काठमाडौं । सरकारले भारत, अमेरिका र बेलायतमा राजदूत नियुक्तिका लागि सिफारिस गरेको छ ।
विहीबार बसेको मन्त्रिपरिषद् बैठकले भारतमा डा. शंकर शर्मा, अमेरिकामा श्रीधर खत्री र बेलायतमा ज्ञानचन्द्र आचार्यलाई नियुक्त गर्न सिफारिस गरेको हो ।
शर्मा पूर्वराजदूत हुन् । खत्री कूटनीतिक मामिलाका विज्ञ हुने भने आचार्य पूर्वपरराष्ट्र सचिव हुन् ।
प्रधानमन्त्री देउवाको बेलायत भ्रमणको पूर्वसन्ध्यामा महत्वपूर्ण तीन देशका लागि राजदूत नियुक्तिको सिफारिस भएका हुन्।
देउवा सरकारले यसअघि राजनीतिक नियुक्ति पाएर गएका सबै राजदूतलाई फिर्ता बोलाएको थियो ।
