रुपन्देही । पूर्व–पश्चिम राजमार्गअन्तरगत दाङको लमहीमा राखिएको कुकर बम डिस्पोज गरिएको छ । लमही नगरपालिका वडा नम्बर ७ को सडक किनारमा राखिएको प्रेसर कुकर बम नेपाली सेनाको बम डिस्पोजल टोलीले आइतबार बिहान ११ बजेतिर डिस्पोज गरेको हो ।
जिल्ला प्रहरी प्रमुख प्रहरी उपरीक्षक सुरेश काफ्लेका अनुसार प्रेसर कुकरमा ‘नो एमसिसी’ लेखिएको उक्त कुकर बम शनिबार राति ११ बजेतिर फेला परेको थियो ।
सडकमा राखिएको बम देखेपछि सवारी चालकले राति नै प्रहरीलाई खबर गरेका थिए । त्यसपछि प्रहरी घटनास्थल पुगेर एकतर्फी रुपमा सडक सञ्चालन गरेको थियो ।