दिल्ली । भारतका लागि नेपाली राजदूत निलाम्बर आचार्य र सत्तारुढ भारतीय जनता पार्टीको विदेश विभाग प्रमुख विजय चौंथाइवालेबीच विहिबार भेटवार्ता भएको छ ।
दूतावासमा आयोजित भेटमा नेपाल र भारतबीचको विविध आयाममा केन्द्रित रहेको नेपाली दूतावासले जनाएको छ ।
साथै, कोभिड-१९ महामारी नियन्त्रणका लागि आवश्यक सहयोगबारे छलफल भएको समेत जनाइएको छ ।
काठमाडौं । भारतका लागि नेपाली राजदूत निलाम्बर आचार्यलाई भेटेको भोलिपल्ट भारतको लोकसभाका सभामुख ओम बिरलालाई कोरोनाभाइरस संक्रमण पुष्टि भएको छ ।
दिल्लीको अल इन्डिया इन्स्टिच्युट अफ मेडिकल साइन्स (एम्स)ले एक विज्ञप्ती जारी गर्दै बिरलालाई संक्रमण भएको जनाएको हो ।
शुक्रबार गरिएको परिक्षणमा बिरलालाई संक्रमण पुष्टि भएको हो । त्यसको एकदिनपछि उहाँलाई एम्सको कोभिड वार्डमा भर्ना गरिएको हो । बिरलाको स्वास्थ्य अवस्था भने सामान्य रहेको एम्सले जनाएको छ ।
राजदूत आचार्यले आफ्नो स्वास्थ्य अवस्था सामान्य रहेको र संक्रमणको कुनै लक्षण नदेखिएको बताएका छन् । विरलालाई संक्रमण पुष्टि हुनासाथ आफू क्वारेन्टाइनमा बसेको राजदूत आचार्यले जानकारी दिए ।