Tag: प्रवक्ता फेरीए

काठमाडौं । प्रधानमन्त्री तथा मन्त्रिपरिषद्को कार्यालयका प्रवक्ता फेरिएका छन् । यस अघि प्रवक्ताको जिम्मेवारीमा रहेका सहसचिव कृष्णबहादुर राउत राजपत्रांकित विशिष्ट श्रेणी अर्थात सचिवमा बढुवा भएपछि प्रवक्ताको जिम्मेवारी कार्यालयमा कार्यरत सहसचिव महादेव पन्थलाई दिइएको छ । यसअघि प्रवक्ताको जिम्मेवारीम रहेका राउत कार्यालको पूर्वाधार विकास महाशाखा प्रमुखको जिम्मेवारीमा थिए । राउतले करिव ६ महिना अघि कार्यालयको प्रवक्ताको जिम्मेवारी पाएका थिए ।

भर्खरै प्रवक्ताको जिम्मेवारी पाएका सहसचिव पन्थ प्रधानमन्त्री कार्यालयको प्रादेशिक समन्वय तथा योजना महाशाखा प्रमुखको जिम्मेवारी छन् । उनी २ महिना अघि मात्रै सामाजिक विकास मन्त्रालय लुम्बिनी प्रदेशबाट प्रधानमन्त्री तथा मन्त्रिपरिषद्को कार्यालयका सरुवा भएर आएका थिए ।

काठमाडौँ । प्रधानमन्त्री तथा मन्त्रिपरिषद् कार्यालय र गृह मन्त्रालयका प्रवक्ता फेरिएका छन् । प्रधानमन्त्री तथा मन्त्रिपरिषद् कार्यालयमा प्रवक्ताको जिम्मेवारी सहसचिव कृष्ण बहादुर राउतलाई दिइएको छ भने गृह मन्त्रालयको प्रवक्ताको जिम्मेवारी सहसचिव फणिन्द्रमणी पोखरेललाई दिइएको हो ।

यसअघि प्रधानमन्त्री तथा मन्त्रिपरिषद्को कार्यालयका प्रवक्ताको जिम्मेवारीमा रहेका सहसचिव किरणराज शर्मा सचिवमा बढुवा भएपछि कार्यालयको पूर्वाधार विकास महाशाखा हेर्ने रावतलाई प्रवक्ताको जिम्मेवारी दिइएको हो ।

यस्तै यस अघि गृह मन्त्रालयमा प्रवक्ताको जिम्मेवारीमा रहेका सहसचिव जनकराज दाहाललाई कारागार व्यवस्थापन विभागको महानिर्देशकको जिम्मेवारी दिइएपछि विभागमा महानिर्देशकको जिम्मेवारीमा रहेका पोखरेललाई आन्तरिक काज सरुवा गरेर शान्ति सुरक्षा महाशाखाको प्रमुखसहित प्रवक्ताको जिम्मेवारी दिने निर्णय भएको हो ।