काठमाडौं । गैरआवासीय नेपाली संघको आइसीसी सल्लाहकार पदबाट पुष्पराज तिमल्सिनाले राजीनामा दिएका छन् ।
राष्ट्रिय समावेशी आयोगको सदस्यमा सिफारिस भएका तिमल्सिनाले बुधबारदेखि लागु हुने गरि राजीनामा दिएको जारी वक्तव्यमा उल्लेख छ ।
संवैधानिक परिषद्ले हालै उनलाई आयोगको सदस्यमा नियुक्त गर्न सिफारिस गरेको थियो । आयोगको पदमा सिफारिस हुन पाउनु एनआरएन प्रतिनिधिलाई उच्च जिम्मेवारी भएको समेत उनले उल्लेख गरेका छन् ।
एनआरएन आइसीसीको ६९ औं बैठकले उनलाई सल्लाहाकार पदमा नियुक्त गरेका थियो भने सन् २०१९ को अक्टोबरदेखि पद सम्हाल्दै आएका थिए ।