Tag: चोरी

काठमाडौं । ट्याक्सी चढेर राति विभिन्न स्थानबाट तामा चोरी गर्ने एक भारतीय नागरिकसहित ६ जना पक्राउ परेका छन् ।

पक्राउ पर्नेमा भारत मोतिहारी सुगौली थाना छाप्राबास घर भइ टेकु बस्ने ५३ वर्षीय सत्रुधन प्रसाद जैसवाल, सिन्धुपाल्चोक लिसंखू गाउँपालिका- ८ घर भइ काठमाडौं टोखा बस्ने ३१ वर्षीय रोशन उप्रेती, सर्लाही वरहथवा नगरपालिका- ७ घर भइ टोखा बस्ने ३३ वर्षीय राम पुनित महतो, नुवाकोट लिखु गाउँपालिका-८ घर भइ गंगवु बस्ने ३६ वर्षीय राम बाघदास, सर्लाही बरहथवा नगरपालिका-७ घर भइ टोखा बस्ने ३२ वर्षीय राजु गुप्ता भन्ने राम बिश्वास महतो र सोही ठाउँका २६ वर्षीय अशोक कुमार महतो रहेको प्रहरीले जनाएको छ ।

मंसिर ११ गते राति साढे १२ देखि २ बजेसम्म चन्द्रागिरी नगरपालिका- ३ थानकोटस्थित विशाल प्लाष्टोक्याव कम्पनीको थानकोटस्थित कारखाना चोरी गर्ने टोलीलाई चोरी गरिएका सामाग्री बिक्री गर्ने गरेको सूचनाको आधारमा पक्राउ गरिएको प्रहरीले जनाएको छ ।

पाइप बनाउन प्रयोग हुने तामा र पित्तलबाट बनेको ६ थान साइजर र तामाको पावर केबल तारसमेत गरी १८ लाख ७६ हजार ४ सय मुल्यको समान कवाड पसल सञ्चालक सत्रुघन प्रसाद जैसवाललाई बिक्री गरेका थिए । प्रहरीले चोरीका सामान खरिद गर्ने जैसवाल समेतलाई
काठमाडौं महानगरपालिका- १० बुद्धनगरबाट पक्राउ गरी अनुसन्धान थालेको छ ।

उनीहरुले रातको समयमा टोलीनै भएर ट्याक्सी प्रयोग गरी लामो समयदेखि चोरी गर्ने गरेको प्रहरीको अनुसन्धानमा खुलेको जनाएको छ ।

काठमाडौं । ट्राफिक प्रहरीले मोटरसाइकल चोरी गर्ने एक जनालाई पक्राउ गरेको छ ।

महानगरीय ट्राफिक प्रहरी महाशाखाबाट सादा पोशाकमा खटिएको प्रहरी टोलीले शङ्खरापुर नगरपालिका-६ साँखुबाट नम्बर परिर्वतन गरेको बा९५प ७९७६ नम्बरको पल्सर मोटरसाइकलसहित सिन्धुपाल्चोकका श्रीजर सेन्चुरीलाई शुक्रबार पक्राउ गरेको हो ।

महाशाखाका प्रमुख, प्रहरी वरिष्ठ उपरीक्षक जनक भट्टराईले कोटेश्वरको भाटभटेनीबाट पुस १४ मा हराएको मोटरसाइकल नम्बर परिवर्तन गरी साँखुमा चलाइरहेको अवस्थामा पक्राउ गरिएको जानकारी दिए।

उक्त मोटरसाइकल ललितपुरका सुजित महर्जनको भएको र उक्त मोटरसाइकलको वास्तविक नम्बर बा९१प १२२१ भएको महाशाखाले जनाएको छ । मोबाइलका धनी महर्जनले दिएको निवेदनका आधारमा महाशाखाले उक्त मोटरसाइकल चोरीमा संलग्न व्यक्तिलाई पक्राउ गरेको हो ।

पक्राउ गरिएको व्यक्ति र मोटरसाइकलबारे थप अनुसन्धान तथा कारवाहीका लागि महानगरीय प्रहरी वृत्त बानेश्वर पठाइएको महाशाखा प्रमुख भट्टराईले बताए।

पछिल्लो समय उपत्यकाको विभिन्न स्थानबाट चोरी भई हराएका मोटरसाइकल र चोरी गर्ने कार्यमा संलग्न व्यक्तिको सूचना संकलन एवं निगरानी राखी विशेष कारबाही अभियान चलाएको महाशाखाले जनाएको छ ।

रासस

बाजुरा । बाजुराको गौमुल गाउँपालिका १ पोखरास्थित नेपाल टेलिकमको टावरबाट करिब ५२ किलोग्राम
तौल भएको तामाको तार चोरी भएको छ ।

चोरीमा संलग्न रहेको अभियोगमा आछाम, सांफे नगरपालिका -१३ बस्ने ३० वर्षीय सुरेन्द्र बाब्ली र बाजुरा बुढिगंगा नगरपालिका-६
फालसैनस्थित ग्रिल उद्योगमा काम गर्ने भारत पिलिभित मैनाली घर भएका १९ वर्षीय तटसिर रजरनलाई बुधबार दिउँसो प्रहरीले पक्राउ गरेको छ ।

त्रिवेणी नगरपालिका- ३ स्थित नेपाल टेलिकमको टावरमा रहेको तामाको तार काटेर चोरी गर्दै गरेको अवस्थामा प्रहरी चौकी मौरेबाट खटिएको प्रहरीले सुरेन्द्र बाब्लीलाई पक्राउ गरेको हो ।

थप अनुसन्धान गर्ने क्रममा उनले  लिकमको टावरमा रहेको तामाको तार चोरी गरी तटसिर रजरनलाई बिक्री गरेको गर्ने गरेको खुल्न आएको छ ।

प्रहरीले तटसिर समेतलाई प्रहरीले पक्राउ गरेको हो । साथै तटसिरको डेराबाट चोरी भएको तामाको तार समेत प्रहरीले बरामद गरेको छ ।
यस सम्बन्धमा प्रहरीले आवश्यक अनुसन्धान गरिरहेको छ ।

काठमाडौं । काठमाडौंको शंखमुलस्थित संसार सहकारीबाट रकम चोरी भएको छ ।

काठमाडौं महानगरपालिका- १० शंखमुलस्थित  सहकारीबाट नगद २ लाख २४ हजार रुपैयाँ मंगलबार राति चोरी भएको हो ।

चोरीमा संलग्न व्यक्तिहरुको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ ।

सुर्खेत । कर्णाली प्रदेशको राजधानी वीरेन्द्रनगरमा दैनिक चोरीका घटना बढेपनि नियन्त्रण गर्न प्रहरी असफल भएको गुनासो बढ्न थालेको छ ।

गएराति वीरेन्द्रनगरको मुटुमा रहेको बुद्धपथमा ट्रष्ट एजुकेशन सेन्टरमा चोरी भयो । हरि कंडेलले सञ्चालन गरेको उक्त इन्ष्टिच्यूट नगर प्रहरी कार्यालयको करिब ५ सय मिटर दूरीमा छ । कंडेलको इन्ष्टिच्यूटबाट चोरले दुईवटा ल्यापटप, ५० हजारभन्दा बढी रकम र कागजात लगेका छन् । ‘बजारमा राखिएको सीसी क्यामेरा नै विग्रिएको थियो । प्रहरीमा निवेदन भने दिएको छु ।’बुद्धपथमा नै रहेको एक कुरियर सर्भिसको पसलमा पनि चोरी भएको छ ।

एक महिनाअघि वीरेन्द्रनगर-७ इत्रामको भानुचोकमा प्रदेश सभा सदस्य कौशिल्यावती खत्री बस्ने कोठामा दराज फोडेर सामान बेवारिसे पारेको अवस्थामा खत्रीले भेटिन् । ‘मेरो कोठाको निरीक्षण गर्न प्रहरी डिआइजीसमेत आएका थिए । अहिलेसम्म चोर पत्ता लागेको छैन’, उनले भनिन् ।

२ महिनाअघि पनि अर्का प्रदेश सभा सदस्य एवम् विधायन समितिका अध्यक्ष दानसिंह परियारको कोठाबाट ल्यापटप, कागजात, केही नगद, भाँडाकुँडा, कपडा गरेर ६ लाखको भन्दा बढी चोरी भएको थियो । ‘कम्तीमा बजारमा भइरहेको चोरी आतंकलाई प्रहरीले निस्तेज पार्न पहल गर्नुपर्थ्यो ’, परियारले भने ।

वीरेन्द्रनगर ६ कै शनिहल लाईनमा तीन महिनाअघि एउटा किराना पसलमा एक लाखभन्दा बढी नगद, तेल तथा अन्य सामानहरू चोरी भयो ।

‘प्रहरी कार्यालयकै नजिक भइरहेका चोरी नियन्त्रण तथा चोर पक्राउमा प्रहरी पूर्ण असफल भएको छ’, वीरेन्द्रनगर नगरपालिका- ६ की रीता शाही भन्छिन् ।

जिल्ला प्रहरी कार्यालय सुर्खेतले तीन दिनअघि उपलब्ध गराएको विवरण अनुसार गत साउनयता १६ वटा चोरीका मुद्दा दर्ता भएका छन् ।

जिल्ला प्रहरी कार्यालय सुर्खेतका प्रहरी नायव उपरीक्षक रामप्रसाद घर्तीका अनुसार आर्थिक वर्ष २०७४/७५ मा ६ वटा मात्रै चोरीका घटना भएको थियो । यस्तै आर्थिक वर्ष २०७५/७६ मा ४७ र २०७६/७७ मा ३३ घटना भएको थियो ।

डीएसपी घर्तीले दर्ता भएका चोरीका मुद्दाको मात्र जानकारी दिए । पत्रकार परेका चोरको संख्याबारे उल्लेख गरेनन् ।

प्रदेश प्रहरी कार्यालय सुर्खेतका प्रहरी उपरीक्षक एवम् सूचना अधिकारी माधवप्रसाद श्रेष्ठले चोरी नियन्त्रण गर्न जिल्ला प्रहरीमा निर्देशन दिएको बताए । उनले भने, ‘यदि प्रहरीबाट कमजोरी भएको छ भने हामी कारबाही गर्छौं ।’

चोरी घटनामा तत्काल कारवाही गर्न समस्या हुने बताउँदै उनले भने, ‘सामानसहित पक्राउ पर्नेको संख्या कम हुने गर्छ । चोर भनेर सामानसहित फेला नपरेकालाई कारबाही गर्न मिल्दैन ।’