काठमाडौं । नेपाल पर्यटन बोर्डका रिक्त सदस्य चयनका लागि पर्यटन मन्त्रालयले सिफारिस समिति गठन गरेको छ ।
मन्त्रालयका सहसचिव तारानाथ अधिकारीको संयोजकत्वमा गठित तीन सदस्यीय समितिमा राजेन्द्र सापकोटा र पूर्ण कुँवर मनोनित भएका छन् ।
पर्यटन व्यवसायमा रहेका सापकोटा र कुँवर दुवैजना पर्यटन वोर्डका पूर्व सदस्य पनि हुन् । सिफारिस समितिले प्रतिस्पर्धाबाट सदस्य चयन गर्नेछ ।
बोर्डका सदस्य दिपक महत,कृणवहादुर महरा र अवदेशकुमार यादवको कार्यकाल सकिएपछि तीन सदस्य नयाँ नियुक्त गर्न लागिएको हो । समितिले गरेको सिफारिसमध्येबाट पर्यटनमन्त्री भानुभक्त ढकालले तीन सदस्य नियुक्त गर्नेछन् ।