जोर्डनसँग ३-० गोलअन्तरकोे पराजय व्यहोरेको छ ।

समूहको चौथो स्थानमा रहेको नेपालले जोर्डनसँग उसकै मैदानमा खेलिएको अवे खेलमा पनि ३-० ले नै हारेको थियो ।

कोरोना महामारीका कारण तथस्ट मैदानका रुपमा कतारको जुवेर अलअहमद अन्तर्राष्ट्रिय रंगशालामा खेलाइएको होम खेलमा नेपाल पहिलो हाफ पेनाल्टीमा गोल खाँदै १-० ले पछि थियो ।

२२ औं मिनेटमा रोहित चन्दले मोउसा मोहम्मद सुलेमनलाई बक्सभित्र फल गरेपछि पाएको पेनाल्टीमा जोर्डनका बाहा फैजालले गोल गरे ।

दोस्रो हाफको सुरुमै फैजालले नै गोल गरी अग्रता दोब्बर पारे । ६७ औं मिनेटमा याजान अलनैमातको क्रसमा याजान अल अरवले शानदार हेडर गोल गरे ।

फिफा वरियतामा आफूभन्दा ७६ स्थान माथि रहेको जोर्डनको पोष्टमा नेपालले एउटै शशक्त आक्रमण गर्न सकेन । प्रशिक्षक अब्दुल्लाह अल्मुताइरीले पेनाल्टी नभएको भए खेलको नतिजा अर्कै हुनसक्ने अनुमान गरे । तर उनले आफ्नो योजनाअनुसार नै खेलेकोमा टिमको प्रदर्शनबाट पूर्ण सन्तुष्ट रहेको बताए ।

नेपालले अघिल्लाे खेलमा चार दिनअघि चाइनिज ताइपेईलाई २–० गाेलले पराजित गरेकाे थियाे । समूहचरणकाे अन्तिम खेलमा नेपालले शुक्रबार सबैभन्दा बलियाे प्रतिस्पर्धी अस्ट्रेलियासँग खेल्नेछ ।

एजेन्सी । फिफा विश्वकप अन्तर्गत दक्षिण अमेरिकी छनोटमा अर्जेन्टिना र चिलीले १–१ गोलको बराबरी खेल्दै अंक बाँडेका छन् । यो बराबरीले अर्जेन्टिनालाई छनोट प्रतियोगिताको शीर्ष स्थानमा उक्लिने अवसर गुमेको छ ।

नेपाली समयअनुसार आज विहान घरेलु मैदानमा भएको खेलमा अर्जेन्टिनाले कप्तान लियोनल मेस्सीको पेनाल्टी गोलमार्फत २४ औं मिनेटमा अग्रता बनाएको थियो ।

तर चिलीका सुपरस्टार तथा कुनै समय बार्सिलोनामा मेस्सीका टिममेट रहेका एलेक्सिस सान्चेसले ३६ औं मिनेटमा बराबरी गोल फर्काएका थिए । त्यसपछि दुवै टोलीबाट गोल हुन सकेन ।

छनोट प्रतियोगिताको दोस्रो स्थानमा रहेको अर्जेन्टिनाले बराबरीपछि ५ खेलबाट ११ अंक पु¥याएको छ । शीर्ष स्थनमा रहेको ब्राजिलको १२ अंक छ भने उसले एक खेल कम खेलेको छ ।

यता चिली भने कठिन स्थितिमा छ । उसले ५ खेलबाट ५ अंक भएको छ । चिली छनोट प्रतियोगिताको छैटौं स्थानमा छ ।

दक्षिण अमेरिकाबाट छनोट प्रतियोगितामा १० देशको प्रतिस्पर्धा छ । राउण्ड रोविन प्रतियोगितामा शीर्ष ४ टोलीले सिधै विश्वकप खेल्नेछ भने पाँचौं स्थानमा रहने टोलीले इन्टरकन्टिनेन्टल प्लेअफ खेल्नेछ ।

यसअघि आज विहान नै भएको अर्को खेलमा उरुग्वे र पाराग्वेले गोलरहित बराबरी खेल्दै अंक बाँडेका छन् । समान ५ खेलबाट ७ अंकसहित पाराग्वे चौथो र उरुग्वे पाँचौं स्थानमा छन् ।

अर्को खेलमा बोलिभियाले भेनेजुएलालाई ३–१ गोलले हराएको छ । छनोट प्रतियोगितामा बोलिभियाको यो पहिलो जित हो । ५ खेलबाट बोलिभियाको ४ र भेनेजुएलाको ३ अंक छ ।