काठमाडौं । नेपाल आयल निगमले पेट्रोलियम पदार्थको मूल्य समायोजन गर्दै पुनः बृद्धि गरेको छ ।
निगमले भारतीय आयल निगमबाट प्राप्त मूल्य अनुसार फागुन १७ गते राति १२ बजेदेखि लागु हुने गरि पेट्रोल, डिजेल तथा मट्टितेलमा दुई रुपैयाँ वृद्धि गरेको हो ।
अब पेट्रोल प्रतिलिटर ११६ रुपैयाँ र डिजेल तथा मट्टितेल ९९ सय रुपैयाँ प्रतिलिटर कायम भएको निगमले जनाएको छ । यो बृद्धिले पनि निगम घाटामै रहेको छ ।
काठमाडौं । नेपाल आयल निगमले पेट्रोलियम पदार्थको मूल्य वृद्धि गरेको विरोधमा जनता समाजवादी पार्टीले माइतीघरमा प्रदर्शन गरेको छ । प्रदर्शनका क्रममा उनीहरूले थाल ठटाएर, सिलिण्डर उचालेर विरोध जनाएका थिए ।
अहिले उपत्यकामा पेट्रोलको उपभोक्ता मूल्य बढेर ११४ रुपैयाँ पुगेको छ ।
काठमाडौं । नेपाल आयल निगमले एक साताभित्र दाेस्राे पटक पेट्राेलियम पदार्थकाे मूल्य बढाएकाे छ । एक साता अघि मात्र पेट्रोल, डिजल तथा मट्टीतेलमा २ रुपैयाँ मूल्य बढाएकाे निगमले फेरि आज राति १२ बजेबाट लागू हुने गरी पेट्रोलियम पदार्थको मूल्यवृद्धि गरेको हाे । पेट्रोल, डिजल तथा मट्टीतेलको साविक मूल्यमा दुई रुपैयाँ बढाइएको छ।
राति १२ बजेबाट नयाँ मूल्य अनुसार पेट्रोल प्रतिलिटर रु ११४, डिजल र मट्टीतेलको रु ९७ तथा हवाई इन्धनको मूल्य ६७ तिर्नुपर्ने भएको छ । एलपी ग्याँसको मूल्य भने यतावत् रहेकाे छ । ग्याँसकाे मूल्य अघिल्लाे साता मात्र प्रतिसिलिण्डर १३७५ बाट २५ रुपैयाँ बढेर १४०० रुपैयाँ पुगेकाे थियाे ।
अन्तर्राष्ट्रिय मूल्यअनुसार समायोजन गर्ने क्रममा मूल्य वृद्धि गरिएको निगमले जनाएको छ । पछिल्लो समय स्वचालित मूल्य प्रणाली कार्यान्वयन गर्न नसक्दा निगम घाटामा गएको थियो ।
