Tag: रुस

एजेन्सी । गएराति समूह बी अन्तर्गत डेनमार्कले समूहको अन्तिम र रुस समूहको दोस्रो स्थानमा रहेर अन्तिम खेलको सुरुआत गरेका थिए ।

खेलको अन्तिम सिठ्ठी बजेपछि समूहमा उनीहरुको स्थान उल्टियो र डेनमार्क समूह उपविजेता रहँदै युरोको नकआउट चरणमा पुग्यो ।

कोपनहेगनमा घरेलु समर्थकमाझ डेनमार्कले ४-१ कोे जित हासिल गरेपछि रुस प्रतियोगिताबाट बाहिरियो । सायद यो दुवै टोलीका लागि अप्रत्यासित नतिजा थियो ।

पहिलो खेलमा आफ्ना सुपरस्टार क्रिष्टियन इरिक्सनलाई मैदानमै हृदयघात भएयता डेनमार्कका लागि यो प्रतियोगिता भावनात्मक बन्न पुगेको छ । अस्पतालबाट डिस्चार्ज भइ घरमा आराम गरिरहेका आफ्ना साथी खेलाडी इरिक्सनलाई उनीहरुले नकआउट चरणमा प्रवेश गरी राम्रो उपहार दिए । खेलपछि उनीहरुको खुसीयालीमा पनि यही झल्किन्थ्यो ।
३८ औैं मिनेटमा मिकेल ड्याम्सगार्डले गोल गरी पहिलो हाफमा डेनमार्कलाई अग्रता दिलाएका थिए । बाँकी सबै गोलहरु द्योस्रो हाफमा सम्भव भएका हुन् । ५९ औं मिनेटमा युसुफ पोल्सेनले गोल गरी अग्रता बढाए । ७० औं मिनेटमा रुसका आर्तेम ज्युवाले पेनाल्टीमार्फत गोल गरी अग्रता छोट्याउने प्रयास गरे ।

तर तीन मिनेटको अन्तरमा २ गोल गर्दै डेनमार्कले फराकिलो अग्रता बनायो । ७९ औं मिनेटमा आन्द्रेस क्रिष्टियन र ८२ औं मिनेटमा जोकिम मेहलेले गोल गरेका हुन् ।

प्रिक्वाटरफाइनलमा डेनमार्कले समूह ए को उपविजेता वेल्ससँग खेल्नेछ ।

यही समूहको अर्को खेलमा फिनल्याण्डलाई २–० ले हराएर बेल्जियमले शतप्रतिशत जित निकालेको छ ।

रुसको सेन्ट पिटर्सवर्गमा भएको खेलमा पहिलोपल्ट युरो खेलिरहेको फिनल्याण्डले बेल्जियमलाई ७४ मिनेटसम्म रोकेको थियो । फिनिस डिफेण्डर लुकास हार्डेकीले आत्मघाती गोल गरेपछि अग्रता बनाएको बेल्जियमका लागि रोमेलु लुकाकुले त्यसको १० मिनेटपछि गोल गरे र टिमलाई २–० को जित निश्चित गराए ।

काठमाडौं । अलेक्सी मिरानचुकको निर्णायक गोलप्रेरित रुसले युरो २०२० को समूह ‘बी’ अन्तर्गत बुधबार भएको आफ्नो दोस्रो खेलमा फिनल्यान्डलाई १-० को नतिजामा पराजित गरेको छ ।

पहिलो पटक युरोपियन च्याम्पियनसिप खेलिरहेको फिनल्यान्डविरुद्धको सेन्ट-पिटर्सबर्गस्थित घरेलु मैदानमा भएको खेलको पहिलो हाफको इन्जुरी समयमा मिरानचुकको गोलसँगै रुसले अग्रता लिएको थियो ।

सुरुआतदेखि भ्रमणकारी टोलीमाथि निरन्तर आक्रमण गरेको रुसले पहिलो हाफको इन्जुरी समयमा कप्तान आर्टेम जुवाको पासमा मिरानचुकले गरेको गोलसँगै १-० को अग्रता लिएको थियो ।

खेलको चौथो मिनेटमै फिनल्यान्डका लागि जोइल पोजान्पालोले गरेको गोल भिडिओ असिस्टेन्ट रेफ्रीले अफसाइडका कारण रद्द गरिदिएका थिए ।

दोस्रो हाफमा दुवै तर्फबाट लगातार गोलका लागि निरन्तर प्रयास भए पनि सफल हुन नसक्दा नतिजा रुसको पक्षमा पर्‍यो । जितसँगै रुसको नक आउट चरण प्रवेशको सम्भावना जिवितै रहेको छ ।

पहिलो खेलमा रुस बेल्जियमसँग ३-० ले पराजित भएको थियो भने फिनल्यान्डले डेनमार्कलाई १-० ले पराजित गरेको थियो ।

रुसले समूह चरणको अन्तिम खेलमा मंगलबार डेनमार्कको सामना गर्नेछ भने फिनल्यान्डले पनि सोहि दिन बेल्जियमसँग खेल्ने छ।

काठमाडौं । पहिलो पटक युरोपियन च्याम्पियनसिप खेलिरहेको फिनल्यान्ड समूह ‘बी’ अन्तर्गत सेन्ट-पिटर्सबर्गमा जारी रुसविरुद्धको पहिलो हाफमा १-० ले पछाडि परेको छ ।

सुरुआतदेखि भ्रमणकारी टोलीमाथि निरन्तर आक्रमण गरेको रुसले पहिलो हाफको इन्जुरी समयमा अलेक्सी मिरानचुकले गरेको गोलसँगै पहिलो हाफमा १-० को अग्रता लिएको हो।

खेलको चौथो मिनेटमै फिनल्यान्डका लागि जोइल पोजान्पालोले गरेको गोल भिडिओ असिस्टेन्ट रेफ्रीले अफसाइडका कारण रद्द गरिदिएका थिए ।

सुरुआतदेखि नै प्रतिस्पर्धात्मक बनेको खेलको ३१औं मिनेटमा अलेक्जेन्डर गोलोभिनको कर्नरमा इगोर डिभिभले हेडरमार्फत् गरेको प्रहार क्रसबारमाथिबाट बाहिरिएको थियो ।

काठमाडौं । युरो २०२० को दोस्रो चरण बुधबारदेखि सुरु हुँदैछ । नेपाली समयअनुसार समूह ‘बी’ अन्तर्गत साँझ ६:४५ बजे सुरु हुने खेलमा पहिलो पटक युरोपियन च्याम्पियनसिपमा छनोट भएको फिनल्यान्डले रुसको सामना गर्दैछ ।

रुसको सेन्ट-पिटर्सबर्ग रंगशालामा हुने खेलमा घरेलु टोलीलाई पराजित गर्दै फिनल्यान्ड अन्तिम १६ स्थान सुरक्षित गर्न चाहन्छ । पहिलो खेलमा डेनमार्कविरुद्ध १-० को कठिन जित निकालेको फिनल्यान्डको तीन अंक छ । त्यस्तै, पहिलो खेलमा बेल्जियमसँग ३-० ले पराजय भोगेको रुस अन्तिम १६ प्रवेशको सम्भावना बलियो बनाउन आजको खेल जित्नै पर्ने दबाबमा छ ।

यद्यपि, रुसविरुद्धका पछिल्ला चार खेलमा १ गोल मात्र गर्न सफल भएको फिनल्यान्डलाई आजको खेलमा घरेलु टोलीको दबाब सहनुपर्ने सहजै अनुमान गर्न सकिन्छ । यसअघि, रुसविरुद्ध फिनल्यान्डले अन्तिम पटक १९९५ को नोभेम्बरमा अन्तिम पटक गोल गर्न सफल भएको थियो ।

रुसले युरोपेली मुलुकविरुद्ध खेलेका पछिल्ला ६ खेलमा जित दुई बराबरी र चार खेलमा पराजय भोग्दा जितविहीन बनेको छ ।

काठमाडौं । रोमेलु लुकाकुले बेल्जियमक लागि खेलेका पछिल्ला १५ प्रतिस्पर्धात्मक खेलमा १९ गोल गरेका छन् । युरो २०२० को समूह ‘बी’ अन्तर्गत अहिले जारी खेलमा रुसविरुद्ध १०औं मिनेटमा गोल गर्दै बेल्जियमलाई अग्रता दिलाएका लुकाकुले पछिल्ला १५ खेलमा १९ गोल पूरा गरेका हुन् ।

इन्टर मिलानबाट व्यावसायिक फुटबल खेल्दै आएका लुकाकुले २०१० मा बेल्जियमको राष्ट्रिय टोलीमा डेब्यु गरेका थिए । उनले हालसम्म बेल्जियमका लागि ९३ खेलमा ६० गोल गरेका छन् ।

उनकै गोलमा रुसविरुद्ध सेन्ट पिटर्सबर्ग रंगशालामा अग्रता लिएको बेल्जियम थोमस म्युनिएरले ३४ औं मिनेटमा गरेको गोलसँगै पहिलो हाफमा २-० ले अगाडि छ ।

खेलको सुरुआतदेखि नै रुसको रक्षापंक्तिमाथि हाबी बनेको बेल्जियमले ७ प्रहार गरेको छ भने ६८% भन्दा धेरै बल पोसेसन कब्जा गरेको छ ।