काठमाडौं । सरकारले प्रतिबन्ध फुकुवा गरेपछि रिहा भएका विप्लव समूहका नेता धर्मेन्द्र बास्तोलाले महासचिव नेत्रविक्रम चन्दलाई भेटेका छन् । धर्मेन्द्र चन्दपछिका दोस्रो तहका नेता हुन् ।
सरकारसँग वार्तामा तीन बुँदे सहमति भएसँगै सार्वजनिक हुन काठमाडौं आइपुगेका विप्लवलाई भेट्न धर्मेन्द्र काभ्रेबाट सीधै काठमाडौं आएका हुन् ।
विप्लव केही बेरअघि काठमाडौं आइपुगेका छन् । नवलपरासीबाट आएर सामाखुसी बसेका विप्लवलाई सरकारसँगको वार्ता टोलीका संयोजक खड्गबहादुर विश्वकर्मा ‘प्रकाण्ड’,उदय चलाउने ‘दीपक’ ले पनि भेटेका छन् ।
केहीबेरपछि सरकारसँग भएको सहमतिमा हस्ताक्षर गर्दै विशेष समारोहमा प्रधानमन्त्री केपी शर्मा ओली र विप्लवले एकै मञ्चबाट सम्बोधन गर्दैछन् ।
तस्बिर : प्रकाश डुम्रे
