काठमाडौं । प्रमुख प्रतिपक्ष नेकपा एमालेको बृहत् भेला राष्ट्रिय सभागृह काठमाडौंमा जारी छ । भेलालाई अध्यक्ष केपी शर्मा ओलीले सम्बोधन गरिरहेका छन् ।
उपत्यका विशेष प्रदेश कमिटीले भेलाको आयोजना गरेको हो । भेलालाई महासचिव ईश्वर पोखरेल, रामबहादुर थापा ‘बादल’ लगायतका नेताहरूले सम्बोधन गरेका छन् ।
पार्टी फुटाएर माधव नेपालले नेकपा एस दर्ता गरेपश्चात एमालेले केन्द्रदेखि तल्लो तहसम्म अझ सशक्त भएर एकढिक्काका साथ अघि बढ्ने र जनताको अभिमतद्वारा पुन: सत्तामा आउने उद्घोषसहित भेला, बैठकलाई तीव्र बनाएको छ ।
काठमाडौं । नेकपा (एमाले) ले केन्द्रीय कमिटी बैठक बोलाएको छ । बैठक भोलि बिहान ११ बजेदेखि तुल्सीलाल स्मृति प्रतिष्ठानमा शुरू हुने छ।
दुई दिनसम्म चल्ने बैठकको मुख्य एजेन्डा विधान महाधिवेशनको राजनीतिक प्रतिवेदन, संगठनात्मक प्रस्ताव र संशोधन प्रस्तावमाथि छलफल गरेर पारित गरिने रहेको केन्द्रीय कार्यालय सचिव शेरबहादुर तामाङले जानकारी दिए ।
असोज ३ र ४ गते बसेको स्थायी कमिटी बैठकले विधान महाधिवेशनसम्बन्धी प्रस्तावहरूमाथि छलफल गरेर केन्द्रीय कमिटीमा पठाउने निर्णय गरेको थियो ।
भोजपुर । १० बुँदे सहमति कार्यान्वयन गर्दै जेठ २ मा फर्काइएको नेकपा एमाले भोजपुर कमिटीका पदाधिकारी हेरफेर गरिएको छ ।
पार्टी विभाजनपछि पहिलोपटक हिजो एमाले जिल्ला कमिटीको बैठक तथा कार्यकर्ता भेला भएको थियो । पार्टीलाई तल्लो तहसम्म सशक्त उपस्थिति गराउने उद्घोषसहित जिल्ला नेतृत्वमा जुझारु टिम अघि बढाइएको हो । पदाधिकारी हेरफेरमा हिजो एमाले विभाजनको क्रममा समानान्तर कमिटीमा रहेकाहरूलाई पनि जिम्मेवारी दिइएको छ । भने केहीले त्याग गरेका छन् ।
२०७५ जेठ २ को संरचनामा अध्यक्ष रहेका प्रेमकुमार राई अध्यक्ष नै छन् । उनी हतुवागढी गाउँपालिका प्रमुख पनि हुन् । उपाध्यक्ष देवीराम चौलागाईंको ठाउँमा शरणकुमार राईलाई जिम्मेवारी दिइएको छ । माधव पक्षको समानान्तर कमिटीका अध्यक्ष बनेका राईले पार्टी फुटप्रति असन्तुष्टी जनाउँदै एमालेमै रहने निर्णय गरेका थिए । साविक कमिटीमा सचिव रहेका राईको ठाउँमा मक्कर खड्कालाई ल्याइएको छ ।
जिल्लामा समानान्तर कमिटी बनेपछि एमालेको संस्थापन पक्षले अखिलका नेता खड्कालाई उपाध्यक्ष र पौवादुङ्मा गाउँपालिका अध्यक्ष किरण राईलाई सचिव बनाइएको थियो । पदाधिकारी परिवर्तनसँगै किरणले संगठन विभाग प्रमुखको जिम्मेवारी पाएका छन् । सहसचिवमा धर्म किरातीलाई ल्याइएको छ । उनी माओवादीबाट एमाले प्रवेश गरेका हुन् । साविकमा सन्देश पौडेल सहसचिव थिए ।
जिल्ला कमिटीमा समानान्तर कमिटीमा रहेका सदस्यहरूलाई समेत मर्ज गरिएको छ । अब एमाले भोजपुर एकताको सन्देश बोकेर ठोस रणनीतिका साथ जनस्तरसम्म अभियान लिएर जाने सचिव खड्काले नेपाल प्रेसलाई बताए ।
कात्तिक ६ गते वडा र कात्तिक ९ गते सबै स्थानीय तहका कमिटीको अधिवेशन गर्ने निर्णय पनि भेलाले गरेको छ । हिजोको कार्यक्रममा प्रदेश १ का पूर्वमुख्यमन्त्री शेरधन राई, केन्द्रीय सदस्य हरिबहादुर राई, अध्यक्ष प्रेमकुमार राई, उपाध्यक्ष देवीराम चौलागाईं, सचिव शरणकुमार राई, पूर्वसांसद धनहर्क राईलगायतका नेता/कार्यकर्ता उपस्थित छन् ।
नेकपा एसले भने केही दिनअघि वीरजंग राईको नेतृत्वमा १५५ सदस्यीय जिल्ला कमिटी घोषणा गरिसकेको छ । वीरजंग साविक कमिटीमा सचिवालय सदस्य थिए ।
काठमाडौं । नेकपा एमालेका अध्यक्ष केपी शर्मा ओलीले विरोधीको मुख थुन्न सरकारले पदक बाँडेको टिप्पणी गरेका छन् ।
मंगलवार मदन भण्डारीको जीवनीबारे लेखिएको पुस्तक ‘श्वेत शार्दुल’ सार्वजनिकीकरण कार्यक्रममा ओलीले न्यायाधिश, वकिल र पत्रकारलाई पदक वितरण गरेपछि सरकारको विरोधमा कसैले नबोल्ने पनि बताएका हुन् । आफ्नो सरकारको पालामा विरोध गर्ने बुद्धिजिवी र नागरिक समाजहरूले अहिले देउवा नेतृत्वको सरकारले रत्नपार्कमा बसेर वितरण गरेको जस्तो ह्वारह्वार पदक वितरण गर्दा पनि विरोध नगरेकोप्रति असन्तुष्टी व्यक्त गरे ।
ओलीले भने, ‘अस्तिको दिन वितरण गरिएको जस्तो पदक हामीले वितरण गरिएको भए बाबा । अहिले त निर्णय खारेज गर्ने अदालतलाई पनि वितरण गरिदिएको छ, बहस गर्ने वकिललाई पनि वितरण गरिदिएको छ कसले बहस गर्ने ? विरोधमा बोल्ने टेलिभिजन, अखबार आदी इत्यादीलाई पनि वितरण गरिदिएको छ ति पनि चुपचाप कसले बोल्ने ? कस्तो सबैतिर ढ्याकढ्याक्ती ढोका थुन्ने । कतैबाट आवाज नआओस् । कतैबाट विरोधको स्वर नआओस् । कतैबाट उज्यालो नछिरोस् । सबैतिर अन्धकारमा चलाउने । विरोधी नै रहेनन् ।’
‘म प्रधानमन्त्री भएको बेला यसरी वितरण गरेको भए ओहो । के हुन्थ्यो ? बुद्धिजिवीहरूले के भन्थे ? नागरिक समाज के भन्थ्यो ? आज रमाइलो छ सबै चुपचाप छन् । सञ्चो छ । शान्त छ ।’
अध्यक्ष ओलीले गठबन्धनले आकांक्षीलाई २५ जनाभित्र समेट्न नसकेका कारण मन्त्रिपरिषद् विस्तारमा ढिलाइ भएको टिप्पणीगरे । सरकारले युवापुस्तामा वर्तमान राजनीतिप्रति निराशा र वितृष्णा पैदा गर्ने काम गरेको ओलीको आरोप छ । उनले वर्तमान सरकारलाई ग्रहणको संज्ञा दिँदै त्यतातर्फ नहेर्न अनुरोध गरे ।
सरकारतर्फ हेरे अशुभ हुने तर्क गर्दै ओलीले भने, ‘जनतामा राजनीतिप्रति निराशा, वैराग्य भाव, विरक्ति, वितृष्णा पैदा गर्ने कोसिस भएको छ । दिउँसै पनि ग्रहण लाग्यो भने ग्रहणतिर नहेर्नु भन्छन् । अहिले ग्रहण लागेको छ । यो ग्रहणतिर हेर्ने काम छैन । यो ग्रहण लागेको छ । अशुभ छ । २५ मा सहज हुन उहाँहरूलाई सहज भइराखेको छैन । देशको बहुमुल्य समय बर्बाद भो । चिन्ता हो । दुरुपयोग भो चिन्ता हो ।’
उनले पदकका आँखा हुन्थे र आँशु हुन्थे भने सर्माएर बरबर रुन्थ्यो भनेर व्यंग्य गरे । ‘धरधर रुन्थ्यो पदक । बोल्न जान्दथ्यो भने त्यसले नारा लगाउथ्यो उफ्रिएर । जान्ने हो भने मान्छेले होइन पदकले पनि विद्रोह गर्थ्यो’, ओलीले भने ।
भोजपुर । नेकपा एमाले भोजपुर जिल्ला कमिटी जेठ २ मा फर्किएको छ । १० बुँदे सहमति कार्यान्वयनको क्रममा पार्टीलाई २०७५ जेठ २ को संरचनामा फर्काइएको हो ।
पार्टी विभाजनपछि पहिलोपटक एमाले जिल्ला कमिटीको बैठक तथा कार्यकर्ता भेला आयोजना गरिएको छ । बैठकमा प्रदेश १ का पूर्वमुख्यमन्त्री शेरधन राई, केन्द्रीय सदस्य हरिबहादुर राई, अध्यक्ष प्रेमकुमार राई, उपाध्यक्ष देवीराम चौलागाईं, सचिव शरणकुमार राई, पूर्व सांसद धनहर्क राईलगायतका नेता तथा कार्यकर्ता उपस्थित छन् ।
एमाले विवादमा समानान्तर कमिटीको अभ्यास गरेर पार्टी फुटलाई साथ नदिएका नेता/कार्यकर्ताहरू पनि बैठकमा सहभागी छन् । माधव नेपालको समानान्तर जिल्ला कमिटीमा अध्यक्ष बनेका शरणकुमार राई एमाले जिल्ला कमिटीको पुरानो संरचनाको सचिवकै हैसियतमा बैठकमा सहभागी छन् ।
बीचमा एमाले भोजपुरले उपाध्यक्षमा मक्कर खड्का र सचिवमा किरण राईलाई जिम्मेवारी दिएको थियो । उपाध्यक्ष रहेका देवीरामलाई भने केन्द्रीय सदस्य मनोनीत गरिएको थियो ।
यो बैठक तथा भेलाले पार्टीलाई तल्लो कमिटीसम्म पुरानै संरचनामा फर्काउने साथै नयाँ रणनीतिका साथ कार्ययोजना अघि सार्ने बताइएको छ ।
नेकपा एसले भने केही दिनअघि वीरजंग राईको नेतृत्वमा १५५ सदस्यीय जिल्ला कमिटी घोषणा गरिसकेको छ ।
पोखरा । पूर्वसञ्चारमन्त्री तथा नेकपा एमालेका नेता गोकुल बास्कोटाले माधव नेपाललाई घाम उदायपछि सुकेर जाने शीतको संज्ञा दिएका छन् ।
पोखरामा पत्रकारहरूसँग कुरा गर्दै नेता बास्कोटाले भने, ‘माधव नेपालको पार्टीको अस्तित्व घाम नझुल्किदासम्मको शीत जस्तो हो, घाम झुल्किएपछि सकिन्छ ।’
चुनाव भएपछि माधव नेपालको अस्तित्व सकिने उनको भनाइ थियो । भ्रममा परेर माधव नेपालको पछि लागेकाहरू एमालेमा फर्कने उनको दावी छ । माधव नेपाल पार्टीद्रोही भएको आरोप उनले लगाए ।
पार्टी फुटेको नभइ काचुँली फेरेको भन्दै उनले भने, ‘नेकपाले काँचुली फेरेको छ, कोईली कराउँदै गर्दा पार्टीले नयाँ पालुवा फेर्छ ।’
अध्यादेशले बनाएको पार्टी र परमादेशले बनाएको सरकारले काम गर्न नसक्ने बास्कोटाले बताए । एमसीसीमा आफूहरू सकारात्मक भए पनि देशको राष्ट्रियता खल्बलाउने खालको सहमति एमालेलाई मान्य नहुने उनको भनाइ छ ।
काठमाडौं । नेकपा माओवादी नेता तथा मकवानपुरबाट २०६४ सालको पहिलो संविधानसभामा निर्वाचित सभासद दिलबहादुर घिसिङ (फुर्वा) नेकपा एमालेमा प्रवेश गरेका छन् । फुर्वा पछिल्लो समय मोहन वैद्य नेतृत्वको माओवादीमा थिए ।
घिसिङसँगै मकवानपुरकी माओवादी नेता वरिना बल तामाङ, राजेश गहतराजलगायतका नेता मंगलबार एमाले अध्यक्ष केपी शर्मा ओलीलाई भेटेर पार्टी प्रवेश गरेका हुन् ।वरिना माओवादी जनयुद्धमा लागेकी नेता हुन् । पछिल्लो सफल उद्यमीका रुपमा परिचित छिन् । 
सो अवसरमा अध्यक्ष ओलीले नेकपाबाट प्रचण्ड माओवादीको एउटा हिस्सा लिएर अलग भए पनि अहिलेको एमाले नेकपाकै निरन्तरता रहेको भन्दै माओवादीमा रहेका कार्यकर्ता एमालेमै समाहित हुनुपर्ने बताए ।
नवप्रवेशीलाई महासचिव ईश्वर पोखरेल, सांसद कृष्णप्रसाद दाहाल,मकवानपुरका एमाले नेताहरू हिदम लामा र महेश बर्तौलाले स्वागत गरेका थिए ।
काठमाडौं । नेकपा (एमाले) का नेता घनश्याम भुसालले पार्टी विभाजनलाई ‘वैरी हँसाउने घटना’को संज्ञा दिएका छन्। आइतबारदेखि जारी एमाले स्थायी कमिटी बैठकमा पेस भएका प्रतिवेदनमाथि टिप्पणी गर्दै भुसालले यस्तो धारणा राखेका हुन्।
‘पार्टी विभाजन अनपेक्षित, वैरी हँसाउने घटना थियो,’ भुसालले राखेको लिखित धारणामा भनिएको छ, ‘त्यसमा रहेका
कमिकमजोरीबाट सिकेर, पार्टीका वैचारिक, सैद्धान्तिक तथा सांगठानिक प्रस्तावहरूमा समेत आधारित भएर भविष्यमा कम्युनिष्ट एकताको पहलकदमी हामी आफैंले लिनु पर्नेछ ।’
बहुदलीय जनवादले मार्गदर्शक सिद्दान्तका रुपमा काम नगर्ने पनि भुसालको भनाइ छ । ‘जनताको बहुदलीय जनवादबारे हामीले क. मदन भण्डारीको देहान्तपछि छलफल गर्न छोडेका छौँ, ’ भनिएको छ, ‘उहाँले जनताको बहुदलीय जनवादलाई कार्यक्रमको रूपमा अगाडि सार्नुभएको थियो । छैठौँ महाधिवेशनमा त्यसलाई सिद्धान्त निर्माणको कुनै आधार नै नदिइकन सिद्धान्त भनियो ।’
भण्डारीले कार्यक्रमका रूपमा थपेका सबै विशेषता अभ्यास गरिसकिएको भन्दै उनले यो मार्गदर्शक सिद्दान्त नबन्ने दावी गरेका छन् । ‘क. मदनले नयाँ जनवादी कार्यक्रममा १४ वटा विशेषता थपेको हुँदा त्यसलाई जनताको बहुदलीय जनवादी कार्यक्रम भन्नुपर्छ भन्नु भयो,’ भुसालको भनाइ छ, ‘ती १४ विशेषता हामीले अभ्यास नै गरिसकेका छौँ । यसर्थ अब पनि कार्यक्रमका रूपमा त्यसले हामीलाई मार्गदर्शन गर्छ भन्नु अतिशयोक्ति हुन्छ ।’
काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले एमाले विभाजनको विपक्षमा उभिएका १० नेताहरूले आत्मसर्मपण गरेको टिप्पणी गरेका छन् ।
सोमवार सूर्यनाथ राम यादवको स्मृतिमा आयोजित कार्यक्रममा बोल्दै प्रचण्डले घनश्याम भुसाल, योगेश भट्टराई, गोकर्ण विष्टजस्ता आफूलाई अलि वैचारिक दावी गर्ने नेताहरूले एमाले अध्यक्ष केपी शर्मा ओलीलाई नेपालकै भ्रष्ट नेता भन्ने गरेको बताए ।
‘जसले अलि वैचारिक भन्थे ती मान्छे सबैले आत्मसर्मपण गरे,’ उनले भने, ‘केपीको निरंशुकता पनि थाहा छ तिनीहरूलाई, नेपालको एउटा भ्रष्ट नेता हो । झेली नेता हो भन्ने पनि थाहा छ उहाँहरूलाई । मलाई त उहाँहरूले सिकाएको हो, यो यति भ्रष्ट, बेइमान, यति छली ।’
प्रचण्डले थपे, ‘यति जाली मान्छे छ भनेर हामीलाई सिकाएको चाहिँ घनश्याम, योगेश, गोकर्ण लगायको १० जनाको टिम छ नि, उहाँहरूले हो हामीलाई सिकाएको छ । हामीलाई दरोसँग टेक्नुहोस्, हामी छौं साथमा भन्नेहरू पनि उहाँहरु नै हो । तर, लास्टमा त सबैले आत्मसमर्पण गर्नुभयो । अनौठो लागेको छ हामीलाई ।’
झलनाथ खनाल, माधव नेपाल लगायतले नयाँ पार्टी गठन गरेकोलाई प्रचण्डले आफूहरूको मेहनतको फल लागेको रुपमा व्याख्या गरे । ‘पद प्रतिष्ठाका लागि विचार, सिद्धान्त पोलेर खान लाज नमान्नेहरुको जामात रहेछ त्यहाँ,’ उनले भने, ‘हामीले छन् त मान्छे त भन्ठान्यौं । धेरै मेहनत पनि गर्यौं । हुन त मेहनतको फल लागेको पनि छ । झलनाथ, माधवजस्ता पुरानो पिँढीका साथीहरू अगाडि बढ्न जमर्को पनि गरिराख्नु भएको छ । हामीले सहयोग गरेका छौं, त्यहाँ पनि ।’
काठमाडौं । नेकपा (एमाले) को दोस्रो दिनको स्थायी कमिटी बैठक भर्खरै शुरू भएको छ । हिजोदेखि जारी बैठकमा विधान महाधिवेशनमा पेस गरिने तीन प्रतिवेदनमाथि छलफल थालिएको छ ।
विधान महाधिवेशनमा पेस गरिने राजनीतिक, विधान संशोधनसम्बन्धी र सांगठानिक प्रतिवेदनमाथिको छलफलमा बैठक केन्द्रित छ । यही असोज १५, १६ र १७ गते हुन गइरहेको विधान महाधिवेशनमा प्रस्तुत गर्ने प्रतिवेदनमाथि आइतबार स्थायी कमिटी सदस्यहरू अमृत बोहरा, केशव बडाल, पुष्प कँडेल, घनश्याम भुसाल र युवराज ज्ञवालीले विचार राखेका थिए ।
आज बाँकी सदस्यले सुझाव राखेपछि आवश्यक सुझाव समेटेर प्रतिवेदन परिमार्जन गरी ८ र ९ गते बस्ने केन्द्रीय कमिटी बैठकमा पेस गरिने प्रचार विभाग प्रमुख योगेश भट्टराईले जानकारी दिए । केन्द्रीय कमिटीबाट पनि आएका सुझावलाई समेटेर विधान महाधिवेशनमा प्रतिवेदन पेस गरिनेछ ।
राजनीतिक प्रतिवेदनमा पछिल्ला राजनीतिक घटनाक्रम र पार्टीको कार्यदिशा र समग्र कामको मूल्यांकन पनि बैठकका एजेण्डा छन् ।
काठमाडौं । प्रमुख प्रतिपक्षी दल नेकपा एमालेले सत्तापक्षले एकतर्फीरूपमा बजेट पारित गरेको भन्दै असन्तुष्टी जनाएको छ । प्रतिनिधिसभाको आजको बैठकले विनियोजन विधेयक पारित गरेपछि एमालेले प्रतिपक्षको आवाजलाई संसदमा दवाउन खोजिएका आरोप लगाएको हो ।
पत्रकारहरूसँग कुराकानी गर्दै एमाले मुख्य सचेतक विशाल भट्टराईले सभामुखको कार्यशैली अलोकतान्त्रिक र संसदीय मर्यादाविपरीत रहेको बताए । ‘संसदमा प्रस्तुत भएका विषयभन्दा पनि सभामुखको कार्यशैली र उहाँले एमालेप्रति गरेको विभेदका कारण हामी आन्दोलनमा छौं । उहाँले प्रवृत्ति नसच्याएसम्म र एमालेमाथि भएको अन्याय नहटेसम्म अवरोध जारी रहन्छ’, भट्टराईले भने ।
उनले संसदको आठौं अधिवेशनमा विजनेश दिन नसक्ने सत्ता पक्षले अहिले एमालेले जनताको आवाज कुण्ठित गर्यो भनी आरोप लगाउनु हास्यास्पद रहेको बताए । ‘संसदको आठौं अधिवेशन सम्झना दिलाउन चाहन्छु । साउन ३ देखि ३२ गतेसम्म २९ दिन उहाँहरुले संसदलाई बिजनेश दिनुभएन । त्यतिबेला सोध्नुपर्थ्यो जनताको आवाज बन्द किन गरियो भनेर अहिले एमालेले ५ पटक संसदमा अवरोध गर्दैमा जनताको आवाज कसरी बन्द हुन्छ ?’, भट्टराईले प्रश्न गरे ।
उनले सभामुखले एमाले सांसदमाथि कारवाहीको सूचना टाँस्ने वा मार्गप्रशस्त गर्नेमध्ये एक बाटो रोज्नुपर्ने बताए । संसदमा जबर्जस्ती गर्न खोजिएको भन्दै भट्टराईले निकास दिने जिम्मेवारी प्रतिपक्षको नभए सत्तापक्ष र सभामुखको हुने बताए ।
विनियोजन विधेयक पारित भएलगत्तै एमाले नेताहरू संसद भवनमै छलफल जुटेका थिए । संसद भवनबाट बाहिरिने क्रममा ‘सत्तापक्षले पेल्यो नि ?’ भन्ने पत्रकारको प्रश्नमा एमाले अध्यक्ष केपी शर्मा ओलीले ‘पेल्न दिनु’ भन्ने जवाफ फर्काएका थिए ।
काठमाडौं । प्रमुख प्रतिपक्षी दल नेकपा एमालेका शीर्ष नेताहरू संसद भवनमै आन्तरिक छलफलमा जुटेका छन् ।
एमालेको अवरोधका बाबजुद प्रतिनिधिसभाबाट विनियोजन विधेयक पारित गरिएपछि शीर्ष नेताहरू छलफलमा जुटेका हुन् । एमाले अध्यक्ष एवं संसदीय दलका नेता केपी शर्मा ओली, संसदीय दलका उपनेता सुवासचन्द्र नेम्वाङ, महासचिव ईश्वर पोखरेल, उपमहासचिव विष्णु पौडेल, प्रमुख सचेतक विशाल भट्टराईलगायतका नेताहरूबीचको छलफल जारी छ ।
आफ्ना मागबारे सभामुखले सुनुवाइ नगरी संसद सुचारु राखेको विषयमा धारणा बनाउन छलफल गरिएको एक नेताले बताए । सभामुखको भूमिकाप्रति असन्तुष्टी जनाउँदै एमालेले निरन्तर सदन अवरुद्ध गरिरहेको छ । आफूले कारवाही गरेका १४ सांसदको पदमुक्तको सूचना टाँस गर्नुपर्ने वा राजीनामा दिएर मार्ग प्रशस्त गर्न एमालेले सर्त अघि सारेको छ ।
काठमाडौं । नेकपा (एमाले) को विधान महाधिवेशनमा पेस गरिने तीन प्रतिवेदनमाथि छलफल शुरू भएको छ ।
आइतबार ललितपुरको च्यासलमा बसेको स्थायी कमिटी बैठकमा विधान महाधिवेशनमा पेस गरिने राजनीतिक, विधान संशोधनसम्बन्धी र सांगठानिक प्रतिवेदनमाथि छलफल शुरू भएको प्रचार विभाग प्रमुख योगेश भट्टराईले जानकारी दिए ।
यही असोज १५, १६ र १७ गते हुन गइरहेको विधान महाधिवेशनमा प्रस्तुत गर्ने प्रतिवेदनमाथि आज स्थायी कमिटी सदस्यहरू अमृत बोहरा, केशव बडाल, पुष्प कँडेल, घनश्याम भुसाल र युवराज ज्ञवालीले विचार राखेका थिए ।
भोलि १ बजे फेरि बैठक बस्ने र बाँकी सदस्यले सुझाव राखेपछि आवश्यक सुझाव समेटेर प्रतिवेदन परिमार्जन गरी ८ र ९ गते बस्ने केन्द्रीय कमिटी बैठकमा पेस गरिने जानकारी भट्टराईले दिए । केन्द्रीय कमिटीबाट पनि आएका सुझावलाई समेटेर विधान महाधिवेशनमा प्रतिवेदन पेस हुने उनको भनाइ छ।
राजनीतिक प्रतिवेदनमा पछिल्ला राजनीतिक घटनाक्रम र पार्टीको कार्यदिशा र समग्र कामको मूल्यांकन गरिएको बताइएको छ । त्यस्तै नवौं महाधिवेशनदेखि आजसम्म आइपुग्दा संगठनात्मकरूपमा प्राप्त गरेका उपलब्धी, कमिकमजोरी र प्राप्त शिक्षाबारे सांगठानिक प्रतिवेदनमा उल्लेख गरिएको भट्टराइले बताए ।
विधान संशोधनसम्बन्धी प्रतिवदेनमा भने पार्टीको विधान संशोधनका विषय समेटिएको उनले जानकारी दिए ।
काठमाडौं । नेकपा एमालेका अध्यक्ष केपी शर्मा ओलीले राज्यले बाँड्ने विभूषण र पदकहरु सत्ता गठबन्धनका नेता, तीनका परिवार र एमाले सरकारविरुद्ध निरन्तर लागेका मिडियाकर्मी तथा वकिलहरूलाई बाँडिएको आरोप लगाएका छन् ।
संविधान दिवसका अवसरमा पार्टीले आयोजना गरेको कार्यक्रममा अध्यक्ष ओलीले झलनाथ खनालदेखि प्रचण्ड पत्नीसम्मले पाएको पदकको बारेमा समेत प्रश्न उठाए ।
ओलीको प्रश्न थियो, ‘संविधान दिवस भनेको पिताको मुख हेर्ने दिने हो ? श्रीमतीको मुख हेर्ने दिन हो ? यिनले बाँडेका मानपदवी देख्नुभयो नि ? मलाई चाहिँदैन भन्थे, आफ्नाहरूलाई बाँड्नका लागि डाडूपुन्यु समातेका रहेछन् ।’
ओलीले एमाले नेतृत्वको सरकारले गरेका विकासका कामको निरन्तर विरोध गरेर खेदो खन्ने मिडियाका मालिक र मिडियाकर्मीहरूलाई छानी छानी मानपदवी बाँडेको आरोप लगाए ।
त्यस्तै अदालतमा मुद्दा हाल्ने झगडिया, जिताइदिने न्यायाधीशलगायतलाई पदक बाँडिएको आरोप समेत उनले लगाए ।
काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले कांग्रेस-माओवादीजस्ता दलहरू लकपकाएर खुट्टा कमाएका बेला एमालेको नेतृत्वमा संविधान बनेको भन्दै यसको रक्षाका लागि पनि एमालेले नै अगुवाइ गर्ने बताएका छन् ।
संविधान दिवसका अवसरमा पार्टीले आयोजना गरेको कार्यक्रममा अध्यक्ष ओलीले संविधान जारी गर्ने पहल लिँदा आफूमाथि संविधानसभामै माइकले हान्नेदेखि भौतिक हमलाको प्रयास भएको स्मरण गरे ।
ओलीले भने, ‘हामीमाथि संविधान जारी गर्न खोज्दा भौतिक आक्रमण भए । माइकले हाने । सबै झेलेर संविधान जारी गराइयो, त्यसवापत नाकाबन्दी भयो त्यसको पनि डटेर, राष्ट्रिय स्वाभिमानलाई झुक्न नदिएर कुनै सम्झौता नगरी संविधानको रक्षा गरेर अघि बढ्यौं । मलाई गर्व छ त्यसको नेतृत्व नेकपा एमालेले गर्यो ।’
ओलीले संविधान संशोधन गर्छु भन्दै विदेशमा गएर सम्झौता गर्ने प्रवृत्ति नेपालकै कतिपय नेताले देखाएको भन्दै शेरबहादुर देउवाप्रति कटाक्ष गरे । अध्यक्ष ओलीले संविधान नमान्ने शक्तिलाई पनि एमालेले आफ्नो नेतृत्वको सरकारका पालमा सबैलाई समेटेको दावी गरे ।
ओलीले भने, ‘जो पृथकतावादको वकालत गर्दै थिए, हिंसामा थिए ती सबै प्रवृत्तिलाई समेत समावेश गरियो । संविधान मान्दैनौं भन्ने कुरा अब जनतालाई धोका दिने मात्र हो । सबैले संविधान अनुसार सपथग्रहण गरेका छन् । सरकारमा सहभागी भएका छन् । विनासर्त संविधान स्वीकार गरेका छन् ।’
काठमाडौं । संविधानसभा अध्यक्ष सुवास नेम्वाङले संविधान दिवसकै दिन केपी ओली सरकार हटाउन परमादेश जारी गर्ने न्यायाधीश र मुद्दा हाल्ने वकिलहरू पदकबाट विभुषित हुनु संयोगमात्र नरहेको भन्दै यसले गम्भीर आशंका पैदा गरेको बताएका छन् ।
संविधान दिवसका अवसरमा एमालेले च्यासलमा आयोजना गरेको कार्यक्रममा बोल्दै नेम्वाङले साँझ चितुवा कराउनु र बिहान सिँगारी खसी हराउनुजस्तै परमादेश जारी गरेर सरकारमा ल्याइदिएको गुन तिर्न पदक दिएको हो भने त्यो बेठीक भएको बताए ।
नेम्वाङले भने, ‘म सम्मानित न्यायाधीशज्यूहरूलाई यो पदक अश्वीकार गर्न सुझाव दिन्छु । नत्र यसले राम्रो सन्देश दिदैन । केपी ओली र एमालेलाई सरकारबाट विस्थापित गर्न मुद्दा लगाउने नेता र परिवार,बहस गर्ने वकिल र फैसला गर्ने न्यायाधीशले पदक पाउनुले चितुवा कराउनु र सिँगारी हराउनु भन्ने उखान मेल खान्छ ।’
नेम्वाङले एमाले फुटाउन दिल्लीबाट भूमिका खेल्ने झलनाथ खनाल, प्रचण्डपत्नी सीता दाहाल र माधव नेपालका पिता स्वर्गीय मंगल उपाध्यायले पदक पाउँदा आफू खुसी भए पनि यसपटक मुद्दा लगाउने, मुद्दा जिताउने र परमादेश जारी गर्नेहरूले मात्र विभूषित हुनु संयोगमात्र नभएको बताए ।
काठमाडौं । संविधान दिवस तथा राष्ट्रिय दिवसको अवसरमा प्रमुख विपक्षी नेकपा एमालेले अलग्गै कार्यक्रम आयोजना गरेको छ ।
च्यासलस्थित तुलसीलाल स्मृति प्रतिष्ठानमा आयोजित कार्यक्रममा अध्यक्ष केपी शर्मा ओली र संविधानसभा अध्यक्ष सुवास नेम्वाङले सम्बोधन गर्दैछन् ।
संविधानको सहज कार्यन्वयनमा वाधा सिर्जना गर्न विभिन्न प्रयास भइरहेकाले एमालेले आफ्नो दृष्टिकोण सार्वजनिक गर्न लागेको कार्यक्रममा प्रवक्ता प्रदीप ज्ञवालीले बताए । एमालेले संविधानको अपब्याख्या गरेर परमादेशमार्फत सत्ता परिवर्तन गरिएको आरोप लगाएको छ ।
कार्यक्रममा एमालेले संविधान जारी गर्नेदेखि कार्यान्वयनमा सबैलाई सहभागी गराउनेसम्मको नेतृत्व गरेको ज्ञवालीले बताए ।
काठमाडौं । नेपाल कम्युनिष्ट पार्टी (एमाले) ले सातौं संविधान दिवसको अवसर पारेर विशेष कार्यक्रमको आयोजना गरेको छ ।
ललितपुरको च्यासलस्थित तुल्सीलाल स्मृति प्रतिष्ठानमा आयोजित कार्यक्रममा एमाले अध्यक्ष केपी शर्मा ओली, संविधानसभा अध्यक्ष एवं संसदीय दलका उपनेता सुवास नेम्वाङलगायतका नेता सहभागी छन् ।
कार्यक्रमलाई ओली र नेम्वाङले सम्बोधन गर्दैछन् । आजै एमालेको स्थायी कमिटी बैठक पनि आजै बस्दैछ ।
नेकपा एमालेका केन्द्रीय कार्यालय सचिव शेरबहादुर तामाङ अहिले देशभरबाट एमाले विभाजनको असर तल्लो तहसम्म कति पर्यो भनेर विवरण संकलन गरिरहेका छन् । लामो समय एमालेको राजनीतिमा माधव नेपाल समूहमा रहेका तामाङ पछिल्लो नेकपाकालीन विवादको उत्कर्षका बेला प्रचण्डले माधव नेपाललाई प्रयोग गरेर एमालेको विरासत कब्जा गर्न खोजेको निष्कर्ष निकाल्दै केपी ओलीतिर लागेका थिए ।
ओली पक्षमा लागेपछि उनी एमालेको राजनीतिमा एकाएक प्रभावी बने । केन्द्रीय कार्यालय सचिव, वागमती प्रदेश सह-इन्चार्ज र स्वास्थ्य मन्त्रालयको जिम्मेवारी पाए । सभामुख अग्नि सापकोटा र उनी एउटै जिल्लाबाट निर्वाचित हुन् । तर, सभामुखको भूमिका सम्माननीय नरहेकाले १४ सांसदलाई पदमुक्त नगरे महाअभियोगको सामना गर्न तयार हुन समेत उनले चेतावनी दिएका छन् ।
पूर्वकानूनमन्त्री समेत रहेका तामाङ सर्वोच्च अदालतका केही न्यायाधीशहरू एमालेप्रति राजनीतिकरूपमै पूवाग्रही बनेर आदेश दिन थालेको भन्दै उनीहरूको पनि हिसाबकिताब राखिएको बताउँछन् ।
नेपाल प्रेससँगको अन्तवार्तामा उनले एमालेभित्रको पछिल्लो राजनीतिक घटनाक्रमका बारेमा समेत प्रष्ट पारेका छन् । तामाङले माधव नेपाल पक्षले एमालेको २ प्रतिशत मत प्रभावित पार्ने दावी गर्दै त्यो भन्दा बढी मत एमालेले यसबीचमा बढाइसकेको बताएका छन् ।
प्रस्तुत छ, एमाले नेता तामाङसँग गरिएको कुराकानी नेपाल टकमा
होइन, राजनीतिक समस्या राजनीतिक ढंगले नै समाधान गरिनुपर्छ । कसैलाई पनि पार्टीमा बाँधेर राख्न सकिँदैन । त्यसैले त राजनीतिक दलसम्बन्धी ऐन पनि छ । त्यसमा विभाजन सम्बन्धी व्यवस्था गरिएको छ । स्वतन्त्ररूपमा दल दर्ता गर्न पनि पाइन्छ ।
कोही पार्टीसँग असहमत भएका अलग भएर जान पनि पाउँछ । लोकतन्त्रको रक्षाका लागि दलीय व्यवस्थामा राष्ट्रिय दल बलियो भएमा मुलुकले स्थायी सरकार बन्छ । भारतमा राजनीतिक दल राष्ट्रिय विभाजन हुदाँ नै मुलुक टुक्रिएको उदाहरण छ ।
सामान्यतया दल विभाजन नहोस् भनेर नै २०७२ मा संविधान जारी गरेपछि दल विभाजन गर्नका लागि आधिकारिकता प्राप्त गर्न ४० प्रतिशत अनिवार्य चाहिन्छ भनेर बनाएको हो । त्यो पनि मिलेन भनेर ‘र’अथवा ‘वा’गरौं भन्ने बनाइएको हो । केन्द्रीय समितिमा ४० प्रतिशत वा संसदमा ४० प्रतिशत । दुवै गर्दा समस्या हुन्छ कि भनेर अलिकति सहज बनाइएको हो ।
मान्छेको छुट्टिन पाउने अधिकार कुण्ठित भयो कि भनेर नै हामीले केपी ओली प्रधानमन्त्री भएको बेला ‘र’को ठाउँमा ‘वा’ बनाएको हो । तर, त्यसो नगरेर चलिरहेको संसद नै बन्द गरेर अध्यादेशमार्फत राजनीतिक दल र संसद गरेर दुवैतर्फ २० प्रतिशत बनाइयो ।
उक्त अध्यादेश राष्ट्रपति कार्यालय पुगिसकेपछि २० प्रतिशत पनि पार्टीको केन्द्रीय समिति र संसदमा नपुग्ने भएपछि राष्ट्रपति कार्यालय पुगेको अध्यादेश आफैंले रोक्न लगाएर फेरि राष्ट्रपतिले रोक्यो भनेर पनि प्रचार गरियो । यस्तो सम्म पनि गर्न मिल्छ त ?
आफैले २० प्रतिशत पनि पार्टीको केन्द्रीय समितिमा र संसदमा नपुग्ने देखेपछि सच्याउनका लागि रोक्न खोज्ने फेरि राष्ट्रपतिले प्रमाणित नगरेर रोक्यो भन्ने आरोप लगाउन मिल्छ ? राजनीतिमा यस्तो बेइमानी गर्नु हुँदैन ।
उक्त अध्यादेश राष्ट्रपति कार्यालय पुगिसकेपछि २० प्रतिशत पनि पार्टीको केन्द्रीय समिति र संसदमा नपुग्ने भएपछि राष्ट्रपति कार्यालय पुगेको अध्यादेश आफैंले रोक्न लगाएर फेरि राष्ट्रपतिले रोक्यो भनेर पनि प्रचार गरियो । यस्तो सम्म पनि गर्न मिल्छ त ?
अनि प्रतिनिधिसभाको सभामुख पनि कुनै पार्टीको पक्षमा लाग्न मिल्छ ? हिजो राष्ट्रपतिले आफ्नो जिम्मेवारी पूरा गर्दा उहाँलाई भए नभएका आरोप लगाउने सभामुख सत्तापक्षतिर ढल्किएर निर्णय गर्दा हामीले बोल्न नपाउने ? विरोध गर्न नपाउने ?
हो हामीले संसद अवरुद्ध गरिरहेका छौं । संसदमा निरन्तर नारा जुलुस गरिरहेका छौं । सभामुखले हामीलाई बाहिर पठाइदिए भैगो नि । उहाँले आफ्नो तर्फबाट जे गर्न पाउनुहुन्छ गरे हुन्छ । संसद अवरुद्ध भयो भनेर अहिले सर्वदलीय बैठक बसाइरहनुभएको छ । हामी नै संलग्न नभएको बैठक कसरी सर्वदलीय बैठक भयो ? उहाँसँग अधिकाार छ हामीलाई निलम्बन गर्नुस्, मार्सल लगाएर बाहिर पठाउनुस् ।
अदालतका पछिल्ला फैसला पनि हामीले देखिरहेकै छौ । अहिले त अदालत तथा न्यायालय नै कब्जा गर्ने काम भइरहेको छ । अदालतमा बसेर गलत फैसला गर्नेहरूलाई पनि हामीले नियालिरहेका छौ । सधैँभरी अदालतको न्यायाधीश पनि त भइँदैन नि ।
बजेटको त धेरै चिन्ता गर्नुपर्दैन । अहिले प्रतिस्थापन विधेयकका नाममा क्याल्कुलेटर थिचेर हिसाब ल्याइएको छ । यस्तो बजेटले मुलुक चल्छ त ? यसअघि जेठ १५ गते आएको बजेटलाई कुनै पनि तोडमोड नगरेर अघि बढाइनुपर्छ । यसलाई प्रतिस्थापना गर्न खोजिएको छ ।
हो, पक्कै पनि त्यो अगाडस बढायो भने हामी पास गर्न तयार छौं ।
नेकपा एमाले यो मुलुकको प्रमुख पार्टी हो । कसैले फुर्ती नलगाए हुन्छ । आगामी निर्वाचनमा नेकपा एमाले बहुमतसहित जितेर आउँछ । यो हाम्रो दावी हो । त्यसैले यो पार्टीलाई नजर अन्दाज नगरे हुन्छ । त्यतिबेला कसको के हैसियत हुन्छ पर्खिए हुन्छ । त्यतिबेला कसका मुखा कता फर्किन्छन् हामीले अनुमान गरेका छौं ।
हो नि, उहाँले जुन संसदमा सम्माननीय सभामुख भन्ने ओहोदा छ, त्यसलाई कायम गर्न सक्नुभएन । सभामुखले यसबारे चाँडै निर्णय गर्नुपर्छ । यदी उहाँले निर्णय गर्न भएन भने सभामुखको कुर्सीमा बस्न सक्नुहुन्न । त्यसैले म भन्छु कि, नेकपा एमालेलाई धेरै नजिस्काइयोस् । अहिले पछिल्लो समय न्यायालयमा गलत निर्णय भइरहेका छन् । संवैधानिक निकायका मान्छेलाई महाअभियोग लगाउने हैसियत पनि नेकपा एमालेसँग छ । त्यतातिर पनि ध्यान दिए हुन्छ ।
हामी अदालत जोगाउन खोजिरहेका छौ । अहिले कतिपय न्यायाधीश बेञ्चमा बस्नेबित्तिकै गलत नियतले काम गरिरहेका छन् । राजनीतिक खोल ओढेर फैसला गरिरहेका छन् । त्यसको हामीले हिसाव-किताव राखिरहेका छौं र राख्छौं पनि ।
उहाँहरूले पनि लगाए हुन्छ । हामीले नलगाउनुस् भनेर कहाँ पो भनेका छौ । यसमा त हामी खुला छौं नि । सीधा रूपमा भन्दा हामी सीधा प्रतिस्पर्धामा छौं । हामी अग्रगमन चाहान्छौं । उहाँहरू पश्चगमनमा हुनुहुन्छ । उहाँहरूलाई जे लाग्छ त्यो गरे हुन्छ । हामी तयार भएर बसेका छौं । हरेक मोर्चामा हामी लड्न तयार छौं ।
अहिलेको सरकारको पक्षमा फैसला आवस् न । हामी पनि हेरिरहेका छौं । यदि त्यस्तो फैसला आयो भने अदालत, अदालत रहन्छ कि रहँदैन भन्ने पनि होला नि ।
हो हामी कुरिरहेका छौ, कसरी आउँछ भनेर । न्यायालयका फैसला अराजक त हुनुभएन नि ।
नेकपा एमालेले निर्वाचन आयोगमा २ सय ६० सदस्य छन् भनेर निवदेन दिएका थियौ । अहिलेसम्म अयोगले कुनै पनि निर्णय गरेको छैन । तर दल विभाजन भएपछि पार्टी दर्ताका लागि दिएको निवेदन आयोगमा पुग्नेवित्तिकै प्रमाणपत्र दिइएको छ ।
नफर्किँदासम्म उहाँहरू माधव नेपाल पक्षको हो । अहिले पार्टीमा आइसकेपछि भने कोही पनि पक्ष विपक्ष भन्ने छैन । जस्तै डा. भीम रावल पनि कुनै पक्ष र विपक्षको मान्छे होइन । उहाँ सिंगो नेकपा एमालेको उपाध्यक्ष हो ।
पार्टी दर्ता भएको प्रमाणपत्र पाइसकियो तर अहिले पनि सनाखत गरिरहेको देखिन्छ । सभामुखले रामबहादुर थापालगायतका सांसदलाई कारवाही गर्दा २४ घण्टा नबित्दै सूचना टाँस गर्नुहुन्छ । तर, एमालेले सांसदलाई कारवाही गरेको जानकारी गराएको गर्दा १५ दिनसम्म पनि केही छैन ।
त्यसपछि बल्ल यसमा केही गर्न सकिँदैन भनेर निर्णय आउँछ । यस्तो पनि हुन्छ ? अदालतमा पनि हामी हेरिरहेका छौं ।
होइन, अदालत जहिले पनि स्वतन्त्र हुन्छ र हुनु पनि पर्छ । अदालतको गरिमालाई हामीले सम्मान गर्नुपर्छ । निष्पक्ष हुन्छ भन्ने नै हो । तर, पछिल्लो समय त्यसस्तो भइरहेको छैन । त्यसैले हामी अदालत जोगाउन खोजिरहेका छौ । अहिले कतिपय न्यायाधीश बेञ्चमा बस्नेबित्तिकै गलत नियतले काम गरिरहेका छन् । राजनीतिक खोल ओढेर फैसला गरिरहेका छन् । त्यसको हामीले हिसाव-किताव राखिरहेका छौं र राख्छौं पनि ।
लोकतन्त्रमा जनता सधैँभरी सार्वभौम सत्ता सम्पन्न हुन्छन् । जनताभन्दा माथि न त प्रधानमन्त्री हुन्छ न त न्यायाधीश नै । सबैको संवैधानिक जिम्मेवारी र दायित्व हुन्छ । त्यसैले सबैले आफुलाई दिइएको संवैधानिक दायित्व पुरा गर्ने हो । त्यो भइरहेको छैन ।
अदालतले न्यायिक फैसला गर्ने हो । तर, न्यायिक फैसलाभित्र राजनीतिक गन्ध आउनुहुँदैन भन्ने हाम्रो भनाइ हो । यसलाई बचाउने जिम्मेवारी अहिले नेकपा एमालेको काँधमा छ । हामी यसमा लागिपरेका छौं । न्यायालयमा राजनीतिक रंग देखियो भने राम्रो हुँदैन । कसैले सुरक्षित छु भन्ने नठाने हुन्छ । सबैले सचेत भएर बसे हुन्छ ।
त्यसभित्र त के छ हामीलाई थाहा भएन । जुन खालका अदालतबाट क्रमश: फैसला आइरहेका छन् नि, त्यसमा राजनीतिक गन्ध आइरहेको छ । त्यस कारण अदालतलाई बचाउनका लागि नेकपा एमालले ठूलै निर्णय गर्नुपर्ने अवस्था आउनसक्छ । हामी त्यतातिर सोचिरहेका छौं ।
कुनै व्यक्तिले सहि निर्णय नगरेर राजनीतिक आवरणमा निर्णय गर्यो भने नेपाली जनताले त्यो अधिकार पनि संसदलाई दिएको हुनाले त्यो पनि हुनसक्छ । हुँदैँन भन्ने छैन ।
होइन त्यस्तो केही पनि । हाम्रो पुरानो विधानले तय गरेको संख्या सीमित थियो । विधानमा केही संख्या थप्नुपर्ने र मिलाउनु पर्ने देखिएपछि सारिएको हो । २६ गते बसेको स्थायी समिति बैठकले विधानको बाधा अड्काउ फुकाउको काम गरेर प्रतिनिधि थप गर्ने व्यवस्था गरेको छ । जसमा ३ हजारभन्दा धेरै प्रतिनिधि हुने व्यवस्था गरिएको छ । उनीहरूको सबै विवरण तयार पार्नुपर्ने भएकाले ढिलाइ भएको हो । अरु हिसाबले तयार छौं । राजनीतिक दस्तावेजको हिसावले पनि हामी पूर्णरूपमा तयार भइसकेका छौं । अब असोज १५ देखि १७ मा गोदावरी सनराइज सम्मेलन केन्द्रमा भव्य रूपमा अधिवेशन सम्पन्न हुन्छ ।
मतको हिसाबले देशभरमा अहिलेको हकमा माधव नेपाल पक्षले सिट त शून्य प्राप्त गर्ने नै हो । एमालेको मतमा २ प्रतिशतमात्र उनीहरूले लिन सक्ने हो ।
२६ गते बसेको बैठकले दस्तावेज तयार गरेर स्थायी समितिका सदस्यलाई पठाइसकेको छ । त्यो सबै स्थायी समितिका सदस्य कहाँ पुगिसकेको छ । २-३ गते बस्ने स्थायी समिति बैठकले जे तय गर्छ त्यहि हुन्छ । त्यसपछि ८ र ९ गते केन्द्रीय समितिको बैठक बस्छ । त्यसले पारित गरेपछि खुला छलफलमा छोडिदिन्छौ । त्यसपछि महाधिवेशनमा आएर प्रतिनिधिले आफ्नो धारण राख्छन् । त्यसै अनुसार पारित हुने हो ।
अहिले कोही पनि पक्ष विपक्ष भन्ने नेकपा एमालेमा छैन् र हुनु पनि हुँदैन । नफर्किँदा सम्म उहाँहरू माधव नेपाल पक्षको हो । अहिले पार्टीमा आइसकेपछि भने कोही पनि पक्ष विपक्ष भन्ने छैन । जस्तै डा. भीम रावल पनि कुनै पक्ष र विपक्षको मान्छे होइन । उहाँ सिंगो नेकपा एमालेको उपाध्यक्ष हो । पार्टीको जुन प्रणाली छ त्यसभित्र सबै पर्छन् । उनीहरू नेकपा एमाले भएर काम गर्छन् र गर्नुपर्छ ।
त्यस्तो केही पनि छैन । बाहिर हल्लामात्र भएको हो । तर, अब कार्य विभाजनको काम हुन्छ । पद खोसिएको दिइएको भन्ने सबै निराधार हल्लामात्रै हुन् । त्यस्तो कुनै पनि निर्णय भएको छैन र कसैलाई नयाँ जिम्मेवारी पनि दिइएको छैन ।
त्यतिबेला नेकपा एमालेले प्राप्त गरेको ४१ लाख मतमध्ये ३२ लाख मत सदर भएको हो भने ९ लाख बदर भएको हो । ती ४१ लाखमा भोटममध्ये २ प्रतिशत मतमात्र माधव नेपाल पक्षले प्राप्त गर्ने हो । यसैमा पनि हामी थप भोट प्राप्त गर्छौं । नेपाली कांग्रेसले करिव २५ देखि २६ लाख भोट प्राप्त गर्ने हो ।
होइन, अहिले प्रदेश १ को पार्टीको आन्तरिक विवाद मिलाउनका लागि भीम आचार्यसहितको कार्यदललाई दिइएको हो । अन्य प्रदेशमा पनि त्यही हो । कार्यदलको संयोजक भएकाले पार्टी मिलाइसकेपछि कार्यविभाजन हुन्छ । स्थायी कमिटिमा प्रस्ताव आउला र पास भएपछि मात्र इन्चार्ज तोकिने हो । यो बाहिर विवाद सृजना गर्ने काममात्र भएको हो । पार्टी कमिटीमा छलफल भएपछि मात्र जिम्मेवारी तोकिने हो ।
नेकपा एमालले स्थानीय तहमा ६ प्रतिशतजति घाटा व्यहोर्ने देखिएको छ । त्यो हिजो एमाले भएर प्राप्त गरेको भोटको आधारमा हामीले हिसाब-किताब गर्दा भेटिएको हो । मतको हिसाबले देशभरमा अहिलेको हकमा माधव नेपाल पक्षले सिट त शून्य प्राप्त गर्ने नै हो । एमालेको मतमा २ प्रतिशतमात्र उनीहरूले लिन सक्ने हो । २ प्रतिशत मतले मात्र जित्न सकिने र सिट लिन सकिने कुरा भएन ।
जसरी अहिले पार्टीको केन्द्रीय समिति र संसदमा २० प्रतिशत पुयाइएको छ, त्यो त सबैले थाहा पाएकै कुरा हो कसरी पुर्याइएको भनेर । २०७४ सालको निर्वाचनमा नेकपा एमालेले प्राप्त गरेको भन्दा धेरै मत अब हामीले पाउँछौं ।
त्यतिबेला नेकपा एमालेले प्राप्त गरेको ४१ लाख मतमध्ये ३२ लाख मत सदर भएको हो भने ९ लाख बदर भएको हो । ती ४१ लाखमा भोटममध्ये २ प्रतिशत मतमात्र माधव नेपाल पक्षले प्राप्त गर्ने हो । यसैमा पनि हामी थप भोट प्राप्त गर्छौं । नेपाली कांग्रेसले करिव २५ देखि २६ लाख भोट प्राप्त गर्ने हो । हाम्रो पार्टी अध्यक्ष केपी शर्मा ओली त दुई तिहाई दावी गरिहनुभएको छ । तर, त्यस्तै नभए पनि बहुमत हामी प्राप्त जसरी पनि गर्छौं ।
तस्बिर/भिडियो : नविन स्थापित ।
काठमाडौं । नेकपा एमालेको विद्यार्थी संगठन अनेरास्ववियूको नेतृत्व परिवर्तन हुने भएको छ । राष्ट्रिय सम्मेलनबिनै अनेरास्ववियूको नेतृत्व फेरिन लागेको हो ।
अनेरास्ववियूका वर्तमान अध्यक्ष ऐन महर पार्टीको एमालेको प्रदेश कमिटी सदस्य हुँदै केन्द्रीय कमिटीमा लैजाने आश्वासन नेतृत्वबाट पाएपछि अखिल छाड्न तयार भएका छन् ।
महर अनेरास्ववियूको २२ औं राष्ट्रिय सम्मेलनबाट महासचिव निर्वाचित भएका थिए । ५ वर्षअघि भएको सम्मेलनबाट अध्यक्षमा निर्वाचित नविना लामा नेकपा एकीकरणसँगै अखिलबाट बिदा भएकी थिइन् ।
एकीकृत अखिलको संयोजक महर र सहसंयोजक रन्जित तामाङ थिए । नेकपा एकता बदरपछि पनि महर अध्यक्ष निरन्तर रहे । सम्मेलनको हिसाबले ऐन महरले आफ्नो कार्यकाल पूरा गरिसकेकाले उनलाई बिदा गरेर जाम हुन लागेको नेतृत्व खुलाउन खोजिएको एमाले स्रोतले जनाएको छ ।
अनेरास्ववियूका पूर्वअध्यक्ष तथा हालका इन्चार्ज खिमलाल भट्टराईले शनिबार बस्ने सचिवालय बैठकले नयाँ नेतृत्व चयन गर्ने नेपाल प्रेसलाई बताए । उनका अनुसार नेतृत्वका आकांक्षीहरूबीच छलफल चलिरहेको छ ।
आज महासचिव ईश्वर पोखरेलको प्रमुख आतिथ्यमा अखिलको स्थायी कमिटी बैठक बसिरहेको छ । शनिबारको सचिवालय बैठकले अध्यक्षसहित पदाधिकारी र केन्द्रीय कमिटी टुंगो लगाउने भट्टराईले जानकारी दिए ।
अखिल अध्यक्षका लागि हालका उपाध्यक्षमध्ये शैलेस लामाबाहेक अन्यले आ-आफ्नो दावी छाडेका छैनन् । उपाध्यक्षहरू रश्मी आचार्य, महेश बर्तौला र सुनिता बराल अध्यक्षका दाबेदार हुन् ।
त्यस्तै २२ औं सम्मेलनबाट निर्वाचित सचिव तथा प्रवक्ता आरसी लामिछाने पनि अध्यक्षको प्रतिस्पर्धामा छन् । एमालेका विद्यार्थी इन्चार्ज भट्टराईले यी चारजनामध्येबाट एकजना अध्यक्ष हुने र बाँकी उपाध्यक्षहरू संगठनबाट बिदा हुने बताए ।
अध्यक्षका अर्का दाबेदार समिक बडाललाई भने महासचिव बनाइने भएको छ । २३ औं राष्ट्रिय सम्मेलनबाट निर्विकल्प अध्यक्षका रूपमा बडाललाई खडा गर्न लागिएको अखिल स्रोतले जनाएको छ ।
अध्यक्षका दाबेदारमध्ये रश्मी आचार्य देशकै ठूलो पृथ्वीनारायण क्याम्पस पोखराका स्वतन्त्र विद्यार्थी यूनियनका सभापति हुन् । २०६५ सालमा उनी निर्वाचित भएपछि पिएनमा स्ववियू चुनाव भएको छैन ।
त्यस्तै महेश बर्तौला मकवानपुर बहुमुखी क्याम्पसका पूर्वस्ववियू सभापति हुन् भने सुनिता बराल एमालेको विद्यार्थी विशेष जिल्ला कमिटीकी सचिव पनि हुन् ।
पार्टी नेतृत्वको ग्रिन सिग्नल सुनितालाई रहेको चर्चा अखिलमा चलेको छ । यद्यपी उपाध्यक्षहरुबीच सहमतिको लागि छलफल भइरहेको भट्टराईले बताए ।
आरसी लामिछाने लामो समय विद्यार्थी आन्दोलनमा छन् । उनलाई अध्यक्ष बनाउन नसकिए वरिष्ठ उपाध्यक्ष बनाउनेबारे छलफल भइरहेको एमाले स्रोतले जनाएको छ ।
अखिलका निर्वाचित सचिवमध्ये सुदेश पराजुली, आरती लामा र वसिम आलम नेकपा एसमा लागेका छन् । नयाँ पदाधिकारी चयनसँगै स्थायी कमिटी, सचिवालय र केन्द्रीय कमिटीमा केही सदस्य थपिने भएका छन् ।
माधव नेपाल समूह छाडेका र पूर्वमाओवादीबाट एकता प्रक्रियामा आएकासहितलाई समेटेर केन्द्रीय कमिटी बनाउन लागिएको हो । अध्यक्षमा सहमति जुटाउन नेताहरू अनौपचारिक छलफलमा छन् ।
२२ औं राष्ट्रिय सम्मेलनबाट निर्वाचित कोषाध्यक्ष झपिन्द्र खत्रीसहित स्थायी कमिटीमा रहेका यमराज पाण्डे, नरेश रोकाय, कल्पना वाइबा, नारायण घर्ती, उमेश आचार्य, मर्यादा विष्टलगायतलाई उपाध्यक्ष, सचिव, उपसचिव र कोषाध्यक्षसहितका पदाधिकारीमा व्यवस्थापन गरिने भएको छ ।
काठमाडौं । नेकपा (एमाले) का अध्यक्ष केपी शर्मा ओलीले नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ बिलाउँदै गएको टिप्पणी गरेका छन् ।
बिहीबार राजधानीमा आयोजित एमाले जिल्ला कमिटीको भेलालाई सम्बोधन गर्दै ओलीले प्रचण्डलाई उडिरहेको जहाजसँग तुलना गर्दै भने, ‘प्रचण्डरूपी यत्रो जहाज उडेको, अलिक पर जाँदा विस्तारै देख्न छोडिन्छ ।’
माओवादीका कार्यकर्तालाई पार्टीको कार्यकर्ता कि प्रचण्डको सेवक भन्दै एमालेमा आउन आह्वान गरे । ‘हिजो हामी नेकपा भएर एकीकृत भइसक्यौं,’ ओलीले भने, ‘तपाईंहरू पार्टीको कार्यकता हो कि प्रचण्डको घरेलु कार्यकर्ता ? प्रचण्डलाई घाँस हालेर के दिन्छन् ? मन्त्री दिन्छु भन्थे अहिले त त्यो पनि दिन छाडे । दुई महिना भइसक्यो अहिले मन्त्री पनि बनाएको छैन ।’
‘माओवादी केन्द्रमा नाममा प्रचण्डका साथमा जो हुनुहुन्छ, उहाँहरूलाई पार्टीमा फर्किन म आग्रह गर्न चाहान्छु, यो एकीकृत पार्टी हो,’ ओलीले थपे, ‘प्रचण्डलाई मैले ८-१० वटा मन्त्री त दिएको थिएँ नि, धेरै खाउँला भनेर गएको हेर त ?’
काठमाडौं । नेकपा एमालेका अध्यक्ष केपी शर्मा ओलीले माधव नेपालको आवश्यकता अब पार्टीलाई नरहेको प्रष्ट पारेका छन् । काठमाडौं जिल्ला कमिटीले आयोजना गरेको कार्यकर्ता भेलालाई सम्बोधन गर्दै ओलीले माधव नेपाललाई पार्टीमा आउनुस् भन्ने नेताहरूलाई नै प्रश्न गरे ।
ओलीले भने, ‘अझै पनि हाम्रा केही कमरेडहरूले माधव कमरेड आउनुस् भन्दै हुनुहुन्छ । फेरि किन आउने ? फेरि पार्टी फुटाउन ? माधव नेपालको आवश्यकता किन ? म बुझ्दिन । पार्टीमा छइन्जले माधव नेपालले कहिल्यै पार्टी र सरकारको पक्षमा बोलेको सुन्नुभयो ?’
सोही कार्यक्रममा अष्टलक्ष्मी शाक्यले माधव नेपालले लिएको बाटो गलत भएको भन्दै एमालेमै फर्किन आग्रह गरेकी थिइन् । ओलीले आफूले कसैको जवाफ दिन नचाहेको भन्दै बेला बेला यस्ता कुरा आउने गरेकाले जवाफ दिएको बताए ।
उनले भने, ‘आज कसैले यहाँ बोलेको रहेछ भने जवाफ दिएको जस्तो होला । तर, यो सवाल-जवाफ होइन । म घरमा थिएँ, कसैले बोलेको भए मैले सुनेको छैन । तर साथीहरुले बेला बेलामा भन्ने गरेका छन् । त्यसलाई जवाफ दिएको हो ।’
साढे ३ वर्षसम्म पार्टीमा गुटबन्दी गर्ने र पार्टीलाई सिध्याउने बाहेक कुनै काम नगरेको भन्दै ओलीले एमालेलाई सिध्याउन माधव नेपालले विपक्षीसँग साँठगाठ गरेको आरोप लगाए ।
ओलीले भने, ‘नराम्रो नभनौं, प्रतिक्रियावादी काम माधव नेपालजीको नेतृत्वमा भयो, यो पार्टी सिध्याउन उहाँले कुनै कसर बाँकी राख्नुभएन ।’
काठमाडौं । नेकपा एमालेका नेता तथा पूर्वगृहमन्त्री रामबहादुर थापा बादलले पार्टीभित्रका दक्षिणपन्थी र अदालतको परमादेशका कारण एमाले सत्ताबाहिर जानु परे पनि वर्ग संघर्षको माध्यमबाट फेरि राज्यसत्तामा आइपुग्ने दावी गरेका छन् ।
एमाले काठमाडौंले आयोजना गरेको कार्यकर्ता भेलालाई सम्बोधन गर्दै बादलले प्रचण्ड-माधवलाई दक्षिणपन्थीको संज्ञा दिदै उनीहरूले पुँजिवादीहरूको सहकार्यमा कम्युनिष्ट पार्टीको नेतृत्वलाई सरकारबाट अपदस्त गरेको बताए ।
बादलले भने, ‘आज राजनीतिक रूपमा हामी सत्ताबाहिर पुगेका छौं तर पार्टीभित्रका दक्षिणपन्थी विसर्जनवादीहरू पार्टीबाट अलग भएका छन् । हामी वर्ग संघर्षको माध्यमबाट एमालेको नेतृत्वमा पुनः सत्तामा आउनेछौं ।’
बादलले एमालेले आगामी चुनावमा सबै तहका सरकारको नेतृत्व लिइने भन्दै विचलित नहुन कार्यकर्तालाई आह्वान गरे ।
काठमाडौं । नेकपा एमालेकी उपाध्यक्ष तथा वागमती प्रदेशकी मुख्यमन्त्री अष्टलक्ष्मी शाक्यले माधव नेपाललाई एमालेमै फर्किन आग्रह गरेकी छन् ।
काठमाडौंको जिल्ला कार्यकर्ता भेलालाई सम्बोधन गर्दै शाक्यले आफूले लिएको विभाजनको बाटोको समीक्षा गर्न आग्रह गरेकी हुन् ।
केही दिनअघिसम्म माधव नेपालसँगै रहेकी शाक्यले भनिन्- ‘कमरेड माधव नेपालले लिएको बाटो सही छैन, किनभने यतिबेला फुटेको होइन जुटको राजनीति चाहिएको छ । सुदृढ एमालेको आवश्यकता छ । तपाईंले पनि बनाएको पार्टीमा फर्केर आउनुस्, सुदृढ एमाले बनाउन तपाईंका भूमिका आवश्यक छ । त्यो पंक्तिलाई अल्मल्याएर नराख्नुस् ।’
काठमाडौं । नेकपा एमालेकी उपाध्यक्ष तथा वागमती प्रदेशकी मुख्यमन्त्री अष्टलक्ष्मी शाक्यले काठमाडौंबाट सिंगो देशलाई पार्टी विभाजनविरुद्ध सन्देश दिइएको दावी गरेकी छन् ।
काठमाडौं जिल्ला कमिटीले आयोजना गरेको कार्यकर्ता भेलालाई सम्बोधन गर्दै शाक्यले देशको राजधानी र सबैभन्दा बढी निर्वाचन क्षेत्र रहेको काठमाडौंले एमालेमात्र नभएर एमालेबाहिरकालाई पनि एमाले झन् बलियो छ भनेर सन्देश दिइएको बताइन् ।
माधव नेपाललाई छाडेर एमालेमै बसेकी शाक्यले माओवादीसँग एकीकरणपछि तीन महिनाभित्र सबै कमिटीहरू बनाउने भनिए पनि त्यो नहुँदा पार्टी संगठन अस्तव्यस्त र अराजकतामा फसेको बताइन् ।
अदालतले फैसला गरेपछि आफूहरू एमाले हुन नपाउँदा जिन्दगीमा सबैभन्दा पीडा भएको सुनाउँदै १० बुँदे सहमतिले आफूहरू एमाले हुन पाउँदा सबभन्दा खुसी भएको शाक्यले बताइन् ।
शाक्यले भनिन्, ‘कमरेडहरू, हामी लामो समय बाहिर बस्नुपर्यो, एमाले हुन पाइएन, मेरो जिन्दगीमा सबैभन्दा पीडाको दिन थियो त्यो । कति रातभर सुत्न सकिन । अब हामी एमाले विभाजनविरुद्ध एकजुट बनौं । विगतमा जे भयो अब यस्तो कहिल्यै नहोस् ।’
शाक्यले अन्तरपार्टी निर्देशनलाई अक्षरस: पालना गर्दै सबै कमिटीलाई क्रियाशील बनाउनुपर्ने भन्दै नेतृत्वले ठूलो छाती बनाउनुपर्ने बताइन् । एमाले बलियो हुनुपर्छ भनिरहँदा नेतृत्वबीच पनि एकता हुनुपर्ने भन्द शाक्यले ओलीलाई फराकिलो छातीका साथ नेतृत्व गर्न आग्रह गरिन् ।
शाक्यले प्यानलगत चुनावले एमाले कमजोर भएको भन्दै अब कहिल्यै पनि प्यानल बनाएर चुनाव लड्न नहुने प्रस्ताव आफ्नो रहेको बताइन् ।
काठमाडौं । कमलादीस्थित प्रज्ञा भवनमा एमालेले वृहत कार्यकर्ता भेला गरेको छ । काठमाडौं जिल्ला कमिटीले आयोजना गरेको जिल्लास्तरीय विस्तारित प्रशिक्षणमा अध्यक्ष केपी शर्मा ओली, महासचिव ईश्वर पोखरेल, वागमती प्रदेश मुख्यमन्त्री अष्टलष्मी शाक्य, इन्चार्ज रामबहादुर थापा बादललगायतका नेताहरूले सम्बोधन गर्दैछन् ।
सर्वोच्चको परमादेशपछि सत्ताबाट बाहिरिएको र पछिल्लो समय पार्टी विभाजनको ‘चोट’ भोगेको एमालेले पार्टी विभाजनविरुद्ध सन्देश दिन देशका विभिन्न ठाउँमा कार्यकर्ता भेला, प्रशिक्षणलाई तीव्र पारेको छ । नेताहरूले विभाजनविरुद्ध एक भएको र एमालेले जनताको अभिमतले पुरानै वर्चश्वमा फर्काउने उद्घोषका साथ केन्द्रदेखि जिल्लासम्मका कार्यकर्तालाई एकत्रित गरिरहेको छ ।
काठमाडौं । नेकपा एमालेले काठमाडौंमा वृहत् कार्यकर्ता भेला गरेर पार्टी विभाजनविरुद्ध सन्देश दिन खोजेको छ । प्रज्ञा भवनमा जिल्ला कमिटी काठमाडौंले आयोजना गरेको कार्यक्रममा अध्यक्ष केपी शर्मा ओली, महासचिव ईश्वर पोखरेल, वागमती प्रदेश मुख्यमन्त्री अष्टलष्मी शाक्य, इन्चार्ज रामबहादुर थापा बादललगायतका नेताहरूले सम्बोधन गर्दैछन् ।
१० निर्वाचन क्षेत्र र ११ स्थानीय तह रहेको काठमाडौंमा एमालेको वर्चश्व छ ।
काठमाडौं । कानूनीरूपमा एमालेमै रहेका तर राजनीतिक रुपमा नेकपा एकीकृत समाजवादीमा सक्रिय भएका नेता सोमप्रसाद पाण्डेले पार्टी विभाजनको अन्तिम मध्यरातमा आफू बालकोटबाट फर्किँदा अब ‘एकताको लागि वातावरण बनाएर आउँछु’ भन्दै केपी ओलीसँग बिदा भएको खुलासा गरेका छन् ।
नेपाल प्रेससँग कुरा गर्दै प्रतिनिधिसभा सदस्य तथा एमालेका तत्कालीन केन्द्रीय सदस्य पाण्डेले भदौ ८ गते राति १ बजेसम्म आफू र रघु पन्त ओलीलाई मनाउन बालकोटमा बसेको बताए । माधव नेपाललाई पार्टीमै अड्याउन आफ्नो प्रयास सफल नभएपछि आफू एमालेमा नरहने जानकारी दिएर हिँडेको र अध्यक्ष ओलीले ‘त्यस्तो गल्ती नगर्न’ आफूलाई आग्रह गरेको पाण्डेले सुनाए ।
उनले भने, ‘हामी माधव नेपालको प्रतिनिधि भएरै तीनवटा प्रस्ताव लिएर गएका थियौं, राति १ बजेसम्म म बालकोटमै थिएँ र त्यसदिन निर्वाचन आयोगमा दल विभाजनका लागि गएको थिइन । तर, अन्तिममा मैले लौ मैले माधव नेपाललाई साथ दिनुपर्ने भयो, अब एकताको लागि वार्ता गर्न तपाईंसँग फेरि आउँछु भनेर हिँडेको हुँ ।’
के थिए त माधव नेपालका अन्तिम तीन सर्त ? नेपाल प्रेसको जिज्ञासामा पाण्डेले यसरी बुँदागतरूपमा सुनाए ।
१. माधव नेपालसहित १४ सांसदमाथिको कारवाही फिर्ताको पत्र भदौ ९ गते दिउँसो १ बजेसम्म संसद सचिवालयमा पठाउने
२. एमाले सम्पूर्णरूपमा जेठ २ मा फर्किने प्रतिबद्धता ओलीले मिडियाबाट बोल्ने
३. माधव नेपाललाई सम्मानजनक रूपमा पार्टीमा स्पेस दिन कुनै न कुनै परिभाषित जिम्मेवारी उल्लेख गर्ने (हस्ताक्षरसहितको)
पाण्डेले भनेका ओलीलाई भनेका थिए, ‘यी कुरा तपाईंले मान्नुस, माधव नेपाललाई मेरै गाडीमा हालेर ल्याउँछु र विभाजनबाट रोक्छु ।’
तर, अध्यक्ष ओलीले कारवाही फिर्ता नहुने भनेपछि आफू बिदा भएर हिँडेको तर पार्टी एकताको लागि वातावरण बनाएर आउँछु भन्दै बिदा भएको उनले जानकारी दिए ।
‘मलाई हिँड्ने बेलामा पनि उहाँले सोम कमरेड त्यो गल्ती (पार्टी छाड्ने) नगर्नुस् है भन्नुभएको थियो तर मैले माधव नेपाललाई साथ दिनुपर्ने भयो’ पाण्डेले अन्तिम रातको संवाद सुनाउँदै भने ।
एमाले विभाजन हुनुमा अध्यक्ष केपी ओलीभन्दा पनि दोस्रो तहका केही नेता र माधव नेपाल पक्षका पनि दोस्रो पुस्ताका दुई तीन जना नेताको भूमिका रहेको आरोपसमेत पाण्डेले लगाए ।
पाण्डे एकताको पक्षमा लागेकै कारण दल विभााजनको निवेदनमा उनको हस्ताक्षर थिएन । त्यहीकारण भदौ ९ गते सनाखतका लागि जाँदा निर्वाचन आयोगले उनको सनाखत लिएन ।
पाण्डे र राष्ट्रियसभा सदस्य शारदा भट्ट नेकपा एसमा जान पाउँ भनेर अदालत गए । अदालतले उनीहरूलाई नेकपा एस रोजेका आधारमा कुनै कारवाही नगर्न अन्तरिम आदेश दिएको छ ।
तर, मुद्दाको फैसला नहुन्जेल उनीहरूमाथि कारवाही गर्नमात्र रोकेको तर उनीहरूको हैसियत साविककै दलको हुने सर्वोच्चकै अधिकारीहरुले बताएका छन् ।
काठमाडौ । नेकपा एमालेका अध्यक्ष केपी शर्मा ओलीले नेकपा एसका अध्यक्ष माधवकुमार नेपालको कटु आलोचना गरेका छन् । बुटवलमा आयोजित कार्यकर्ता भेलामा बोल्दै ओलीले नेपाललाई ‘कामरेड’ भन्न नसकिने बताए ।
एमालेलाई फुटाएर नेपालले विरोधी पक्षको पछिपछि कुदेको ओलीको आरोप थियो ।
उनले भने, ‘मलाई साथीहरूले माधव कामरेड भन्नुस् भन्नुहुन्छ ? कसरी कामरेड भन्नु ? एमालेमाथि बन्चरो हान्नेलाई कामरेड भन्छन् ? एमाले चोइट्याउनेलाई कामरेड भन्छन् ? माधव नेपाल कामरेड होइन, एमालेविरोधी, अपराधकर्म गर्ने मान्छे हुन् । प्रतिक्रियावादीको सेवा गर्ने कठपुतलीवाला सरकार बनाउने अगुवा हुन् ।’
ओलीले अगाडि थपे, ‘शेरबहादुर देउवाको पछिपछि लखरलखर गर्ने मान्छेलाई कामरेड भन्न मिल्दैन । जो पार्टी ध्वस्त गर्न लागेको छ, त्यो कामरेड हुँदैन ।’
नेपालले एमाले नेतृत्वको सरकार छँदा सँधै असहयोग गरेको ओलीले गुनासो गरे ।
‘हाम्रो नेतृत्वको सरकारले राम्रो काम गर्दा माधव नेपालले कहिल्यै सरकारको समर्थन गरेको सुन्नुभयो ? सरकारको प्रशंसामा एक शब्द बोलेको सुन्नुभयो ? यस्तो कुन्ठाग्रस्त मान्छेलाई तपाईंहरू कसरी कामरेड भन्नुहुन्छ ?’, ओलीले भने ।
काठमाडौं । प्रमुख प्रतिपक्ष नेकपा एमालेले गठबन्धन सरकार सत्तास्वार्थमा अलमलिँदा सरकारी खर्च व्यवस्थापनमा गम्भीर संकट उत्पन्न भएको बताएको छ ।
बजेट पारित गर्ने प्रमुख दायित्व रहने वर्षे अधिवेशन बजेट अध्यादेश अलपत्र पारेर हठात अन्त्य गरिएको टिप्पणी गरेको छ । एमाले महासचिव ईश्वर पोखरेलद्वारा जारी विज्ञप्तिमा भनिएको छ, ‘यतिबेला सरकार प्रतिपक्षको अवरोधका कारणले बजेट समयमा पारित नभएको जस्तो गरी भ्रम सिर्जना गरिरहेको छ ।’
प्रतिनिधिसभाको बैठक शुरू भएको लामो समयसम्म सरकारका लागि बजेट प्राथमिकताको विषय नै नबनेको भन्दै एमालेले यसबीचमा प्रतिपक्षी दललाई षड्यन्त्रपूर्ण ढंगले विभाजन गर्नका लागि अध्यादेश ल्याउने प्रयोजनका लागि संसद अधिवेशन स्थगित गरिएको आरोप लगाएको छ ।
‘दल विभाजनसम्बन्धी अध्यादेश जारी हनपर्व नै प्रतिपक्षी दलका सांसदहरूमाथि गरिएको कारवाहीको सूचना प्रकाशित नगरी दल विभाजनलाई प्रोत्साहन दिने काम सभामखका तर्फबाट भयो । सरकार र सभामुखका तर्फबाट भएका अनचित र गैरकानूनी कार्यका कारणले नै प्रतिनिधिसभामा असहज स्थिति सिर्जना भएको छ’, विज्ञप्तिमा भनिएको छ, ‘यतिबेला हाम्रो पार्टी नेकपा (एमाले) सभामुखबाट भएको पदीय मर्यादाविपरीतको अनुचित कार्यका विरुद्धमा आफ्नो असहमति र विरोध प्रकट गर्दै आइरहेको छ । तर समाभुख र सरकारको तर्फबाट प्रतिपक्षको सहमतिबिना नै संसदको काम कारवाही अघि बढाउने काम भइरहेको छ । आफूलाई ईच्छा लागेको विजनेश स्वेच्छाचारी ढंगले अघि बढाउने सरकारले भदौ ३० भित्र बजेट पारित गरिसक्नुपर्ने विषय विर्सेझै हाउस असोज ४ गते किन सारियो ? यसको जवाफ यो गैरजिम्मवार सरकारले दिनुपर्छ । यो, नभएका काम जति सबैको दोष प्रतिपक्षमाथि थोपर्न खोज्ने सुतुरमुर्ग चाल मात्र हो ।’
आर्थिक वर्ष सुरु भएको लामो समय गुज्रिसकेको समयमा प्रतिस्थापन विधेयकको तयारीका नाममा सरकारले अनावश्यक समय गुजारेका कारण आजको वित्तीय संकटको परिस्थिति सिर्जना हुन पुगेको एमालेको निष्कर्ष छ । प्रतिस्थापन विधेयकले बजेटरी सिद्धान्त र वित्तीय अनुशासनलाई समेत उल्लंघन गरेको भन्दै विकास बजेटमा कटौती गर्ने र अनुत्पादक क्षेत्रमा खर्च वृद्धि गर्ने गलत बाटो अवलम्बन गरेको विज्ञप्तिमा उल्लेख छ ।
एमालेले निर्वाचन क्षेत्रस्तरीय रणनीतिक सडक र पालिका जोड्ने पहुँच मार्गलगायतका १४०० भन्दा बढी सडक आयोजना कटौती गरेर सरकारले गैरजिम्मेवापूर्ण काम गरेको बताएको छ ।
विराटनगर । प्रदेश १ का मुख्यमन्त्री भीम आचार्यले आजै मन्त्रिपरिषद् विस्तार गर्दैछन् । साँझ ५ बजे नयाँ मन्त्रीहरूको सपथग्रहण हुन लागेको बताइएको छ ।
एमाले स्रोतका अनुसार संखुवासभाबाट निर्वाचित प्रदेशसभा सदस्य तुलसीप्रसाद न्यौपाने र झापाका हिराकुमार थापालाई मन्त्री बनाउने तयारी छ ।
त्यस्तै मोरङका ज्ञानेश्वर राजवंशी,उदयपुरकी अम्बिका थापा,सोलुखुम्बुका उत्तम बस्नेत, मोरङका लिलाबल्लभ अधिकारीलगायतलाई राज्यमन्त्री बनाउनेबारे छलफल भएको र केहीको नाम टुंगो लाग्दैछ ।
यसैबीच प्रदेशसभाको अधिवेशन असोज २२ मा बोलाइएको छ ।
बुटवल । नेकपा एमालेका उपमहासचिव तथा पूर्वउपप्रधानमन्त्री विष्णु पौडलले प्रचण्ड र माधव नेपालले शुरूमा नेकपा र त्यसपछि एमाले कब्जा गर्न असफल भएपछि कांग्रेसको पछि लागेको टिप्पणी गरेका छन् ।
बुटवलमा आयोजित कार्यकर्ता भेलालाई सम्बोधन गर्दै पौडेल माधव नेपालप्रति आक्रामकरूपमा प्रस्तुत भएका थिए । उनले नेकपा एसमा लागेकाहरूलाई माधव नेपालमार्फत कांग्रेसको सेवा गर्नुभन्दा सीधै कांग्रेसमा प्रवेश गर्न वा एमालेमा फर्किन सुझाव दिए ।
पौडेलले एमाले विभाजनको प्रयास असफल भएको भन्दै माधव नेपाल लगायतका केही स्वार्थी र महत्वाकांक्षी व्यक्तिहरू कांग्रेसतिर लागेको आरोप लगाए । उनले रुपन्देहीमा पार्टी विभाजनको पक्षमा कोही पनि नरहेको दावी गरे ।
पौडेलले छिट्टै मुलुक चुनावमा जान लागेको भन्दै एमाले आफ्नो हैसियतसहित सत्तामा आउने बताए । केही समय आफ्नै पार्टीभित्रका स्वार्थीहरूका कारण प्रतिपक्षमा बस्नु परे पनि एमालेले आफ्नो हैसियत देखाउने दावी गरे ।
तत्कालीन नेकपाका महासचिव पौडेलले प्रचण्ड-माधवले आफ्नो सरकार ढाल्न र पार्टी फुटाउन अध्यक्ष केपी ओली र आफूसहितलाई साधारण सदस्यबाट निष्कासन गरेको सम्झिदै कब्जा गर्न नसकेपछि कांग्रेसको पछि लाग्न तयार भएको बताए ।
पौडेलले भने, ‘उनीहरू पार्टी फुटाएर सत्तामा जान खोजे । एमालेमा डेढ दशक मुख्य नेतृत्व गरेका र प्रधानमन्त्री भएका माधव नेपालले प्रचण्डको साथ लिएर पार्टी कब्जा गर्न खोजे । उनीहरु नसकेपछि आफैं बाहिरिएका छन्, यसले केही असर गर्दैन ।’
पौडेलले फागुन २३ को फैसलापछि पनि नेकपा एकता गरौं भन्दा प्रचण्ड तत्कालीन माओवादीका केही झुण्डलाई लिएर अलग भएको आरोपसमेत लगाए । उनले माओवादी आन्दोलनको मूलधार केपी अोली नेतृत्वकै पक्षमा रहेको र एमालेमै समाहित भएको बताए ।
एक्लै चुनाव लड्ने क्षमता प्रचण्ड माधव र कांग्रेसमा नरहेको भन्दै उनले सबै मिलेर बनेको गठबन्धनलाई परास्त गरिने र माधव नेपालको पार्टीले एक सिट जित्नु त परै जावस्, कुनै एक क्षेत्रमा जमानत पनि जोगाउन नसक्ने दावी गरे ।
रुपन्देहीबाटै निर्वाचित नेता पौडेलले अघिल्लो स्थानीय चुनावमा कांग्रेस र माआवादी मिलेर लड्दा पनि एमालेले जितेको भन्दै आउने चुनावमा ५ वटै निर्वाचन क्षेत्र र १६ वटा स्थानीय तहमा जिताउनेगरि लाग्न कार्यकर्तालाई निर्देशन दिए ।
बुटवल । नेकपा एमालेका उपमहासचिव घनश्याम भुसालले एमाले जिम्मेवार भूमिकामा रहनु पर्ने भन्दै मात्तिने छुट नभएको बताएका छन् । अध्यक्ष केपी ओली उपस्थित रुपन्देहीको कार्यकर्ता भेलालाई सम्बोधन गर्दै भुसालले एमालेको भूमिका जिम्मेवार हुनुपर्ने बताए ।
डेढ वर्षअघिको नेकपालाई सम्झिँदै भुसालले आज नेकपामात्र होइन एमालेसमेत विभाजित भएकोले लोकतान्त्रिक स्थिरता हुन्छ भन्ने जनताको विश्वासमा खेलवाड भएको बताए ।
भुसालले भने, ‘हामी आज हामी कहाँ छौं ? एमालेसमेत विभाजित भएको छ । डेढ वर्ष अगाडि हामी त्यहाँ थियौं आज यहाँ छौं । आज पनि एमाले सबै भन्दा ठूलो पार्टी भएकाले कमजोरी गर्ने र उत्ताउलो हुने छुट हामीलाई छैन ।’
एमालेले आफैंभित्र पनि हरबखत न्याय र समानता कायम गर्न सक्नु पर्ने भन्दै भुसालले आन्तरिकरूपमा लोकतान्त्रिक हुन नसके मुलुकको नेतृत्व गर्न नसक्ने बताए । जति बढी कार्यकर्तालाई न्याय र समानता दिन सक्छौं त्यति नै मुलुक र जनतालाई न्याय गर्न सकिने भन्दै भुसालले एमालेभित्र कुनै व्यक्तिको पदभन्दा पनि अधिकार मागिएको बताए ।
भुसालले गौतम बुद्धको पालाका लुम्बिनी क्षेत्रकै राजा अजात शत्रुले बज्जिकामाथि आक्रमण गर्नुभन्दा पहिले बुद्धसँग सल्लाह लिएको उदाहरण दिँदै बज्जिकाहरू एकजुट भएर शत्रुमाथि आक्रमण गर्ने र कसैले परास्त नगर्ने जानकारी पाएपछि आक्रमणबाट पछि हटेको कथा सुनाए ।
उनले भने, ‘बुद्धकै पालादेखि गणराज्यको कुरा थियो । बज्जिकाहरुमा आन्तरिक लोकतन्त्र भएकाले जस्तासुकै ठूला शक्तिलाई पनि झुकाए । हामी पनि आन्तरिक लोकतन्त्र बलियो बनाउँदै गयौं भने यो धर्तिमा, यो मुलुकमा एमालेलाई हराउने शक्ति छैन, हामी फेरि पनि २०७४ सालकै वर्चश्वमा फेरि पनि फर्काउँछौं । हामीले जान खोजेको त्यसरी नै हो ।’
बुटवल । नेकपा एमालेका स्थायी कमिटी सदस्य टोपबहादुर रायमाझीले एमाले र केपी ओलीविरुद्धको महागठबन्धनलाई चुनावबाटै परास्त गर्ने बताएका छन् ।
बुटवलमा आयोजित एमाले कार्यकर्ता भेलालाई सम्बोधन गर्दै रायमाझीले प्रचण्डले नेकपा विभाजन गरेर हिँडेकाले आफूहरू मूल नेतृत्व केपी ओलीलाई नै मानेर एकतामा बसेको बताए ।
रायमाझीले भने, ‘पार्टी एकतालाई व्यक्तिगत फाइदाको लागि उपयोग गर्न खोज्नुभयो । अनावश्यकरूपमा खिचलो सिर्जना गरेर फुटाउने कुचेष्टा गर्नुभयो । हामीले अन्तिमसम्म ओलीको नेतृत्वमा पार्टीलाई एकताबद्ध राख्न खोज्यौं तर उहाँहरूको नियत ठीक नभएकाले नेकपा छाडेर भाग्नुभयो ।’
पूर्वमाओवादी समूहका नेता रायमाझीले केपी ओलीले समृद्धिको नेतृत्व गरेका कारण आफूहरू प्रचण्डसँग जान नसकेको भन्दै ओली र एमालेविरुद्धको महागठबन्धनलाई परास्त गरिने बताए ।
रायमाझीले भने, ‘सूर्य र गोलाकारभित्रको हँसिया हथौडाबाट चुनाव लडेर जित्ने अनि रुख चिन्हको नेतालाई प्रधानमन्त्री बनाउन हिँड्नेहरूले ऐतिहासिक भूल गरेका छन् । कांग्रेसको पुच्छर भएर हिँडेकाहरूले समाजवादको कुरा गर्न सुहाउँदैन ।’
रायमाझीले आफ्नै बुतामा चुनाव लडेर जित्ने हिम्मत नभएपछि कांग्रेसको सहारा खोज्न प्रचण्ड माधव हिँडिरहेको आरोप लगाए ।
चितवन । नेकपा एमाले चितवनले २०७५ जेठ २ को अवस्थामा जिल्ला कमिटीलाई लैजान कसरत तीव्र पारेको छ । जिल्ला इञ्चार्ज काशिनाथ अधिकारीले गृहकार्य भैरहेको बताए । ‘विवाद छैन, कमिटी कति सानो-ठुलो बनाउने भन्नेमा बहस चलिरहेको छ’, उनले भने, ‘नेतृत्वका सवालमा विवादनै छैन ।’
एमाले नेता तथा प्रतिनिधिसभा सभा सदस्य कृष्णभक्त पोखरेलले आफ्नै अध्यक्षतामा बैठक बसेर पार्टी जेठ २ को अवस्थामा लगिने बताउँदै आएका छन् । २०७३ कार्तिक ९ मा पोखरेल जिल्ला अध्यक्षमा निर्वाचित भएका थिए । एमाले-माओवादी एकिकरण पश्चात नेकपा बनेपछि उनी जिल्ला सचिव बनेका थिए । नेता पोखरेलले १० बुँदे सहमति कार्यान्वयनकै चरणमा रहेकाले केहि दिन लम्बिएको दाबी गर्छन् । ‘२८ गते गृहकार्य नपुगेर असोज ५ मा जिल्ला कमिटीको बैठक राख्दैछौँ’, उनले भने, ‘छलफलमै छौँ, विवादरहित जिल्ला कमिटी बन्नेछ ।’ जिल्लाभित्र वडातहसम्म एकताको सन्देश दिन जिल्ला अध्यक्ष बनेरै काम गर्ने अडानमा उनी छन् ।
तर, नेकपा एस छाडेर तटस्थ बसेका तेजेन्द्रबहादुर खड्का अध्यक्ष पदको खोजीमा छन् । उनी ओली समूहका नेतालाई हराएर उपाध्यक्षमा निर्वाचित व्यक्ति हुन् । २०७३ को जिल्ला अधिवेसनबाट ३ जना ओलीपक्षका र ८१ जना जना माधव पक्षका नेताहरु जिल्ला नेतृत्वमा निर्वाचित बनेका थिए ।
नेपाल-खनाल समूहको राम्रो पकड मानिएको चितवनमा पूर्वअर्थमन्त्री सुरेन्द्र पाण्डे र कानुन न्याय तथा मानवअधिकार समितिका सभापति कृष्णभक्त पोखरेलले माधव समूह छाडेर एमालेमै बसेपछि त्यसको फाइदा एमालेलाई पुगेको छ । २ जना प्रदेश सांसद र केही वडाध्यक्षबाहेक चितवनका जनप्रतिनिधि सबै एमालेमै छन् । तर, ओली पक्षीय नेताहरुलाई मनाउन माधव पक्ष त्यागेर आएको जिल्ला नेतृत्वलाई सजिलो छैन ।
नेकपाभित्रको किचलोपछि नेपाल-खनाल समूहबाट तत्कालिन जिल्ला उपाध्यक्ष तेजेन्द्रबहादुर खड्का र ओली समूहबाट तत्कालिन जिल्ला सचिव पार्वती रावलले कमिटीहरु बनाएका थिए । चैत ७ देखि पोखरेल माधव समूह छाडेर पार्टी एकताको पक्षमा सक्रिय छन् । खड्का भदौ २५ मा नेकपा एसको जिल्ला नेतृत्व लिन छाडेर पर्ख र हेरको स्थितिमा छन् ।
ओली समूहबाट जिल्ला सचिवमा निर्वाचित राष्ट्रिय सभा सदस्य पार्वती रावल ओली विरुद्ध आफ्नै नेताहरु आलोचक बनेर बिरोध गर्दा जिल्ला सम्हालेर बसेकी थिइन् । ५ वर्षको यो अवधिमा पोखरेल, खड्का र रावलले अध्यक्षको अनुभव संगालेका छन् । तीनै जना अध्यक्षमा आँफु भए संगठन बलियो बन्ने, एकताको सन्देश राम्रो जाने भन्दै सो पदको दाबी गरेको स्रोतको दाबी छ ।
नेता पोखरेल सांसद बनेका बेला एकिकरणपूर्व खड्काले कार्यवाहक अध्यक्षको जिम्मेवारी पाएका थिए । बादल समूहका नेताहरु पनि सम्माजनक जिम्मेवारीको पर्खाईमा छन् । बादल समूहका नेता प्रकाश खनाल शैलेशले आँफु जिल्ला अध्यक्षको दाबी नगर्ने बताउँछन् ।
‘सहमति कार्यान्वयनको पक्षमा छौँ, एकताका प्रक्रिया र जेठ २ दुबै अवस्था लागु होस्’, उनले भने, ‘अध्यक्ष बन्नुपर्छ भन्ने दाबी विरोध छैन, तर एकता पक्षीयलाई सम्मानजनक जिम्मेवारी दिनुपर्छ ।’ पूर्वगृहमन्त्री रामबहादुर थापा (बादल) समूहका करिब २८ जना नेताहरु नेकपा जिल्ला कमिटीमा थिए ।
बादल पक्षीय नेता प्रकाश खनाल शैलेशलाई फागुन ५ मा सचिवको जिम्मेवारी दिइएको थियो । जगन्नाथ आचार्य र बाबुराम खरेल एमाले प्रदेश कमिटी सदस्य बने । ओली पक्षले एमाले चितवनको ६ सय १ सदस्यीय जिल्ला कमिटी बनाएको थियो । तर, २०७३ मा जिल्ला कमिटी ९६ सदस्यीय थियो । शैलेशलाई सचिव पदमै राख्ने वा अन्य जिम्मेवारी दिएर मनाउने भनेर ओली पक्षका नेताहरु सक्रिय छन् ।
