काठमाडौं । कोरोनाभाइरस संक्रमण भइ नर्भिक अस्पतालमा उपचार गराइरहेका एमाले नेता झलनाथ खनाल र पूर्वरानी कोमल शाहको स्वास्थ्यमा सुधार आइरहेको अस्पतालले जनाएको छ ।
नर्भिकले मंगलबार विज्ञप्ती जारी गर्दै खनाललाई अक्सिजनमा राखेर उपचार गराइराखेको उल्लेख गरेको छ । खनालको अवस्था सुधारोन्मुख रहेको समेत जनाइएको छ ।
पूर्वरानीको स्वास्थ्यमा पनि लगातार सुधार आइरहेको अस्पतालले जनाएको छ । ११ दिनअघि नर्भिकमा भर्ना भएकी शाहलाई विहिबारदेखि प्लाज्मा थेरापीबाट उपचार गरिएको थियो ।
पूर्वराजा ज्ञानेन्द्र शाह र पूर्व अधिराजकुमार प्रेरणा शाहको स्वास्थ्य अवस्था भने सामान्य र स्थिर रहेको जनाइएको छ ।
