Tag: डब्लूएचओ

काठमाडौं । नेपालको कपिलवस्तुमा फैलिएको झाडापखाला रोकथामका लागि विश्व स्वाथ्य संगठनले २ लाख ५२ हजार ३६३ डोज ओरल खोप दिने भएको छ ।

विश्व स्वास्थ्य संगठनको समन्वयमा मुखबाट खाने हैजाको ओरल खोप ल्याउने तयारी भएको स्वास्थ्य मन्त्रालयले विज्ञप्ति मार्फत जानकारी दिएको हो । झाडापखाला फैलिएको क्षेत्रमा चाडै खोप ल्याउन प्रतिबद्ध भएको डब्लूएचओले जनाएको छ ।

गत असोज १८ गतेदेखि कपिलवस्तुको कृष्णणनगर नगरपालिकाका तीन वटा वडामा झाडापखला प्रकोप फैलिएको थियो। मन्त्रालयका अनुसार प्रकोपबाट चार जनाको मृत्यु भइसकेको छ ।

प्रदेश स्वास्थ्य तथा जनसंख्या मन्त्रालयका सचिव डा. विकास देवकोटाले भने, ‘रोग फैलिन नदिन खोपको आवश्यक छ, यदि हामीले खोप अभियान सुरु गरेनौं भने रोग समाजमा दीर्घकालीन समस्याको रूपमा रहन सक्छ ।’

झाडापखालापछि संकलन गरिएका दिसाका नमुना परीक्षण गर्दा भाइब्रियो कोलेरा र ओगावा भाइरस देखापरेको थियो । खानेपानी संस्थानले वितरण गरेको पानीमा इकोली नामक जीवाणु फेला परेको थियो।

काठमाडौं । विश्वमा पछिल्लो साता कोरोनाभाइरस संक्रमण र मृत्युदरमा कमी देखिएको विश्व स्वास्थ्य संगठन (डब्लूएचओ) ले जनाएको छ ।

डब्लूएचओको अनुसार पछिल्लो सातामा त्यसअघिको साताभन्दा संक्रमणदरमा १४ प्रतिशत र मृत्युदरमा २ प्रतिशतले कमी आएको छ । विश्वभर पछिल्लो सातामा करिब ४१ लाखमा संक्रमण पुष्टि भएको छ भने ८४ हजार जनाको मृत्यु भएको छ ।

तथ्यांकअनुसार युरोपेली क्षेत्रमा र दक्षिण-पूर्वी एसियाली मुलुकमा संक्रमण र मृत्युमा भने केहि कमी आएको देखिन्छ । अमेरिकी, भूमध्यसागरीय तथा पश्चिमी प्रशान्त क्षेत्रको अवस्था भने अघिल्लो साताकै जस्तो छ ।

विश्वका केही मुलुकमा सुधार भए पनि मृत्यु हुने संख्यामा भने कमी आउन सकेको छैन । भारतमा पछिल्लो पटक दैनिक संक्रमणदरमा कमी आएपनि मृत्युदरमा कमी आएको छैन ।

भारतमा पछिल्लो २४ घण्टामा २ लाख भन्दा बढी संक्रमित थपिएका छन् भने ४१ सय जनाको मृत्यु भएको भारतको स्वास्थ्य तथा परिवार कल्याण मन्त्रालयले जनाएको छ ।