Tag: बंगलादेश

ढाका । बंगलादेशमा अल्पसंख्यक हिन्दु र बहुसंख्यक मुस्लिम समुदायबीच सुरु भएको तनावले उग्ररुप लिन थालेको छ । पछिल्लो एक सातामा हिन्दू धर्मालम्बीका कम्तिमा ३० घरमा मु्स्लिम आन्दोलनकारीले आगो लगाएका छन् भने ६६ वटा घर भत्काएका छन् । मुस्लिम आक्रमणमा हालसम्म ६ जना हिन्दु धर्माबलम्बिको ज्यान गएको छ ।

गत साता दुर्गापुजाका क्रममा हिन्दुले मुसलमानको निन्दा गरेको र सामाजिक सञ्जालमा अपमानजनक पोस्ट गरेको भन्दै मुसलमानहरुले हिंसा सुरु गरेका थिए ।

इस्लामहरुको धर्मग्रन्थ कुरानलाई एउटा हिन्दु मन्दिरमा रहेको मुर्तिको पैतलामा राखिएको तस्वीर सामाजिक सञ्जालमा पोष्ट भएको थियो । त्यसमा एक हिन्दुले अनादरपूर्ण टिप्पणी गरेको कथित हल्लापछि मुसलमान समुदाय हिन्दुका घरमा आगजनीमा उत्रिएको प्रहरीले जनाएको छ ।
प्रहरीले ती व्यक्तिको घरमा सुरक्षा गरिरहेका बेला आक्रमणकारीले उनको घरनजिकैका अन्य घरमा आक्रमण गरेका थिए । बंगलादेशको अग्नि नियन्त्रक कक्षका अनुसार माजहिपरा जिल्लामा एक सातामा मुस्लिम आक्रमणकारीले १५ जना हिन्दूका २९ आवासीय घर, दुईवटा किचेन तथा २० वटा झुपडीमा आगजनी गरेका छन् । पछिल्लोपटक राजधानी ढाकाबाट २२५ किलोमिटर टाढाको एउटा गाउँमा मुसलमानहरुले हिन्दुको घरमा आगजनी गरेका छन् ।

दुर्गा पूजाका क्रममा चित्तागोङको कुमिलामा मुस्लिम धर्मगुरुमाथि निन्दा गरिएको आरोपपछि धार्मिक तनाब बढेको थियो । सयौंको संख्यामा मुस्लिमहरुले दक्षिणपूर्वी नोआखली जिल्लामा प्रदर्शन गरेका थिए । उक्त प्रदर्शनकै क्रममा दुई हिन्दुहरु मारिएपछि हिंसा चर्किएको हो । उनीहरुको मृत्यु कसरी भयो भन्ने प्रहरीले अनुसन्धान गरिरहेको छ । सरकारले आक्रमणकारीहरुलाई कडा कारवाही गर्ने बताएको छ ।

आक्रमणकारीले कुमिला, चन्दपुर, चाटोग्राम, कोक्स बजार, बन्दरबान, मउलिभीबजार, गाजीपुर, फिनीलगायतका जिल्लाका हिन्दू मन्दिरमा हमला गरेको बंगलादेश प्रहरीले जनाएको छ । उनीहरुले हिन्दुका घरबाट पैसा र जिन्सी सामानहरु लुटपाट समेत गरेका छन् । घटनामा प्रहरीले ४२ जनालाई पक्राउ गरेको छ ।

सोमबार हिन्दुहरुको संगठन हिन्दू गु्रप इन्टरनेसनल सेसाइटीको आह्वानमा ढाकामा न्यायको माग गर्दै प्रदर्शन गरिएको छ । प्रदर्शनमा ढाका युनिभर्सिटीका विद्यार्थी तथा शिक्षकहरुसमेत सहभागी थिए ।

बंगलादेशमा हिन्दुहरु कुल जनसंख्याको १० प्रतिशतजति छन् । प्रधानमन्त्री शेख हसिनाको अवामी लिग पार्टी सन् २००९ मा सत्तामा आएयता ठूलोमध्येको धार्मिक दंगा हो यो । स्वतन्त्र बंगलादेशमा सत्ता आलोपालो गरिरहेका अन्य दुई राजनीतिक संगठनभन्दा बढी धर्मनिरपेक्षतावादी मानिने अवामी लिगलाई यो दंगाले चुनौति खडा गरेको छ ।

ज्यादती रोकः राष्ट्रसंघ
बंगलादेशमा अल्पसंख्यक हिन्दु समुदायमाथि भएका श्रृंखलाबद्ध हमलाप्रति राष्ट्रसंघले चासो देखाएको छ । हिन्दुमाथिको हमला संविधानमा उल्लेखित मुल्य र मान्यताबिरुद्ध भएको भन्दै राष्ट्रसंघले घटनाबारे निस्पक्ष छानबिन गर्न आह्वान गरेको छ ।

‘सामाजिक सञ्जालमा कथित अनादर फैलाउने पोस्टपछि बंगलादेशमा हिन्दुमाथि भएका हमला त्यहाँको संविधानको मर्म विपरित छ । सरकारले यस्ता कार्य तत्काल रोक्नुपर्छ,’ बंगलादेशस्थित राष्ट्रसंघका आवासीय संयोजक मिअ सेपोले भने, ‘अल्पसंख्यकको सुरक्षा सुनिश्चित गर्न र निष्पक्ष छानबिनका लागि सरकारसँग राष्ट्रसंघले आह्वान गर्छ । समावेशी वंगलादेशलाई सशक्त बनाउन सबैले हातेमालो गर्न आह्वान गर्छौं ।’
अमेरिकाले पनि हिन्दुमाथिको आक्रमण रोक्न अपिल गरेको छ । ‘धर्म वा विश्वासको स्वतन्त्रता हरेक व्यक्तिको मानवअअधिकार हो । सबैले आफ्नो धर्म मानिरहँदा सुरक्षित महसुस गर्नुपर्छ,’ अमेरिकी विदेश मन्त्रालयका प्रवक्ताले विज्ञप्ति जारी गर्दै भनेका छन् ।

ढाका । बंगलादेशमा एकसाताको लागि देशव्यापी लकडाउन घोषणा भएको छ । सोमबारदेखि लकडाउन लागु हुने सडक मन्त्री अब्दुल क्वाडरले बताए ।

कोभिड-१९ संक्रमण रोकथाम गर्नको लागि लकडाउन गर्नुपरेको सरकारले जनाएको छ ।

साथै, कोभिडबाट सबैभन्दा बढी प्रभावित भारतको महाराष्ट्र राज्यमा केही दिनमै लकडाउन लागु गर्ने तयारी भएको मुख्यमन्त्री उद्धव ठाकरेले जनाएका छन् ।

उनले संक्रमणको दर नघटे भारतको आर्थिक राजधानीमा कडा लकडाउन लागु गर्ने जनाए । शनिबार महाराष्ट्र राज्यमा मात्र ४७, ८२७ संक्रमित थपिएका छन् । २४ घण्टामा भारतमा ९० हजार संक्रमित थपिएका छन् ।

उनले बढ्दो संक्रमणलाई महाराष्ट्रको स्वास्थ्य प्रणालीले थेग्न नसक्ने समेत बताए ।

ढाका । भारतीय प्रधानमन्त्री नरेन्द्र मोदीविरुद्ध प्रदर्शन चर्किएपछि बंगलादेशमा फेसबुक र म्यासेन्जरलाई प्रतिबन्ध लगाइएको छ ।

चारजनाको ज्यान जाने गरि शुक्रबार हिंसा मच्चिएपनि सरकारले सामाजिक संजाललाई रोकेको हो । फेसबुकका प्रवक्ताले सम्भावित हिंसाहुन नदिन बंगलादेशमा सेवामा रोक लगाइएको बताएको डेलीस्टारले जनाएको छ ।

शुक्रबार ढाकास्थित मुकाराम राष्ट्रिय चर्चमा बिहानी प्रार्थनापछि मुस्लिम संगठनका कार्यकर्ता र प्रहरीबीच झडप भएको थियो । कट्टरपन्थी इस्लामिक समूह हेफाजत ए इस्लामले शनिबार र आइतबार प्रदर्शनको आयोजना गरेको छ ।

इस्लामविरोधी भन्दै मोदीविरुद्ध प्रदर्शन भएको जनाइएको छ । बंगलादेशको ५० औं स्वतन्त्रता दिवस मनाउन आयोजित समारोहमा भाग लिन भारतीय प्रधानमन्त्री दुईदिने ढाका भ्रमणमा छन् । शनिबार समकक्षी शेख हसिना वाजेदसँग द्धिपक्षीय वार्ता हुने जनाइएको छ ।

बंगलादेश । दक्षिणी बंगलादेशको रोहिङ्ग्या शरणार्थी शिविरमा सोमबार अपराह्न लागेको भीषण आगलागीमा परेर कम्तीमा १५ जनाको मृत्यु भएको बंगलादेशी अधिकारीहरुले बताएका छन् ।

आगलागी भएको स्थानबाट उद्धारकर्ताहरुले कम्तीमा १५ जनाको जलेका शव निकालेका र अरुको पनि खोजी भइरहेको उद्धार संस्थाहरुले जनाएका छन् । रोहिङ्ग्या शरणार्थीले आश्रय लिएको यस ठाउँका हजारौं बाँसले बनाइएका अस्थायी शिविरहरु आगोले डढेर खरानी भएका थिए ।

संयुक्त राष्ट्रसंघीय शरणार्थी निकाय ९युएनएचसिआर० का प्रवक्ता लुइज डोनोभानले कम्तीमा ४०० जना हराइरहेका र करिब ५६० जना घाइते भएको बताए । उनका अनुसार आगलागीका कारण ४५ हजारभन्दा बढी व्यक्ति विस्थापित भएका छन् ।

शिविर ध्वस्त भएसँगै शरणार्थीहरु आफ्ना आफन्त र सरसामानको खोजीमा लाग्नुका साथै अरु कैयौं व्यक्तिको रुवाबासी भएको छ ।

म्यान्मारको सेनाको दमनबाट भागेका १० लाखभन्दा बढी शरणार्थी बंगलादेशमा निकै साँघुरा शिविरहरुमा रहेका छन् । यी शरणार्थीहरु सन् २०१७ मा बढी मात्रामा बंगलादेश आइपुगेका थिए । हाल बंगलादेशको रोहिङ्ग्या शिविर विश्वकै सबैभन्दा ठूलो हो ।

बंगलादेशले रोहिङ्ग्या शरणार्थीलाई स्वदेश फर्काउन विगतदेखि नै चाहेको छ । यसका लागि विगतमा म्यान्मार र बंगलादेशबीच सहमति भएपनि रोहि¬ङ्ग्या शरणार्थीहरु म्यान्मारमा सुरक्षाको भरपर्दो स्थिति नरहेको भन्दै फर्कन अस्वीकार गरिरहेका छन् ।

रोहिङ्ग्या शिविरको आगो नियन्त्रणमा ल्याउन एक हजार भन्दा बढी कर्मचारी, स्वयंसेवक र अग्निनियन्त्रकहरु खटिएका थिए ।

एजेन्सी । बंगलादेशको कक्सबजार स्थित म्यानमारबाट विस्थापित भएर आएका रोहिंग्या मुसदमानको सबैभन्दा ठूलो शिविरमा भीषण आगलागी भएको छ ।

आगलागीमा कम्तिमा १ हजार घर टहरा जलेर नष्ट भएको छ । सोमबार दिउँसोदेखि लागेको आगोले शरणार्थी शिविरको ठूलो क्षेत्रमा नोक्सानी पुर्‍याएको हो ।

अग्नि नियन्त्रक र स्वयम्सेवकको तीव्र प्रयासका बाबजुद आगो नियन्त्रणमा लिन धेरै समय लागेको थियो । शिविरमा धेरैजसो घरहरु बाँस र काठबाट बनेका कारण आगो नियन्त्रणमा कठिनाइ भएको हो ।

कक्स बजारमा शरणार्थीका लागि राहतको काम गर्दै आएको संस्थाका कार्यकर्ताहरुका अनुसार त्यहाँ लागेको अहिलेसम्मकै ठूलो आगो हो । यसै वर्ष जनवरीमा पनि आगो लागेको थियो ।

समाचारहरुमा सोमबारको आगोले थुप्रै मानिसको मृत्यु पनि भएको हुनसक्ने अनुमान गरिएका छन् । तर, अहिलेसम्म कुनै मानवीय क्षतिबारे पुष्टि भएको छैन ।

कक्स बजारको शिविरमा ११ लाख रोहिंग्या शरणार्थी रहन्छन् । तीन वर्षअघि म्यानमार सरकारको मुसलमानमाथिको दमनबाट प्रताडित भएर उनीहरु बंगलादेश आएर बसेका हुन् ।

काठमाडौं । ब्लगर हत्यामा दोषी पाइएका पाँच जनालाई बंगलादेश सरकारले मृत्युदण्डको सजाय सुनाएको छ । अर्को एकलाई जन्मकैदको सजाय सुनाइएको छ ।

सन् २०१५ मा बंगलादेशी मूलका अमेरिकी नागरिक अभिजित रोयको हत्या गरेका थिए । राजधानी ढाकामा आयोजित पुस्तक प्रदर्शनी कार्यक्रममा भाग लिने क्रममा उनको हत्या भएको थियो ।

नास्तिक रहेका रोयले बेला बेलामा धर्म निरपेक्षताको कुरा गर्थे र उनको कुरामा चित्त नबुझाएका इस्लामिक लडाकुले उनको हत्या गरेको अनुमान गरिएको थियो ।

उक्त आक्रमणमा रोयकी पत्नी गम्भिर घाइते भएकी थिइन् ।