काठमाडौं । नेपालका अन्तर्राष्ट्रिय स्टार सन्दिप लामिछाने अष्ट्रेलियाको बिग ब्यास लिग (बीबीएल) मा आवद्ध भएपछि नेपालका लागि अष्ट्रेलियन राजदूत फेलिसिटी भोल्कले सामाजिक सञ्जालमा बधाइ दिएकी छन् ।
सन्दिपलाई हेर्न आफूहरु उत्साहित रहेको उनको भनाइ छ ।
ट्विटरमा उनले लेखेकी छन्, ‘बीबीएलमा हुरिकान्सका लागि खेल्न सम्झौता गरेकोमा बधाइ छ । हामी तिम्रो बलिङ हेर्न आतुर छौं । मेलबर्नमा केही जादु देखाऊ ।’
भोल्कले बीबीएलको फ्रेन्चाइज होबार्ट हुरिकान्सको पोस्ट सेयर गर्दै उक्त ट्विट गरेकी हुन् । होबार्टले दुई दिनअघि टिममै यस सिजनको पहिलो अन्तर्राष्ट्रिय खेलाडीका रुपमा सन्दिपलाई हस्ताक्षर गराएको जानकारी दिएको थियो ।
Congratulations @Sandeep25 for resigning with the @HurricanesBBL to play the @BBL. We are all very excited to see your bowling bring some magic to the Melbourne #BBL. @CricketNep https://t.co/UNV4fPKj4w
— Leann Johnston (@AusAmbNP) August 27, 2021
सन्दिप अघिल्लो सिजनमा पनि यही टिमबाट खेलेका थिए । बीबीएलको उक्त १० औं संस्करणमा सन्दिपले ८ खेलमा ८ विकेट लिएका थिए । बीग ब्यासयता उनले कुनै पनि अन्तर्राष्ट्रिय लिग खेलेका छैनन् ।
बिग ब्यासको ११ औं संस्करण आगामी डिसम्बर ५ देखि २०२२ को जनवरी २८ सम्म हुने छ ।