Tag: राजपत्र

कैलाली । सुदूरपश्चिम प्रदेश सरकारले आफैं राजपत्र छाप्न सुरु गरेको छ । मंलबारबाट प्रदेश सरकारले धनगढीबाटै राजपत्र छाप्न सुरु गरेको प्रदेश सरकारको प्रवक्तासमेत रहेकी आन्तरिक मामिला तथा कानूनमन्त्री पूर्णा जोशीले जानकारी दिइन् ।

गत आर्थिक वर्षमै मुद्रण मेसिन खरिद तथा जडान गर्ने कार्यक्रम ल्याइएको थियो । कानूनमन्त्री जोशीले २७ लाख ८० हजारमा खरिद गरी ल्याइएको मुद्रण मेसिनको पूजापाठ गरी उद्घाटन गरेकी हुन् ।

आफ्नै मुद्रण मेसिन जडान गरेसँगै मंगलबारबाटै राजपत्र छाप्ने काम पनि सुरु भएको छ । यसअघि राजपत्र छपाउनका लागि संघीय मुद्रण विभागमा पठाउनुपर्ने बाध्यता थियो ।

यसअघि काठमाडौँको मुद्रणले राजपत्र छपाइमा ढिलाइ गर्दा प्रदेश सरकारका निर्णय कार्यान्वयनमासमस्या हुने गरेको मन्त्री जोशीले बताइन् ।

काठमाडौँ । सरकारले २०७८ सालको सार्वजनिक बिदाको सूची सार्वजनिक गरेको छ। गृह मन्त्रालयले २०७८ सालमा दिइने सार्वजनिक बिदा राजपत्रमा प्रकाशित गर्दै बिदाको सूची सार्वजनिक गरेको हो ।

गृह मन्त्रालयले प्रकाशित गरेकाे सूचीमा ५२ दिन शनिबार बिदा, पाँच दिन दशै बिदा, चार दिन तिहार बिदा, छ दिन विभिन्न दिवस बिदा, तीन दिन विभिन्न जन्मजयन्ती बिदा लगायत रहेका छन् । राजपत्रमा प्रकाशित सूचीमा बैशाख एक गतेदेखि १५ गतेसम्म तथा माघ १६ गतेदेखि चैत मसान्तसम्म कार्यालय समय बिहान १० बजेदेखि पाँच बजेसम्म तोकिएको छ ।

यस्तै सरकारी कार्यालय समय कात्तिक १६ गतेदेखि माघ १ गतेसम्म बिहान १० बजेदेखि अपरान्ह ४ बजेसम्म र शुक्रबारको दिन बिहान १० बजेदेखि अपरान्ह ३ बजेसम्म तोकिएको छ । सूचीमा कार्यालयको सेवा प्रवाहमा बाधा नपर्ने गरी आलोपालो मिलाई सम्बन्धित कार्यालयले आधा घण्टाको समय खाजा खानका लागि तोकिएको छ ।