काठमाडौं । भाइटीका लगाउन जाने मानिसहरू निस्किएसँगै काठमाडौंको यातायात अस्तव्यस्त भएको छ । यमपञ्चकको अन्तिम दिन शनिबार भाइटीका लगाएर तिहार मनाइँदैछ ।
भाइटीका लगाउनका लागि उपत्यकामा भएका तथा उपत्यका भित्र-बाहिर गर्ने मानिसहरू सडकमा निस्किएसँगै मुख्य नाका, चक्रपथ र प्रमुख चोकहरूमा सवारी चाप अत्यधिक बढेको छ ।
कोटेश्वर, बालकुमारी, बानेश्वर, सातदोबाटो, बानेश्वर चावाहिलसँगै भक्तपुरमा समेत सवारी चाप ह्वात्तै बढेपछि ट्राफिक व्यवस्थापन अनियन्त्रित भएको हो ।
तस्वीरहरू: उमेश कार्की/ नेपालप्रेस
