Tag: झपट रावल

काठमाडौं । कैलालीलगायत सुदूरपश्चिमका जिल्लामा नेकपा एमालेको वडा अधिवेशन एकलौटी ढंगले भइरहेको भन्दै भीम रावल पक्षले केन्द्रीय कमिटी बैठकमा लिखितरूपमै ध्यानाकर्षण गराएको छ ।

१० बुँदे सहमति सुदूरपश्चिम प्रदेश कमिटीमा कार्यान्वयन नभएको भनेर उपाध्यक्ष रावलले कार्यदल संयोजकबाटै राजीनामा दिइसकेका छन् । शुक्रबार सुरू भएको केन्द्रीय कमिटी बैठकमा केन्द्रीय सदस्य झपट रावलले मनपरी सदस्यता वितरण गरेर भद्रगोल मच्चाउँदै अधिवेशन भएको बताएका छन् ।

रावलले लिखितरूपमा नेतृत्वको ध्यानाकर्षण गराएको बताए । रावलको ध्यानाकर्षणमाथि पछि छलफल हुने जानकारी नेताहरूले गराएका छन् । कैलालीमा आजबाटै वडा कमिटीका अधिवेशन भइरहेका छन् ।

काठमाडौं । नेकपा एमालेको केन्द्रीय कमिटी बैठकमा सुदूरपश्चिमका नेताहरूले १० बुँदे सहमति लागू नभएको भन्दै असन्तुष्टी व्यक्त गरेका छन् ।

शुक्रबार बैठक शुरू भएलगत्तै झपट रावलले सुदूरपश्चिममा १० बुँदे सहमति कार्यान्वयन हुन नदिइएको भन्दै नेतृत्वको ध्यानाकर्षण गराएका थिए ।

उपाध्यक्ष भीम रावल र अर्का नेता भानुभक्त जोशीले पनि १० बुँदे सहमति कार्यन्वयनमा असमानता देखिएको भन्दै समान कार्यान्वयनको लागि अध्यक्ष केपी शर्मा ओलीको जवाफ मागेका थिए ।

तीन नेताले १० बुँदेबारे प्रश्न राखेपछि अध्यक्ष ओलीले केन्द्रीय कमिटी बैठकलगत्तै स्थायी कमिटी बसेर सुदूरपश्चिममा देखिएको समस्या समाधान गर्ने आश्वासन दिएको एक केन्द्रीय सदस्यले बताए ।

आफूले बैठकमा राखेको भनाइबारे झपट रावलले बाहिर संवाददाताहरुलाई जानकारी गराए । ‘भदौ १० गते बसेको केन्द्रीय कमिटीको बैठक एकताको पहिलो बैठक हो,’ आफूले बैठकमा राखेका भनाइबारे उनले भने, ‘त्यो १० बुँदे सहमति कार्यान्वनयको बैठक पनि थियो । त्यसपछि १३ गते अन्तर पार्टी निर्देशन समेत जारी गरेको थियो ।’

रावलले थपे, ‘यसलाई व्यवहार नउतारिएको हुनाले यसको बारेमा के हो ? नेतृत्व तहका बीचमा यसबारेमा एक रुपता नभएको हुनाले यसबारे प्रष्ट पारियोस्, त्यसपछि अन्य विषयमा छलफल गरौं भनेर मैले पार्टी अध्यक्षसँग माग गरेँ ।’

अध्यक्षले दिएको जवाफबारे जानकारी गराउँदै उनले भने, ‘पार्टी अध्यक्षले यसलगत्तै स्थायी कमिटी बैठक बस्नेछौं र त्यहाँ छलफल गर्नेछौं भनेर भन्नु भएको छ।’

काठमाडौं । नेकपा एमालेका केन्द्रीय सदस्य तथा सांसद झपट रावलले केपी ओली सत्ताबाट हटेपछि केही सांसदले मन्त्री बन्ने अवसर छोप्न मुसा प्रवृत्ति देखाएको आरोप लगाएका छन् ।

माधव नेपाल पक्षधर सांसद रावलसहित एमालेका १० जना सांसदले शेरवहादुर देउवालाई विश्वासको मत दिने बेला पार्टी एकता जोगाउन भन्दै मतदानमा भाग लिएका थिएनन् ।

रावलले वक्तव्यमा भनेका छन्, ‘हिजो प्रतिगमनको मतियार बनेका र पार्टी अध्यक्षलाई प्रतिगामी कदम चाल्न उक्साउने स्वार्थी अवसरवादीहरू केपी ओली सत्ताबाहिर गएपछि मुसा प्रवृत्ति देखाइरहेका छन् । उनीहरू अहिले कोही हामी एमाले होइनौं भन्दै अदालततिर धाइरहेका छन् भने कोही मन्त्री पदको लागि अवसर खोज्दै छन् । अन्य मतियारहरूको कुरै नगरौं ।’

रावलले आफूहरँको लडाइँ संसद जोगाउन थियो, मन्त्री बन्नका लागि होइन भन्दै एमालेका २३ जना सांसदकै कारण संसद जोगिएको दावी गरेका छन् ।

वैशाख २७ मा केपी ओलीले विश्वासको मत लिने बेला अनुपस्थित भएका २८ जना र अदालतमा गएका २३ जना सांसदको प्राथमिकता अब एमाले जोगाउने रहेको भन्दै कसैको उक्साहटमा नलागी केपी ओली र माधव नेपालबीच संवाद हुनुपर्ने बताएका छन् ।

रावलले भनेका छन्, ‘सुदृढ र सबल नेकपा एमालेको विकल्प छैन । आयाराम गयारामहरुको उक्साहटमा कोही पर्न हुन्न ।’  माओवादीबाट एमाले बनेका र हाल अदालतमा रिट लिएर गएका नेताहरूप्रति पनि उनले कटाक्ष गरे ।

काठमाडौं । नेकपा एमालेका केन्द्रीय सदस्य तथा प्रतिनिधिसभा सदस्य झपट रावलले पार्टी अध्यक्ष केपी शर्मा ओली र वरिष्ठ नेता माधवकुमार नेपाललाई युद्धविराम गर्न सुझाव दिएका छन् ।

माधव नेपाल पक्षधर सांसद रावल पछिल्लो समय विश्वासको मतको बेला अन्य ९ जना नेतासँगै मतदानमा सहभागी भएका थिएनन् । यी नेताहरू अहिले एमाले विभाजन रोक्न सक्रिय छन् ।

रावलसहितका सांसदहरूले आइतबार वार्ता कार्यदलमा रहेका नेताहरूसँग १० बुँदेबारे छलफल गरेका थिए । रावलले नेपाल प्रेससँग कुरा गर्दै अध्यक्ष ओली र वरिष्ठ नेता नेपालले एक अर्का विरुद्ध उत्तेजक अभिव्यक्ति बन्द गरेर संवादमार्फत पार्टी एकजुट बनाउन अग्रसर हुनुपर्ने बताए ।

रावलले भने, ‘अहिले हाम्रा नेताहरूले युद्धविराम घोषणा गर्नु आवश्यक छ । नेताहरूमा आत्मप्रशंसामा रमाउने बानी छ । यस्तो बेला एकताको कुरा गर्नेहरू उहाँहरूलाई मन नपर्न सक्छन् तर १० बुँदे सहमति अनुसार एमालेलाई एकताबद्ध बनाउनुको विकल्प छैन ।’

कार्यकारी पदमा बसेकाहरूको आलोचना हुने भन्दै रावलले नेताहरूले आत्म प्रशंसामात्र चाहने हो भने कार्यकारी पदबाट बिदा भएर पार्टीको संरक्षकका रूपमा बस्नुपर्ने बताए । केपी ओली र माधव नेपाललाई बिदा गरेर भने पनि पार्टी एकताबद्ध बनाउनुपर्ने अभियान चलिरहेका बेला रावलले यस्तो बताएका हुन् ।

रावलले भने, ‘अहिले हिजो विभिन्न स्वार्थ बोकेर एमाले भएका र अवसर जता पाइन्छ त्यतै लाग्ने प्रतिगामीहरूले पनि नेताहरूलाई उक्साउँछन् । केही उग्र समर्थकहरूले पनि हौस्याउँछन् । अवसरवादीहरू पार्टी मिल्यो भने हिजो जताबाट आएका थिए पार्टी छाडेर उतै जान पनि सक्छन् । तर, कुनै स्वार्थ नभएका उग्र समर्थकलाई रुपान्तरण गरेर पार्टीको बलियो शक्ति बनाउन सकिन्छ ।’

रावलले एमालेको विधान र कुनै पनि निर्णयले नचिन्ने युथफोर्स, अखिल फोर्स, पिपुल्स भोलेन्टियरर्स जस्ता संस्थाहरू गुटका ‘अवैध सन्तान’ भएको भन्दै त्यस्तालाई एमालेले नचिन्ने बताए । दुवै पक्षले त्यस्ता अवैध सन्तानहरू पाल्न नहुने उनको भनाइ छ ।

रावलले भने, ‘एमालेको विधान र उद्देश्यले नचिन्ने आतंक फैलाउने संस्थाहरू घोषणा गर्ने, वातावरण विथोल्ने र भयभित बनाउने क्रियाकलाप रोकिनुपर्छ । यी फोर्सहरू भनेका एमालेभित्रका गुटका अवैध सन्तान हुन् ।’

विगतका गल्ती कमजोरी समीक्षा गर्ने समय अहिले नभएको र अहिले एमाले एकताबद्ध हुनुपर्ने भन्दै रावलले १० बुँदे सहमतिमा टेकेर नेता कार्यकर्ताहरूको आत्मसम्मानसहितको व्यवस्थापन हुनुपर्ने बताए । कार्यकर्ताको भयको सुरक्षाका लागि नेताहरूबीच उन्नत प्रकारको समझदारी हुनपर्ने उनको भनाइ छ ।’

केपी ओली र माधव नेपाल अरुको घरमा जान हुने आफूहरू एक-अर्काको घरमा बसेर खान किन नहुने भन्दै उनले अहिले केही अवसरवादी र अराजनीतिक व्यक्तिहरुले नेताहरुलाई उक्साइरहेको आरोप लगाए ।

काठमाडौं । नेकपा एमालेको माधव नेपाल पक्षका सांसद झपट रावलले हिजो संसद विघटनमा साथ दिएका र केपी ओली सरकारमा रहेका प्रतिगामीहरुले पुनः सत्ताका लागि विश्वासको मत दिने भएपछि आफूहरु मतदान प्रक्रियाबाट बाहिरिएको बताएका छन् ।

संसद भवन छाडेर घर पुगेपछि नेपाल प्रेससँग कुरा गर्दै रावलले भने- हामी संसद जोगाउनका लागि उभिएका हौं । तर हिजो प्रतिगमनलाई साथ दिएकाहरु आज केपी ओली सत्ताबाट बाहिरिए लगत्तै फेरि सत्ताकै लागि देउवातिर लागेका हुनाले हामी यस्तो अनैतिक र फोहोरी राजनीतिको हिस्सा बन्न चाहेनौं ।

रावलले महन्त ठाकुरले रोष्टममा उभिएर सरकारलाई विश्वासको मत दिने भनेपछि आफूहरु छलफल गरेर पक्ष विपक्ष कतै नउभिने निर्णय गरेको बताए । उनले माधव नेपालसहित अन्य सांसदहरु भने देउवालाई विश्वासको मत दिने पक्षमा दृढ रहेको जानकारी दिए ।

काठमाडौं । संसदीय दलको बैठकमा मुख्य नेता नजाने तर अरु सांसद जाने निर्णयप्रति एमालेको माधव नेपाल पक्षका सांसदहरू असन्तुष्ट बनेका छन् । उनीहरूले कुन मुख लिएर बालुवाटार जाने ? भन्दै नेताहरूसँग असहमति प्रकट गरेका छन् ।

दलको बैठक बहिष्कार गर्ने भनेर एकाएक केही सांसदलाई जाऊ भन्नु पराजित मानसिकता भएको भन्दै सांसदहरूले असन्तुष्टि जनाएका हुन् । उनीहरूले दलको बैठकमा भाग लिने हो भने झलनाथ खनाल, माधव नेपालसहित सबै नेताहरू जानुपर्ने बताएका छन् ।

मुख्य नेताबाहेक अरु सांसद दलको बैठकमा जाने निर्णयप्रति आफू सहमत नरहेको सांसद तथा केन्द्रीय सदस्य झपट रावलले बताए । नेपाल प्रेससँग कुरा गर्दै उनले हरेक सांसदको आफ्नो आत्मसम्मान हुने भन्दै पराजित मानसिकता बोकेर जानुको औचित्य नरहेको बताए ।

रावलले भने, ‘हामीले व्यक्ति केपी ओलीको विरोध गरेको होइन । पद्धति र प्रवृत्तिको सन्दर्भमा लडेको हो भने पराजित मानसिकता किन ? मुख्य नेताहरू जानुहुन्छ भने म पनि जान्छु नत्र जान्न भन्देको छु ।’

अन्य सांसदहरुले पनि नेताहरूलाई भेटेर र फोनमा समेत असन्तुष्टि जनाएका छन् ।

समानुपातिकतर्फका सांसदहरू भने बैठकमा भाग लिन बालुवाटार पुगेका छन् । केही प्रत्यक्ष निर्वाचित सांसदहरू पनि गएका छन् ।