काठमाडौं। नेकपा (एमाले)को केन्द्रीय कार्यालय तुल्सीलाल स्मृति भवन, च्यासलबाट सञ्चालन हुने भएको छ। हालै बसेको दुई दिने केन्द्रीय कमिटी बैठकले त्यसका लागि तुल्सीलाल स्मृति प्रतिष्ठानसँग ५ वर्षको गरेको छ।
हाल एमालेको केन्द्रीय कार्यालय थापाथलीबाट सन्चालन हुँदै आएको छ। बल्खुस्थित निर्माणधीन पार्टी कार्यालय संचालनमा आउने बेलासम्मका लागि च्यासल रोजिएको हो। तुल्सीलाल भवनको मर्मत गरी ३ महिनाभित्र सबै कार्यालय सारिने बताइएको छ ।
कार्यालयलाई आधुनिक सूचना प्रविधिमैत्री तुल्याउन केन्द्रीय कार्यालयमा ७ सदस्यीय सूचना प्रविधि प्राविधिक (आइटी) टिमको व्यवस्था समेत गरिएको छ।
उक्त टिममा अस्गर अलि, शालिग्राम पराजुली, सुरज अधिकारी, फर्सुराम खनाल, तेजप्रसाद धमला, श्यामसुन्दर भट्टराई र सुजन महर्जन रहेका छन्।
यो टिमले पार्टीको आफ्नै सूचना प्रणाली व्यवस्थापन कार्य (एमआइएस) खडा गरी सदस्यता, लेखा र सूचना प्रवाहकोकाममा प्राविधिक सहयोग गर्नेछ।
