काठमाडौं । निर्वाचन आयोगले जनता समाजवादी पार्टी विवादमा फैसला गर्दै आधिकारिकता उपेन्द्र यादव पक्षलाई दिने फैसला गरेको छ । ठाकुर पक्षले नयाँ दल दर्ता गर्न आएमा छुट्टै राजनीतिक दलका रुपमा मान्यता दिने ठहर गरेको छ ।
तर, उपेन्द्र यादव पक्षमा नरहेका सांसदले जसपा छाडेमा उनीहरुलाई कारबाही गर्न राजनीतिक दल सम्बन्धी ऐन आकिर्षत हुने, नहुने बारे भने फैसला मौन छ । आयोगले अन्य कुरामा आफूहरुको धेरै भूमिका नहुने उल्लेख गरेको छ।
काठमाडौं । निर्वाचन आयोगले उपेन्द्र यादव पक्षलाई जसपाको आधिकारिकता प्रदान गरेको छ।
निर्वाचन आयोगका प्रवक्ता राजकुमार श्रेष्ठले जसपाको यादव पक्षमा बहुमत देखिएकाले इजलासले उक्त पक्षलाई आधिकारिकता दिने फैसला गरेको जानकारी दिए ।
उनले भने, ‘बहुमत सदस्यहरुको समर्थन रहेको उपेन्द्र यादव समूहले आधिकारिकता पाएको छ, आजको इजलासले यही निर्णय गरेको छ।’ श्रेष्ठले ५१ जनाको केन्द्रीय कार्यकारणी सदस्यहरुमध्य ३४ जनाले यादवको पक्षमा र १६ जनाले महन्थ ठाकुरको पक्षमा सनाखत दिएको बताए । १ जना टस्थ बसेको बताए।
जसपा आधिकारिकता विवाद निरुपणको लागि निर्वाचन आयोगले एकीकरणकै बेलाको कार्यकारिणी समितिमा रहेका ५१ जनालाई प्रत्यक्ष उपस्थित गराई सनाखत गरेको थियो ।
नयाँ दल गठनका लागि ठाकुर पक्षलाई अबसर भएको र बाँकी कुरामा आयोगको कुनै भूमिका नहुने उनले बताए।
काठमाडौं । निर्वाचन आयोगले उपेन्द्र यादव पक्षलाई जसपाको आधिकारिकता प्रदान गरेको छ । जसपाका नेता रामनरेश राय यादवले आयोगले आफूहरूलाई आधिकारिकता दिएको बताए ।
जसपा आधिकारिकता विवाद निरुपणको लागि निर्वाचन आयोगले एकीकरणकै बेलाको कार्यकारिणी समितिमा रहेका ५१ जनालाई प्रत्यक्ष उपस्थित गराई सनाखत गरेको थियो ।