रोल्पा । एमाले विभाजन भएसँगै केन्द्रदेखि गाउँसम्म पनि त्यसको असर देखिएको छ । नयाँ पार्टी रोज्न प्रदेश र स्थानीय तहका जनप्रतिनिधिलाई निर्वाचन अयोगले दिएको भदौ २२ सम्मको सीमा नजिकिँदैछ ।
रोल्पामा एमालेबाट निर्वाचित सबै जनप्रतिनिधि एमालेमै रहने भएका छन् । १० स्थानीय तह रहेको रोल्पामा एमालेले त्रिवेणी गाउँपालिका र रुन्टीगढी गाउँपालिकामात्रै जितेको थियो ।
त्रिवेणीका अध्यक्ष शान्तकुमार वलीसहित र रुन्टीगढी गाउँपालिकाका अध्यक्ष बालाराम बुढासहित सबै जनप्रतिनिधि एमालेमै रहने भएका छन् ।
यी दुई गाउँपालिकामा एमालेबाट जितेका अधिकांश जनप्रतिनिधि पनि एमालेमै रहने भएका छन् । त्रिवेणीका चार वडामा एमालेले वडाध्यक्ष जितेको थियो ।
वडा नम्बर २ का कविराज बुढा, ३ का टीकाराम वली, ५ मा कृष्णबहादुर केसी र ७ भानबहादुर घर्तीले जितेका थिए ।
त्यस्तै रुन्टीगढीकामा एमालेले दुई वडामा जितेको थियो वडा ५ मा यमबहादुर दशौदी राना र वडा ९ मा नेपबहादुर थापाले चुनाव जितेका थिए।
प्रदेशसभा भने माओवादी केन्द्र र एमालेबीच गठबन्धन हुँदा सबै सिट माओवादीले पाएको थियो ।
जनप्रतिनिधिले एमालेबाट विभाजित भएर बनेको नयाँ दल नेकपा (एकीकृत समाजवादी) नरोजे पनि २०७५ जेठ २ को कमिटीका केही नयाँ पार्टी रोजेका छन् ।
जिल्ला अध्यक्ष हरिप्रसाद घर्ती नेकपा एसमा खुलेका छन् । अन्य सबै पदाधिकारी भने एमालेमै रहने भएका छन् । पदाधिकारीमा एक्ला घर्तीलाई ८५ सदस्य जिल्ला कमिटीबाट केही सदस्यले साथ दिएका छन् ।
जिल्ला कमिटी सदस्यहरूमा मनप्रसाद घर्ती, नेपबहादुर डाँगी, अमृत चन्द, मानसिंह डाँगी, मनकली डाँगी, शान्तराज बोहरा, हितबहादुर रोका लगायत एकीकृत समाजवादीमा खुलेका छन् ।
साविकको जिल्ला कमिटीका १० प्रतिशत भन्दा बढी नेकपा एसमा नजाने एमाले जिल्ला कमिटी सदस्य ईश्वरी जीएम बताउँछिन् ।
पार्टीको अधिकांश पालिका कमिटी अध्यक्षहरु पनि एमालेमै रहने भएका छन् । थवाङ गाउँपालिकाका अध्यक्ष हितबहादुर रोकाले एकीकृत समाजवादीमा रोज्ने भएका छन् ।
त्यस्तै रुन्टीगढी गाउँपालिका कमिटीका अध्यक्ष आसाराम बुढा तटस्थ देखिएका छन् । उनी आफ्नो व्यवसायमा रहेकाले तथस्ट देखि पनि एकीकृत समाजवादीमा भने नलाग्ने जीएमको भनाइ छ ।
रोल्पा नगर कमिटीका अध्यक्ष बालकृष्ण आचार्य पहिले माधव समूहतिर रहेका भए पनि अहिले एमाले नै रोज्ने भएका छन्।
गंगादेव गाउँपालिका कमिटी अध्यक्ष रोशन वली एमालेमै रहने भएका छन् । त्यस्तै सुनिलस्मृतिका अध्यक्ष पनि एमालेमै रहने भएका छन् । सुनिल स्मृति पालिका कमिटीका सचिव हितबहादुर आले भने एकीकृत समाजवादीमा जाने भएका छन् ।
त्रिवेणी, सुनछाहारी, परिवर्तन र लुङ्ग्री गाउँपालिका कमिटी अध्यक्षहरू पनि एमालै रहने भएका छन् ।
