Tag: पोखरी

महोत्तरी । महोत्तरीका छुट्टाछुट्टै स्थानमा रहेका दुई पोखरीमा डुबेर दुईजनाको मृत्यु भएको छ । जिल्लाको मटिहानी नगरपालिका–७ स्थित पोखरीमा पौडी खेल्नेक्रमा मुखियापट्टी मुसरनियाँ गाउँपालिका–३ का १८ वर्षीय सुमन ठाकुरको डुवेर मृत्यु भएको हाे ।

पोखरीमा तीन युवक पौडी खेल्न गएका जनाइएको छ । स्थानीयवासीले पानीमा डुबेका ती युवालाई जिवितै उद्धार गरेका भए पनि उचारकालागि लैजादै गर्दा बाटोमै मृत्यु भएको जनाइएको छ ।

यसैबीच महोत्तरी गाउँपालिका–५ गौरीगामा गाउँमा पोखरीमा डुबेर बेहोस भएका एक युवकको गए राति उपचारका क्रममा मृत्यु भएको छ । मृत्यु हुनेमा २५ वर्षीय राकेश पासवान रहेको जिल्ला प्रहरी कार्यालय महाेत्तरीका प्रहरी नायब उपरीक्षक प्रकाश विष्टले जानकारी दिए ।

होली खेलेर शनिवार साँझ गाउँमै रहेको पोखरीमा नुहाउन गएका उनि  पौडी खेल्ने क्रममा पोखरीमै बेहोस भएपछि स्थानीयवासीले उद्धार गरेर उपचारका लागि प्रादेशिक अस्पताल जनकपुर पठाएका थिए ।

जनकपुरधाम । धनुषाको धनुषाधाम नगरपालिका-२ धरमपुरस्थित पोखरीमा आमा-छोराको शव भेटिएको छ ।

स्थानीय अशोक सिंहकी श्रीमती अन्दाजी २८ वर्षीया अर्चना सिंह र ४ वर्षीय छोरा कुशकुमार सिंहको शव सार्वजनिक पोखरीमा फेला परेपछि स्थानीयले प्रहरीलाई खबर गरेका थिए । पोखरीमा तैरिरहेको अवस्थामा भेटिएका उनीहरूको शव पोष्टमार्टमका लागि जनकपुरस्थित प्रादेशिक अस्पताल ल्याउने तयारी भइरहेको छ ।

सेटरिङ कार्पेन्टरको काम गर्ने श्रीमान् अशोक भने आइतबार नै कामका लागि महेन्द्रनगरतर्फ गएको र राती घर नफर्केको बताइएको छ ।

ढल्केबरका प्रहरी निरीक्षक सुरेश ठाकुरका अनुसार दुवैजनाको शरीरमा कतै चोटपटक लागेको देखिँदैन । तत्काल केही भन्न सकिने अवस्था नरहेको भन्दै उनले अनुसन्धान शुरू गरिसकेको र पोष्टमार्टमपछि थप खुल्ने बताए ।

जनकपुरधाम । सर्लाहीमा पोखरीमा डुबेको अवस्थामा आमा, छोरा र छोरीको शव फेला परेको छ ।

ब्रह्मपुरी गाउँपालिका-३ भेल्हीका सञ्जीव कापडकी २६ वर्षीया पत्नी रिकेवादेवी, १८ महिनाकी छोरी रमा र ९ दिनकै छोराको शव पोखरीमा आज बिहान फेला परेको हो । स्थानीय सूर्यवंश चौधरीको पोखरीमा उनीहरू मृत भेटिएको प्रहरीले बताएको छ ।

पोखरीमा शव देखेपछि स्थानीयले प्रहरीलाई खबर गरेका थिए । प्रहरीको टोली पुगी शव पोखरीबाट निकालेर पोष्टमार्टमका लागि मलंगवा अस्पताल लगिएको सर्लाहीका प्रहरी प्रवक्ता डीएसपी माधवप्रसाद बुढाथोकीले जानकारी दिए । उनका अनुसार घटनाको थप अनुसन्धान भइरहेको छ ।

मंगलबार साँझदेखि नै रिकेवादेवी छोरा-छोरी लिएर बेपत्ता भएकी थिइन् । श्रीमती र छोरा-छोरी खोज्न निस्केका श्रीमान् सञ्जिव सम्पर्कविहीन रहेको डिएसपी बुढाथोकीले नेपाल प्रेसलाई बताए ।