सुर्खेत । नेकपा माओवादी केन्द्रले कर्णालीमा सात जिल्लाबाट पदाधिकारीमा प्रतिनिधित्व गर्नेहरुको नाम टुंगो लगाएको छ । चार जिल्लाबाट आउने पदाधिकारीमा भने सहमतिको प्रयास गरिरहेको छ ।
मंसिर २५ गते उदघाटन गरिएको प्रथम प्रदेश सम्मेलनबाट अध्यक्षमा रुकुम पश्चिमकी पूर्वमन्त्री विमला केसी चयन भएकी छन् ।
प्रदेश पदाधिकारीमा एक जिल्लाबाट एकजनाले प्रतिनिधित्व गर्ने गरी भाग लगाएको माओवादीले कालिकोटबाट धनजित शाहीलाई पदाधिकारीमा छनोट गरेको छ । सुर्खेतबाट कृष्ण जिसी पदाधिकारीमा चुनिएका छन् । तर कालिकोट र सुर्खेतबाट चुनिएका शाही र जिसीबीच प्रदेश उपाध्यक्ष र सचिव के हुने भन्ने विवाद कायम छ ।
माओवादीले जुम्लाबाट सहसचिवमा वीरबहादुर कुंवर, हुम्लाबाट लालकेश जैसी र मुगुबाट सुकवीर बुढालाई चयन गरेको छ । सल्यानबाट उपाध्यक्षमा कर्णबहादुर बुढाथोकी परेका छन् ।
त्यस्तै दैलेखले कार्यालय सदस्यको जिम्मेवारी पाउने भएको छ । डोल्पामा मालबहादुर रोकाया र उर्मिला विश्वकर्माले कोषाध्यक्षमा दाबी गरिरहेका छन् ।
डोल्पा र जाजरकोटमा भने हालसम्म सहमति हुन नसकेको माओवादी स्रोतले जनाएको छ ।
यस्तै दैलेखले कार्यालय सदस्यको जिम्मेवारी पाउने भएको छ । तर डोल्पामा मालबहादुर रोकाया र उर्मिला विश्वकर्माले कोषाध्यक्षमा दाबी गरिरहेका छन् ।
जाजरकोटबाट प्रदेश सांसद गणेशप्रसाद सिंह, ढकवीर राना र युवराज आचार्यले पदाधिकारीमा दावी नछोड्दा घोषणा हुन बाँकी रहेको हो ।