जनकपुरधाम । पर्सा वीरगञ्जकी एसिडपीडित मुस्कान खातुनलाई थप उपचारका लागि प्रदेश २ सरकारले थप ५ लाख उपलब्ध गराउने निर्णय गरेको छ ।
आज बसेको मन्त्रिपरिषद्को बैठकले थप उपचारको पर्खाइमा रहेकी मुस्कानलाई थप खर्च दिने निर्णय गरेको सरकारका प्रवक्ता तथा अर्थमन्त्री शैलेन्द्र साहले जानकारी दिए ।
२०७६ भदौ २० गते विद्यालय हिँडेकी मुस्कानलाई दुई किशोरले एसिड प्रहार गरेका थिए । उनको उपचारका लागि प्रदेश सरकारले यसअघि ५ लाख सहयोग गरिसकेको छ ।
काठमाडौं- तेजाब हमलामा परेकी नेपाली किशोरी मुस्कान खातुनले भर्चुअलरुपमै अमेरिका सरकारले प्रदान गरेको पुरस्कार ग्रहण गरेकी छिन् ।
अमेरिकी प्रथम महिला जील बाइडेन र विदेशमन्त्री एन्टोनी ब्लिंकेनले अन्तराष्ट्रिय साहसी महिला आइडब्लुओसी अवार्ड समारोहलाई आइतबार राती भर्चुअल सम्बोधन गरे ।
खातुनलाई काठमाडौं दुतावासमा राजदूत र्यान्डी जे बेरीले पुरस्कार प्रदान गरेका थिए । पुरस्कार ग्रहणपछि आफूलाई थप जिम्मेवारी महसुस भएको र आगामी दिनमा यो क्षेत्रमा काम गर्न हौसला मिलेको प्रतिक्रिया दिइन् ।
यो अवार्ड पाउने खातुन अहिलेसम्मकै कान्छीमध्येकी एक र नेपालबाट पहिलो महिला हुन् । शान्ति, न्याय, मानव अधिकार, लैंगिक समानता र महिला सशक्तीकरणको वकालत गर्ने असाधारण साहस र नेतृत्व प्रदर्शन गरेका विश्वभरका महिलालाई अमेरिकी विदेश मन्त्रालयले १४ वर्षदेखि यो अवार्ड प्रदान गर्दै आएको छ ।
अमेरिकी राजदूत बेरीले मुस्कानले पाएको प्रतिष्ठित पुरस्कारले महिला, बालबालिकाहरुलाई लामो समयदेखि असर पुर्याइरहेको डरलाग्दो अभ्यासलाई नेपालले सम्बोधन गरेको र सबैका लागि प्रेरणा भएको धारणा राखे ।
१५ वर्षको उमेरमा किशोरको प्रेम प्रस्ताव अस्वीकार गरेकोमा मुस्कानमाथि डेढवर्षअघि एसिड हमला भएको थियो ।
काठमाडौं । राष्ट्रपति विद्यादेवी भण्डारीले किशोरी मुस्कान खातुनलाई बधाई दिएकी छन् ।
राष्ट्रपति भण्डारीले तेजाब आक्रमणविरुद्ध कडा कानुन र सजायका लागि साहसिक अभियान सञ्चालन गरेवापत प्रतिष्ठित ‘अन्तर्राष्ट्रिय साहसी महिला पुरस्कार’ प्रदान गरिने घोषणा गरिएकोमा खातुनलाई बधाई दिएकी हुन् ।
राष्ट्रपति भण्डारीले आज अपराह्न ट्वीट गरी खातुनले तेजाब आक्रमणको असह्य पीडालाई शक्तिमा बदलेकामा प्रशंसा गर्दै सो पुरस्कार दिलाउने अमेरिकी सरकारलाई पनि धन्यवाद दिइन् ।
काठमाडौं । नेपालस्थित अमेरिकी मिसनले तेजाब आक्रमणबाट पीडित पर्साकी मुस्कान खातुनलाई अन्तर्राष्ट्रिय साहसी महिला (आइडब्ल्यूओसी) पुरस्कार प्रदान गर्ने घोषणा गरेको छ ।
तेजाव आक्रमणको अन्त्यका लागि उनको निरन्तर कार्यको प्रशंसा गर्दै सो प्रतिष्ठित पुरस्कार प्रदान गर्न लागिएको काठमाडौंस्थित अमेरिकी दूतावासले जनाएको छ । अमेरिकी प्रथम महिला जिल बाइडन र विदेशमन्त्री एन्टोनी ब्लिङ्कनले ८ मार्चमा भर्चुअल कार्यक्रमका बीच उक्त पुरस्कार प्रदान गरिने राजदूत र्याण्डी बेरीले जनाएका छन् ।
हाल १५ औं संस्करणमा रहेको सो पुरस्कारले प्रायःजसो ठूलो व्यक्तिगत जोखिम र त्यागमा शाान्ति, न्याय, मानव अधिकार, लैंगिक समानता र महिला सशक्तीकरणको वकालत गर्ने असाधारण साहस र नेतृत्व प्रदर्शन गरेका विश्वभरका महिलाको सम्मान गर्ने दूतावासले जनाएको छ ।