काठमाडौं । यतिबेला युरोपेली र अमेरिकी मुलुकहरु प्रचण्ड गर्मीसँगको चुनौतिसँग जुधिरहेका छन् । अर्कोतर्फ, ५० लाख जनसंख्या भएको मुलुक न्यूजिल्यान्डले पनि अहिलेसम्मकै सर्वाधिक हिमपातको सामना गर्नुपरेको छ ।
५५ वर्षयता पहिलोपटक न्यूजिल्यान्डमा हिमपात भएको छ । हिउँसहितको आँधीको कारण अहिले न्यूजिल्यान्डको राष्ट्रिय राजमार्ग बन्द गरिएको छ । प्रत्येक दिन उडानहरु समेत बन्द गर्नुपरेको छ ।
त्यहाँको मौसम विज्ञान विभागका अनुसार सामान्यजसो जुलाईको अन्त्य तथा अगस्टको सुरुमा हिमपात हुने गर्छ । तर, आर्कटिक विस्फोटको कारण एक पहिले नै त्यहाँ हिमपात भएको छ ।
केही सहरमा १० वर्षपछि हिमपात भएको छ । यसकारण जुन महिना न्यूजिल्यान्डमा ५५ वर्षयताकै चिसो महसुस गरियो । केही सहरको तापमान १ डिग्री सेल्सियसदेखि माइनस ४ डिग्रीसम्म महसुस भयो । जुन महीनामा न्यूजिल्यान्डको तापमान ११ देखि १४ डिग्री सेल्सियस रहन्छ ।
स्थानीय संचारमाध्यमका अनुसार राजधानी वेलिङटनमा स्थानीय आपतकालको घोषणा गरिएको छ । भारी हिमपात भएको ठाउँका नागरिकलाई सुरक्षित स्थानमा जान भनिएको छ । मौसम विभागका अनुसार आर्कटिक क्षेत्रबाट आएको हिउँसहितको आँधीले समुन्द्र किनारमा १२ मिटर उचाइमा लहर समेत उठेको छ ।
न्यूजिल्यान्डसँगै अष्ट्रेलियामा समेत चिसो बढ्ने जनाइएको छ ।
