Tag: दुर्घटना

पाल्पा । पाल्पाको रामपुर नगरपालिका –३ ओईरीघाटस्थित भित्री कच्ची सडक खण्डमा स्कुटर दुर्घटना हुँदा चालकको मृत्यु भएको छ ।

रामपुरको लाम्टाङ भन्ने ठाउँबाट ओरीघाटतर्फ आउँदै गरेको लुम्बिनी प्रदेश ०९–००४ प ८०३९ नम्बरको स्कुटर दुर्घटना हुँदा स्कुटरका चालक सोही ठाउँका ७५ वर्षीय पदमबहादुर ठाडा मगरको मृत्यु भएको हो ।

स्कुटर आफै अनियन्त्रित भई दुर्घटना हुँदा चालक ठाडा घाइते हुनु भएको थियो । घाइते ठाडालाई स्थानीयले उद्धार गरी उपचारको लागि रामपुर अस्पताल पठाए पनि उनको बाटोमै मृत्यु भएको जिल्ला प्रहरी कार्यालय पाल्पाले जनाएको छ ।

घटनाको विषयमा थप अनुसन्धान भइरहेको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक सुनिल मल्लले जानकारी दिनुभयो ।

आज नयाँ वर्षको नाममा मादक पदार्थ सेवन र लागूपदार्थ सेवनको कारण दुर्घटना हुन सक्ने भएकोले ठाउँ ठाउँमा सवारी चेक जाँच र प्रहरी गस्ती बढाएको पाल्पाका प्रमुख जिल्ला अधिकारी तोयनारायण सुवेदीले बताए ।

काठमाडौं । काठमाडौंको पेप्सीकोलामा मोटरसाइकल दुर्घटना हुँदा दुईजनाको मृत्यु भएको छ । गुडिरहेको मोटरसाइकल बिजुलीको पोलमा ठोकिएर भएको दुर्घटनामा ओखलढुंगाको सुनकोसी गाउँपालिका–६ का कमल आलेमगर र गोपाल आलेमगरको मृत्यु भएको बताइएको छ ।

आज बिहान करिब ५ बजे उक्त दुर्घटना भएको थियो । दुर्घटनामा घाइते भएका उनीहरुको ट्रमा सेन्टरमा उपचारका क्रममा निधन भएको प्रहरीले जनाएको छ ।

सल्यान । सल्यानमा आज बिहान जीप दुर्घटना हुँदा एक जनाको मृत्यु भएको छ। अर्का एक सामान्य घाइते छन्।

शारदा नगरपालिका १ दारिमचौरका १७ वर्षका नारायण वलीको दुर्घटनामा परेर मृत्यु भएको प्रहरीले जनाएको छ।

दारिमचौरबाट श्रीनगरतर्फ जाँदै गरेको भे १ ज ३३६ नम्बरको जिप घुम्तीबाट १५ मिटर तल खसेको थियो।

दुर्घटनामा गम्भीर घाइते भएका नारायणको उपचारका क्रममा श्रीनगरस्थित अस्पतालमा मृत्यु भएको प्रहरीको भनाइ छ।

उक्त जिपका चालक २१ वर्षका थलराज वली हुन्। दुर्घटनामा उनी पनि घाइते छन्। मृत्यु भएका नारायण उनका भाइ हुन्।

प्रहरी नायब उपरीक्षक सुमित खड्काका अनुसार दुर्घटनामा भाइको मृत्यु र चालकसमेत रहेका दाजु सामान्य घाइते छन्। चालकलाई प्रहरीले नियन्त्रणमा लिएको छ। दुर्घटनाको कारण खुलेको छैन।

रूकुम पश्चिम । रूकुम (पश्चिम)को आठबिसकोट नगरपालिका–६ मनकाबगरमा नम्बर नखुलेको अनटेष्ट लेखिएको ट्रक दुर्घटना हुँदा एक जनाको मृत्यु भएको छ ।

मृत्यु हुनेमा ट्रकमा सवार सुर्खेत बराहाताल गाउँपालिका–३ बस्ने २६ वर्षीय  नीरज बिष्ट रहेका छन् । उनको घटनास्थलमै मृत्यु भएको प्रहरीले जनाएकाे छ ।

आइतबार राती ट्रक सडकबाट अन्दाजी १ सय मिटर तल भेरी नदीमा खसेको र दुर्घटनामा ट्रकमा सवार २ जना घाइते भएका छन् भने बेपत्ता भएका १ जनाको खोजी भईरहेको प्रहरीले जनाएको छ ।

काठमाडौं । रुपन्देही र चितवनकाे  छुट्टाछुट्टै स्थानमा भएका मोटरसाइकल दुर्घटनामा दुईजनााको मृत्यु भएको छ ।

रुपन्देहीको तिलोत्तमा नगरपालिका–६ नयाँमिलचोकमा बिहीबार राति मोटरसाईकलबाट खसेर मोटरसाईकलमा पछाडि सवार तिलोत्तमा नगरपालिका–१५ पत्थरडाँडाका २३ वर्षीय जित बहादुर थापाकाे मृत्यु भएकाे छ ।

उनको बुटवल स्थित लुम्बिनी प्रादेशिक अस्पतालमा उपचारको क्रममा गएराती पौने १ बजे मृत्यु भएको प्रहरीले जनाएको छ । गएराती १२ बजे बुटवलबाट भैरहवातर्फ जाँदै गरेको नम्बर नखुलेको मोटरसाईकलबाट थापा खसेका थिए ।

दुर्घटना पश्चात मोटरसाईकल सहित चालक फरार रहेकाले खोजी भईरहेको ईलाका प्रहरी कार्यालय मंगलापुर रुपन्देहीले जानकारी दिएको छ ।

यस्तै चितवनको भरतपुर महानगरपालिका–५ यज्ञपुरी चोकमा बिहीबार राति मोटरसाइकल दुर्घटना हुँदा चालकको मृत्यु भएको छ । मृत्यु हुनेमा भरतपुर–१६ का २४ वर्षीय आरजब दराई रहेका छन् ।

दुर्घटनामा गम्भीर घाइते दराईको भरतपुर स्थित कलेज अफ मेडिकल साईन्स अस्पतालमा उपचारको क्रममा राती ११ बजे मृत्यु भएको प्रहरीले जनाएको छ ।

गएराती पौने ११ बजे चितवनकै चौबिसकोटीबाट रामपुरतर्फ जाँदै गरेको बागमती प्रदेश ०६ ००१प ४७८८ नम्बरको मोटरसाईकल अनियन्त्रित भएर पल्टिएको वडा प्रहरी कार्यालय नारायणगढ चितवनले जानकारी दिएको छ ।

रुपन्देही । मंगलबार बिहान बुटवलमा मोटरसाइकल दुर्घटना हुँदा दुईजनाको मृत्यु भएको छ भने एकजना घाइते भएका छन् । तीन जना चढेको लु ६० प ३६५२ नम्बरको मोटरसाइकल बुटवल उपमहानगरपालिका–१२ मिलनपार्कमा बिहान चार बजे अनियन्त्रित भएर पल्टिंदा दुईजनाको मृत्यु भएको हो ।

मोटरसाइकलमा पछाडि सवार गैडहवा गाउँपालिका ९ हात्तीबजारका २० वर्षीय प्रेम रुचाल र सोही ठाउँका २० वर्षीय राहुल थापाको मृत्यु भएको जिल्ला प्रहरी कार्यालय रुपन्देहीका प्रवक्ता नवरत्न पौडेलले बताए ।

दुवैजनाको उपचारको क्रममा बुटवलस्थित लुम्बिनी प्रादेशिक अस्पतालमा मृत्यु भएको प्रहरीले जनाएको छ । दुर्घटनामा गम्भीर घाइते भएका मोटरसाइकल चालक रुपन्देहीकै २१ वर्षीय विमल रानाको सोही अस्पतालमा उपचार भइरहेको छ ।

दाङ । दाङको चिसापानीमा जन्ती बोकेको जीप दुर्घटना हुँदा २२ जना घाइते भएका छन् । घाइतेमध्ये तीन जनाको अवस्था गम्भीर छ । घाइते सबैको लमहीमा उपचार भइरहेको छ ।

भारत उत्तर प्रदेशको शङ्करपुरबाट दाङको राजपुर खरदरियामा दुलही लिन आउँदै गरेको जीप गढवा गाउँपालिका वडा नम्बर–५ चिसापानीमा दुर्घटना भएको जिल्ला प्रहरी कार्यालय दाङले जानकारी दिएको छ ।

कैलाली । कैलालीमा मोटरसाइकल दुर्घटना हुँदा एकजनाको मृत्यु भएको छ । शनिबार साँझ करिब साढे ८ बजे धनगढी उपमहानगरपालिका– १६ पथरीस्थित गोकंनरी खोलाको पुलमा मोटरसाइकल दुर्घटना हुँदा ४० वर्षीय ऐतवारी रानाको मृत्यु भएको हो ।

३८ वर्षीय राजेश रानाले चलाएको सूपप्र ०१ ००९ प ५९७९ नम्बरको मोटरसाइकल अनियन्त्रित भइ पल्टिँदा घटनास्थलमै रानाको मृत्यु भएको जिल्ला प्रहरी कार्यालय कैलालीले जनाएको छ ।

रूपन्देही । पाल्पाको निस्दी गाउँपालिका- ७ मा भएको टिपर दुर्घटनामा दुईजनाको मृत्यु भएको छ ।

मृत्यु हुनेमा नवलपरासीको सुनवल नगरपालिका-३ का ४५ वर्षीय तुफानी कुँवर योगी रहेको जिल्ला प्रहरी कार्यालय पाल्पाले जनाएको छ ।
सर्दीबाट भुटुके जाँदै गरेको प्र २-०-३००१ ख ४६६९ नम्बरको खाली टिपर स्टार्ट बन्द नगरी चालक गाडीबाट झरी पछाडि हेर्ने क्रममा सोही गाडी ब्याक भइ अर्कौ गाडीमा च्यापेको थियो ।

सोही गाडी पछाडी रोकी राखेको ग २ ख ३६१ नं को टिपरको बीचमा च्यापिदा उनको टाउको फुटेर मृत्यु भएको जिल्ला प्रहरी कार्यालय पाल्पाका प्रहरी निरीक्षक लक्ष्मण पचभैँयाले बताए।

त्यसैगरी पाल्पाको रामपुर ५ बेझाडमा ट्याक्टरको ट्रली मर्मत गर्ने क्रममा एकजनाको मृत्यु भएको छ। मृत्यु हुनेमा सर्लाही इसरापुरका जय किसान चौधरीका छोरी मुन्न चौधरी छन् ।

हाइड्रोलिक पाइप मर्मत गर्ने क्रममा अचानक ट्रली झरेर लाग्दा घाइते भएकोमा उनको उपचारका लागि रामपुर अस्पताल लगिएकोमा चिकित्सकले मृत्यु भएको जानकारी दिए ।

सुर्खेत । सुर्खेतमा छुट्टाछुट्टै दुर्घटनामा परी दुईजनाको मृत्यु भएको जिल्ला प्रहरी कार्यालय सुर्खेतले जनाएको छ ।

सुर्खेत–जुम्ला सडकको बाङ्गेसीमलदेखि गिरीघाटतर्फ जाँदै गरेको भे १ ह ८४४, नम्बरको अटो रिक्सा अनियन्त्रित भइ दुर्घटना हुँदा वीरेन्द्रनगर– १ की ४४ वर्षीया जमरा शाहीको निधन भएको छ । उनको उपचारका क्रममा निधन भएको प्रहरीले जनाएको छ ।

यस्तै, वीरेन्द्रनगर नगरपालिका वडा नम्बर ५ र ७ को सिमाना खारखोेलीमा मोटरसाइकल खोलामा खस्दा दैलेखको महाबु गाउँपालिका– ५ घर भएका २३ वर्षीय मनोजसिंह ठकुरी गम्भीर घाइते भएका थिए । उनको पनि उपचारकै क्रममा मृत्यू भएको छ ।

जिल्ला प्रहरी कार्यालय स्रोतका अनुसार मृतक सिंहले चलाएको वागमती प्रदेश ०२०२८ प ४८८७ नम्बरको मोटरसाइकल खोलामा खसेको थियो । मृतक सिंह नेपाल प्रहरीको जवान पदमा काठमाडौँमा कार्यरत थिए ।

सुनसरी । इटहरीमा ट्रकको ठक्करबाट सिटी सफारीमा सवार एक युवकको मृत्यु भएको छ । गएराति साढे ९ बजेतिर ट्रकले सिटी सफारीलाई ठक्कर दिएर भाग्ने क्रममा कारलाई समेत ठक्कर दिएको दिएको थियो । सो दुर्घटनामा ६ जना घाइते भएका छन् ।

इटहरी उपमहानगरपालिका- ५ को मुख्य राजमार्गमा पूर्वबाट पश्चिमतर्फ जाँदै गरेको ना. ४ ख २९२४ नम्बरको ट्रकले विपरीत दिशाबाट आउँदै गरेको प्रदेश १ ०२ २२३ ह १४३६ नम्बरको सिटी सफारीलाई ठक्कर दिएर भाग्ने क्रममा इटहरी १६ स्थित बालग्राममा प्रदेश ३ ०१ ०२४च ९७२२ नम्बरको कारलाई पनि ठक्कर दिएको प्रदेश १ ट्राफिक प्रहरीले बताएको छ ।

मृत्यु हुनेमा सिटी सफारीमा सवार इटहरी-५ का २३ वर्षीय ईश्वर राउत छन् । टाउकोमा चोट लागेर गम्भीर घाइते राउतको उपचारको क्रममा विराट नर्सिङ होममा मृत्यु भएको हो ।

घाइते हुनेमा सिटी सफारीमा सवार झापाको दमक ७ बस्ने ३४ वर्षीय हेमन्त विक सुनसरीको रामधुनी ३ बस्ने ३० वर्षीय दीलिपकुमार चौधरी, कार चालक रामधुनी ३ कै ३० वर्षीय सन्दीप राउत सोही स्थानका ३५ वर्षीय नगेन्द्र गुरुङ, इटहरी ५ का २४ वर्षीय सौगात अधिकारी रहेको प्रहरीले बताएको छ ।

उनीहरूमध्ये ५ जनाको विराट नर्सिङ होम विराटनगरमा उपचार भइरहेको छ । गम्भीर घाइते दीलिपको भने नोबेल अस्पतालमा उपचार भइरहेको छ ।

ठक्कर दिने ट्रक चालक फरार रहेको र उनको खोजी भइरहेको प्रहरीले बताएको छ ।

न्यूज कारखाना

कैलाली । कञ्चनपुरमा एम्बुलेन्सको ठक्करबाट एकजना पैदल यात्रीको मृत्यु भएको छ ।

कृष्णपुर नगरपालिका-५ मा म. १ च २८८ नम्बरको एम्बुलेन्सले ठक्कर दिँदा स्थानीय ४५ वर्षका कृष्णबहादुर ऐरको मृत्यु भएको जिल्ला प्रहरी कार्यालय कञ्चनपुरले जानकारी दिएको छ ।

एम्बुलेन्सको ठक्करबाट गम्भीर घाइते भएका ऐरको उपचारका क्रममा सेती प्रादेशिक अस्पतालमा मृत्यु भएको हो । ठक्कर दिने एम्बुलेन्सका चालकलाई  प्रहरीले नियन्त्रणमा लिएको छ ।

दुर्घटनापछि स्थानीयले पूर्वपश्चिम राजमार्ग अवरुद्ध समेत गरेका थिए । वार्ता र संवादको माध्यमबाट माग पूरा गराउने सहमति पछि सडक सुचारु भएको जिल्ला प्रहरी कार्यालय कञ्चनपुरका प्रवक्ता डीएसपी सिद्धराज न्यौपानेले जानकारी दिए ।

रूपन्देही । अर्घाखाँचीको शितगंगा नगरपालिका ३ बरबोटमा हाइस दुर्घटना हुँदा १ जनाको मृत्यु भएको छ ।

मृत्यु हुनेमा भुमिकास्थान नगरपालिका ९ का सन्जय विक रहेकाे प्रहरीले जानकारी दिएकाे छ । काठमाडौबाट अर्घाखाँची आउँदै गरेको बा ३ ख ८६३९ नम्बरको हाइस शितगंगा ३ को आर्मी ब्यारेक नजिकै दुर्घटना भएको हाे ।

दुर्घटनामा परी २ जना गम्भीर घाइते भएका छन् । चालक सहचालक सहित १३ जना यात्रु सवार रहेको वताइएकाे छ । गम्भीर घाइते २ जना सहित अन्य घाइतेलाई प्राथमिक उपचार केन्द्र ठाडामा सामान्य उपचारपछि बुदटवल पठाइएकाे इलाका प्रहरी कार्यालय ठाडाले जनाएको छ ।

हाइस सडकबाट १ सय मिटर तल खसेकाे स्थानीयले जनाएका छन् ।

कैलाली । कैलालीमा विङ्गर र अटो आपसमा ठोक्किँदा ३ जनाको मृत्यु भएको छ । जिल्लाको गौरीगङ्गा नगरपालिका ४ राजीपुरमा म १ ज ३१९ नम्बरको विङ्गर र से १ ह २५१० नम्बरको अटो ठोक्किएका तीन जनाको मृत्यु भएको जिल्ला प्रहरी कार्यालय कैलालीले जानकारी दिएको छ ।

मृत्यु हुनेमा कैलालीको घोडाघोडी नगरपालिका ९ का २४ वर्षीय युवराज चौधरी, २६ वर्षीय भिगम चौधरी र १९ वर्षीय जितेन चौधरी छन् ।

दुर्घटनामा थप चार जना घाइते भएका छन् । घाइते हुनेमा घोडाघोडी ९ कै अटो चालक २२ वर्षीय सुरेश चौधरी, २४ वर्षीय दीपेन्द्र चौधरी, २० वर्षीय अशान्त चौधरी र ३० वर्षीय हरि चौधरी रहेका छन् ।

विङ्गर सहचालक कञ्चनपुरको वेदकोट नगरपालिका १० का २५ वर्षीय धनु रावल सामान्य उपचारपश्चात् प्रहरीले नियन्त्रणमा लिएको छ। विङ्गर चालक फरार रहेको र खोजी कार्य तथा घटनाबारे थप अनुसन्धान भइरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्टले जानकारी दिए ।

झापा । पूर्व-पश्चिम राजमार्गको दमकमा ट्रकको ठक्करबाट मोटरसाइकलमा सवार दुईजनाको मृत्यु भएको छ ।

मृत्यु हुनेमा मोटरसाइकल चालक झापा कन्काई-३ का ४३ बर्षीय पूर्णबहादुर विष्ट र पछाडि सवार उनकै पत्नी ३६ वर्षीया भीमा विष्ट रहेको प्रदेश १ प्रहरी कार्यालय विराटनगरले जनाएको छ ।

गएराति सवा १० बजे पश्चिमतर्फ आउँदै गरेको ना. ४ ख ८७३० नम्बरको ट्रकले विपरित दिशाबाट आइरहेको प्रदेश २-०३-०१३ प ४७८७ नम्बरको मोटरसाइकललाई ठक्कर दिएको थियो । दुर्घटनामा गम्भीर घाइते विष्ट दम्पतीको उपचारको लागि दमक लाइफलाइन अस्पतालमा पुर्‍याउन साथ मृत्यु भएको हो ।

दुर्घटना गराइ फरार ट्रक र चालक मोरङ विराटनगर-४ का ४८ वर्षीय सुजन थापालाई अस्थाई प्रहरी पोष्ट ताराबारीले नियन्त्रणमा लिएको छ ।

जनकपुरधाम । सिरहाको धनगढीमाई नगरपालिका–६ विष्णुपुरकट्टीमा विजुलीको पोल ढल्दा करेन्ट लागेर एक जनाको मृत्यु भएको छ ।

तारमा करेन्ट प्रवाह भइरहको पोल ढलेर पोखरीमा खसेपछि चौपायलाई पानी खुवाउन पुगेका बौका भनिने तुलसी यादवको घटनास्थलमै मृत्यु भएको हो । करेन्ट लागेर उनको एउटा भैंसी पनि मरेको छ ।

जीर्ण पोल नहटाउँदा दुखद् घटना भएको भन्दै स्थानीयले प्रशासनको विरोध गरेका छन् ।

घटनास्थलमा पुगेका प्रहरीले कानूनी प्रक्रिया पूरा गरी शव पोष्टमार्टमका लागि जिल्ला अस्पताल पठाएको छ ।

कैलाली । बैतडीमा जीप दुर्घटना हुँदा २ जनाको मृत्यु भएको छ । सिगास गाउँपालिका-३ बाट डडेलधुरातर्फ आउँदै गरेको से.१ज ७३९ नम्बर को जीप लगनबजार नजिकै दुर्घटनामा हुँदा २ जनाको मृत्यु भएको जिल्ला प्रहरी कार्यालय बैतडीले जनाएको छ ।

सिगास गाउँपालिका-३ का ६४ वर्सको राम सिंह धामी ४५ मान सिंह साउदको मृत्यु भएको हो ।

दुर्घटनामा अन्य १० जना घाइते भएकाको जिल्ला प्रहरी कार्यालय बैतडीका प्रहरी नायव उपरीक्षक रमेशबहादुर पालले बताए ।

रुपन्देही । दाङको राप्ती गाउँपालिका- २ लालमटियामा प्रहरीको भ्यानले ठक्कर दिँदा एकजना मोटरसाइकल चालकको मृत्यु भएको छ ।

काठमाडौंबाट जिल्ला प्रहरी कार्यालय बाँके जाँदै गरिएको लु अ च ५३३४ नम्बरको प्रहरीको भ्यानले बिहीबार राति करिब १२ बजे भे. १ प ८४२२ नम्बरको मोटरसाइकललाई ठक्कर दिएको थियो । मोटरसाइकल चालकको पहिचान खुलेको छैन । इलाका प्रहरी कार्यालय भालुवाङका प्रहरी प्रमुख प्रहरी निरीक्षक भुवन भट्टले मृतकको पहिचान खुल्न बाँकी रहेको बताए ।

मोटरसाइकल चालक करिब २५ वर्षका युवक हुन् । गाडीसँग ठोक्किएर मोटरसाइकल सडक छेउको बिजुलीको पोलमा ठोक्किएको प्रहरीको दावी छ ।

रूपन्देही । अर्घाखाँचीमा जिप दुर्घटना हुँदा चालकको घटना घटनास्थलमै मृत्यु भएको छ।

जिल्लाको भुमिकास्थान नगरपालिकाको वडा नम्बर-९ को डेभाबाट बसन्त पानी जाँदै गरेको लु १ च ६१६८ नम्बरको डबल क्याप जिप च्यानडाँडामा दुर्घटना हुँदा गाडीका चालक अन्दाजी २९ वर्षीय रामबहादुर नेपालीको घटनास्थलमा मृत्यु भएको जिल्ला प्रहरी कार्यालय अर्घाखाँचीका सुचना अधिकारी गणेश खनालले जानकारी दिए ।

जिपमा चालक मात्र रहेको र सडकबाट करिब ४० मिटर तल खसेको उनले जानकारी दिए ।

काठमाडौं । काभ्रेको चौंरी देउराली गाउँपालिका-६ मा मिनि टिपर दुर्घटना हुँदा एक जनाको घटनास्थलमै मृत्यु गएको छ भने अर्का एक जना गम्भीर घाइते भएका छन ।

दुर्घटनामा सह -चालक रामेछाप सुनापती गाउँपालिका -१ (साबिक ढोडिनी) का १९ वर्षीय विनोद शिवभक्तीको मृत्यु भएको हो ।

रामेछाप सुनापति गाउँपालिका कै ४५ वर्षिय रामबहादुर बम्जन गम्भीर घाइते भएका छन ।

कात्तिके देउरालीको स्वास्थ चौकीका लागि ढुङ्गा लैजादै गरेको बा ५ ख १५२४ नम्बरको टिपर उकालो बाटोमा ब्याक भएर भिरबाट तल भरेको थियो ।

रूपन्देही । ट्रकले मोटरसाइकलाई ठक्कर दिँदा रूपन्देहीको बुटवलमा एक युवकको मृत्यु भएको छ ।

कपिलवस्तुबाट बुटवलतर्फ आइरहेको ना ३ ख ७४०९ नम्मबरको ट्रकले विपरीत दिशातर्फ जाँदै गरेको लु ४७ प ७१३६ नम्बरको मोटरसाइकलाई बुटवल उपमहानगरपालिका-१२ ढवाहमा ठक्कर दिएको थियो ।

सो दुर्घटनामा परी मोटरसाइकलका चालक कपिलबस्तुको वाणगंगा नगरपालिका–९ का २५ वर्षीय सुवास आचार्यको मृत्यु भएको प्रदेश ट्राफिक प्रहरी कार्यालय बुटवलले जनाएको छ ।

आइतबार राती भएको दुर्घटनामा परी घाइते भएको आचार्यको उपचारको क्रममा लुम्बिनी प्रादेशिक अस्पताल बुटवलमा मृत्यु भएको हो ।

काठमाडौं । कलङ्कीमा मोटरसाइकल दुर्घटना हुँदा एक जनाको मृत्यु भएको छ । काठमाडौँ महानगरपालिका-१४ कलङ्कीस्थित सडकमा बा ६१ प १५३६ नम्बरको मोटरसाइकल दुर्घटना हुँदा कीर्तिपुर नगरपालिका-१० बाघभैरवका ५० वर्षीय राजमान महर्जनको आज बिहान मृत्यु भएको हो ।

बुधबार राति दुर्घटनामा गम्भीर घाइते महर्जनको उपचारका क्रममा नेपाल नेशनल अस्पताल कलङ्कीमा आज बिहान मृत्यु भएको प्रहरी प्रधान कार्यालयले जनाएको छ । दुर्घटनाका बारेमा आवश्यक अनुसन्धान भइरहेको प्रहरीले जनाएको छ ।

तनहुँ । धारापानीमा बुधबार साँझ भएको स्कुटर दुर्घटनामा २ जनाको मृत्यु भएको छ ।

ऋषिङ-४ थप्रेकबाट दमौलीतर्फ आउँदै गरेको ग १८ प ३७७ नम्बरको स्कुटर दुर्घटना हुँदा सवार २ जनाको मृत्यु भएको हो ।

मृत्यु हुनेमा ऋषिङ-४ का ३७ वर्षीय सन्देश गजमेर र सोही ठाउँकी २६ वर्षीया पवित्रा रानाभाट रहेको जिल्ला प्रहरी कार्यालय तनहुँका प्रहरी नायब उपरीक्षक युवराज तिमिल्सिनाले जानकारी दिए ।

सन्देशलाई दमौली अस्पतालमा चिकित्सकले मृत घोषणा गरेका थिए भने पवित्राको पोखरास्थित मणिपाल शिक्षण अस्पतालमा मृत्यु भएको प्रनाउ तिमिल्सिनाले जानकारी दिए ।

मृतकमध्ये सन्देश बालविकास माध्यमिक विद्यालयमा लेखापालका रूपमा कार्यरत थिए भने पवित्रा महेन्द्रज्योति माध्यमिक विद्यालयको शिक्षिका थिइन ।

कोरोना सङ्क्रमणका कारण विद्यालय बन्द भएपछि उनीहरु दमौली फर्कदै थिए । ओरालोमा ब्रेक फेल भई अनियन्त्रित भई स्कूटर पल्टिँदा दुर्घटना भएको प्रहरीले जनाएको छ ।

रुपन्देही । सिद्धार्थ राजमार्गमा टिपरले तीन वटा सवारीसाधनलाई ठक्कर दिँदा रुपन्देहीमा २ जनाको मृत्यु भएको छ । दुर्घटनामा ५ जना घाइते भएका छन् ।

सिद्धार्थ राजमार्गअन्तर्गत भैरहवाबाट बुटवलतर्फ आउँदै गरेको लु. १ ख ६०६४ नम्बरको टिपरले सोही दिशाबाट तिलोत्तमा-१५ कोटिहवामा बुटवलतर्फ आउँदै गरेको लु. २ च ७०१२ नम्बरको बोलेरो, लु. १ ख ५७८६ र लु. १ ख ९६८५ नम्बरको बसलाई ठक्कर दिएको थियो ।

टिपरको ठक्करबाट जन्ती सवार लु. १ ख ९६८५ नम्बरको बसमा सवार तिलोत्तमा-१५ की १० वर्षीया सरस्वती हरिजन र ८ वर्षीया गंगा हरिजनको मृत्यु भएको प्रहरीले जनाएको छ ।

प्रहरीका अनुसार टिपर र चालकलाई नियन्त्रणमा लिएर अनुसन्धान थालिएको छ ।

खोटाङ । हलेसीस्थित मध्ये पहाडी लोकमार्गमा आज बिहान ११ बजे हलेसी दर्शन गरी सप्तरी फर्केको चालक सहित ३९ जना यात्री बोकेको बस दुर्घटना हुँदा १ जनाको मृत्यु, २२ जना घाईते र १६ जना सामान्य घाईते भएका छन् ।

बा३ख ९२८५ नम्बरको बस आफै अनियन्त्रित भई सडकबाट अन्दाजी १५ मिटर तल्लो सडकमा खसी दुर्घटना हुँदा सो बसका सह–चालक सिन्धुली घ्याङलेक गाऊपालिका १ का २५ बर्षीय अनिल तामाङको घटनास्थलमानै मृत्यु भएको छ । दुर्घटना भएको जानकारी पाए लगतै प्रहरी चौकी च्यास्मिटर, ईलाका प्रहरी कार्यालय हलेसी र जिल्ला प्रहरी कार्यालय खोटाङबाट प्रहरी नायव उपरिक्षकको कमाण्डमा प्रहरी टोली खटि गई घाईतेहरुलाई उपचारको लागी पठाईएको छ ।

उक्त दुर्घटनामा अबरुद्ध भएको सडक दिउसो सँवा २ बजे दुर्घटना भएको बसलाई साईड लगाई बाटो सूचारु गराएको जिल्ला प्रहरी कार्यालय खोटाङले जनाएको छ ।

काठमाडौं । काठमाडौंको पेप्सीकोलाबाट मध्यपुरथिमि नगरपालिका–२ सानो ठिमीतर्फ आउँदै गरेको रा २ प ४४३७ नंको मोटरसाइकल र मगर गाउँबाट पेप्सीकोलातर्फ जाँदै गरेको वा ३ ख ४४६५ नंको टिपर ठोक्किएर दुर्घटना हुँदा एक जनाको मृत्यु भएको छ ।

सानो ठिमी प्रहरी प्रभाग अगाडि भएको दुर्घटनामा दुई जना गम्भीर घाइते भएकामा मोटरसाइकल पछाडि सवार कैलाली चटकपुर घर भई हाल भक्तपुर पुरानो ठिमी बस्ने ४२ वर्षीय पदमराज पाठकको मृत्यु भएको छ ।

दुर्घटनामा घाइते मोटरसाइकल चालक दाङ लालमठिया–५ बस्ने २४ वर्षीय उमेश चौधरीको न्युरो अस्पताल बाँसबारी काठमाडौँ उपचार भइरहेको महानगरीय प्रहरी परिसर भक्तपुरका प्रहरी उपरीक्षक दीपक गिरीले जानकारी दिए ।

दुर्घटनाग्रस्त टिपर र सोका चालक सिन्धुपाल्चोक सुनकोशी गाउँपालिका–३ घर भई हाल सानो ठिमी बस्ने ३१ वर्षीय राजन नेपालीलाई महानगरीय प्रहरी वृत्त थिमिले पक्राउ गरी अनुसन्धान शुरु गरेको बताइएको छ ।

रूपन्देही । पूर्वपश्चिम राजमार्गअन्तर्गत कपिलवस्तुको वुद्धभूमि-९ सुरगरवरवामा बस र ट्रक ठोक्किँदा २४ जना घाइते भएका छन् ।

बुटवलबाट कृष्णनगरतर्फ जाँदै गरेको लु. १ ख ५६८४ नम्वरको यात्रुवाहक बस र विपरीत दिशाबाट आउँदै गरेको ना. ४ ख ३०१२ नम्वरको मालवाहक ट्रक मंगलवार ठोक्किएका थिए ।

घटनामा दुवै सवारीसाधनका चालक गम्भीर घाइते छन् । स्थानीय रुटमा चल्ने बस भएको कारणले दुर्घटनामा घाइते हुने बढी स्थानीय रहेको जिल्ला ट्राफिक प्रहरी कार्यालय कपिलवस्तुका प्रहरी निरीक्षक दिलिप कार्कीले बताए ।

बसको क्याबिनमा बसेका र दुवै चालकसहित ६ जनाको अवस्था गम्भीर रहेको इलाका प्रहरी कार्यलय गोरुसिंगेका प्रहरी निरीक्षक कृष्ण राना मगरले बताए । स्थानीय अस्पतालमा उपचार हुननसकेका बिरामी बुटवल ल्याइएको छ ।

कैलाली । सीमावर्ती बजारमा मोटरसाइकल दुर्घटना हुँदा कञ्चनपुरका एक व्यक्तिको मृत्यु भएको छ ।

भारतको पिलिभित जिल्ला स्थित सम्पुर्णानगरमा मोटरसाइकल दुर्घटना हुँदा कञ्चनपुर बेलौरी नगरपालिका- ६ का ४२ बर्षिय राजु बोहराको मृत्यु भएको हो ।

दुर्घटनामा परि मोटरसाइकलमा सवार बेलौरी नगरपालिका -६ हात्तीबोझाका ३० बषीय शिव दत्त राना गम्भीर घाइते भएका छन् । भारतको लखिनपुर स्थित खीरी अस्पतालमा उपचार भइरहेको छ ।

से४प ८९२५ नम्बरको मोटरसाइकल अनियन्त्रित भएर दुर्घटना भएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमर बहादुर थापा क्षेत्रीले जानकारी दिए ।

काठमाडौं । नयाँ वर्षको दिन स्वर्गद्वारी मन्दिर दर्शन गर्न गएका गुल्मीका कर्मचारी सवार जीप दुर्घटना हुँदा मृत्यु हुनेको संख्या पाँच पुगेको छ।

मृत्यु हुनेमा खरिदारदेखि अधिकृतसम्म छन्। स्याङ्जा स्थायी घर भएर जिल्ला प्रशासन कार्यालय गुल्मीमा कार्यरत प्रशासकीय अधिकृत ३९ वर्षीय श्याम न्यौपाने, चालक २२ वर्षीय केशव कार्की, नायव सुब्बा ईश्वरी भण्डारी, खरिदार यमलाल पन्थी र सूर्य पन्थी छन्।

गाडी चालक र प्रशासकीय अधिकृतको उपचारको क्रममा प्राथमिक स्वास्थ्य केन्द्र भिंगृमा र अन्य तीनजनाको घटनास्थलमै ज्यान गएको इलाका प्रहरी कार्यालय भिंगृका प्रहरी नायव निरीक्षक (सई) बुद्धिप्रसाद रानाले जानकारी दिए । गुल्मीको तम्घासदेखि स्वर्गद्वारी मन्दिर दर्शनका लागि जाँदै गरेको लु. १ च १६५५ नम्बरको जिप स्वर्गद्वारी नगरपालिका- ३ रूमालेमा दुर्घटना भएको हो।

बसलाई ओभरटेक गर्न खोज्दा जिप सडकदेखि करिब ६० मिटर तल भीरमा खसेको प्रहरीले जनाएको छ ।

गम्भीर घाइते हुनेमा १२ वर्षीय पार्थक ज्ञवाली र प्यूठान स्थायी घर भएर जिल्ला प्रशासन कार्यालय गुल्मीमा कार्यरत खरिदार ३५ वर्षीय सन्दिप परियार छन् ।

त्यस्तै, २३ वर्षीय सुनिता कँडेल, २९ वर्षीय वसन्ती पौडेल, उनकी ४ वर्षीय छोरी निकिता पौडेल, ३० वर्षीय गीता मुखियाँ उनकी १२ वर्षीय छोरा अनिस मुखियाँ, २४ वर्षीय तारा भडारी बोहरा, उनकी ६ वर्षीय छोरा आशिष बोहरा, ३३ वर्षीय डिलबहादुर थापा, २७ वर्षीय कमला ज्ञवाली र २५ वर्षीय मुना पाण्डे छन् ।

रूपन्देही । जिल्ला प्रशासन कार्यालय गुल्मीका कर्मचारीहरू सवार गाडी प्यूठानको स्वर्गद्वारी नजिकै दुर्घटना हुँदा चारजनाको मृत्यु भएको छ ।

नयाँ वर्षको दिन पारेर धार्मिक तीर्थस्थल स्वर्गद्वारी घुम्न निस्किएका कर्मचारी सवार लु. १ च १६५५ नम्बरको सफारी गाडी दुर्घटनामा परेको हो ।

दुर्घटनामा प्रशासकीय अधिकृत श्याम न्यौपाने, खरिदार ईश्वरी भण्डारी , कम्प्युटर अपरेटर सूर्य पन्थी र जिप चालक केशव कार्कीको मृत्यु भएको प्रहरीले जनाएको छ । चालक कार्की मुसिकोट- ३, सूर्य पन्थी रेनपा-७, ईश्वरी भण्डारी धुर्कोट-७ र श्याम न्यौपाने स्याङ्जा कालीगण्डकी निवासी हुन् ।

स्वर्गद्वारी नगरपालिकाको भिङ्ग्रीकोटदेखि माथि पानीमाथी भन्ने ठाउँमा सो दुर्घटना भएको जनाइएको छ । घटनास्थलमा स्थानीयवासी, नेपाल प्रहरी र नेपाली सेनाको उद्धार टोली परिचालन गरिएको प्रहरीले जनाएको छ ।

रासस । चितवनको पूर्वी क्षेत्रमा पर्ने राप्ती नगरपालिका–११ आमपानीस्थित चिउँडे खोलामा आइतबार साँझ ट्र्याक्टर दुर्घटना हुँदा मृत्यु हुनेकाे संख्या ६ पुगेकाे छ । दुर्घटनाका १८ जना घाइतेकाे भरतपुरस्थित पुरानाे मेडिकल कलेजमा उपचार भइरहेकाे छ ।

जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाका अनुसार घाइतेमध्ये एक जनाकाे उपचारका क्रममा राती निधन भएकाे हाे । यसअघि ५ जनाकाे अस्पताल ल्याएलगत्तै मृत घाेषणा गरिएकाे थियाे ।

मृतकमध्ये ४ जनाकाे सनाखत भएकाे छ । जिल्ला प्रहरी कार्यालय चितवनका अनुसार सनाखत हुनेमा राप्ती नगरपालिका–५ का ३५ वर्षीय खडक लामा, खैरहनी नगरपालिका–९ का ४० वर्षीय मगन महतो, ५० वर्षीया छनिया महतो र राप्ती नगरपालिका–४ का ४५ वर्षीय सीताराम श्रेष्ठ रहेका छन् । एक जना अन्दाजी २५ वर्षीय पुरुष र अर्का एक जनाको नाम, थर र ठेगाना खुल्न सकेको छैन ।

थाकलटारबाट २४ जना ढलानको काम गर्ने मजदुर बोकेर चिउँडे खोलातर्फ जाँदै गरेको ना १ त ६३८२ नम्बरको ट्र्याक्टर साँझ साढेे ७ बजे पुलबाट झण्डै २०० मिटर तल खसेको हो ।

मृतककाे सङ्ख्या अझै थपिन सक्ने प्रहरीको अनुमान रहेको छ । मृतकको पहिचानबारेको सूचना आउन बाँकी रहेको थापाले जानकारी दिए ।

रासस । गोरखाको बारपाक–सुलीकोट गाउँपालिका–२ स्थित राङरुङ भीरमा जीप दुर्घटनामा हुँदा दुईजनाको मृत्यु भएको छ ।

आन्तरिक पर्यटक लिएर बारपाकबाट फर्कँदै गरेको ना ५ च ३२९८ नम्बरको जीप शनिबार साँझ करिब सात बजे दुर्घटनामा परेको जिल्ला प्रहरी कार्यालय गोरखाका प्रहरी नायब उपरीक्षक प्रकाश दाहालले जानकारी दिए।

दुर्घटनामा लमजुङ दूधपोखरी गाउँपालिका–२ बिचौरका ४८ वर्षीयका ठाकुर दुवाडी र ५० वर्षीय रामेश्वर न्यौपानेको मृत्यु भएको प्रहरी नायब उपरीक्षक दाहालले बताउनुभयो । दुर्घटनामा अन्य सात जना घाइते भएका छन् । घाइतेमध्ये दुईको अवस्था गम्भीर रहेको गोरखा अस्पतालका सूचना अधिकारी कृष्ण ढकालको भनाइ छ ।

गम्भीर घाइते हुनेमा दूधपोखरी–२ लमजुङका ३१ वर्षीय विष्णु न्यौपाने र २८ वर्षीय अनिल मरहठ्ठा रहेका छन् । उहाँहरु दुवै जनालाई थप उपचारका लागि राति नै चितवन पठाइएको छ।

दुर्घटनामा सामान्य घाइते भएका लमजुङ बेँशीशहर नगरपालिका–१० का २० वर्षीय सन्तोष तामाङ, दूधपोखरी गाउँपालिका–२ का १८ वर्षीय अमृत दुवाडी, ३० वर्षीय विष्णु दुवाडी, २९ वर्षीय विष्णु दुवाडी र तनहुँको व्यास नगरपालिका–१ घर भएका सुशील नरालको गोरखा अस्पतालमा उपचार भइरहेको छ ।

घाइते नराल दूधपोखरी गाउँपालिका शिक्षा शाखाका प्रमुख हुन्। जीप सडकबाट झण्डै २०० मिटर तल खसेको प्रहरीको भनाइ छ । घटनाको जानकारी पाएलगत्तै इलाका प्रहरी कार्यालय जौवारीबाट प्रहरी निरीक्षकको कमाण्डमा र बालुवा प्रहरी चौकीबाट समेत प्रहरीको टोली घटनास्थल पुगेर घाइतेहरुको उद्धार गरेको थियो ।

कैलाली । बसको ठक्करबाट पैदलयात्रीको मृत्यु भएपछि तनावग्रस्त बनेको लम्कीमा प्रहरीको गोली लागेर घाइते भएका दुई युवालाई थप उपचारका लागि काठमाडौं पठाइएको छ ।

२५ वर्षीय कृष्ण प्याकुरेल र १८ वर्षीय दीपक सन्जेललाई हेलिकप्टरबाट काठमाडौं लगिएको कैलाली प्रहरीले बताएको छ । आक्रोशित प्रदर्शनकारीलाई तितरबितर पार्न प्रहरीले हवाई फायर र अश्रु ग्यास प्रहार गरेको थियो ।

मंगलबार बिहानै पूर्वपश्चिम राजमार्गअन्तर्गत लम्की चोकस्थित टीकापुरतर्फ जाँदै गरेको ना. ६ ख ८८३३ नम्बरको बसको ठक्करबाट पैदल यात्री लम्कीचुहा नगरपालिका-१ की २२ वर्षीया कमला देवकोटाको मृत्यु भएको थियो ।

कैलाली । बसको ठक्करबाट युवतीको मृत्यु भएपछि लम्कीमा स्थानीयले प्रदर्शन गरेका छन् । स्थितिलाई नियन्त्रणमा लिन प्रहरीले गोली चलाएको छ ।

गोली लागेर २५ वर्षीय कृष्ण प्याकुरेल र १८ वर्षीय दिपक सन्जेल घाइते भएका छन् । दुवैजनालाई थप उपचारका लागि नेपालगञ्ज रेफर गरिएको छ ।

मंगलबार बिहानै पूर्वपश्चिम राजमार्गअन्तर्गत लम्की चोकस्थित टीकापुरतर्फ जाँदै गरेको ना. ६ ख ८८३३ नम्बरको बसको ठक्करबाट पैदल यात्री लम्कीचुहा नगरपालिका-१ की २२ वर्षीया कमला देवकोटाको मृत्यु भएको थियो ।

दुर्घटनापछि प्रदर्शनकारीलाई तितरबितर बनाउन हवाई फायर गरिएको जिल्ला प्रहरी कार्यालय कैलालीका प्रहरी निरीक्षक हिक्मत थापाले बताए । प्रहरीले केही सेल अश्रुग्याससमेत प्रहार गरेको छ ।

थापाका अनुसार आक्रोशित स्थानीयबासीसँगको झडपमा ५ जना प्रहरी पनि घाइते भएका छन् ।

ठक्कर दिने बस र चालक नियन्त्रणमा लिएर अनुसन्धान गरिरहेको प्रहरीले जनाएको छ ।