इटहरी । इटहरीको नवजाग्रित टोलमा बम विस्फोट हुँदा दुईजना घाइते भएका छन् । प्रहरीका अनुसार राति दुई बजे भएको विस्फोटका कारण २२ वर्षका रविन थापा र २३ वर्षका शेरजंग गुरुङ घाइते भएका हुन् ।
थापाको विराटनगर आँखा अस्पताल र गुरुङको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको छ । इटहरीका डिएसपी खगेन्द्र खड्काले घाइते दुवैको अवस्था सामान्य रहेको बताए ।
डिएसपी खड्काले कुन प्रकृतिको बम हो भन्ने बारेमा थप अनुसन्धान आवश्यक भएको बताए ।
घटनास्थलबाट ‘हिमाल सुरक्षा परिषद् नेपाल’को पर्चा भेटिएको छ ।
कार्यालयको मुख्य कागजात राखिएको कोठामा बम विस्फोट भएको छ । बम विस्फोटपछि कर्मचारी र सेवाग्राही त्रसित बनेका छन् ।