Tag: दुर्गा प्रसाई

काठमाडौं । विवाद र चर्चामा आइरहने बिएण्डसी मेडिकल कलेका सञ्चालक तथा व्यवसायी दुर्गा प्रसाई अब मोटिभेशनल स्पिकरका रुपमा चिनिएका छन् ।
बुधवार सुदूरपश्चिमको धनगढी पुगेका प्रसाईले सयौं युवाको भेलामा जीवनमा सफल हुने उपाय र आफ्नो सफतलाका कथाहरु युवालाई जीवनयोपगी हुने भन्दै सुनाए ।

प्रसाईले भने, ‘आशावादी बनौं किनभने हजारौं निराशावादीको भिडले भन्दा एउटा आशावादी मान्छेले धेर काम गर्न सक्छ । निराशाले अनावश्यक आँशु दिन्छ, रुँदा एक्लै रुनुपर्छ । जसको कुनै अर्थ छैन ।’

प्रसाईले आफ्नो गरिबीका दिनहरु सुनाउँदै अरुको विरोध गर्नुको साटो आफू मेहनत गर्दा सफल भइने टिप्स युवालाई सुनाए । आजका युवामा सामाजिक सन्जालबाट सिको गरेर आरिस, डाह र विरोध गर्ने प्रवृति विकास भएकोमा उनले चिन्ता व्यक्त गरे ।

प्रसाईले भने, ‘मलाई श्रम गर्न कहिल्यै लाज लागेन । गाउँमा गाई भैंसी पालेँ, गोबर सोहोरेँ, पसलमा दूध बेच्न हिँडे । श्रमका कुनै सीमा हुँदैनन् तर मेरो श्रमलाई सम्मान गर्नेभन्दा मेरो परिश्रमको बैभवमा रिस गर्नेहरु धेरै छन् । यसले मलाई कति पनि विचलित बनाउँदैन ।’

आफूले पढ्न नपाए पनि छोरा र छोरीलाई डाक्टर बनाएकोमा गर्व गर्दै उनले युवाहरुलाई जागिरे मानसिकता र इजी मनीतिर नलाग्न र श्रमको बलमा आफैं आत्मनिर्भर हुन सुझाए ।

आफूले बिएण्डसी मेडिकल कलेज काठमाडौं शहरमा खोल्नुको साटो विर्तामोडमा खोल्नुको उद्देश्य दुर्गमका मान्छेलाई सेवा दिनु रहेको भन्दै उनले अरुको डाह र विरोध नगरी कर्ममा लागिरहँदा सफल हुने टिप्सहरु सुनाएका थिए ।

प्रसाई अहिले मेडिकल कलेजबाहेक अन्य उद्यममा समेत लागेका छन् । शर्माले आफ्नो विरोध गर्नेहरुको कुभलो नचिताई उनीहरुको विरोध र कुण्ठाबाट अझ प्रगतितर्फ लाग्नुपर्ने सुझाव दिए ।

काठमाडौं । बि एण्ड सी मेडिकल कलेज तथा टिचिङ हस्पिटल एवम् रिसर्च सेन्टरलाई सम्बन्धन माग्दा चिकित्सा शिक्षा आयोगका उपाध्यक्ष श्रीकृष्ण गिरीले २० करोड घुस मागेको कलेजका कार्यकारी निर्देशक दुर्गा प्रसाईले आरोप लगाएका छन् ।

शनिबार काठमाडौंमा पत्रकार सम्मेलन गर्दै प्रसाईले गिरी आयोगका उपाध्यक्ष हुनसमेत योग्य नभएको टिप्पणी गर्दै कलेजलाई सम्बन्धन माग्दा २० करोड घुस मागेको बताएका हुन् ।

‘गिरी कानुनअनुसार आयोगका उपाध्यक्ष हुन पनि योग्य छैनन्’ प्रसाईले भने, ‘कलेजलाई सम्बन्धन दिनका लागि उहाँले मसँग २० करोड घुस माग्नु भएको थियो, नदिएर अख्तियारमा गएपछि उहाँ मप्रति पूर्वाग्राही हुनुहुन्छ ।’

प्रसाईले कलेजलाई सम्बन्धन दिने, सरकारले नै चलाउने वा बन्द गर्नेबारे छिटो निर्णय प्रधानमन्त्रीसँग आग्रह पनि गरेका हुन् ।

काठमाडौं । बीएण्डसी मेडिकल कलेजका कार्यकारी निर्देशक दुर्गा प्रसाईले विवेकशील साझा पार्टीका पूर्वअध्यक्ष उज्वल थापाको औषधी उपचारलगायत सम्पूर्ण उपचार खर्च व्यहोर्ने घोषणा गरेका छन् ।

कोरोना संक्रमणबाट गम्भीर बिरामी परेपछि मेडिसिटी अस्पतालमा उपचाररत थापाको उपचारमा लागेको सबै खर्च बीएण्डसी मेडिकल कलेजले व्यहोर्ने प्रसाईले घोषणा गरेका हुन् ।

शनिबार विज्ञप्ति जारी गर्दै प्रसाईले विवेकशील साझा पार्टीले उपचारमा आर्थिक सहयोगका लागि अपिल गरेकोमा सामाजिक उत्तरदायित्व अन्तर्गत सामाजिक अभियन्ता थापाको उपचार खर्च प्रदान गर्ने बताएका हुन् ।

उनले उपचार खर्चमा लाग्ने रकमको लागि सम्पर्क व्यक्ति प्रमेश गिरीको मोबाइल नम्बरसमेत विज्ञप्तिमै उल्लेख गरेका छन् ।

काठमाडौं । बीएन्डसी अस्पतालका सञ्चालक दुर्गा प्रसाईले नेपालको व्यावसायिक क्षेत्रमा आफू सबैभन्दा धेरै आक्रमणको शिकार भएको गुनासो गरेका छन् । आफूलाई ‘माफिया’ देखि ‘डन’ सम्मको उपमा दिएर खेद्‍ने काम भएको उनले बताए ।

झापामा आफैंले सञ्चालनमा ल्याएको पूर्वाञ्चल क्यान्सर अस्पतालको उद्घाटन कार्यक्रममा बोल्दै प्रसाईले यस्तो बताएका हुन् । नेपाली राजनीतिका दुई शीर्ष नेतालाई मार्सी चामलको भात खुवाएको प्रसंग निकाल्दै प्रसाईले यसलाई विवादको विषय बनाइएकोमा असन्तुष्टि पोखे ।

मार्सी भात खुवाउँदाको प्रसंग उनले यसरी निकालेः

२०७४ साल फागुन ३ गते मैले एउटा सानो प्रयत्न गरेको थिएँ । दुई तिहाइभन्दा बढी वामपन्थी जनमत भएको देशमा छरिएर रहेका वामपन्थीहरूको एकता भए त्यसले देशलाई स्थिरता र समृद्धिको दिशामा लैजान्छ भन्ने आम नेपाली जनमत थियो । भक्तपुरस्थित मेरै घरमा नेपाली राजनीतिका दुई हस्तीका बीचमा तीन बुँदे सम्झौता भयो ।

त्यो सम्झौतामा प्रत्यक्ष भूमिका निर्वाह गर्ने अवसर पाउँदा म धेरै खुशी थिएँ । मेरो निवासमा सम्माननीय प्रधानमन्त्री केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल (प्रचण्ड) को सहभागिता थियो । मैले उहाँहरूलाई नेपालको दुर्गम हिमाली जिल्लामा उत्पादन हुने मार्सी चामलको भात खुवाएँ । भात खाँदै गरेको फोटो सामाजिक सञ्जालमा सार्वजनिक भयो । ठीक त्यही बिन्दुबाट मलाई अनर्गलरूपमा खेद्ने काम शुरू भयो । मार्सी, माफिया, डनलगायतका उपमाहरू मेरा नामका पछाडि, अगाडि जोड्ने काम शुरु भयो । केही पत्रकार, राजनीतिज्ञ, आफूलाई प्रधान सम्झने लेखक र केही बुद्धिजीवी मलाई लखेट्न हात धोएर लाग्नुभयो । भात-पानी छाडेर लाग्नुभयो ।

सम्भवतः नेपालको व्यावसायिक इतिहासमा यति धेरै नकारात्मक टिप्पणी र अपमान खेप्नुपर्ने व्यवसायी सायद म नै होला । एउटा उदाउँदो नेपाली व्यवसायीले उद्योगधन्दा सञ्चालन गर्दा अख्तियार, सम्पत्ति शुद्धीकरण, अड्डा, अदालत सबै शक्ति झेल्नुपर्ने परिस्थिति आयो । मैले यसको सामना गर्दै गएँ । तर म अलिकति पनि विचलित छैन । किनकि मैले देश टुक्र्याएर बेचेको थिइनँ । बरु मैले देश जोड्ने प्रयत्न गरेको थिएँ ।

मार्सीको नामबाट त्यो दिनबाट पाएको दूरगामी उपहारलाई मैले आफ्नो सम्पत्तिको रूपमा लिएको छु । अबको केही हप्ताभित्रै मेरो उद्योगबाट मार्सी चामलको प्रयोग गरेर बनेको अन्तर्राष्ट्रिय स्तरको मार्सी बियर, माफिया ह्विस्की र डन इनर्जी ड्रिङ्क बजारमा ल्याउनेछु ।

प्रशंसा गर्दै ओलीले भनेः हिम्मतिलो मान्छे

प्रसाईले यति ‘दु:ख’ सुनाउँदा कार्यक्रममा प्रधानमन्त्री केपी शर्मा ओलीकाे पनि उपस्थिति थिए । आफ्नो भाषणमा ओलीले प्रसाईप्रति सहानुभूति मात्रै दर्शाएनन्, उनको प्रशंसा समेत गरे ।

‘भन्नेहरु भन्दै गर्छन्, आलोचना गर्नेले गर्दै गर्छन्’ प्रधानमन्त्रीले भने, ‘उहाँलाई मार्सी चामल भनेर आलोचना गरे, तर उहाँले मार्सीलाई नै ब्रान्ड बनाइदिनुभयो ।’ ओली यतिमै रोकिएनन् । उनले थपे, ‘हिम्मत भएको मान्छे हो दुर्गा प्रसाई । आलोचना र टिप्पणीबाट हच्किएर दच्किएर पछाडि हट्ने मान्छे होइन । कुन्ती माेक्तानको गीतमा भनेजस्तै खुट्टा तान्नेले तान्दै गर्छन्, देश बनाउने काममा हामीले खुट्टा कमाउनुहुँदैन । लक्ष्यमा अगाडि बढ्नुपर्छ ।’