Tag: मेसी

काठमाडौं । पेरिस सेन्ट जर्मन (पीएसजी) का सुपरस्टार फर्वाड लियोनेल मेसीले प्राविधिक सचिवको भूमिकामा बार्सिलोना फर्किन चाहेको बताएका छन् ।

मेसीले सर्वकालीन प्रमुख गोलकर्ताको रूपमा बार्सिलोनामा दुई दशक बिताएका थिए । ला लिगाको आर्थिक नियमका कारण पुनः अनुबन्ध गर्न नमिलेपछि बार्सिलोनासँग आफ्नो दुई दशकको करियर बिट मार्दै उनी पीएसजी गएका थिए ।

मेसीले १० ला लिगा, चार च्याम्पियन्स लिग ट्रफीसहित ३५ उपाधि जितेको क्लब बार्सिलोनाप्रतिको आफ्नो प्यासन व्यक्त गरे ।‘मैले सधैँ भनेको छु म जुनसुकै भूमिकामा पनि बार्सिलोना फर्किन तयार छु । म प्राविधिक सचिव बन्न चाहन्छु । तर, थाहा छैन त्यो बार्सिलोनामा हुन्छ या हुँदैन ।’

मेसीले स्पोर्टसँग भने ।‘म क्लबमा फर्केर आफूले सक्ने योगदान गर्न चाहन्छु किनभने म बार्सिलोनालाई माया गर्छु ।’

काठमाडौं । बार्सिलोना हालै अलग भएका अर्जेन्टिनी सुपरस्टार लियोनल मेसीलाई फ्रान्सेली क्लव पेरिस सेन्ट जर्माइन (पीएसजी) जानबाट रोक्ने प्रयास शुरू भएको छ । यो प्रयास अरु कसैले नभएर बार्सिलोनाले नै गरेको हो ।

डेलीमेलका अनुसार बार्सिलोनाले एउटा ल फर्ममार्फत युरोपियन कमिसनमा मेस्सीलाई पीएसजी जानबाट रोक्न उजुरी गरेको छ ।

ल फर्मले जारी गरेको विज्ञप्तिमा भनिएको छ, ‘फुटबल क्लव बार्सिलोनाका साझेदारहरूको तर्फबाट मेरो ल फर्मले युरोपियन कमिसनमा एउटा उजुरी तयार गरेको छ, र मेस्सीलाई पीएसजीसँग हस्ताक्षर गराउनबाट रोक्न फ्रान्सका नागरिक र प्रशासकीय अदालतहरुबाट अस्थायी प्रतिबन्धको माग गरेको छ ।’

फाइनान्सियल फेयर प्लेको अनुपातमा पीएसजीको अवस्था बार्सिलोनाको भन्दा खराब भएको भन्दै यो सम्झौता हुन नसक्ने दावी गरिएको हो । बार्सिलोनाले आफ्नो फेयर प्ले अनुपात खराब रहेकै कारण मेसीलाई गुमाउनुपरेको बताएको थियो ।

‘सन् २०१९-२० मा पीएसजीको तलब-आम्दानी अनुपात ९९ प्रतिशत थियो भने बार्सिलानोको ५४ प्रतिशत थियो । यसबीचमा यो अन्तराल बढेको छ ।’

बार्सिलोनाले आफ्नो युरोपेली प्रतिद्वन्द्वी पीएसजीमा मेस्सीलाई पठाउन चाहँदैन । त्यसैले उसले यो सम्झौता रोक्न हरसम्भव प्रयास गर्ने बताइएको छ ।

मेस्सी बार्सिलोनाबाट अलग भएसँगै पीएसजीले उनलाई ल्याउन प्रक्रिया अघि बढाएको थियो । मेस्सीका एजेन्ट तथा बुबासँग पीएसजीको कुराकानी भइसकेको छ । यद्यपि, यस विषयमा औपचारिक जानकारी दिइएको छैन ।

काठमाडौं । लियोनेल मेसी आगामी सिजनका लागि पीएसजी जाने निश्चित भएको ईएसपीएनले दाबी गरेको छ।

क्लबको आर्थिक समस्याका कारण बार्सिलोना छाड्न बाध्य भएका मेसीले आइतबार पत्रकार सम्मेलन गरेर बिदा मागेका थिए ।

मेसीले स्पेनिस क्लब छाड्ने भएसँगै पीएसजीले उनलाई भित्र्याउने तयारी शुरू गरेको थियो । आइतबार क्याम्प नोउमा आयोजित पत्रकार सम्मेलनमा भने मेसीले आफ्नो भविष्यबारे केही निश्चित नभइसकेको प्रतिक्रिया दिएका थिए ।

काठमाडौं । बार्सिलोनाबाट बिदा हुने निश्चित भएका क्लबका पूर्वकप्तान लियोनेल मेसीले आफू यसका लागि तयार नभएको बताएका छन् ।

क्लबबाट बिदा हुने निश्चित भएपछि आफैँले आयोजना गरेको पत्रकार सम्मेलनलाई भावुक हुँदै सम्बोधन गरेका मेसीले यो एकदमै कठिन क्षण भएको बताए ।

‘यो एकदमै कठिन छ, म यो परिस्थितिका लागि तयार थिइँन,’ उनले भने, ‘गत वर्ष म क्लब छोड्नका लागि तयार थिएँ । तर, यो वर्ष मेरो परिवार र म बार्सिलोनामै आफ्नो बसाइ लम्ब्याउने योजनामा थियौं ।’

काठमाडौं । बार्सिलानोबाट बिदा हुने निश्चित भएका क्लबका पूर्वकप्तान लियोनेल मेसी आफैँले बोलाएको पत्रकार सम्मेलन शुरू हुनुअघि नै भावुक बनेका छन् ।

नेपाली समयअनुसार ३ः ४५ बजे बार्सिलोनाको स्टेडियम क्याम्प नोउमा पत्रकार सम्मेलनको आयोजना गरेका मेसी पोडियममा आइपुग्दै भावविह्वल बनेर रूँदै गरेका देखिए ।

उनी रोएको देखेर हलमा रहेका पत्रकार र समर्थकको आँखाभरि आँशु देखिएको छ ।

काठमाडौं । जारी कोपा अमेरिका २०२१ मा अर्जेन्टिनाका लागि स्टारर पर्फर्मर कप्तान लियोनेल मेसीले चार गोल र पाँच असिस्ट गरिसकेका छन् ।

बार्सिलोनाका पूर्वकप्तान मेसीको अर्जेन्टिनाले प्रतियोगितामा गरेका ११ मध्ये ९ गोलमा सक्रिय सहभागिता छ । उनले गरेका चारमध्ये दुई गोल सोझै फ्रि-किकमार्फत गरेका छन् । बुधबार बिहान भएको कोलम्बियाविरुद्ध अर्जेन्टिनाका लागि १५०औं खेल खेलेका मेसी अर्जेन्टिनाबाट सर्वाधिक अन्तर्राष्ट्रिय खेल खेल्ने खेलाडी हुन् ।

यी सुपर-स्टार फरवार्डले प्रतियोगिताका दौरान अर्जेन्टिनाबाट सर्वाधिक क्याप जित्ने खेलाडीको कीर्तिमान बनाइसकेका छन्, र अझै अन्य कीर्तिमान ब्राजिलविरुद्ध आइतबार बिहान हुने फाइनलमा बनाउने तयारीमा छन् ।

मेसीले जारी कोपा अमेरिकामा तोडिसकेका कीर्तिमान :-

१. बार्सिलोनाका लागि सर्वाधिक खेल

जारी कोपा अमेरिकामा मेसीले पूर्व अर्जेन्टिना तथा बार्सिलोनाका टिममेट मास्चोरानाको अर्जेन्टिनाकबाट सर्वाधिक १४७ खेलको कीर्तिमान तोडेका थिए । प्रतियोगिताको सुरु हुनुअघि मेसीले अर्जेन्टिनाबाट १४४ खेल खेलेका थिए । तर, समूह चरणको अन्तिम- बोलिभियाविरुद्धको खेलसँगै मेसीले अर्जेन्टिनाबाट सर्वाधिक अन्तर्राष्ट्रिय खेल खेल्ने कीर्तिमान आफ्नो नाममा बनाए । हालसम्म मेसीले १५० अन्तर्राष्ट्रिय खेल खेलिसकेका छन् ।

२. ६ कोपा अमेरिका खेल्ने पहिलो खेलाडी

सन् २००७ मा कोपा अमेरिकामा डेब्यू गरेका मेसी जारी संस्करणमा पनि सहभागी भएसँगै प्रतियोगिताको इतिहासमा ६ संस्करण खेल्ने पहिलो खेलाडी बनिसकेका छन् । उनले मास्चेरानोकै पाँच कोपा अमेरिकाको कीर्तिमान भङ्ग गरेका हुन् ।

३. एकै संस्करणमा सर्वाधिक असिस्ट

जारी कोपा अमेरिकाका ६ खेलमा पाँच असिस्ट गरेका मेसीले एकै संस्करणमा सर्वाधिक असिस्टको कीर्तिमान बनाइसकेका छन् । पाँच असिस्ट कोपा अमेरिकाको इतिहासमा एकै संस्करणमा सर्वाधिक हो ।

मेसीले जारी कोपा अमेरिकामा के-के कीर्तिमान बनाउन सक्छन् ?

१. कोपा संयुक्त सर्वाधिक खेल

ब्राजिलविरुद्धको खेलसँगै मेसीले कोपा अमेरिकामा सर्वाधिक खेल खेल्ने चिलीका सर्जियो लिभिङ्ग्सटोनको ३५ खेलको कीर्तिमानसँग बराबरी गर्नेछन् । प्रतियोगिताको सुरूआतअघि मेसीले अर्जेन्टिनी पूर्व कप्तान मास्चेरानो (२७) भन्दा एक खेल बढी खेलेका थिए ।

२. कोपा अमेरिकामा सर्वाधिक गोल

जारी प्रतियोगिताका ६ खेलमा ४ गोल गरिसकेका मेसीले हालसम्म कोपा अमेरिकामा १३ गोल गरिसकेका छन् । दक्षिण अमेरिकी फुटबलको सर्वोत्कृष्ट प्रतियोगितामा सर्वकालिन सर्वाधिक गोलकर्ता बन्न मेसीलाई चार गोलको आवश्यकता छ । यसअघि जिजिन्हो (ब्राजिल), नोबेर्टो मेन्डेज (अर्जेन्टिना)ले १७/१७ गोल गरेर कीर्तिमान बनाएका छन् ।