Tag: पीएसजी

काठमाडौं । चार खेलअगावै पेरिस सेन्ट जर्मन(पीएसजी)ले लेन्ससँग १–१ गोलको बराबरी खेल्दै १०औं पटक फ्रेन्च लिग वानको उपाधि जितेको छ ।

पीएसजीको यो १०औं लिग उपाधि हो ।

शनिबार राति पार्क डेस प्रिन्सेसमा भएको खेलमा लियोनल मेस्सीले ६८औं मिनेटमा गोल गर्दै पीएसजीलाई अग्रता दिलाएका थिए ।

पहिलो हफ गोलरहित बराबरीमा सकिएको खेलमा लेन्स ५७औं मिनेटमा रातो कार्ड पाएपछि १० खेलाडीमा सीमित भएको थियो ।

लेन्सका कोरेन्टिन जिनले ८८औं मिनेटमा बराबरी गोल फर्काएका थिए ।

बराबरी भएको खेलमा उपाधिका लागि पीएसजीलाई एक अंक पर्याप्त रह्यो ।

पीएसजीले ३४ खेलबाट ७८ अंकसहित शीर्ष स्थानमा रहेको छ । दोस्रो स्थानको मार्सेको ६२ अंक छ ।

लेन्स ५४ अंकसहित तालिकाको सातौं स्थानमा छ ।

काठमाडौं । इन्जुरी समयको अन्तिम मिनेटमा केलीयन एम्बाप्पेले गरेको गोलसँगै पेरिस सेन्ट जर्मन (पीएसजी)ले यूईएफए च्याम्पियन्स लिगमा रियाल मड्रिडलाई १–० गोलको नतिजामा पराजित गरेको छ ।

पीएसजीको घरेलु मैदान पार्क डेस प्रिन्सेसमा भएको च्याम्यिन्स लिगको अन्तिम १६को पहिलो लेगमा भ्रमणकारी स्पेनिस ला लिगा लिडर रियलविरूद्ध जित निकाल्दै पीएसजीले महत्त्वपूर्ण तीन अंक पायो । जितसंगै पीएसजी क्वाटर फाइनल नजिक रह्यो । दोस्रो लेग रियलको घरेलु मैदानमा २२ फेब्रुअरीमा हुनेछ ।

फ्रेन्च फरवार्ड एम्बाप्पेले ४ मिनेटको इन्जुरी समयमा बैकल्पिक खेलाडी नेयमारको पास सदुपयोग गर्दै गोल गरे । नेयमार गत नोभेम्बर पछि मैदान फर्किएका हुन् ।

खेलको ६२औं मिनेटमा पीएसजीले पेनाल्टी गोलबाट अग्रता लिने अवसर गुमायो । अर्जेन्टिनी स्टार लिओनल मेस्सीको प्रहार रियल गोलरक्षकले रोके ।

यस अघि खेलमा पीएसजीले पोसेसनमा आफ्नो दबदबा कायम राखे पनि फिनिसिङमा चुक्न पुगेको थियो । रियल भने पूरा समय डिफेन्समा ब्यस्त रह्यो ।

काठमाडौं । ब्राजिलका स्टार फवार्ड नेइमारले विश्वकप छनोटमा अर्जेन्टिनाविरुद्धको खेल गुमाउने भएका छन् । उनको तिघ्राको समस्याका कारण खेल गुमाउने ब्राजिल फुटबल महासंघ (सीबीएफ)ले सोमबार घोषणा गरेको हो ।

कतारमा आयोजना हुने २०२२ को विश्वकपमा ब्राजिलले स्थान सुरक्षित गरेको कोलम्बियाविरुद्धको खेलमा नेइमारले पूरै समय खेलेका थिए । सो खेलमा लुकास पाक्युटाको निर्णायक गोलमा ब्राजिलले कोलम्बियालाई पराजित गरेको थियो ।

तर, उनले मंगलबार ब्राजिलविरुद्धको जितसँगै अर्जेन्टिना छनोट हुनसक्ने खेल भने गुमाउने भएका छन् । ‘आज बिहानको ट्रेनिङपछि नेइमारले तिघ्रा दुखेको गुनासो गरे’ सीबीएफले भन्यो, ‘थप परिक्षणहरू गर्न असमर्थ भएकाले सान जाउन यात्रा नगर्ने खेलाडीलाई स्टाफले आराम गराउने निर्णय गरेको हो ।’

पेरिस सेन्ट जर्मन (पीएसजी)ले अर्को च्याम्पियन्स लिगअन्तर्गत म्यान्चेस्टर सिटी भ्रमणका लागि नेइमार फिट हुने आशा गरिएको छ । नेइमारले ब्राजिलबाट ७० अन्तर्राष्ट्रिय गोल गरेका छन् । जुन ब्राजिलका सर्वकालिन कीर्तिमान गोलकर्ता पेलेको भन्दा ७ गोल कम हो ।

काठमाडौं । अर्जेन्टिनि सुपरस्टार लियोनेल मेसीले बुधबार हुने आरबी लाइपजिग विरुद्धको खेल चोटका कारण गुमाउने भएका छन् । उनको घुँडा र बाँया ह्याम्स्ट्रिङमा समस्या भएको पेरिस सेन्ट जर्मन (पीएसजी)ले मंगलबार घोषण गरेको हो ।

मेसीले गत शुक्रबार लिले विरुद्धको खेलमा पहिलो हाफमै मैदान छाडेका थिए । तर, मुख्य प्रशिक्षक माउरिसियो पोचेटिन्होले लाइपजिगसँगको खेलका लागि फिट हुने बताएका थिए । तर, सोमबारको ट्रेनिङमा भने मेसी अनुपस्थित थिए ।

मंगलबार क्लबले उनी पूर्णरूपमा फिट नभएको पुष्टि गरको छ ।

पीएसजीले जारी गरेको विज्ञप्तिमा भनिएको छ,‘चार पटकका च्याम्पियन्स लिग विजेता मेसीको देब्रे खुट्टामा ह्याम्स्ट्रिङ र घुँडाको दुखाई बाट पीडित छन्,’

मेसीले शनिबार हुने बोर्डेउस्कविरुद्धको खेल पनि गुमाउने सम्भावना बढेको छ ।

काठमाडौं । एन्जल डी मारियाको उत्कृष्ट प्रदर्शनप्रेरित पेरिस सेन्ट जर्मन (पीएसजी)ले शुक्रबार राति फ्रेन्च लिगवान्मा लिलेमाथि २–१ को पुनरागमन जित निकालेको छ ।

घरेलु मैदानमा भएको खेलको पहिलो हाफमा ०–१ गोलको नतिजामा पछाडी परेको पीएसजीले दोस्रो हाफमा खेलमा पुनरागमन गर्दै तीन अंक हासिल गर्न सफल भयो ।

बुराक यिल्माजको पासमा योनाथान डेविडले ३१औं मिनेटमा गोल गर्दै भ्रमणकारी लिलेलाई पहिलो हाफमा अग्रता दिलाएका थिए । यद्यपि, घरेलु टोलीको दबाब सहन नसकेको लिलेले दोस्रो हाफमा दुई गोल खाँदै अग्रता जोगाउन सकेन ।

खेलको ७४औं मिनेटमा मार्किन्होसलाई गोलका लागि सुन्दर पास दिएका डी मारियाले आफ्नै नाममा एक गोल गर्न सफल भए । निर्धारित समयको खेल सकिन २ मिनेट बाँकी रहँदा नेइमारको पासलाई सदुपयोग गर्दै डी मारियाले पीएसजीका लागि विजयी गोल गरेका थिए ।

जितसँगै १२ खेलमा ३१ अंक जोडेको पीएसजीले शीर्ष स्थानमा १० अंकको अग्रता बनाएको छ । दोस्रो स्थानको लेन्सको ११ खेलबाट २१ अंक छ । पराजित लिले १२ खेलमा १५ अंक जोडेर ११औं स्थानमा सीमित छ ।

काठमाडौं । अन्तर्राष्ट्रिय खेलका दौरान ब्राजिलबाट खेल्ने क्रममा घाइते भएका पेरिस सेन्ट जर्मन (पीएसजी)का स्टार फरवार्ड नेइमारले आरबी लाइपजिगविरुद्धको खेल गुमाउने भएका छन् ।

गत शुक्रबार फ्रेन्च लिगवान् अन्तर्गत भएको एन्जर्सविरुद्धको खेलमा पनि पीएसजीका लागि नेइमार अनुपस्थित थिए । उक्त खेलमा पीएसजी २–१ गोलको नतिजामा विजयी भएको थियो ।

Training today before #PSGRBL💪🏆 pic.twitter.com/lgmGdprBu8

— Paris Saint-Germain (@PSG_English) October 18, 2021

यद्यपि, मंगलबार राति हुने च्याम्पियन्सलिग अन्तर्गतको खेलमा उनी मैदान फर्किने आशा गरिएको थियो । तर, क्लबले लाइपजिगविरुद्धको खेलमा उनी अनुपस्थित हुने बताएको छ ।

पीएसजीले घरेलु मैदानमा (मंगलबार) आज राति १२ ः ४५ बजे जर्मन क्लब लाइपजिगसँग खेल्दै छ । सुरुआती दुई खेलबाट ४ अंक जोडेको पीएसजी समूह ‘ए’को शीर्ष स्थानमा छ ।

एजेन्सी । लियोनल मेस्सीले डेब्यू गोल गर्दा युरोपेली च्याम्पियन्स लिगको समूह चरणमा फ्रान्सेली महारथी टोली पीएसजीले इंग्लिस च्याम्पियन म्यानचेस्टर सिटीलाई २–० गोलअन्तरले पराजित गरेको छ ।

मेस्सीले पीएसजीका लागि चौथो खेलमा पहिलो गोल गरेका हुन् । मेस्सीले मैदानको बीच भागबाट फ्रान्सेली युवा स्टार केलियन एम्बाप्पेसँग वान टू वान पास मिलाउँदै ७४औं मिनेटमा २० यार्डबाट शानदार गोल गरेका हुन् ।

मेस्सीको डेब्यू गोलपछि पेरस डेस प्रिन्सेस रंगशालामा उपलस्थित उल्लेख्य घरेलु समर्थकले लामो समयसम्म खुसियाली मनाएका थिए । मेस्सी चोटबाट फर्किएका हुन् । २० वषै बार्सिलोनामा रहेर ६७२ गोल गरेका मेस्सीले च्याम्पियन्स लिगको खेलदेखि पीएसजीमा गोल गर्न सुरु गरेका छन् ।

मेस्सीको यो १ सय २१ औं च्याम्पियन्स लिग गोलसमेत हो । त्यसअघि पहिलो हाफ सुरु भएलगत्तै इद्रिसा गुयेले गोल गरे पीएसजीलाई घरेलु मैदानमा अग्रता दिलाइसकेका थिए ।

पीएसजीको पहिलो र दोस्रो गोलको बीचमा सिटीले पनि गोलका थुप्रै अवसर खेर फालेको थियो । रहिम स्टलिङको हेडर बारमा लागेर फर्किएको थियो भने बर्नान्डो शिल्भाको प्रयासले पनि सार्थकता पाएको थिएन ।

मेस्सीसँगै पीएसजीबाट च्याम्पियन्स लिग डेब्यू गरेका इटलीका गोलरक्षक जियानलुगी डोन्नारुमाले सिटीको सातवटा प्रहारको सामना गरेका थिए । सबैमा उनी सफल रहे ।

च्याम्पियन्स लिगको डेब्यू टिमसँग हार्‍यो रियल मड्रिड

यसै सिजन युरोपेली च्याम्पियन्स लिगमा डेब्यू गरेको माल्दोभाको सेरिफ टिरास्पोलले १३ पल्ट च्याम्पियन्स लिग उपाधि जितेको रियल मड्रिडलाई उसकै मैदान सान्टियागो बर्नबेउमा २–१ गोलअन्तरले पराजित गरेको छ ।

सेबास्टियान थिलले खेलको अन्तिम मिनेटमा गोल गरेपछि सेरिफका समर्थकले मनाएको खुसीयाली हेर्नलायक थियो ।

पहिलो हाफमा जासुर्वेक याक्सीबोभले गोल गरेपछि सेरिफले अग्रता बनाएको थियो । तर करिम बेन्जेमाले पेनाल्टीमा गोल गरी खेल बराबरीमा ल्याएका थिए ।
तर थिलले अन्तिम मिनेटमा गरेको हाफ भली प्रहारले घरेलु समर्थकलाई निराश पार्दै गोलमा परिणत भयो ।

अर्काे खेलमा रोवर्टो फिर्मिनो, मोहम्मद सलाह र साडियो मानेले गोल गर्दा लिभरपुलले पनि च्याम्पियन्स लिगको समूह चरणमा पोर्चुगिज प्रतिस्पर्धी पोर्टोमागि ५–१ गोलअन्तरको सहज जित हासिल गरेको छ ।

त्यसै गरी लुइस स्वारेजले इन्जूरी समयको अन्तिम मिनेटमा पेनाल्टीमार्फत गोल गरेपछि एट्लेटिको मड्रिडले एसी मिलानलाई उसकै मैदानमा २–१ गोलअन्तरले पराजित गरेको छ ।

काठमाडौं । पछिल्लो दुई दशकयता विश्वभरका फुटबल समर्थकबीच सबैभन्दा चर्चित डिबेट हो, लियोनेल मेसी उत्कृष्ट कि रोनाल्डो ? दुवै लिजेन्डले अविश्वसनीय कीर्तिमानहरू बनाएका छन् । देश र क्लब दुवै स्थानबाट उनीहरूले आ-आफ्नो बिरासत खडा गरेका छन् । ३० वर्ष पार गरेको केही वर्ष कटिसके पनि दुवै खेलाडी अझै कीर्तिमान बनाइरहेका छन् ।

तर, विश्व फुटबलको नयाँ पुस्तामा पनि केही खेलाडीहरूले आफूलाई स्थापित गरिसकेका छन्, गर्ने क्रममा छन् । तीमध्ये सबैभन्दा ‘प्रमिसिङ ट्यालेन्ट’ हुन्- फ्रेन्च फरवार्ड किलियान एम्बाप्पे र नर्वेजियन फरवार्ड एर्लिङ हालान्ड ।

पछिल्ला दुई सिजनयता आफूलाई विश्व फुटबलका चम्किला ताराको रूपमा प्रस्तुत गरिरहेका यी दुई खेलाडी आगामी दिनमा अझै चम्किने सम्भावना देखिन्छ । पेरिस सेन्ट जर्मन (पीएसजी)बाट एम्बाप्पले गत सिजन अर्थात २०२०/२१ मा ४१ गोल गरेका थिए । त्यस्तै बोरुसिया डर्टमन्डका हालान्डले ४४ गोल ठोकेका थिए ।

वर्तमान अवस्थाबाट यी दुई खेलाडी आफूलाई विश्व फुटबलको आउँदो सुपर स्टारको रूपमा स्थापित गर्न लागिपरेका मात्रै छैनन्, आपसमा प्रतिस्पर्धा पनि गरिरहेका छन् ।

त्यसो भए तथ्याङ्क हेर्दा एम्बाप्पे र हालान्डमध्ये विश्व फुटबलका अर्का सुपर स्टार को हुन् त ? आउनुहोस् हेरौंः

एम्बाप्पे भर्सेज हालन्ड: क्लबबाट गोल संख्या

किलियान एम्बाप्पे	सिजन	एर्लिङ हालान्ड
४	२०१५/१६	०
२६	२०१६/१७	४
२१	२०१७/१८	१२
३९	२०१८/१९	५
३०	२०१९/२०	४४
४२	२०२०/२१	४२
४	२०२१/२२	९
१६६	जम्मा	११५

दुवै खेलाडीले व्यावसायिक फुटबलरको करियर सन् २०१५/१६ सिजनबाट गरेका हुन् । एम्बाप्पेले फ्रेन्च क्लब एस मोनाकोबाट व्यावसायिक फुटबल खेल्न सुरु गरेका थिए । नर्वेजियन लिग साइड- ब्रायन एफकेबाट हालान्डको खेल जीवन सुरुआत भएको थियो ।

पछिल्ला सात सिजमा एम्बाप्पेले मोनाको र पीएसजीबाट खेल्दै १ सय ६६ गोल गरिसकेका छन् भने हालान्डले ब्रायन, मोल्डे, रेडबुल साल्जबर्ग र डर्टमन्डमा गरी १ सय १५ गोल गरेका छन् ।

फ्रेन्च फरवार्ड एम्बाप्पेले २०२०/२१ मा सर्वाधिक ४२ गोल गरेका थिए भने हालान्डले सन् २०१९/२० मा ४४ गोल गरेका थिए ।

एम्बाप्पे भर्सेज हालान्ड: क्लब असिस्ट

किलियान एम्बाप्पे	सिजन	एर्लिङ हालान्ड
३	२०१५/१६	०
१४	२०१५/१६	१
१५	२०१७/१८	४
१७	२०१८/१९	१
१८	२०१९/२०	१०
२२	२०२०/२१	१२
३	२०२१/२२	३
८०	जम्मा	३२

क्लब फुटबलमा असिस्टमा पनि एम्बाप्पेले हालान्डलाई पछि पारेका छन् । फ्रेन्च फरवार्डले हालसम्म क्लब फुटबलमा ८० असिस्ट दिएका छन् । त्यो संख्या हालान्डको ३२ भन्दा ४८ अंकले धेरै हो ।

एम्बाप्पेले सन् २०१९/२० सिजनका सर्वाधिक १८ असिस्ट दिएका थिए भने हालान्डले २०२०/२१ मा सर्वाधिक १२ असिस्ट दिएका थिए ।

एम्बाप्पे भर्सेज हालान्ड: अन्तर्राष्ट्रिय गोल र असिस्ट

खेलाडी	गोल	असिस्ट	खेल
किलियान एम्बाप्पे	१७	१६	१९
एर्लिङ हालान्ड	१२	१	१५

एम्बाप्पेले सन् २०१७ मा फ्रान्सेली टोलीमा डेब्यू गरेयता देशको प्रतिनिधित्व गर्दै ४९ खेल खेलिसकेका छन् । ती खेलमा उनले १७ गोल गरेका छन् भने १६ असिस्ट दिएका छन् । अर्कातिर हालान्डले सन् २०१९ मा नर्वेको राष्ट्रिय टोलीमा डेब्यू गर्दै १५ खेलमा १२ गोल र १ असिस्ट गरेका छन् ।

एम्बाप्पे भर्सेज हालान्ड: क्लब उपाधि

किलियान एम्बाप्पे	उपाधि	एर्लिङ हालान्ड
४	लिग टाइटल	२
३	कप प्रतियोगिता	२
–	च्याम्पियन्स लिग	–

एम्बाप्पेले हालसम्म व्यावसायिक फुटबलमा ७ वटा उपाधि उचालिसकेका छन् । उनले चार पटक लिग टाइटल जितेका छन् भने तीन नक-आउट प्रतियोगिता जितेका छन् । हालान्डले भने हालसम्म व्यावसायिक फुटबलमा चार उपाधि मात्रै जितेका छन् । तीमध्ये दुई लिग च्याम्पियनसिप र दुई ठूला प्रतियोगिता जितेका छन् ।

एम्बाप्पे भर्सेज हालान्ड: अन्तर्राष्ट्रिय उपाधि

किलियान एम्बाप्पे	सिजन	एर्लिङ हालान्ड
१	विश्व कप	–
–	युरोपियन च्याम्पियनसिप	–
–	युइएफए नेसन्स लिग	–

एम्बाप्पे विश्व फुटबलकै शक्तिशाली मुलुक फ्रान्सबाट खेल्छन् भने हालान्ड नर्वेबाट खेल्छन् । सन् २०१८ मा विश्व कप जिताउन महत्त्वपूर्ण भूमिका खेलेका एम्बाप्पेले एउटा अन्तर्राष्ट्रिय उपाधि पनि जितिसकेका छन् । अर्कातिर हालान्डले अन्तर्राष्ट्रिय उपाधि अहिलेसम्म जितेका छैनन् ।

काठमाडौं । किलियान एम्बाप्पे भित्र्याउन कोसिस चलिरहेको रियाल मड्रिडले एडुवार्डो कामाभिङ्गालाई अनुबन्ध गर्ने चर्चा चलेको छ । पेरिस सेन्ट जर्मन (पीएसजी) एम्बाप्पेका लागि रियालले गरेको १८० मिलियन पाउन्डको प्रस्ताव अस्विकार गरेको थियो ।

१८ वर्षीय फ्रेन्च टिनेजर कामाभिङ्गाको रेनेससँगको सम्झौता अर्को वर्ष सकिँदैछ । र, त्यसपछि उनी फ्रि–एजेन्टमा उपलब्ध हुनेछन् । फ्रि–एजेन्ट भएसँगै युरोपका अन्य प्रतिष्ठित क्लबको केन्द्रविन्दुमा कामाभिङ्गा हुने निश्चित छ । त्यसैले स्पेनिस हेभिवेट रियाल एक वर्ष अगाडि नै उनलाई अनुबन्ध गर्न चाहन्छ ।

त्यसका लागि ३० मिलियन पाउन्डको प्रस्तावसमेत गरिसकेको छ । र, विभिन्न रिपोर्टअनुसार रेनेसले त्यो प्रस्ताव स्वीकार गर्ने र कामाभिङ्गाले चाँडै मेडिकल पनि गर्नेछन् ।

स्पेनिस फुटबल म्यागजिन मार्काका अनुसार सम्झौता अहिलेसम्म नभइसकेको र चाँडै हुने सम्भावना छ । पीएसजीले पनी उनलाई भित्र्याउन चासो देखाएको छ तर रियालका प्रशिक्षक कार्लो एन्सेलोटी उनलाई आफ्नो टोलीमा भित्र्याउन चाहन्छन् ।

एजेन्सी । लियोनल मेस्सीले रिम्सविरुद्धको खेलसँगै पेरिस सेन्ट जर्मेइनका लागि फ्रान्सेली शीर्ष लिगमा डेब्यू गरेका छन् । ६६ औं मिनेटमा मेस्सीले नेइमारलाई प्रतिस्पधापन गर्दा टिम २-० ले अगाडि थियो ।

अर्जेन्टिनी सुपरस्टारले पीएसजीमा ३० नम्बरको जर्सी रोजेका छन् । साथी खेलाडी नेइमारलाई प्रतिस्थापन गरी मैदान छिर्दै गर्दा भरिभराउ रंगशालामा उपस्थित सार्थकले उठेर सम्मान व्यक्त गरेका थिए । मेस्सीले आफ्नो करिअरमा बार्सिलोनाभन्दा अन्य क्लबबाट पहिलो खेल खेलेका हुन् ।

‘उनी अझै पनि आफ्नो उच्च लयमा पुगिसकेका छैनन् । तर प्रशिक्षण राम्रो भइरहेको छ र एक दुई सातामा पूर्ण फिट हुनेछन्,’ पीएसजीका प्रशिक्षक मोउरिसियो पोचेटिनोले भने, ‘हामी उनको उत्कृष्ट लयको प्रतीक्षामा छौं ।हामी उनले डेब्यू गरेकैमा खुसी छौं ।’

मेस्सीले डेब्यू गरेको खेलमा केलियन एम्बाप्पेले निर्णायक २ गोल गरे । मंगलबारको ट्रान्सफर समयसीमा अगाडि नै रियल मड्रिडमा अनुबन्ध हुनसक्ने सम्भावनाका बीचमा एम्बाप्पेको लागि यो अन्तिम खेल पनि हुनसक्छ ।

रियल मड्रिडले २२ वर्षीय फ्रान्सेली स्ट्राइकरका लागि १ सय ६० मिलियन युरोको प्रस्ताव गरेकोमा पीएसजीले अस्वीकार गरिसकेको छ । पीएसजीका लागि एम्बाप्पेले १७५ खेलमा १३५ गोल गरेका छन् ।

 

काठमाडौं । रियाल मड्रिड जाने चर्चा चलिरहेका बेला फ्रेन्च फरवार्ड किलियान एम्बाप्पे आज राति हुने रेइम्सविरुद्धको खेलका लागि पेरिस सेन्ट जर्मन (पीएसजी) को टोलीमा समेटिएका छन् ।

रेइम्सविरुद्ध आज राति हुने खेलमा अर्जेन्टाइन कप्तान लियोनेल मेसीले डेब्यू गर्ने सम्भावना छ । चोटका कारण पछिल्ला दुई खेलमा अनुपस्थित नेइमार पनि आज राति मैदानमा उत्रिने सम्भावना छ ।

पीएसजीले खेल हुने दिन मात्रै टोली घोषणा गरेको छ । त्यसअनुसार आज राति हुने खेलमा एम्बाप्पे, मेसी, र नेइमार को आक्रमक फ्रन्ट थ्री देख्न पाइने सम्भावना छ ।

रियाल मड्रिडले एम्बाप्पेका लागि गरेको १७० र थप १० मिलियन युरोको प्रस्ताव पिएसजीले स्विकार गरेको छैन । र, त्यो प्रस्ताव स्वीकार्न पीएसजीलाई सोमबारसम्मको समय दिइएको छ ।

‘किलियानले राम्रो गरि रहेका छन्,’, शनिबार मुख्य प्रशिक्षक माउरियो पोचेटिनोले भने, ‘उनले मलाई म पीएस्जी छोड्छु भनेका पनि छैनन् ।’

काठमाडौं । यसै सिजन अप्रत्याशित रूपमा फ्रेन्च क्लब पेरिस सेन्ट जर्मन (पीएसजी)सँग अनुबन्ध भएका अर्जेन्टाइन कप्तान लियोनेल मेसीले आज राति डेब्यू गर्ने सम्भावना छ । बार्सिलोनामै बस्न चाहे पनि क्लबको आर्थिक समस्याका कारण मेसीले बाध्य भएर २१ वर्ष लामो स्पेन बसाई टुङ्ग्याउनु परेको थियो ।

स्पेन बसाई लम्ब्याउन असफल भएसँगै मेसी दुई वर्षका लागि फ्रेन्च क्लब पीएसजीमा आवद्ध भए पनि डेब्यू भने अहिलेसम्म गरेका छैनन् । मेसी पेरिस पुगेयता पीएसजीले लिगवानमा दुई खेल खेलिसकेको छ । र, ती दुवै खेलमा सतप्रतिशत नतिजासहित पीएसजी लिग तालिकाको शीर्ष स्थाानमा छ ।

बार्सिलोनबाट खेल्दा क्लब फुटबलका सर्वकालिन महान् खेलाडीमध्ये एक बनेका मेसीले ६ पटक बालोन डी’अर जितेका थिए । बाल्यावस्थादेखि नै बार्सिलोनामा रहेका मेसीले अहिलेसम्म अन्य क्लबको जर्सी लगाएर मैदानमा उत्रिएका छैनन् ।

अन्ततः आइतबार राति हुने पीएसजी र रेइम्सबीचको खेलमा भने मेसीले डेब्यू गर्ने बुझिएको छ । विश्व फुटबलका सुपर स्टार फरवार्ड मेसीलाई आजको खेलमा डेब्यू गराउने पीएसजीका प्रशिक्षक माउरिसो पोचेटिन्होले बताएका छन् ।

उक्त खेल नेपाली समयअनुसार राति १२ः३० बजे स्टेड अगस्टे डेलाउनेमा हुनेछ ।

काठमााडौं । पेरिस सेन्ट जर्मन (पीएसजी)का फरवार्ड किलियन एम्बाप्पे रियाल मड्रिड जाने चर्चा अहिले शिखरमा छ । पीएसजीका अध्यक्षले एम्बाप्पेलाई नबेच्ने बताइरहे पनि रियालले लगातार यसमा कुरा भइरहेको बताएको छ ।

रियालले एम्बाप्पेका लागि सुरुमा १ सय ७० मिलियन युरोको प्रस्ताव राखेको थियो । र, सम्भावित बोनसको रूपमा १० मिलियन युरोको प्रस्ताव गरेको छ । एम्बाप्पे आफैँले पीएसजीमा जाने तीव्र इच्छा जनाइरहेकाले यो प्रस्ताव स्वीकार हुन सक्ने देखिएको छ । यदि पीएसजीले त्यो प्रस्ताव स्वीकार गर्‍यो भने एम्बाप्पेले खुलेआम व्यक्त गर्दै आइरहेको रियाल मड्रिडबाट खेल्ने इच्छा पूरा हुनेछ ।

फ्रेन्च स्टार फरवार्ड एम्बाप्पे राष्ट्रिय टोलीसँग अन्तर्राष्ट्रिय खेलका लागि तयार हुनु अगाडि नै मड्रिडसँग अनुबन्धित हुन सक्ने सम्भावना देखिएको छ । यो सम्झौताको औपचारिक घोषणा शुक्रबार सम्म हुनसक्ने मार्काले बताएको छ ।

पिएसजीका अध्यक्ष नासेर एल खेलाइफीले बिहीबार च्याम्पियन्स लिगको ‘ड्र’ सार्वजनिक समारोहमा भनेका थिए,‘रियाल मड्रिडले एम्बाप्पे भित्र्याउने तीव्र चाहना देखाइरहेकाले ‘अन्कम्फोर्टेबल’ परिस्थिति सृजना भएको छ, र एम्बाप्पेले पेरिस छोड्न चाहिरहेका छन् ।’

रियाल एम्बाप्पेलाई क्लबमा भित्र्याउन फुटबलको ट्रान्सफर नियममा भएजति सबैकुरा पूरा गरेकोमा विस्वस्त छ । त्यसमाथि एम्बाप्पेले नै क्लब छोडेर रियाल जान चाहेको तीव्र इच्छा देखाइरहेकाले पीएसजीले ग्रिन सिग्नल दिने बित्तिकै एम्पाप्पे स्पेन जानेमा विश्वस्त हुन सकिन्छ ।

ट्रान्सफर घोषणा भइसकेको छैन । तर, पीएसजीले यो विकेन्डमा रेम्ससँग खेल्ने छ । सम्भवत: एम्बाप्पेले त्यो खेलमा माउरिसियो पोचेटिन्होको टोलीभन्दा बाहिर हुनेछन् ।

एम्बाप्पे नयाँ ‘ग्यालेक्टिको’

‘ग्यालेक्टिको’- फ्लोरेन्टिनो पेरेज रियाल मड्रिड भइसकेपछि उनले क्लबमा भित्र्याउने खेलाडीलाई बुझाउने उपनाम हो । तर, पछिल्ला वर्षहरूमा रियाल ‘ग्यालेक्टिको’ भित्र्याउन असफल झैँ देखिन्छ ।

अहिले किलियान एम्बाप्पेलाई पेरेजले नयाँ ग्यालेक्टिको बनाउने प्रयास निरन्तर गरिरहेका छन् । र, एम्बाप्पे ती खेलाडी हुन सक्छन्, जसको पेरिफेरिमा रियाल मड्रिडको टोली निमार्ण हुन्छ । जुन उनी पीएसजीमा बन्न सकिरहेका छैनन् ।

पीएसजीले चार वर्ष अगाडि लस ब्लान्कोसलाई हराउँदै एम्बाप्पेलाई टोलीमा भित्र्याएको थियो । र, उनी अहिले विश्वमा नेइमार पछिको दोस्रो महंगो फुटबल खेलाडी भएका थिए ।

मार्काबाट

काठमाडौं । स्टार खेलाडीहरू नेइमार र लियोनेल मेसी बिनाको पेरिस सेन्ट जर्मन (पीएसजी)ले शुक्रबार राति फ्रेन्च लिग वानमा ब्रिस्टलाई २-४ गोलको नतिजामा पराजित गरेको छ । ब्रिस्टको घरेलु मैदानमा भएको खेलमा पीएसजीको जितमा किलियान एम्बाप्पे, एन्ड्रे हरेरा, गेन ग्युए र एन्जल डी मारियाले गोल गरे ।

त्यस्तै, ब्रिस्टका लागि फ्रान्क होनोरत र स्टिभ मोनीले एक/एक गोल फर्काएका थिए । हरेराले २३औं मिनेटमा गरेको गोलसँगै भ्रमणकारी पीएसजीले अग्रता लिएको थियो । त्यसको १३ मिनेट नबित्दै एम्बाप्पेले पीएसजीको अग्रता दोब्बर पारेका थिए ।

पहिलो हाफको खेल सकिन तीन मिनेट बाँकी रहँदा होनोरतले ब्रिस्टका लागि एक गोल फर्काएका थिए । दोस्रो हाफको पनि सुरुआतदेखि नै आक्रमक बनेको पीएसजीले ७३औं मिनेटमा ग्युएको गोलसँगै अग्रता १-३ मा लम्ब्याएको थियो ।

निर्धारित ९० मिनेटको खेल सकिन पाँच मिनेट बाँकी रहँदा मुनीले ब्रिस्टका लागि गोल गर्दै स्कोरलाइन पुन: २-३ मा छोट्याएका थिए । यद्यपि, इन्जुरी समयमा डी मारियाले गरेको गोलसँगै पीएसजीले सहज जित हासिल गर्‍यो ।

पीएसजीको टोलीमा अर्जेन्टिनी कप्तान लियोनेल मेसी, नेइमार तथा सर्जियो रामोस भने सामेल थिएनन् । नेइमार पीएसजीका पुराना खेलाडी भए पनि रामोस र मेसी यसै सिजन स्पेनिस ला लिगासाइडबाट पेरिस आएका हुन् ।

एजेन्सी । पेरिस सेन्ट जर्मेइन (पीएसजीले) आज राति ब्रेस्टसँग हुने लिग वान खेलमा आफ्ना सुपरस्टार लियोनल मेस्सीको बहुप्रतीक्षित डेब्यूबारे निर्णय गरिनसकेको बताएको छ ।

६ पल्टका बेलोन डी’ओर विजेता ३४ वर्षीय अर्जेन्टिनी खेलाडी मेस्सी बार्सिलोनाबाट गत साता पीएसजीमा अनुबन्ध भएका थिए । आर्थिक समस्याका कारणले उनले बार्सिलोना छाड्नुपरेको थियो ।

गत महिना कोपा अमेरिका जितेयता मेस्सीले कुनै खेल खेलेका छैनन् । तर पीएसजीबाट पर्याप्त प्रशिक्षण गरिसकेका छन् । ‘हामीले टिम बनाइसकेका छैनौं,’ पीएसजीका प्रशिक्षक माउरिसियो पोचेटिनोले भने, ‘हामी अनुमान गर्न सक्छौं कि मेस्सी टिमको हिस्सा हुन सक्छन् । टिममा एउटा राम्रो माहोल बनिसकेको छ । सबै सकारात्मक छ । टिम छोटो समयमा सन्तुलित बनेको छ ।’

फ्रान्सेली स्ट्राइकर केलियन एम्बाप्पेबारे सार्वजनिक भएका हल्लाहरुलाई पोचेटिनोले खारेज गरिदिएका छन् । ‘एम्बाप्पे हाम्रा खेलाडी हुन् र उनी यो सिजन यहीँ रहुन् भन्ने मेरो चाहना हो,’ पोचेटिनोले भने, ‘उनको सम्झौताको एक वर्ष बाँकी छ ।’

‘उनले सम्झौता नवीकरण गरेनन् भने पनि उनले पीएसजीबाटसधैं एक पाउनेछन् । मैले चिनेसम्म उनी सधैं खुसी रहने व्यक्ति हुन् । उनी शान्त छन् र अर्को खेलका लागि राम्रो तयारी गरिरहेका छन् ,’ पाेचेटिनाेले थपे ।

 

एजेन्सी । गएराति स्टार्सवर्गसँगको जितअघि फ्रान्सेली क्लब पेरिस सेन्ट जर्मेइन् (पीएसजी)ले लियोनल मेस्सीसहित यो सिजन अनुबन्ध भएका खेलाडीलाई समर्थकसामू सार्वजनिक गरेको छ ।

मेस्सीले रंगशालामा बसेर पीएसजीको लिग वानमा लगातार दोस्रो जित हेरे । बार्सिलोनाका पूर्व सुपरस्टार मेस्सीसहित यो सिजन सर्जियो रामोस, इटलीका गोलरक्षक जियानलुगी डोनारुम्मा, नेदरल्याण्ड्सका जर्जिन्हो विज्नाल्दम र मोनाकोका अचरफ हाकिमी यो सिजन पीएसजी पुगेका हुन् ।

यीमध्ये विज्नाल्दम र हाकिमीलाई टिममा राखिएको थियो भने तीनजनाले रंगशालामा बसेर खेल हेरे । गत महिना अर्जेन्टिनालाई कोपा अमेरिकाको उपाधि दिलाएका मेस्सी त्यसयता विदामा थिए । पर्याप्त प्रशिक्षण नभएकै कारण उनले डेब्यू गर्न हतारो नगरेको बताइएको छ ।

लगातार दोस्रो जित निकाल्ने क्रममा स्टार्सवर्गलाई ४–२ गोलले हराएको पीएसजीका लागि माउरो इकार्डी, केलियन एम्बाप्पे, जुलियन ड्रक्सलर र पाउलो सारावियाले गोल गरेका हुन् । खेलको अन्त्यतिर स्टार्सवर्ग १० खेलाडीमा समेटिएको थियो ।

काठमाडौं । क्बल फुटबलमा स्पेनिस महारथी बार्सिलोनापछि फ्रेन्च हेभिवेट- पेरिस सेन्ट जर्मन (पीएसजी)मा व्यावसायिक फुटबल खेल्ने नवौं खेलाडी बनेका छन्, लियोनल मेसी ।

बार्सिलोनासँगको सम्झौता सकिएपछि अजेन्टिनी सुपरस्टारको २१ वर्ष लामो बार्सिलोना बसाईमा पूर्णविराम लागेको थियो । ३४ वर्षीय अर्जेन्टाइन कप्तान मेसीले क्याटलान क्लबमै बस्ने इच्छा राखे पनि क्लबको आर्थिक समस्यका कारण त्यो सफल हुन सकेन ।

पीएसजीमा अनुबन्धित भएसँगै मेसी पनि बार्सिलोनापछि फ्रेन्च क्लबमा खेल्ने खेलाडीको समूहमा सामेल भए । नेइमार, जाल्टान इभ्राहिमोभिक र ड्यानी आल्भेस लगायतका खेलाडीसँगै बार्साबाट पीएसजी जाने मेसी नवौं खेलाडी हुन् ।

बार्सिलोनापछि पीएसजीमा व्यावसायिक फुटबल खेल्ने ९ खेलाडी:

ज्वान पाब्लो सोरिन

अर्जेन्टिनी डिफेन्डर सोरिनले सन् २००२/०३ सिजन जारी रहँदा लोनमा बार्सिलोनासँग आबद्ध भएका थिए । त्यसको अर्को सिजन उनी पुनः अर्जेन्टाइन क्लब क्रुजेइरोबाट लोनमै पीएसजी गएका थिए । र, २००३/०४ सिजनको समाप्तिसँगै उनी होम क्लब क्रुजेइरो फर्किएका थिए ।

लुडोभिक ग्युली

बार्सिलोनामा सन् २००४ देखि २००७ सम्म खेलेका फ्रेन्च खेलाडी ग्युलीले तीन सिजनमा दुई पटक ला लिगा र एक पटक च्याम्पियन्स लिग जितेका थिए । उनले बार्सिलोनापछि एक सिजन रोमाबाट खेले र त्यसपछिका तीन सिजन पीएसजीमा बिताएका थिए ।

थिएगो मोट्टा

इटालियन पूर्व खेलाडी मोट्टा सन् २००१ मा बार्सिलोनामा आबद्ध भएर ६ सिजन खेलेका थिए । उनले २०१२ मा पीएसजीमा सामेल हुनुभन्दा अगाडि एथ्लेटिको मड्रिड, गेनेआ र इन्टर मिलानबाट खेलेका थिए । उनले आफ्नो व्यावसायिक करियरको ६ सिजन पीएसजीमा बिताएपछि २०१८ मा अवकास लिएका थिए ।

म्याक्सवेल

ब्राजिलियन फुलब्याक म्याक्सवेल सन् २००९ मा बार्सिलोनामा अनुबन्ध भएर तीन वर्ष स्पेनमा खेले । र, २०१२ मा ३५ लाख युरोमा अनुबन्ध भई, पाँच वर्ष पेरिसमा बिताएर सन् २०१७ मा अवकास लिएका थिए ।

राफिन्हा

बार्सिलोनाको एकेडेमीका उत्पादन हुन् राफिन्हा । उनी सिनियर टोलीमा सन् २०११ मा बढुवा भएका थिए । बार्सिलोनामा नौ सिजन खेलेपछि उनलाई दुई पटक सेल्टा भिगो र एक पटक इन्टर मिलान लोनमा पठाइएको थियो । सन् २०२० को समरमा राफिना फ्री-ट्रान्सफरमा पीएसजीमा अनुबन्ध भएका थिए ।

ड्यानी आल्भेस

फुटबलको इतिहासमा सबैभन्दा प्रतिष्ठितमध्ये एक खेलाडी हुन्, ड्यानी आएल्भेस । क्लब फुटबलका सर्वाधिक सफल खेलाडी एल्भेसले ४२ वटा मेजर ट्रफी जितेका छन् । भर्खरै ब्राजिलियन राष्ट्रिय टोलीबाट ओलम्पिक गोल्डमेडलिस्टसमेत बनेका आल्भेस सेभियाबाट सन् २००८मा बार्सिलोनासँग अनुबन्धित भएका थिए । ब्राजिलियन खेलाडी आल्भेसले क्याटलान क्लबमा आठ सिजन खेलेका थिए । त्यसपछि २०१६ मा युभेन्टसमा आबद्ध भएर एक सिजन बिताएपछि पीएसजीबाट दुई वर्ष खेलेका थिए ।

ज्लाटन इब्राहिमोविच

स्विडिस स्ट्राइकर जाल्टान सन् २००९ मा बार्सिलोनामा अनुबन्ध भएका थिए । र, तीन सिजन क्लाटलान जायन्ट्समा खेलेर उनी सन् २०१० मा लोनमा एसी मिलान गएका थिए । त्यसपछि २०१२ मा पीएसजीमा अनुबन्धित भएर चार सिजन फ्रेन्च क्लबबाट खेलेका थिए ।

नेइमार

बार्सिलोनामा चार सिजन बिताएका नेइमारको पीएसजी सरुवा विश्व फुटबलकै सर्वाधिक चर्चित र महंगो ट्रान्सफर हो । बार्सिलोनामा नेइमारले प्रशिक्षक लुइस इनरिकेको नेतृत्वमा ‘ट्रेबल’समेत जितेका थिए । त्यसपछि सन् २०१७ मा ब्राजिलियन स्टार फरवार्ड नेइमार २०१७ को समर ट्रान्सफर विन्डोमा कीर्तिमानी २२ करोड पाउन्डभन्दा बढी मुल्यमा पीएसजीमा अनुबन्ध भएका थिए ।

लियोनेल मेसी

बार्सिलोनामा खेलेपछि पीएसजीबाट खेल्ने नयाँ खेलाडी हुन्- अर्जेन्टिनी लिजेन्ड मेसी । बार्सिलोनासँगको सम्झौता सकिएपछि यसै साता फ्रेन्च क्लब- पीएसजीमा अनुबन्धित भएका हुन् ।

एजेन्सीहरूको सहयोगमा

एजेन्सी । स्पेनी क्लब बार्सिलोनामा रहन असफल भएपछि अर्जेन्टिनी सुपरस्टार लियोनल मेस्सीले फ्रान्सेली क्लब पेरिस सेन्ट जर्मेइन्सँग कम्तिमा दुई वर्षको सम्झौता गरेका छन् । तेस्रो वर्ष पनि उनले विकल्प प्रयोग गर्न सक्नेछन् ।

जुलाइ १ देखि सम्झौता सकिएका ३४ वर्षीय मेस्सी ला लिगाको आर्थिक नीतिका कारण बार्सिलोनामा रहन असमर्थ भएका थिए । उनले आफ्नो करिअरमा बार्सिलोनाका लागि मात्र खेलेका छन् ।

‘म मेरो करिअरको नयाँ पाटो पेरिसबाट सुरु गर्न उत्साहित छु । यो क्लबको लक्ष्य मेरो उद्देश्यसँग मिलेको छ,’ मेस्सीले भनेका छन्, ‘मलाई थाहा छ यहाँ क्षमतावान खेलाडी र अफिसियलको कमी छैन । उनीहरुसँगै काम गरेर सकारात्मक परिवर्तनका लागि मेरो प्रयास हुनेछ । पेरिसको मैदानमा खेल्नका लागि म हतारिएको छु ।’

पीएसजीका अध्यक्ष नसर अल खेलाइफीले भनेका छन्, ‘मेस्सीले पेरिस सेन्ट जर्मेइनलाई नै रोजेकोमा म धन्य भएको छु । उनी र उनको परिवारलाई पेरिसमा स्वागत छ ।’ उनले मेस्सीको उपस्थितिमा क्लबले इतिहास कायम गर्ने विश्वास व्यक्त गरेका छन् । त्यो भनेको च्याम्पियन्स लिग विजेता हो । पीएजीले अहिलेसम्म हासिल गर्न नसकेको सफलता त्यही हो ।

मेस्सीलाई इतिहासकै सर्वकालीन महान खेलाडीको रुपमा मानिन्छ । १३ वर्षको उमेरमा बार्सिलोना अनुबन्ध भएयता उनले त्यहाँबाट सबै उपलब्धी हासिल गरेका छन् । उनेल ७७८ खेलमा कीर्तिमानी ६७२ गोल गरेका छन् । क्लबका लागि ३५ वटा उपाधि जितेका छन् र कीर्तिमानी ६ पल्ट बेलोन डी’ओरको अवार्ड पाएका छन् ।

यो सिजन फ्रि ट्रान्सफरबाट पीएसजी अनुबन्ध हुने उनी चौथा खेलाडी हुन् । यसअघि नेदरल्याण्ड्सका मिडफिल्डर जर्जिनियो विज्नाल्डम, स्पेनका डिफेण्डर सर्जियो रामोस र इटलीका गोलरक्षक जियानलुगी डोन्नारुम्मा आबद्ध भएका छन् । मोरक्कोका डिफेण्डर अचरफ हाकिमीलाई पनि पीसएजीले इन्टर मिलानबाट यही सिजन किनेको छ ।

मेस्सीले ३० नम्बरको जर्सी लगाउनेछन् । बार्सिलोनामा रहँदा उनले अधिकांश समय १० नम्बर जर्सी लगाएका थिए । पीएसजीमा १० नम्बरको जर्सी ब्राजिलियन सुपरस्टार नेइमारले प्रयोग गरेका छन् । पीएसजीमा इतिहासकै महंगा खेलाडीद्वय नेइमार र केलियन एम्बाप्पेसँगै अग्रपंक्तिमा मेस्सीको स्थान रहनेछ ।

मेस्सीलाई बुधबार पत्रकार सम्मेलनमार्फत सार्वजनिक गर्ने तयारी छ । सायद उनले शनिबार स्टार्सवर्गसँगको खेलबाट फ्रेन्च लिग र पीएसजीका लागि डेब्यू गर्नेछन् ।

काठमाडौं । बार्सिलोना हालै अलग भएका अर्जेन्टिनी सुपरस्टार लियोनल मेसीलाई फ्रान्सेली क्लव पेरिस सेन्ट जर्माइन (पीएसजी) जानबाट रोक्ने प्रयास शुरू भएको छ । यो प्रयास अरु कसैले नभएर बार्सिलोनाले नै गरेको हो ।

डेलीमेलका अनुसार बार्सिलोनाले एउटा ल फर्ममार्फत युरोपियन कमिसनमा मेस्सीलाई पीएसजी जानबाट रोक्न उजुरी गरेको छ ।

ल फर्मले जारी गरेको विज्ञप्तिमा भनिएको छ, ‘फुटबल क्लव बार्सिलोनाका साझेदारहरूको तर्फबाट मेरो ल फर्मले युरोपियन कमिसनमा एउटा उजुरी तयार गरेको छ, र मेस्सीलाई पीएसजीसँग हस्ताक्षर गराउनबाट रोक्न फ्रान्सका नागरिक र प्रशासकीय अदालतहरुबाट अस्थायी प्रतिबन्धको माग गरेको छ ।’

फाइनान्सियल फेयर प्लेको अनुपातमा पीएसजीको अवस्था बार्सिलोनाको भन्दा खराब भएको भन्दै यो सम्झौता हुन नसक्ने दावी गरिएको हो । बार्सिलोनाले आफ्नो फेयर प्ले अनुपात खराब रहेकै कारण मेसीलाई गुमाउनुपरेको बताएको थियो ।

‘सन् २०१९-२० मा पीएसजीको तलब-आम्दानी अनुपात ९९ प्रतिशत थियो भने बार्सिलानोको ५४ प्रतिशत थियो । यसबीचमा यो अन्तराल बढेको छ ।’

बार्सिलोनाले आफ्नो युरोपेली प्रतिद्वन्द्वी पीएसजीमा मेस्सीलाई पठाउन चाहँदैन । त्यसैले उसले यो सम्झौता रोक्न हरसम्भव प्रयास गर्ने बताइएको छ ।

मेस्सी बार्सिलोनाबाट अलग भएसँगै पीएसजीले उनलाई ल्याउन प्रक्रिया अघि बढाएको थियो । मेस्सीका एजेन्ट तथा बुबासँग पीएसजीको कुराकानी भइसकेको छ । यद्यपि, यस विषयमा औपचारिक जानकारी दिइएको छैन ।

काठमाडौं । लियोनेल मेसी आगामी सिजनका लागि पीएसजी जाने निश्चित भएको ईएसपीएनले दाबी गरेको छ।

क्लबको आर्थिक समस्याका कारण बार्सिलोना छाड्न बाध्य भएका मेसीले आइतबार पत्रकार सम्मेलन गरेर बिदा मागेका थिए ।

मेसीले स्पेनिस क्लब छाड्ने भएसँगै पीएसजीले उनलाई भित्र्याउने तयारी शुरू गरेको थियो । आइतबार क्याम्प नोउमा आयोजित पत्रकार सम्मेलनमा भने मेसीले आफ्नो भविष्यबारे केही निश्चित नभइसकेको प्रतिक्रिया दिएका थिए ।

काठमाडौं । रियाल मड्रिडका पूर्व कप्तान तथा चार पटकका च्याम्पियन्स लिग विजेता सर्जियो रामोस फ्रेन्च हेभिवेट पेरिस सेन्ट जर्मन (पीएसजी)मा अनुबन्धित भएका छन् ।

बिहीबार भएको सम्झौताअनुसार रामोसले २०२३ सम्मका लागि पीएसजीसँग सम्झौता गरेका हुन् । रियालमा १६ वर्ष बिताएर चार च्याम्पियन्स लिगसँगै पाँच ला लिगा र चार क्बल विश्वकप जितेका रामोसले एक्कासी क्लब छाड्ने निर्णय गरेका थिए ।

‘म पीएसजीसँग जोडिन पाउँदा एकदमै खुशी छु,’ रामोसले भने‍, ‘यो मेरो जीवनमा ठूलो परिवर्तन र नयाँ चुनौती हो । म यो दिन कहिले पनि बिर्सने छैन ।’

𝐒𝐢 𝐒𝐞𝐧̃𝐨𝐫! ✍️

🔴🔵 #WelcomeSergio
pic.twitter.com/n6vciD7YxU

— Paris Saint-Germain (@PSG_English) July 8, 2021

सन् २०१२ मा स्पेनिस टोलीबाट विश्वकप विजेतासमेत बनेका रामोसलाई गत साता रियालले विदाई गरेको थियो । विदाई समारोहमा भावुक बनेका रामोसले आफू रियालमै बस्न चाहे पनि क्लबले त्यसलाई सकारात्मक रूपले नलिएको दाबी गरेका थिए ।

गत सिजनको अन्त्यमा चोट ग्रस्त बनेका ३५ वर्षीय लिजेन्ड रामोस जारी युरो २०२० को स्पेनिस टोलीमा परेका थिएनन् ।

एजेन्सी  । इंग्लिस प्रिमियर लिग क्लब म्यानचेस्टर सिटी आफ्नो इतिहासमा पहिलोपल्ट युरोपेली क्लब प्रतियोगिता च्याम्पियन्स लिगको फाइनलमा प्रवेश गरेको छ ।

ऐतिहासिक फाइनल प्रवेश निश्चित गर्नका लागि घरेलु मैदान इथिहाड रंगशालामा सिटीले फ्रान्सेली च्याम्पियन पेरिस सेन्ट जर्मेइन् (पीएसजी)लाई २–० ले हरायो । पहिलो लेगमा २–१ को जित हासिल गरेको सिटी समग्रमा ४–१ ले विजयी भयो ।

बेमौसमी हिउँले प्रभावित खेलको सुरुमै गोलरक्षक एडर्सनले ६० यार्ड परदेखि दिएको पास सदुपयोग गरी रियल मेहेरेजले शानदार गोल गरी पहिलो लेगको अग्रतालाई बढाएका थिए ।

पीएसजीलाई खेल सुरु हुनुभन्दा अगाडि नै एउटा ठूलो झड्का लागेको थियो । उसका विश्वस्तरीय स्ट्राइकर केलियन एम्बाप्पे चोटका कारण बेन्चमै सीमित हुन पुगेका थिए ।

यद्यपी अलेक्जान्दर जिनचेन्कोले बक्सभित्र ह्याण्ड गरेपछि पेनाल्टी दिने रेफ्रीको निर्णय भिडियो अडियो असिस्टेन्ट रेफ्री (भार)ले उल्टाउनुअघिको समयमा पीएसजीले शानदार फुटबल खेलेको थियो र कडा टक्कर दिएको थियो ।

तर ६३ औं मिनेटमा मेहेरेजले सिटीलाई २–० को अग्रता दिलाउन फिल फोडेनको क्रसलाई उपयोग गरी व्यक्तिगत दोस्रो गोल गरे ।

त्यसपछि पीएसजीले खेल शैली त्यस्तै हुन थल्यो जुन कारण पहिलो लेगमा इद्रिस गुयेले रातो कार्ड पाएका थिए । फर्नान्डिन्होमाथिको अनावश्यक फलका कारण एंगेल डी मारियाले रातोकार्ड पाए ।

२९ मे मा इस्तानबुलमा हुने फाइनलमा सिटीले चेल्सी र रियल मड्रिडबीचको विजेतासँग खेल्नेछ । यो खेल आज राती हुनेछ । पहिलो लेगमा चेल्सीले घरेलु मैदानमा रियलसँग १–१ गोलको बराबरी खेलेको थियो ।

एजेन्सी । पछि परेको स्थितिबाट पुनरागमन गदै इंग्लिस टोली म्यानचेस्टर सिटीले च्याम्पियन्स लिगको फाइनलमा पुग्ने सम्भावना बलियो पारेको छ । सेमिफाइनल पहिलो लेगमा सिटीले फ्रान्सेली च्याम्पियन पेरिस सेन्ट जर्मेइन (पीएसजी)लाई उसकै मैदानमा २–१ गोलले हरायो ।

पेप ग्वार्डिओला प्रशिक्षित म्यानचेस्टर सिटी खेल सुरु भएको १५ औं मिनेटमै पछि परेको थियो । एंगेल डी मारियाको कर्नरमा माक्वीनोजले हेडमार्फत अग्रता दिएका थिए । पूरा पहिलो हाफमै पीएसजीले खेल पूर्ण नियन्त्रणमा राखेको थियो ।

दोस्रो हाफको सुरुमै फिल फोडेनेले शानदार अवसर गुमाउँदा बराबरी गर्न चुकेको सिटीले निरन्तर आक्रमणहरु कायमै राख्यो । ६४ औं मिनेटमा केभिन डी ब्रुयेनले पेनाल्टी एरियाबाट गरेको प्रहारमा पीएसजीका गोलरक्षक केलर नाभास हलचल गर्नै भ्याएनन् ।

त्यसको ७ मिनेटपछि सिटीका लागि रियाद मेहेरेजले फ्रिकिकमार्फत अर्को गोल गरे । यो महत्वपूर्ण २ अवे गोल म्यानचेस्टर सिटीका लागि कीर्तिमानी सफलताको सुत्र बन्न सक्छ ।

म्यानचेस्टर सिटी अहिलेसम्म च्याम्पियन्स लिगको फाइनलमा पुग्न सकेको छैन । यसपल्ट दोस्रो लेगमा २ अवे गोलको अग्रतासहित उसले पीएसजीलाई इथिहाड रंगशालामा स्वागत गर्नेछ ।

७७ औं मिनेटमा इद्रिसा गुये रातो कार्ड पाउँदै मैदान छाडेपछि अन्तिम १३ मिनेछ पीएसजी १० खेलाडीमा समेटिएको थियो । इलके गुण्डोगानलाई डरलाग्दो फल गरेपछि उनले सिधै रातो कार्ड पाएका थिए ।

एजेन्सी । दोस्रो लेगमा एलफिल्डमा स्पेनिस प्रतिस्पर्धी रियल मड्रिडसँग गोलरहित बराबरी खेले पनि लिभरपुल युरोपेली च्याम्पियन्स लिगको क्वाटरफाइनलबाट बाहिरिएको छ ।

रियल मड्रिडले सेमिफाइनलमा चेल्सीको सामना गर्ने भएको छ । चेल्सीले पोर्टोलाई हराउँदै यसअघि नै सेमिफाइनलमा पुगिसकेको छ ।

यता बोरुशिया डर्टमण्डमाथि दोस्रो लेगमा २–१ र समग्रमा ४–२ गोलअन्तरको जितपछि अर्को इंग्लिस टोली म्यानचेस्टर सिटीले सेमिफाइलमा फ्रान्सेली च्याम्पियन पेरिस सेन्ट जर्मेइन्सँग प्रतिस्पर्धा गर्ने भएको छ ।

पीएसजीले साविक विजेता बायर्न म्युनिखलाई अवे गोलका आधारमा पछि पार्दै सेमिफाइनलमा पुगेको हो ।

रियल मड्रिड पहिलो लेगमा सान्टियागो बर्नबाउमा हासिल गरेको ३–१ गोलको अग्रतासहित एनफिल्ड पुगेको थियो । चोटका कारण यो पूरै सिजन समस्यामा विताएको पूर्व च्याम्पियन लिभरपुलको नतिजा उल्ट्याउने प्रयास सफल हुन सकेन ।

यता सिटीले पनि घरेलु मैदानमा पहिलो लेगमा २–१ को जितसहित जर्मनी पुगेको थियो । डर्टमण्डले दोस्रो लेगमा पनि जित हासिल गर्न सकेन र पहिलो लेगकै नतिजा दोहोरियो ।

सिटी पहिलोपल्ट च्याम्पियन्स लिग जित्ने अभियानमा छ । त्यसो त सिटी र पीएसजी दुवै पहिलोपल्ट उपाधि जित्ने प्रयासमा रहँदा सेमिफाइनलमै यी दुईकाे भेट हुने भएकाे छ ।

एजेन्सी । युरोपेली च्याम्पियन्स लिग फुटबलको क्वाटरफाइनल दोस्रो लेगमा गएराति दुई खेल भए । एउटा खेल पेरिस सेन्ट जर्मेइन (पीएसजी)ले साविक विजेता जर्मन च्याम्पियन बायर्नलाई पेरिसमा आतिथ्य गरेको थियो भने इंग्लिस टोली चेल्सी र पोर्चुगलको पोर्टोबीच स्पेनको सेभियामा खेल भएको हो ।

नतिजामा भने रोमान्चक संयोग रह्यो । बायर्नले पीएसजीलाई उसैको घरमा १–० ले हराइदियो । चेल्सीले होम खेलमा पोर्टोसँग १–० ले पराजित रह्यो । तर, दुवै पराजित टिम सेमिफाइनलमा पुगे । कारण– पहिलो लेगको नतिजा

पहिलो लेगमा पीएसजीले बायर्नलाई उसकै मैदानमा ३–२ गोलअन्तरले पराजित गरेको थियो । अहिले बायर्नका लागि चोपो मोटिङले ४० औं मिनेटमा गरेको एकमात्र गोललले नतिजा ३–३ को स्थितिमा पुग्यो । तर तीन अवे गोलका कारण पीएसजी अन्तिम चारमा पुग्न सकेको हो । पीएसजी पहिलोपल्ट च्याम्पियन्स लिग जित्ने लक्ष्य पूरा गर्न प्रयासरत छ ।

यता चेल्सीले भने पहिलो लेगमा पोर्टोलाई २–० ले हराएको थियो । दोस्रो लेग १–० गोलले हारे पनि उसको अन्तिम चारको यात्रा रोकिए । पोर्टोका लागि तारेमीले खेलको इन्जूरी समयमा गोल गरेका थिए । समग्रमा २–१ को नतिजासहित चेल्सी सेमिफाइनलमा पुगेको हो ।

एजेन्सी । युरोपेली च्याम्पियन्स लिग क्वाटरफाइनल पहिलो खेलमा साविक विजेता बायर्न म्यूनिखले घरेलु मैदानमा फ्रान्सेली च्याम्पियन पेरिस सेन्ट जर्मेइनसँग ३–२ गोलअन्तरको पराजय ब्यहोरेको छ ।

स्पेनको सेभियामा खेलाइएको पोर्चुगलको पोर्टो र इंग्ल्याण्डको चेल्सीबीचको खेलमा चेल्सीले पनि २–० को अवे जित हासिल गरेको छ ।

महत्वपूर्ण जितसँगै उनीहरु सेमिफाइनल प्रवेशका लागि एक कदम अगाडि बढेका छन् । क्वाटरफाइनल दोस्रो लेग अर्को साता हुनेछ ।

सन् २०१९÷२० को सिजनमा ६ उपाधि जितेको बार्यन घरेलु मैदानमा पराजित भएपछि दोस्रो लेगमा गुनरागमन कठिन बनेको छ । पीएसजीका लागि केलियन एम्बाप्पेले तेस्रो मिनेटमै गोल गरी अग्रता दिलाएका थिए । २८ औं मिनेटमा मार्कस कोर्रियाले गोल गरी पीएसजीलाई २–० को अग्रता दिएका थिए । पीएसजीका दुवै गोलमा नेइमारको पास थियो ।

३७ औं मिनेटमा म्याक्सिम चोउपो मोटिङले गोल गरेपछि पहिलो हाफमा २–१ को स्थितिमा पुग्यो । ६० औं मिनेटमा थोमस मुलरले गोल गरी खेल बराबरीमा ल्याएका थिए । तर ६८ औं मिनेटमा एम्बाप्पेले एंगेल डी मारियाको पासमा गोल गरी टिमलाई महत्वपूर्ण जित दिलाए । पीएसजी इतिहासमै पहिलोपल्ट च्याम्पियन्स लिगको उपाधि जित्ने लक्ष्यमा छ ।

अर्को खेलमा चेल्सीले पोर्टोमाथि सहज जित हासिल गर्‍यो । सन् २०१२ को उपाधि विजेता चेल्सी नयाँ प्रशिक्षकको रुपमा थोमस टचेलको आगमनसँगै शशक्त देखिएको छ । इंग्लिस प्रिमियर लिगमा पनि उसले लगातार खेलहरु जितिरहेको छ ।

चेल्सीले पहिलो हाफमा ३२ औं मिनेटमा मासोन माउण्टको गोलमार्फत अग्रता बनाएको थियो । उनले जोर्जिन्होको पासलाई सदुपयोग गरेका थिए ।

खेलमा नियमित समय सकिनु ५ मिनेटअघि बेन चिलवेलले अर्को अवे गोल गरे र चेल्सी २–० को विजयी रह्यो । अर्को साता स्टाम्फोर्ट ब्रिजमा कम्तिमा बराबरीको नतिजाले मात्र पनि चेल्सी सेमिफाइनलमा पुग्नेछ ।

एजेन्सी । फ्रान्सेली च्याम्पियन पेरिस सेन्ट जर्मेइन (पीएसजी)सँग दोस्रो लेगमा १–१ को बराबरी खेले पनि समग्रमा ५–२ को नजिताका साथ बार्सिलोना युरोपेली च्याम्पियन्स लिगको अन्तिम–१६ बाटै बाहिरिएको छ ।

पछिल्लो १४ सिजनमा बार्सिलोनाले क्वाटरफाइनलमा पनि पुग्न नसकेको यो पहिलोपल्ट हो । बार्सिलोनाका प्रशिक्षक रोनाल्ड कोम्यानले आफ्ना अर्जेन्टिनी स्ट्राइकर लियोनल मेस्सी क्लबको ‘महान भविश्य’ रहेकोमा कुनै सन्देह नरहेको बताएका छन् ।

३३ वर्षीय मेस्सीले बार्सिलोनाका लागि चारपल्ट च्याम्पियन्स लिग जितेका छन् । यो सिजन सुरु हुनुअघि उनले क्याम्प नोउमा आफ्नो असन्तुष्टि सार्वजनिक गरेका थिए । अन्तिम–१६ को ड्र आउनुअघि उनको नाम पीएसजीसँग जोडिएको थियो ।

१४ वर्षमा पहिलोपल्ट क्वाटरफाइनलमा पुग्न असफल रहे पनि बार्सिलोनालाई यो अवस्थाबाट माथि उकास्नका लागि लामो समयदेखि टिममा रहेका मेस्सीलाई क्लबमै रहिराख्न मनाउनु पहिलो दायित्व रहने प्रशिक्षक कोम्यानको भनाइ छ ।

३० औं मिनेटमा केलियन एम्बाप्पेले पेनाल्टीमा गोल गरी घरेलु टोलीलाई अग्रता दिलाएको ७ मिनेटपछि २५ यार्डबाट शानदार गोलसहित मेस्सीले बार्सिलोनालाई खेलमा फर्काउने प्रयास गरेका थिए ।

रोनाल्ड कोम्यानको टोली पहिलो लेगमा ब्यहोरेको ४–१ को हारबाट माथि उठेर क्वाटरफाइनलमा पुग्ने लक्ष्यसहित पेरिस आएको थियो । तर पहिलो हाफको इन्जुरी समयमा मेस्सीको पेनाल्टी प्रहार पीएसजी गोलरक्षक केलर नाभासले रोकेपछि उनीहरुलाई भाग्यले पनि साथ दिएन ।

अर्को खेलमा इंग्लिस च्याम्पियन लिभरपुलले जर्मन टोली आरबी लाइपजिगलाई समग्रमा ४–० ले हराएर क्वाटरफाइनलमा प्रवेश गरेको छ । पहिलो लेग २–० ले जितेको लिभरपुलले एनफिल्डमा गएराति सम्पन्न दोस्रो लेगमा पनि २–० कै नतिजा निकाल्यो ।

लिभरपुलको जितमा मोहम्मद सलाह र साडियो मानेले गोल गरेका थिए । प्रिमियर लिगमा निकै नै खराव लयबाट गुज्रिरहेको लिभरपुलले लाइपजिगबिरुद्ध घरेलु मैदानमा उत्कृष्ट जित निकाल्यो । प्रिमियर लिगमा लिभरपुलले घरेलु मैदानमा लगातार ६ खेल पराजित भएको छ ।

एजेन्सी । केलियन एम्बाप्पेले ह्याट्रिक गोल गरेपछि च्याम्पियन्स लिग अन्तिम १६ को पहिलो लेगमा फ्रान्सको पेरिस सेन्ट जर्मेइन (पीएसजी)ले स्पेनिस टोली बार्सिलोनालाई उसकै मैदानमा ४–१ गोलअन्तरले पराजित गरेको छ ।

पछिल्लो संस्करणको उपविजेता टोली पीएसजीले सुरुआत राम्रो गरेको थिएन । २७ औं मिनेटमा लियोनल मेस्सीले पेनाल्टीमार्फत गोल गरेपछि पीएसजी सुरुमै पछि परेको थियो ।

मेस्सीलाई संसारकै महान फुटबलरमध्येको एक मानिन्छ । तर उनी यसपल्छ पूरै छायाँमा परे । फ्रान्सका विश्वकप विजेता एम्बाप्पेले पीएसजीबाट घरेलु टोलीमाथि निकै नै महत्वपूर्ण र प्रभावशाली धावा बोले ।

मेस्सीले अग्रता दिलाएको पाँच मिनेटपछि नै गोल गरेर पहिलो हाफ बराबरीमा ल्याएका एम्बाप्पेले ६५ औं र ८५ औं मिनेटमा गोल गरी ह्याट्रिक पूरा गरे ।

एभर्टनबाट लोनमा ल्याइएका स्ट्राइकर मोइसे कीनले हेडमार्फत ७० औं मिनेटमा पीएसजीका लागि अर्को गोल गरेका थिए ।

दोस्रो लेग पेरिसमा मार्च २० मा हुनेछ । त्यतिबेलासम्म मुख्य स्ट्राइकर नेइमारको तीध्राको चोट निको हुने अपेक्षा गरिएको छ ।

गएराति नै भएको अर्को खेलमा पूर्व च्याम्पियन इंग्लिस टोली लिभरपुलले जर्मन बुण्डेसलिगा टिम आरबी लाइपजिगलाई २–० ले पराजित गरेको छ ।

कोरोना महामारीपछिको स्वास्थ्य मापदण्डका कारण हंगेरीमा खेलाइएको खेलमा दोस्रो हाफमा मोहम्मद सहाल र साडियो मानेले ५ मिनेटको अन्तरमा गोल गरेपछि लिभरपुल सहज स्थितिमा पुगेको हो । दोस्रो लेग एनफिल्डमा मार्च २० मा हुनेछ ।

एजेन्सी । विवादित अन्तर्वार्ताका कारण पदच्यूत गर्न लागिएका फ्रेन्च च्याम्पियन क्लब पेरिस सेन्ट जर्मेइनका प्रशिक्षक थोमस टचेलको स्थानमा क्लबकै पूर्व प्रशिक्षक माउरिसियो पोचेट्टिनो नियुक्त हुने सम्भावना बढेको छ ।

समाचारमा जनाइएअनुसार पीएसजीका खेलाडीहरुले पनि ४८ वर्षीय अर्जेन्टिनी प्रशिक्षक पोचेट्टिनो नै आएको देख्न चाहेका छन् । पीएसजीका अधिकारीहरुले करिव दुई सातादेखि नै पोचेट्टिनोसँग कुराकानी गरिरहेको बुझिएको छ ।

पीएसजीले टचेललाई बर्खास्त गरिएकोबारे आधिकारिक जानकारी त दिएको छैन । तर बुधबार स्ट्रासवर्गलाई ४–० गोलअन्तरले पराजित गरेको एक घण्टापछि नै उनलाई बर्खास्त गरिएको बीबीसीले जनाएको छ ।

सन् २०१८ को जूनयता पीएसजीमा रहेर टचेलले टिमलाई दुईपल्ट फ्रेन्च लिग वान, फ्रेन्च कप र फ्रेन्च लिग कपको उपाधि दिलाएका थिए ।

सबैभन्दा ठूलो सफलताको रुपमा गत सिजन पीएसजीले क्लब इतिहासमा पहिलोपल्ट च्याम्पियन्स लिगको फाइनलमा पुगेको थियो । बायर्न म्युनिखसँग १–० ले हारेपछि उपाधि जित्न चुकेकाे थियाे ।

बोरुशिया डर्टमन्डका पूर्व प्रशिक्षक टचेलको सम्झौता यही सिजनको अन्तिमसम्म थियो ।