काठमाडौं । उदीयमान कलाकार गौरव पौडेल (रेडक्याप)को ‘खत्रा’ र्याप गीत सार्वजनिक भएको छ । पौडेलको उक्त र्याप गीत हिजो युट्युवमार्फत् सार्वजनिक भएको हो ।
उनले यसअघि ‘ताल न बेताल’, ‘हाँस’लगायत दर्जन बढी गीत गाइसकेका छन् । नयाँ गीतमा पौडेलकै शब्द छ भने कम्पोज पनि उनी आफैंले गरेका हुन् । गीतमा संगीत पनि पौडेलले नै भरेका हुन् ।
गीतको भिडिओमा उनी आफैंले अभिनय गरेका छन् ।
‘खत्रा’ गीतको म्युजिक एरेन्ज लुप रेकर्डसले गरेको हो भने दृश्य सम्पादन जोक फिलिम्सले गरेको हो ।
काठमाडौं । उदीयमान कलाकार गौरव पौडेल (रेडक्याप)ले अर्को र्यापगीत सार्वजनिक गरेका छन् । उनले यसपटक ‘हाँस हाँस’ शीर्षकको र्यापगीत बजारमा ल्याएका हुन् ।
र्यापगीतप्रति आफ्नो क्रेजलाई प्रस्तुत गर्दै रेडक्यापले उक्त गीत ल्याएका हुन् । उनको गीतमा समसामयिक विषयका धेरै सवाल प्रस्तुत भएका छन् ।
गीतको शब्द उनैले लेखेका हुन् । उनले आगामी दिनमा फरक स्वादका गीत पस्कँदै जाने बताए ।
उनले यसअघि ‘ताल न बेताल’ शीर्षकमा दोहोरी र र्यापको मिश्रण शैलीको गीत बजारमा ल्याएका थिए । रेडक्यापको शब्द रहेको उक्त गीतमा दृष्टि पौडेलले आवाज दिएकी छन् । गीतको र्याप भागमा रेडक्यापले नै स्वर भरेका छन् ।