Tag: प्रियंका कार्की

काठमाडौं । पछिल्लो समय कलाकारहरु कोरोनाभाइरस महामारीको अवस्थालाई लिएर चिन्तित छन् । नागरिकले अक्सिजन अभावमा ज्यान गुमाउनु परेकोमा उनीहरुको मन दुखेको छ ।

पछिल्लो समय प्रेगनेन्सी फोटोसुट र यस सम्बन्धी अभिव्यक्तिले चर्चामा आइरहेकी प्रियंका कार्कीले पनि सामाजिक संजालमार्फत महामारीको परिस्थितीलाई लिएर दुःख व्यक्त गरेकी छिन् ।

सामाजिक संजालमा शनिबार स्टाटस लेख्दै उनले महामारीप्रति गम्भिर भैदिन सरकारलाई आग्रह गरेकी छिन् । अहिलेको समयको परिस्थिती बुझ्न उनले सरकारलाई सुझाएकी छिन् ।

‘अहिलेको समय र परिस्थितीको प्राथमिकता बुझ्नूस’ उनी लेख्छिन्, ‘४० अर्ब अक्सिजन सिलिन्डर, आइसीयू वार्ड, भेन्टिलेटर, हेल्थकेयर प्रणाली, निःशुल्क खोपमा खर्च गर्नूस ।’

उनी अगाडि लेख्छिन्, ‘यो प्राथमिकतामा परे जनता पनि खुशि हुन्थे । राहत पनि मिल्थ्यो । जनता रहे त देश रहन्छ नि होइन ? चुनाव त परिस्थिती ठीक भए गरौंला नि होइन र ? चुनावमा भोटको आशा गर्ने ए सरकार, भोट पाउने लायकको काम गरेर देखाउनूस पहिले । बिनम्र अनुरोध ।’

काठमाडौं । नायिका प्रियंका कार्की जबदेखि गर्भवती भइन्, गसिपबाट बाहिर निस्कने नामै लिइरहेकी छैनन् । उनी बारम्बार आफ्ना तस्वीर र अभिव्यक्तिमार्फत सामाजिक सञ्जाललाई मसला दिइरहेकी छन् । यसवापत सामना गर्नु परिरहेका भद्दा कमेन्टहरुसँग उनलाई खासै वास्ता छैन ।

प्रियंकाले गत चैत २० गते सामाजिक सञ्जालमा पहिलोपटक आफ्नो बेबीबम्प प्रदर्शन गर्दै आफू आमा बन्न लागेको सार्वजनिक गरेकी थिइन् । श्रीमानसहितको तस्वीर पोस्ट गरेर उनले क्याप्सन लेखेकी थिइन्, ‘वी आर प्रिग्नेन्ट’ -हामी गर्भवती छौं ।’ आफूसहित श्रीमानलाई समेत ‘गर्भवती’ भनेको भनेर प्रियंकाको ट्रोल भयो । तर, उनी ट्रोलबाट आत्तिनेभन्दा ट्रोलमै रमाउने नायिका हुन् ।

त्यसयता प्रियंकाले दिनहुँजसो आफ्नो ठूलो भुँडी देखाएर नयाँ-नयाँ तस्वीर पोस्ट गरिरहिन् । जति नकारात्मक कमेन्ट आए पनि उनी हतोत्साही भइनन् । केही दिनअघि उनले पोस्ट गरेको तस्वीरलाई लिएर गालीको वर्षा नै भएको थियो । त्यसमा उनले आफ्नो नाइटोमा जुसको पाइप घुसारेर पेटको बच्चालाई पिलाएको अभिनय गरेकी थिइन् ।

विदेशी सेलेब्रिटीको नक्कल गरेर प्र्रियंकाले गरेको भद्दा फोटोसेसनलाई सामाजिक सञ्जालमा उछितो काढियो । केहीले चाहिँ आफ्नो गर्भवती अवस्थामा रमाउने उनको हक भएको भन्दै प्रियंकाको बचाउ समेत गरे ।

@jyotiaryal93

Priyanka karki 💜💜💜#foryou #ktm #fyp #tiktoknepal 🇳🇵🇳🇵🙏🙏

♬ original sound – Jyoti Aryal

अहिले चाहिँ आफ्नो प्रेग्नेन्सीका विषयमा प्रियंकाले दिएका उटपट्याङ प्रतिक्रियाहरु सामाजिक सञ्जालमा भाइरल बनेका छन् । खासगरी टीकटकमा भाइरल भएको प्रियंकाको एउटा अभिव्यक्ति यस्तो छ :

‘आयूष्मानले के भने भने, ल ठीक छ । अब डिसेम्बरमा बेबी पाउने हो भने अप्रिल–मेतिर ट्राइ गर्नुपर्‍यो नि त । तर, अप्रिल मेमै फस्र्ट ट्राइ नगरौं । अगाडि पनि ट्राइ गर्दै जाउँ न । अप्रिल मेमा ट्राइ गर्नेवित्तिकै प्रेग्नेन्ट हुन्छ भन्ने त छैन । सो लेट्स ट्राइ कपल अफ टाइम्स भनेर, हाम्रो चैं फस्र्ट ट्राइ थियो क्या यो, जुन हामीले ट्राइ गर्‍यौं । ल अब चाहिँ ट्राइ गर्न स्टार्ट गर्ने, बिस्तारै ट्राइ गर्दै जाने, डिसेम्बरमा बेबी पाउने गरी । त्यो केसमा चाहिँ हामी यस्तो लक्की भयौं कि फस्र्ट ट्राइमै प्रेग्नेन्ट भयौं क्या ।’

प्रियंकाले आफ्नो पेटभित्रको बच्चाको विषयमा पनि विभिन्न अनुभव सेयर गरेकी छन् ।

उनी भन्छिन्, ‘म बुझ्न खोज्छु, मेरो बेबी पेटभित्र किन चलिरा’को होला । सर्टेन पार्ट अफ द बडी कतातिर चल्यो भन्ने पनि थाहा हुन्छ नि अहिले त । तल पेटमा हो कि, अलि माथि हो कि । अस्ति एकचोटि चाहिँ मलाई एकजनाले भन्नुभयो, खाटमा पल्टेर सबैतिर छाम । अनि जहाँ कडा पार्ट छ, त्यो चाहिँ टाउको हो भनेर सिकाउनुभाकोथ्यो । अस्ती आयूष र म खाटमा पल्टेर छामेर कहाँ कडा भेट्टाउँछ भनेर ट्राइ गर्‍यौं क्या… यस्तो यस्तो मोमेन्टहरु धेरै मूल्यवान हुन्छन् ।’

प्रियंकाका यस्ता बयानमा रमाइला टिप्पणीहरु आएका छन् । कतिपयले चाहिँ उनले आफ्ना नितान्त गोपनिय विषयहरु पनि छताछुल्ल पारेको भन्दै ‘घटिया प्रपोगण्डा’ को संज्ञा दिएका छन् ।

श्रवण मगरले लेखेका छन्, ‘अहिलेसम्म यसले मात्रै बच्चा पाकोजस्तो हल्ला गर्दैछे त ।’

सविता श्रेष्ठले लेखेकी छन्, ‘होइन, यो हिरोइनले हात्ति नै जन्माउन लागेकी हो कि क्याहो ?’

काठमाडौं । प्रियंका कार्की र कन्ट्रोभर्सी पर्यायवाची शब्द हुन् । सामाजिक संजालमा उनले गर्ने पोस्ट प्रायः चर्चामा आइरहन्छन् । भीडको ध्यान आफूतिर तान्न सक्ने खुबी भएकी प्रियंका पछिल्लो पटक बेबी–बम्पवाला तस्विरले चर्चामा छाएकी छिन् ।

आइतबार बेलुका उनले इन्स्टाग्राममा पोस्ट गरेको एउटा बेबी–बम्पवाला तस्विरले सबैको ध्यान खिचेको छ । उनका श्रीमान आयुष्मान देशराज जोशीले पनि उनको तस्विर सेयर गरेका छन् ।

जहाँ उनले गर्भवती भुँडीमा मेकअपसहित गिलासमा जुस पिलाइरहेको तस्विर पोस्ट गरेकी छिन् । उनले केही विदेशी बेबी-बम्प तस्विरहरुको नक्कल गर्दैै खिचाएको यो तस्विरले एकैसाथ गाली र ताली पाएको छ ।

कतिपयले उनले स्वदेशी परम्परालाई भुलेर नेपालको सामाजिक मर्यादा उल्लंघन गरेको आरोप लगाएका छन् भने कतिपयले तस्विर खिचाउन पाउनु उनको नीजि जीवन भएको भन्दै बचाउ गरेका छन् ।

प्रियंकाले भने यसबारे कुनै प्रतिक्रिया दिएकी छैनन् ।

काठमाडौं । आफू गर्भवती भएको गाइँगुइँलाई अभिनेत्री प्रियंका कार्कीले सत्य सावित गरिदिएकी छिन् । परिवारसँग होली खेलेको तस्विरमा प्रियंका गर्भवती भएको अनुमान गरिएको थियो ।

उक्त तस्विरलाई आधार मान्दै उनी गर्भवती भएको गसिप पनि चलेका थिए । तर, प्रियंका स्वयमले सामाजिक संजालमार्फत आफू प्रेगेनेन्ट भएको पुष्टि गरेकी छिन् ।

पति आयुष्मानसँग खिचाएको गर्भवती भएको तस्विर उनले फेसबुक र इन्स्टाग्राममार्फत सार्वजनिक गरेकी छिन् । जहाँ उनले लेखेकी छिन्– मलाई सोध्न बन्द गर्नूस । हो म प्रेगनेन्ट भएकी हुँ ।’

आमा बन्ने पुष्टि भएसँगै प्रियंकालाई बधाइको ओइरो आउन थालेको छ । सन् २०२० को फेब्रुअरी २८ मा प्रियंका र आयुष्मान विहे बन्धनमा बाँधिएका थिए ।