जनकपुरधाम । मधेस प्रदेशको एकमात्र महानगरपालिका वीरगञ्जको मेयरमा पुनः विजय सरावगीले उम्मेदवारी दर्ता गराएका छन् ।
गत स्थानीय तहको निर्वाचनमा उपेन्द्र यादव नेतृत्वको तत्कालिन संघीय समाजवादी फोरमबाट सरावगी मेयरमा निर्वाचित भएका थिए । यादव नेतृत्वकै जसपा परित्याग गरेर केहिदिन अगाडि मात्र एमालेमा प्रवेश गरेर उनी सो पार्टीबाट पुनः मेयरको उम्मेदवार बनेका हुन् ।
सरावगी हजारौं कार्यकर्ता लिएर उम्मेदवारी दर्ता गराउन निर्वाचन अधिकृतको कार्यालय पुगेका थिए । कार्यकर्ताहरुले मेयरमा सरावगीलाई जिताउन नाराबाजी गरेका छन् ।
वीरगञ्जमा सत्ता गठबन्धनको सामना गर्न एमालेले लोसपासँग तालमेल गरेको छ । लोसपाबाट उपमेयरमा पुरुषेत्तम लाल झाले उम्मेदवारी दिएका हुन् ।
