Tag: गणेश पंगेनी

रुपन्देही । एक साताअघि बुटवल उपमहानगरपालिकाका मेयर शिवराज सुवेदीलाई मुक्का प्रहार गरेर चर्चामा आएका बुटवल ३ का गणेश पंगेनी ५ हजार रुपैयाँ धरौटीमा रिहा भएका छन् ।

जिल्ला प्रशासन कार्यालय रुपन्देहीबाट उनी ५ हजार रुपैयाँ धरौटीमा रिहा भएका हुन् । सहायक प्रमुख जिल्ला अधिकारी तथा कार्यालयका प्रवक्ता विजयराज पौडेलले ईलाका प्रहरी कार्यालय बुटवलबाट पेश हुन आएको अमर्यादित व्यवहारको मुद्दा हेरेपछि प्रमुख जिल्ला अधिकारी ऋषिराम तिवारीले धरौटीमा छाडेको जानकारी दिए ।

पंगेनीले असाेज ४ गते बिहान बुटवल–३ ज्योतिनगरको पहिरो अवलोकनका गर्न गएको बेला मेयर सुवेदीमाथि दुव्र्यवहार गरेका थिए । प्रहरीले उनलाई सोही दिन साँझ पक्राउ गरी सार्वजनिक मुद्दाअन्तर्गत अदालतबाट ५ दिनको म्याद थप गरी अनुसन्धान गरेको थियो ।

मेयर सुवेदीलाइ दुव्र्यबहादर गर्ने पंगेनी बुटवलको ज्योतिनगरका पहिरोपीडित हुन् । मेयर सुवेदीले उनलाई थप कानुनी कारबाही अगाडि नबढाउन आव्हान गरेका थिए ।

रुपन्देही । बुटवल उपमहानगरपालिकाका प्रमुख शिवराज सुवेदीमाथि आक्रमण गर्ने बुटवल ३ का युवा गणेश पंगेनीविरुद्ध रुपन्देही प्रहरीले सार्वजनिक अपराधको मुद्दा चलाएको छ ।

प्रमुख सुवेदीमाथि हातपात गर्ने प्रगेनीलाई आज सार्वजनिक अपराधको मुद्दा दर्ता गरी थप अनुसन्धानका लागि म्याद थप गरिएको प्रहरीले जनाएको छ । सुवेदीले उनलाई कुनै कारबाही अगाडि नबढाउन सार्वजनिक अपील गरेका थिए ।

सोमबार बिहान बुटवल–३ ज्योतिनगरको पहिरो अवलोकन गर्ने क्रममा उपमहानगर प्रमुख सुवेदीलाई पंगेनीले एक्कासी आक्रमण प्रयास गरेका थिए । घटनाको चौतर्फी विरोध भएपछि प्रहरीले पंगेनीलाई पक्राउ गरेको थियो । उनलाई थप अनुसन्धानका लागि मंगलबार ५ दिनको म्याद थप गरिएको बुटवल इलाका प्रहरी कार्यालयका प्रमुख प्रहरी नायव उपरिक्षक मनोज कुँवरले जानकारी दिए ।

उपमहानगरका प्रमुख सुवेदीले आफूमाथि आक्रमण गर्ने युवालाई कुनै पनि मुद्दा नचलाउन र हिरासतमा नराख्नका लागि प्रहरीलाई आग्रह गरेपनि प्हरीले स्थलगत मुचुल्का र प्रतिवेदनका आधारमा मुद्दा चलाएको डीएसपी कुँवरले बताए ।

उपमहानगर प्रमुख सुबेदीले बाढी तथा पहिरो पीडितहरुको आक्रोशलाई स्वभाविक भएको बताउँदै आफ्नो कसैप्रति आग्रह–पूर्वाग्रह नरहेको उल्लेख गरेका थिए ।