काठमाडौं । रियाल मड्रिडका फरवार्ड कारिम बेन्जेमा च्याम्पियन्स लिगको प्लेअर अफ दी सिजन बनेका छन् ।
फ्रेन्च खेलाडी बेन्जेमाले यस सिजन रियालले लिभरपुलाई च्याम्पियन्स लिगको फाइनलमा १–० को नतिजामा पराजित गर्दै उपाधि जितेसँगै रियाल मड्रिडमा पाँचौपटक च्याम्पियन्स लिग जित्ने खेलाडी बने ।
उनले च्याम्पियन्स लिगमा यस सिजन खेलेका १५ खेलमा १२ गोल गर्दै बालोन डी आरको दाबेदार बनेका छन् ।
च्याम्पियन्स लिगको फाइनलम रियाललाई उपाधि दिलाउन निर्णायक गोल गरेका भिनिसियस जुनियर च्याम्पियन्स लिगको ‘योङ प्लेअर अफ दी सिजन’ घोषित भएका छन् ।
२१ वर्षीय जुनियरले यस सिजन च्याम्पियन्स लिगमा ४ गोल गरेका थिए भने ६ असिस्ट गरेका थिए ।
जुनियर, बेन्जेमा मिडफिल्डर लुका मोड्रिक र गोलकिपर थाइबाउट कार्टुवा च्याम्पियन्स लिग ‘टीम अफ दी सिजन’ बनेका छन् ।
कोर्टुवाले च्याम्पियन्स लिग फाइनलमा ‘प्लेअर अफ दी म्याच’ जित्दै च्याम्पियम्स लिग फाइनलमा प्लेअर अफ दी म्याच जित्ने इितहासकै तेस्रो गोल किपर बने ।
